Kronikë e zezë

23 vjet burgim për personin që akuzohet për vrasjen e dy vëllezërve në mal

Published

5 years ago

February 16, 2021

Betim Gashi

Gjykata Themelore e Pejës e ka dënuar me 23 vjet burgim Binak Panxhën, i akuzuar për vrasjen e dy vëllezërve Arsim dhe Ramiz Berisha.

Sipas njoftimit të Themelores, i akuzuar me datë 21.07.2018, rreth orës 21:30 minuta, ne pyllin mbi fshat, i cili pyll është pronë e familjes së të pandehurit, për shkak të mosmarrëveshjeve të atëçastshme, për shkak të prerjeve të pyllit, me dashje ka privuar nga jeta tani të ndjerët, vëllezërit R.B dhe A.B, në atë mënyrë që tani të ndjerët R dhe A.B së bashku me shokun e tyre, dëshmitarin J.G, rreth orës 21:00, ishin nisur me dy qerre me kuaj në pyll për të prerë dru dhe pasi arrijnë në afërsi të pyllit, duke ditur se pylli është i huaji, pronë e të pandehurit, i lenë qerret me kuaj buzë rrugës dhe dëshmitari J.G së bashku me R.B hyjnë në pyll dhe pasi nuk vërejnë asgjë R i thotë J “shko merre kalin me qerre dhe A dhe të fillojmë me pre dru” dhe pasi J.G është nisur në drejtim të qerres dhe A pasi kishte kaluar 10 metra ka dëgjuar R duke biseduar me dikë e i cili i është drejtuar R me fjalët “ndal, ndal” dhe pastaj J vrapon në drejtim të A duke i thënë se dikush është në mal dhe A i thotë se “po, po e ndiej” dhe pastaj dëgjojnë kur R ju drejtohet me fjalët, “djema mos hajdeni se gjithçka është në rregull” dhe atëherë A ka bërtitur duke thënë, edhe pse nuk ka vërejtur askënd “kush hamami jeni ju”, dhe në atë moment i pandehuri B nga arma automatike e Ilojit të panjohur shkrep fillimisht tre fishek dhe A niset në drejtim të R dhe në këtë moment i pandehuri përsëri në rafal gjuan në drejtim të tyre, gjithsej 11 herë, duke privuar nga jeta tani të ndjerët A dhe R.B dhe pastaj trupat e tani të ndjerëve i largon nga pylli i tyre duke i tërhequr përafërsish 61 metra nga vendi i ngjarjes dhe i vendos në pjesën e cila nuk ka pronar.

“Të pandehurit gjykata i shqiptoj dënimin me burg në kohëzgjatje prej njëzetetre (23) vite, në të cilin dënim i llogaritet edhe koha e kaluar në paraburgim dhe arrest shtëpiak, e të cilin dënim me burg i pandehuri do ta vuaj pasi që aktgjykimi të bëhet i plotfuqishëm. I pandehuri u obligua që në emër të shpenzimeve të procedurës penale, gjykatës të ia paguajnë shumën prej njëqind (100) euro, në emër të shpenzimeve të paushallit gjyqësor, shumën prej njëqind (100) euro, si dhe në emër të taksës për kompensimin për viktimat e krimit shumën prej njëqind (100) euro, e të gjitha këto në afat prej pesëmbëdhjetë (15) ditësh pasi që aktgjykimi të bëhet i plotfuqishëm”, thuhet në njoftimin e Themelores./UBTNews

Vendi

Arrestohet një person në Isniq të Deçanit për armëmbajtje pa leje

Published

21 hours ago

April 22, 2026

UBTNews

Policia e Kosovës në Deçan ka arrestuar një burrë, i cili dyshohet se posedonte armëmbajtje pa leje të llojit AK-47 me 60 fishekë dhe një pistoletë me tetë fishekë.

Sipas raportit, armët dhe municioni u gjetën gjatë një kontrolli që u krye në shtëpinë e të dyshuarit në fshatin Isniq të Deçanit.

Ndërkaq, me vendim të prokurorit, i dyshuari pas intervistimit është dërguar në mbajtje.

Vendi

Gjashtë raste të dhunës në familje brenda një dite në Kosovë

Published

21 hours ago

April 22, 2026

UBTNews

Sipas raportit të fundit të Policisë së Kosovës, brenda një dite janë regjistruar gjashtë raste të dhunës në familje në rajone të ndryshme. Kryeqyteti prin me numrin më të madh të incidenteve, ku u raportuan tri raste të sulmeve, ndërsa situata të ngjashme janë shënuar edhe në Pejë, Gjakovë e Malishevë.

Në Prishtinë, policia ka ndërhyrë në tri incidente të ndara. Në rastin e parë, një grua ka raportuar se është sulmuar fizikisht nga një burrë, i cili pas intervistimit është liruar që rasti të vazhdojë në procedurë të rregullt.

Ngjashëm ka ndodhur edhe në incidentin e dytë në kryeqytet, ku viktima ka pranuar tretman mjekësor pas dhunës së ushtruar ndaj saj. Ndërkaq, në rastin e tretë, policia ka dërguar në mbajtje një burrë i cili dyshohet se nën ndikimin e alkoolit ka sulmuar fizikisht një grua.

Në Pejë, një grua ka kërkuar ndihmën e autoriteteve pas keqtrajtimit psiqik që ka pësuar nga një burrë. Edhe për këtë rast, prokurori ka vendosur që procedurat të vazhdojnë në rrugë të rregullt pas marrjes në pyetje të palëve.

Një situatë më specifike është raportuar në Malishevë, ku një grua dyshohet se është sulmuar fizikisht dhe psiqikisht nga tre persona – dy gra dhe një burrë. Viktima ka marrë ndihmë mjekësore, ndërsa të dyshuarit janë shoqëruar në stacionin policor për sqarimin e rrethanave të ngjarjes.

Ndërkohë, në Gjakovë është arrestuar një burrë i cili dyshohet se ka ushtruar dhunë të vazhdueshme psiqike ndaj familjarëve të tij. Për shkak të rrezikshmërisë dhe vazhdimësisë së veprës, me vendim të prokurorit, ai është dërguar direkt në mbajtje.

Vendi

Dy të arrestuar pas një therjeje me thikë në Prishtinë

Published

22 hours ago

April 22, 2026

UBTNews

Në raportin njëditor të Policisë së Kosovës, është raportuar një rast i veprës penale – Vrasje e rëndë në tentativë në Prishtinë.

Dy persona dyshohet se janë therur me thikë nga një person i panjohur.

Viktimat më pas janë dërguar për trajtim në QKUK, ndërsa lidhur me rastin në polici janë shoqëruar dy persona të cilët më pas janë dërguar në mbajtje.

“Viktimat janë trajtuar në QKUK. Lidhur me rastin me datë 21.04.2026, janë identifikuar dhe arrestuar dy të dyshuar meshkuj kosovarë. Me vendim të prokurorit, të dyshuarit pas intervistimit janë dërguar në mbajtje”, thuhet në raport.

Lajmet

Hidhet një granatë dore në një lokal në Fushë-Kosovë

Published

22 hours ago

April 22, 2026

UBTNews

Një granatë dore dyshohet se është hedhur në një lokal në Fushë-Kosovë nga një person i cili ndodhej në makinë, sipas raportit 24-orësh të Policisë së Kosovës.

Sipas raportit, nuk raportohet për të lënduar, përveç shkaktimit të dëmeve materiale.

Lidhur me rastin, njësitë përkatëse kanë dalë në vendin e ngjarjes për trajtim të rastit.

“Është raportuar se nga një veturë është hedhur një mjet shpërthyes (granatë dore) në drejtim të një lokali. Përveç dëmeve, nuk raportohet për ndonjë person të lënduar. Lidhur me rastin, njësitë përkatëse kanë dalë në vendin e ngjarjes për trajtim të rastit”, sipas raportit policor.