Shëndeti

20 minutat e parë vendimtare për ditë të suksesshme

Publikuar

Filloni një rutinë pozitive sapo të zgjoheni, dhe ju do të hyni në fuqinë e trurit tuaj të nën-ndërgjegjshëm.

Ju të gjithë e dini atë rutinën e mëngjesit: Të gjithë thonë se të zgjuarit herët dhe rutina do ju ndihmojë të përfundoni më shumë gjëra. Por pavarësisht se a zgjoheni në 5 në mëngjes apo në 3 pasdite, janë 20 minutat e parë të ditës tuaj të cilët ju përgatisin për sukses.

Truri prodhon struktura elektrike, shpesh të njohura si valë. Shkencëtarët kanë zbuluar një lidhje në mes të frekuencave të valëve të trurit dhe të gjendjes trupore. Kur zgjoheni, truri juaj funksionon rreth 10.5 valë për sekondë. Kjo përqindje nga tetë në 12 Hz, ose cikle për sekondë, është faza alfa. Quhet porta drejt mendjes së nën-ndërgjegjshme.

A keni kaluar ndonjëherë në gjendjen e ëndërrimit me sy hapur përderisa udhëtoni? Disa minuta kalojnë, por ju nuk e mbani në mend se çfarë ka ndodhur. Ka shumë gjasa që truri juaj të ketë hyrë në gjendjen alfa.

Pa hyrë shumë thellë në shkencën e aktivitetit të trurit, është e lehtë të themi se mendja juaj është më së shumti aktive kur zgjoheni. Ju mund të trajnoni trurin tuaj të përdorë këtë aktivitet të nën-ndërgjegjshëm për të menduar pozitivisht dhe të përmbushni më shumë gjatë ditës tuaj.

Kjo listë e shpejtë përmban gjashtë gjëra të thjeshta të cilat mund t’i bëni për të shfrytëzuar në maksimum këta 20 minuta të parë, transmeton Ekonomia Online.

Mos shtypni butonin “snooze”

Asnjëherë mos klikoni në “butonin e shtyrjes”. Kjo i tregon trurit tuaj se është në rregull të vonohet duke vënë gjithë ditën tuaj në pritje.

Rregulloni shtratin tuaj

Dhoma juaj do të duket më e pastër dhe më e organizuar, të dyjat të cilat përgatisin mendjen tuaj të dëshirojë të përfundojë gjërat, menjëherë. Është një fitore e vogël, por mund të mbështeteni në të përderisa dita juaj vazhdon.

Parashikoni jetën tuaj

Kjo me siguri është gjëja më e mirë të cilën mund t’a bëni gjatë gjendjes alfa. Parashikoni jetën tuaj. Si do të jetë brenda pesë vitesh, kur të arrini qëllimin e ndërtimit të biznesit tuaj? Po marrëdhëniet tuaja? Koncentrohuni se si do të jenë në të ardhmen dhe çfarë duhet të bëni për t’i realizuar ato. Hyni në mendjen tuaj të nën-ndërgjegjshme për ta kërkuar atë që dëshironi dhe pastaj bëni që truri juaj të përmbushë ato veprime.

Shikoni një video motivuese

Kur jeni në gjendje të mirë, as një ditë e vështirë nuk mund të ju mundë. Nëse jeni me të vërtetë të motivuar, e dini se do të arrini qëllimet tuaja, pavarësisht se çfarë ndodh.

Arritjet e mëdha nuk janë të lehta asnjëherë. Gjatë vitit të kaluar, kam gjetur inspirim në videot e shpejta të cilat më ndihmojnë të rifokusohem kur filloj të dërrmohem në mes të punës dhe studimeve. Pasi të përfundoni ushtrimin tuaj të parashikimit, shikoni një video e cila riforcon lidhjen në mes qëllimit dhe hapave të veprimit.

Përsërisni pohimet tuaja

Pohimet e thjeshta si “Do ta bëj këtë ditë ditën më të mirë të jetës time’’ mund të kenë ndikim të madh në jetën tuaj. Kjo pati sukses për Steve Jobs. Së pari, përpiloni një listë të pohimeve të cilat përshtaten me besimet dhe vlerat tuaja thelbësore. Përsërisni ato me zë të lartë çdo mëngjes.

Mbani ditar

Gjatë vitit të kaluar, unë me qëllim krijova disa shprehi për t’u bërë më i vëmendshëm. Mbajtja e një ditari qëndron në krye të listës të gjërave të cilat kanë ndikim në jetën time.

Ju mund të përdorni ditarin për të shkruar disa nga pohimet tuaja, të shpërndani mendimet pozitive dhe të planifikoni ditën tuaj përmes këtyre ‘’faqeve të mëngjesit’’. Kthjelloni mendjen tuaj nga çdo mendim i cili mund të ndërpresë fokusin tuaj. (Ahmed Safwan/Entrepreneur)

Vazhdo të lexosh

Shëndeti

Hurmat – fruti me vlera të larta ushqyese

Për shkak të vetive të tyre shumë të dobishme, vendet arabe çdo ditë i përdorin hurmat.

Publikuar

nga

Në të kaluarën ishin të njohura si “buka e shkretëtirës”. Tani është vërtetuar se hurmat njëjtë sikur bajamet dhe rrushi i thatë bëjnë pjesë në grupin e ushqimeve me vlera të shumta ushqyese.

Për shkak të vetive të tyre shumë të dobishme, vendet arabe çdo ditë i përdorin hurmat. Ato lehtë mblidhen, ruhen dhe transportohen, andaj edhe janë të disponueshme shumë lehtë në mbarë botën, ashtu edhe te ne.

Sheqerërat natyrale që përmbajnë në vete janë në formë të glukozës dhe fruktozës. Hurmat e thata të grira, të vendosura në ujë, i cili ka qëndruar gjatë tërë natës, paraqesin një ilaç shumë të mirë nëse dëshironi ta forconi zemrën dhe funksionet e saj vitale.

Hurmat gjithashtu janë një ilaç efektiv dhe shumë efikas kundër dhimbjes së kokës dhe kundër plakjes, shkruan femina.al. Ato i qetësojnë nervat dhe është e vërtetuar shkencërisht se për shkak të përmbajtjes së madhe të kalciumit, magnezit dhe fosforit mund të ndikojnë në mënyrë preventive kundër kancerit.

Hurmat e forcojnë trupin, zvogëlojnë kolesterolin në gjak, rregullojnë procesin e tretjes dhe e mbrojnë stomakun nga parazitët dhe bakteriet.

Megjithatë duhet të kemi kujdes në sasinë që konsumojmë, e veçanërisht nëse keni problem me peshën e shtuar, pasi që vetëm një hurmë përmban 20 kalori.

Vazhdo të lexosh

Lajmet

Studimi: Mbi 1 miliard njerëz në mbarë botën janë obezë

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat.

Publikuar

nga

Mbi 1 miliard njerëz në mbarë botën po jetojnë me obezitet, thotë studimi i publikuar në The Lancet. Në mesin e tyre janë 880 milionë të rritur dhe 159 milionë fëmijë, sipas të dhënave të vitit 2022.

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat, me rreth 70-80% të të rriturve që jetojnë me obezitet.

Nga rreth 190 vende, Britania e Madhe renditet në vendin e 55-të më të lartë për meshkujt dhe në vendin e 87-të për femrat.

Ekipi ndërkombëtar i shkencëtarëve thotë se ka nevojë urgjente për ndryshime të mëdha në mënyrën se si trajtohet obeziteti.

Obeziteti mund të rrisë rrezikun e zhvillimit të shumë gjendjeve serioze shëndetësore, përfshirë sëmundjet e zemrës, diabetin e tipit 2 dhe disa lloje kanceri./UBTNews/

Vazhdo të lexosh

Shëndeti

Shenjat që tregojnë se nuk konsumoni mjaftueshëm ujë

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Publikuar

nga

Më shumë se gjysma e popullsisë vuajnë nga dehidrimi, mirëpo shumica nuk e vërejnë këtë proces i cili ndodh në trupin e tyre.

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Shenjat e dehidrimit të nivelit të ulët dhe mesatarë janë si dëshira e shpeshtë për të pirë ujë, goja jonë zakonisht ndodhet në gjendje të thatë, lodhja, merakosja dhe hutimet e tepërta gjatë ditës, ngjyra e urinës është e verdhë e mbylltë, kokëdhimbja, marramendja, aroma e pakëndshme e gojës, dhimbje të muskujve etj.

Ndërsa shenjat e dehidrimit të nivelit të lartë janë si etja e tepërt për ujë, lëkura e thatë, marramendja e tepërt, nëse nuk djersiteni në temperaturë të lartë apo pas një aktiviteti etj.

Vazhdo të lexosh

Lajmet

Zakonet e shëndetshme që mbrojnë sistemin imunitar

Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Publikuar

nga

Zakonet e shëndetshme gjatë stinës së dimrit janë thelbësore për ruajtjen e shëndetit dhe mirëqenies. Aq shumë saqë mund të mbrojnë edhe nga ftohjet, gripi dhe ethet gjatë ndryshimit të stinëve. Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Përveç ushqimeve që hamë, ka edhe disa pengesa të tjera natyrore që i mbrojnë njerëzit. Ato përfshijnë barrierat fizike, si lëkura dhe trakti respirator, si dhe linja e dytë që janë enzima brenda traktit tretës.

Disa mënyra se si mund ta ndihmojmë sistemin imunitar përfshijnë;

Gjumi i mjaftueshëm

Gjumi është një shtyllë e dytë e shëndetit dhe shpesh neglizhohet në shoqërinë e sotme që ecën me ritme të shpejta. Shumë nuk gjejnë kohë për këto shtatë deri në tetë orë dhe përfundojnë duke ulur qelizat e tyre Vrasëse Natyrore (NK) që luftojnë citokinat inflamatore. Për ata që nuk kanë njohuri, këto citokina inflamatore nxisin disa probleme shëndetësore si artriti reumatoid si dhe sëmundja e Cohn.

Ngrënia e zarzavateve me gjethe

Zgjidhni zarzavatet me gjethe pasi janë të rëndësishme për ruajtjen e një ekuilibri të shëndetshëm të vitaminave dhe mineraleve të nevojshme për sistemin imunitar. Disa nga vitaminat më të rëndësishme për funksionimin e përditshëm përfshijnë vitaminën B12, si dhe kalciumin, hekurin, zinkun dhe madje edhe jodin.

Djersitni më shumë

Ushtrimi është po aq i rëndësishëm në ruajtjen e shëndetit të mirë të sistemit imunitar, sepse qelizat T vrasëse përmirësohen me çdo rutinë ushtrimesh sipas gjetjeve të reja. Megjithatë, është e rëndësishme që të përfshihen vetëm nivele të moderuara të stërvitjes, dhe çdo gjë më shumë se 90 minuta, mund të ndikojë në mënyrë të kundërt tek imuniteti.

Mbani një peshë të shëndetshme

Është e rëndësishme të ruani një peshë të shëndetshme që është optimale për gjatësinë e çdo personi. Në rastet kur pesha luhatet në ekstrem, funksioni imunitar gjithashtu mund të ulet.

Mospirja e duhanit

Pirja e duhanit është një nga vrasësit më të heshtur, ndërton mukozë brenda rrugëve të frymëmarrjes dhe madje u ofron baktereve një terren të favorshëm për infeksionet e sipërme të frymëmarrjes.

Vazhdo të lexosh

Të kërkuara