

Kuriozitete
20 mënyra si të filloni letrën motivuese
Shmangni hyrjen e tepruar dhe jini të sjellshëm.
Published
3 years agoon
By
UBT newsËshtë i habitshëm numri i punëkërkuese që thonë “E urrej të shkruaj letër motivuese”. Ky dokument aplikimi shpesh shihet si i mërzitshëm dhe dëshira për ta shkruar është pothuajse zero. Mungesa e motivit për ta shkruar bën që si përfundim punëkërkuesit ta kenë në dorë një letër me të cilën nuk krenohen aspak e kjo bën që dëshira të ulet edhe më shumë.
Shumë kompani kanë filluar të mos e kërkojnë më letrën motivuese, por ka ende prej tyre që e kërkojnë, prandaj ne si Akademi Pune, jemi ende ndihma juaj, sepse ka ende forma me të cilat mund ta filloni letrën motivuese, t’i bini në sy punëdhënësit, por edhe të mos mërziteni gjatë atyre minutave.
Disa këshilla hyrëse
Shmangni hyrjen e tepruar: Rekrutuesit janë ngopur me letrat motivuese që fillojnë me fjalitë si “Jam i emocionuar të aplikoj për pozitën…” ose “postimi juaj në… më shtyu që… “.
Jini të gjallë, por të sjellshëm: Sikur ta dini punëkërkuesit se sa ju pëlqen njerëzve të lexojnë gjëra interesante dhe që i bëjnë të buzëqeshin, nuk do t’i përdornin më shabllonet e mërzitshme.
Tregoni çka do t’i sillni kompanisë: Mos e krijoni më përshtypjen, që sapo ta hapë punëdhënësi letrën të thotë “Kjo punë do t’i ndihmonte”, por “Ky person do të bëjë diçka ndryshe”.
Mos u shpërndani: Pavarësisht që dëshironi të bini në sy, paragrafi hyrës duhet të lidhet me punën. Mos filloni duke treguar ndonjë ngjarje që nuk ka të bëjë fare me atë që jeni duke kërkuar.
Mos e përdorni fjalinë: “Atij që po i drejtohem”!
Tashmë që i keni disa këshilla të shpejta se çfarë bëni e çfarë jo, është koha për disa këshilla më të detajuara e pse jo edhe disa shembuj që do t’jua qartësojnë edhe më tutje.
Filloni me pasion
Punëdhënësit janë në kërkim të atyre që e duan punën. Nëse e filloni letrën duke i treguar pasionet tuaja, por gjithnjë duke i lidhur ato me punën, po ia bëni me dije atij që do të jeni punonjës i angazhuar dhe i motivuar për të qenë në hap të punës me të. Thjesht jini të sinqertë dhe realistë!
“U kam dhënë miqve dhe familjarëve këshilla për dukjen që kur kam qenë fëmijë, prandaj vendosa që ka ardhur koha të paguhem për këtë. Kjo është arsyeja pse nuk mund të besoja kur e gjeta një pozitë të hapur në kompaninë tuaj.”
“3 vjet kam provuar role të ndryshme në disa kompani vendore, pas 3 vjetësh më në fund “rash në dashuri në shikim të parë” me pozitën që e kishit hapur. Kjo nuk është vetëm një mundësi për ta bërë punën që dua, por edhe për t’i siguruar prindërit që më në fund kam një punë të vërtetë. Pra, jam bindur me faktin se jam i lumtur të bëj dy gjëra: të shkruaj përmbajtje të mrekullueshme dhe t’ia tregoj atë botës.”
“Jam person që i kontrolloj vazhdimisht burimet e mia në LinkedIn, Facebook, Twitter dhe Instagram. Jam dikush i cili beson me gjithë zemër në fuqinë e ndarjes së ideve në hapësirat e përbashkëta online dhe jam pozitiv që mund të ndihmoj në ndezjen e bisedave kuptimplote si asistenti juaj në rrjetet sociale.”
“Kur isha 6 vjeçe, një herë hoqa dorë nga pushimi me familjen për ta transportuar një zog të plagosur që e gjeta pranë hotelit ku po qëndronim. Kur u rrita e kuptova që mund të kujdesesha për njerëzit dhe kafshët, dhe që atëherë kam punuar drejt këtij qëllimi.”
“Dikur doja të isha dikush i cili i bën njerëzit të qeshnin, fatmirësisht qëllimet e mia janë bërë më aspiruese, por ende më pëlqen t’i tërheq turmat dhe t’i argëtoj masat, diçka që përputhet plotësisht me pozitën e hapur në kompaninë tuaj.“
Filloni me admirim
Cila kompani do ta pranonte një punonjës, i cili dikur i ka kritikuar dhe ende sot nuk i janë çrrënjosur disa mendime? Ata e duan pikërisht të kundërtën.
“Dikur sapo shihja një hapësirë të lirë, menjëherë në mendjen time, vini mendimet se si do ta ndërroja të gjithë hapësirën sipas mënyrës sime. Pas kësaj, aplikova në fakultetin për arkitekturë dhe dizajn, me anë të të cilit fitova shumë mundësi për ta përjetuar ambientin e punës. Por, absolutisht asnjë deri më tani nuk ma ka ndezur imagjinatën sa ëndrra për të punuar në kompaninë tuaj.”
“Vetëm një orë kishte mbetur nga ardhja e mysafirëve në festën tonë të madhe të familjes, kur e kuptova që e kisha harruar verën e parë. Në këtë moment krejt çfarë më shkoi në mendje ishte të kërkoja për shërbime të dërgesave, të cilat nuk ishin të shpeshta. Që atëherë e kuptova se sa e rëndësishme ishte kjo pjesë, prandaj e shoh edhe sa e rëndësishme është bëhem pjesë e kompanisë tuaj, e cila e ofron edhe këtë pjesë.”
“T’ju them të drejtën, mezi kam pritur të fitojë mjaftueshëm përvojë sa të mund të aplikojë në ndonjë pozitë në kompaninë tuaj. Kur më në fund e pash që “treni ishte nisur” i thash që nuk ishte më e nevojshme ta lija të largohem. Besoj që ai tren ishte i imi.”
“Kam vite të tëra që i përdori syzet tuaja. Pa e përmendur cilësinë e mrekullueshme të produkteve që keni, gjithmonë më ka mrekulluar se si kompania i trajton klientet. Është nder i madh të punosh në një kompani të tillë. “
“Kompani juaj po merr hov të madh. Reklama e fundit me një person aq frymëzues për gjenerata të tëra, është thjesht e pabesueshme! Kush nuk do të dëshironte të kontribuonte për një vend si ky?”
Filloni me arritjet
Një mënyrë tjetër për t’u dalluar është të nënvizoni diçka për veten, një tipar karakteri, një arritje, apo ndonjë aftësi mbresëlënëse.
“Shefi im i fundit më pati thënë njëherë që mënyra se si flisja në telefon mund ta qetësonte edhe një situatë të pengjeve ndërkombëtare. Gjithmonë kam pasur aftësi për të komunikuar, si në situata të thjeshta ashtu edhe në ato të vështira, prandaj do të doja ta sillja këtë aftësi edhe në zyrat tuaja.”
“Nëse jeni duke kërkuar dikë i cili është i gatshëm t’i ndjek urdhrat dhe i pëlqen të bëjë çfarë të thonë të gjithë, mbase nuk jam personi i duhur, por nëse keni nevojë për dikë i cili është i gatshëm të gërmojë të dhëna, të shohë se çfarë funksionin e çfarë jo, atëherë le të flasim.”
‘”Kam dëgjuar që së shpejti do të punoni në një projekt, i cili të them të drejtën më la gojë hapur. Nuk doja thjesht të rrija e të qëndroja pa bërë gjë, dua t’i huazoj aftësitë e mia inxhinierike në këtë projekt.”
“Më shumë gjasë e keni parë CV-në time dhe tashmë po e pyesni veten çfarë po bën një person me 15 vjet përvojë në kontabilitet duke aplikuar në një rol në një startup ushqimi. E pranoj, ndryshimi është pakëz i çuditshëm, por e di që jeni duke kërkuar dikë që ka njohuri për ushqim edhe është ekspert financiar. Dhe unë jam ky person.”
“Gjatë 10 viteve të fundit, e kam ndërtuar karrierën time mbi një parim të thjeshtë: Puno me zgjuarsi! Unë jam personi që kërkon procedura joefikase, gjen mënyra për t’i përmirësuar ato dhe vazhdimisht përpiqet të rrisë produktivitetin e të gjithëve rreth meje. Është pikërisht kjo që më ka fituar tre promovime në departamentin e zinxhirit të furnizimit në kompaninë time aktuale, dhe është ajo që di se mund ta bëj si analist i ri i operacioneve për kompaninë tuaj.”
Filloni me humor dhe kreativitet
“A ju ka ndodhur që nëna juaj t’ju thërrasë pas çdo vakti ushqimor për t’ju pyetur se si po shkon kërkimi juaj për punë dhe më pas të dukeni sikur nuk po bëni asgjë, sepse që nga hera e fundit nuk ka asnjë përparim? Kjo është jeta ime për momentin. Por, shpresoj që së shpejti jeta ime do të jetë brenda kompanisë tuaj si menaxher i rrjeteve sociale. Më besoni që, nuk më duhet një nënë mikromenaxhuese për të pasur sukses në punë, unë mund të jem edhe i vetëmotivuar.”
“Faleminderit shumë që po ma ofroni pozitën e menaxherit të marketingut në kompaninë tuaj! Në rregull, e di që nuk kemi ardhur ende te kjo pjesë, por nëse do të vinim, po i tregoj më poshtë se çfarë do të bëja në këtë pozitë.”
“Nuk do ta besoj asnjëherë që hapja aksidentale e reklamës suaj për shpallje të punës, do të më bënte të takohesha me punën e ëndrrave, por falë këtij aksidenti jeta ime do të mund të më ndryshojë.”
“Nëse do të ma kërkonit ti thoja dy të vërteta dhe një gënjeshtër, do të thotë: “I kam tejkaluar kuotat e mia të shitjeve më të paktën 20% çdo tre-mujor këtë vit, një herë kam fituar një garë të vrapimit brenda qytetit dhe në fund kam një punë të mrekullueshme në kompaninë X (kompania për të cilën e keni drejtuar letrën motivuese). Sigurisht e fundit është gënjeshtra, tani për tani.” /Akademi Pune
You may like
Kuriozitete
Ja sa kushton parfumi më i shtrenjtë në botë
Published
4 days agoon
July 23, 2025By
UBT News
Nuk do ta kishim problem të paguanim kaq shumë për një parfum që funksionon 60% të rasteve që e hedhim, por për Clive Christian Imperial Majesty No.1, do të ishte e vështirë.
Shtëpia e Clive Christian e parfumeve për 150 vitet e fundit ka furnizuar familjen mbretërore britanike me produkte bukurie. Tradita që filloi me mbretëreshën Viktoria vazhdon edhe sot e kësaj dite dhe nuk është rastësi që simbole të ndryshme të monarkisë zbukurojnë shishet e çmuara të shtëpisë.
Shtëpia vendosi të hedhë në treg, një parfum që do të kalojë në çmim çdo gjë tjetër në treg. Imperial Majesty është një edicion special i Nr.1, roma kryesore e gamës, e cila është e disponueshme në një shishe gjysmë litri.
Vetë shishja është prej kristali Baccarat, qafa e shishes është prej ari 18 karatësh dhe në vend të tapës ka një diamant 5 karatësh.
Prodhimi i tij është kufizuar në 10 shishe dhe 5 ose 7 prej tyre janë dorëzuar te pronarët e tyre me fat. Për dërgesën është kujdesur vetë shtëpia e Clive Christian pasi transportohet me një Bentley që kushton pak më pak se parfumi dhe dërgohet privatisht.
Pjesa tjetër e shisheve janë në dispozicion të shtëpisë dhe po vizitojnë butikët Clive Christian anembanë botës si pjesë e programit “eat fish eyes”.
Nëse vërtet dëshironi ta nuhasni, por mund të merrni me 400,000 euro diçka po aq të çmuar.
Kuriozitete
Kompania kineze, rekord të ardhurash nga “Labubu”
Published
6 days agoon
July 21, 2025By
UBT News
Kukullat e famshme Labubu po i sjellin një pasuri të madhe krijueses së tyre, kompanisë kineze të lodrave Pop Mart. Për gjysmën e parë të këtij viti, fitimet e kompanisë janë rritur me 350%, ndërsa të ardhurat janë më shumë se trefishuar.
Kukullat, që shiten për 10 deri 15 dollarë, janë bërë të famshme jo vetëm për pamjen e tyre me tipare të mprehta që krijojnë përshtypjen e magjistarëve, por edhe për strategjinë e suksesshme të Pop Mart, e cila ka lidhur partneritete me yjet e showbizit si: Rihanna, Dua Lipa, Kim Kardashian, që shfaqen në rrjetet sociale duke i mbajtur ato si aksesorë.
Një tjetër faktor i rritjes së menjëhershme të popullaritetit është shitja përmes kutive-surprizë, ku blerësit nuk e dinë se çfarë kukulle do të marrin derisa hapin kutinë. Kjo strategji i ka kthyer kukullat në një trend masiv, sidomos në SHBA, ku shitjet janë rritur me 5,000%.
Një kukull Labubu në përmasa njerëzore u shit për 150,000 dollarë në një ankand në Pekin. Fenomeni ka nxitur edhe një treg të zi, ku vetëm në qershor janë sekuestruar mbi 46,000 kopje të falsifikuara.
Kuriozitete
Si të largoni insektet dhe fluturat nëpër ushqim?
Published
6 days agoon
July 21, 2025By
UBT News
Një nga problemet më të mëdha janë fluturat e ushqimit që pushtojnë çdo cep të dollapëve dhe rafteve të mbushura me ushqime.
Këto flutura fshihen lehtë nëse futen në kutitë ose qeset jo të mbyllura mirë të ushqimeve, një e tillë jeton nga 30 deri 300 ditë, prandaj dhe t’i largosh këto flutura të bezdisshme duket se kërkon shumë mund.
Si të pastrosh kuzhinën nga fluturat e ushqimit?
Këto insekte duhen identifikuar përpara se të eliminohen, fluturat e ushqimit kanë ngjyrë kafe ndërsa larvat ngjajnë si krimba të bardhë që gjenden kryesisht në ushqimet e thata. Fluturat e mëdha thurin rrjeta të imëta nëpër cepat e dollapëve ose të kutive të ushqimeve.
Hapi i dytë është që të hiqni çdo produkt ushqimor nga dollapët dhe t’i kontrolloni një nga një, e rëndësishme është të gjeni burimin që ushqen këto flutura dhe më pas ta hidhni në plehra. Çdo ushqim që ka gjurmën më të vogël të fluturave duhet hedhur menjëherë.
Ushqimet e paketuara duhen futur në frigorifer për disa ditë, ato që i kanë shpëtuar infektimit duhen ruajtur në qese apo enë qelqi të mbyllura mirë.
Pastërtia e dollapëve të ushqimeve
Duhet të lani çdo sipërfaqe me ujë të nxehtë me sapun, sigurohuni të fërkoni mirë çdo cep të dollapëve ku mund të jenë fshehur larvat.
Pastroni me uthull, në po të njëjtën mënyrë duhet të pastroni çdo enë që përdorni për të ruajtur ushqimet. Thani mirë para se t’i mbushni sërish.
Kurthet e duhura për fluturat
Nëpër dyqane mund të blini letra ngjitëse që shërbejnë si kurth për fluturat e ushqimeve, mbani në dollapë e ndërroni deri të mos ketë flutura për t’u ngjitur.
Masa parandaluese
Një tjetër këshillë, të merrni tufë me gjethe dafine e ta vendoseni në dollapët e ushqimeve. Sa herë që të jetë e mundur drithërat dhe miellin mbajini në frigorifer për disa ditë përpara se t’i vendosni nëpër dollapë.
Kuriozitete
Si ta ndalni të ngrënët nga stresi? Ndryshoni këtë zakon!
Published
6 days agoon
July 21, 2025By
UBT News
A e gjeni veten duke ngrënë nga nervoza dhe stresi? Këtë zakon mund ta ndërprisni me këto këshilla për ushqim të shëndetshëm.
Ju ndodh që pas një dite stresuese të keni dëshirë për çokollatë? Apo të “sulmoni” një qese me çips?
Nuk jeni të vetmit! Ngjarjet stresuese aktivizojnë reagime në trup që lidhin metabolizmin me ndjenjën e shpërblimit dhe ngushëllimit.
I pari që “dëmtohet” është beli, apo jo? Stresi kronik zgjon oreksin dhe çon në të ngrënë emocional. Këtu ka arsye si psikologjike, ashtu dhe fiziologjike. Kur niveli i kortizolit, hormonit të stresit, është i lartë për një kohë të gjatë, sjell oreks të shtuar, rritje të peshës trupore dhe grumbullim të yndyrës në shtresa.
Hulumtuesit e Fakultetit të Mjekësisë Johns Hopkins konfirmojnë se rreziku më i madh për të ngrënë është pasdite dhe në mbrëmje.
Prandaj është me rëndësi që ata që janë të prirë ndaj zakonit, të kenë të planifikuar e përgatitur vakt të lehtë, të përbërë nga ushqime të shëndetshme.
Përndryshe, tundimi do t’ju çojë te ushqimet “e shpejta”. Nëse jeni adhurues të të ëmblave, kombinoni një mollë me fruta të thata, gjë që do t’ju ngopë dhe do t’ju sigurojë lëndët ushqyese të nevojshme. Nëse preferoni të kripurat, sigurohuni që gjithmonë të keni humus dhe biskota të kripura, si dhe vezë të ziera fort.
Kur hani, lini anash gjithçka tjetër. Mos u merrni me televizor apo lexime në telefon. Përqendrohuni vetëm tek ushqimi dhe hani ngadalë.
Kontrolloni porcionet tuaja. Asnjëherë mos nxirrni një tas të mbushur me arra në tavolinë. Ndani vetëm porcionin ditor, pjesën tjetër ruani në vend të freskët.

Izraeli njofton ndërprerjen e luftimeve në disa pjesë të Gazës, ndërsa agjencitë kritikojnë dërgesat e ndihmave nga ajri

DW: Kosova hyn në paqartësi juridike për institucionet

Rritje alarmante e zjarreve: Mbi 1,300 intervenime vetëm këtë vit

Dështimi i 53-të, deputetët mblidhen sonte prapë në orën 22:00

Zemaj: Nuk pres të ketë diçka as pas dy javësh

Limaj: S’po shoh ndonjë mundësi për ndryshim sot

Murati: Nuk është problem që të sigurohen votat për të tejkaluar këtë ngërç

Bogujevci: Presim që deputetët do të votojnë

Temperaturat e larta, Kuvendi nuk i lë mediat te hyrja kryesore
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit