18-vjeçarja e cila krijon modele flokësh unike

Pasioni i saj për gërsheta ka nisur që në fëmijërinë e hershme.

Published

4 years ago

December 4, 2021

UBT news

Pavarësisht nëse është një model flokësh i thjeshtë apo më i veçantë, të gjithë ne do të dëshironim një stil që do të na bëjë të ndihemi mirë.

Milena Diekmann është një stiliste 18-vjeçare, e cila krijon modele flokësh unike që madje mund të kalojë punën e stilistëve të famshëm të Hollywood-it.

Pasioni i saj për gërsheta ka nisur që në fëmijërinë e hershme. Kreativiteti i saj me flokë ka bërë që ajo të numërojë më shumë se 50 mijë ndjekës në profilin e saj në Instagram./UBTNews/

Shikoni disa nga modelet që ajo ka krijuar:

Parashikimi i motit për sot

Published

2 hours ago

July 2, 2025

UBT News

Instituti Hidrometeorologjik bën të ditur se të mërkurën në Kosovë do të mbajë mot me diell dhe vranësira të shpërndara.

IHK njofton se temperaturat minimale do të jenë nga 10 deri në 16 gradë Celsius, ndërsa maksimalet do të lëvizin ndërmjet 29 deri 33 gradë.

Do të fryjë erë nga veriperëndimi me shpejtësi 1-3 m/s.

Gabimi më i zakonshëm që bëjmë kur lajmë flokët

Published

23 hours ago

July 1, 2025

UBT News

Mënyra e duhur e larjes siguron që flokët të jenë më të shëndetshëm, me shkëlqim dhe të fortë.

Shumica prej nesh ndjekin këtë proces kur i lajmë flokët, aplikojmë shampo, i fërkojmë flokët dhe i shpëlajmë, duke besuar se kjo është mënyra më e mirë për t’i pastruar. Megjithatë, mund të mos jetë aq efektive sa mendojmë dhe mund të ketë efekte të kundërta në shëndetin e flokëve.

Gabimi më i zakonshëm është të aplikojmë shampon në gjithë gjatësinë e flokëve, duke filluar nga rrënjët deri te majat, pa marrë parasysh natyrën e pjesëve të ndryshme të flokëve. Sipas ekspertëve, në fund të fundit, kujdesi i duhur i flokëve fillon nga skalpi dhe jo nga majat.

Arsyeja për këtë është e thjeshtë, skalpi është vendi ku përqendrohet sebumi. Kur pastrojmë rrënjët, lëkura e kokës mbetet e shëndetshme, ndërsa flokët mbeten të freskët dhe më pak të yndyrshëm. Gjatësia dhe majat e flokëve, që janë më të thata, nuk kanë nevojë për sapun shtesë, pasi shampoja që shpëlahet nga skalpi i kokës heq natyrshëm papastërtitë dhe yndyrën e tepërt edhe nga pjesa tjetër e flokëve.

Procedura për rezultat të shëndetshëm është të aplikoni shampon në lëkurën e kokës dhe ta lini të rrjedhë përgjatë flokëve gjatë shpëlarjes. Majat e flokëve, të cilat janë më të ndjeshme dhe të thata, nuk kanë nevojë për sapun shtesë, pasi ato mund të bëhen më të thata dhe më të brishta nëse pastrohen tepër.

Sekreti numër 1 për flokë të shëndetshëm dhe me shkëlqim nuk është larja e shpeshtë me shampo gjatë gjithë gjatësisë, por fokusimi në lëkurën e kokës.

Lifestyle

Ec si një ushtar, mënyra e re për të forcuar trupin

Published

1 day ago

July 1, 2025

UBT News

Ecja mbetet një nga format më të lehta dhe të përhapura të aktivitetit fizik, nuk kërkon pajisje të veçanta, ndihmon në përmirësimin e shëndetit të zemrës, përmirëson gjumin dhe gjendjen emocionale, dhe është një mënyrë e thjeshtë për të marrë ajër të pastër çdo ditë.

Për ta bërë këtë aktivitet edhe më tërheqës e sfidues, së fundmi ka fituar popullaritet një trend i ri në rrjetet sociale: “rucking”.

Kjo formë ecjeje po konsiderohet si mënyrë efektive për të shtuar intensitetin dhe përfitimet fizike të një shëtitjeje të zakonshme.

”Rucking është thjesht ecje me peshë në trup – zakonisht në shpinë”, shpjegon Nichele Cihlar, drejtoreshë e trajnimeve në GORUCK, një kompani që prodhon pajisje për këtë aktivitet. Mjafton një çantë shpine me pak peshë brenda dhe jeni gati për të filluar.

Mathew Welch, fiziolog i ushtrimeve në Spitalin për Kirurgji Speciale në New York, rucking është ushtrim me ndikim të ulët, rrjedh nga trajnimet ushtarake.

”Ushtria përgatitet për qëndrueshmëri, dhe përveç vrapimeve, ata ecin me ngarkesa të rënda-prej andej vjen koncepti i rucking-ut”, shpjegon ai.

Përveç përfitimeve të zakonshme që ofron ecja, rucking ndihmon edhe në forcimin e muskujve, rrit djegien e kalorive dhe përmirëson qëndrueshmërinë fizike. Nëse po kërkoni mënyrë të thjeshtë, por më sfiduese, rucking mund të jetë zgjidhja e duhur, mund të filloni menjëherë, me atë që keni në shtëpi.

Lifestyle

Dielli plak lëkurën/ Dermatologët: Kremi mbrojtës ul rrisqet për disa sëmundje

Published

6 days ago

June 26, 2025

UBT News

Në një kohë që temperaturat e larta kanë pushtuar vendin, dhe sytë janë nga plazhi, specialistët rrëzojnë mitet e krijuara se aplikimi i kremit kundra diellit mund të ketë efekte anësore të parikuperueshme.

Sipas tyre është e rëndësishme që kremi kundra diellit të sigurohet nëpërmjet farmacive.

“E kam dëgjuar këtë mit, por nuk jam dakord, që dielli shkakton kancer të lëkurës. Është e mira që të merret në farmaci, sepse është i kontrolluar me kërkime shkencore, dhe ka firmë nga FDA-ja. “

Kremi duhet të aplikohet çdo stinë, por verës specialistët kërkojnë vëmendje të shtuar, kjo për shkak të rrezatimit të fortë.

Dermatologia Rozana Çela tregon për abc neës se çfarë ndodh me lëkurën tonë, nëqoftëse nuk aplikojm kremin mbrojtës.

“Dëmtimet nga dielli janë afatshkurtër, por edhe efekte afatgjatë. Duke marr parasysh që krijon probleme që nga fotoplakja, krijimi i njollave kafe….lezionet. Sidomos kancerin e lëkurës, si faktor kryesor rrezatimi nga dielli. Në këtë kontekst roli i kremit kundra diellit është i domosdoshëm, duhet vendos me patjetër sidomos gjatë verës.”

Kremi kundra diellit këshillohet për çdo moshë, dhe duhet të përshtatet me tipologjinë e lëkurës.

“Kremërat janë në bazë të tipologjisë së lëkurës. Mund të jetë me akne, a mature. Ndryshon në varësi të lëkurë, por edhe të moshës. Duhet të përshtatet me problemet e lëkurës, me akne apo jo. Kremi sa më pak shkëlqim nëse është me akne, nëse merr një krem tjetër mund të shkaktoj hiperhidrim. Ekziston edhe mundësia e alergjisë.”

Sa i takon mënyrës së përdorimit, në ditë normale, dermatologët këshillojnë aplikimin e kremit 20 minuta para ekspozimit, ndërsa gjatë kohës që jemi në plazh, shpeshtësia e aplikimit të tij duhet të jetë më i lartë, kjo për shkak të kohës së gjatë të ekspozimit në diell.