Sport

18 vjeçarja Kristal Dule mbron ngjyrat kombëtare shqiptare

Edhe vendi ynë tashmë bën pjesë në listën e pjesëmarrësve të turneve ndërkombëtarë të tenisit duke filluar nga qershori i këtij viti.

Published

on

Si në të gjitha sportet edhe në tenis, që nuk ka shumë lidhje me sportet tona të traditës, flamurin e  mban një vajzë e cila është e lindur dhe e rritur në Itali.

Kristal Dule sot 18 vjeç, është e para femër pjesëmarrëse në nivele të larta të tenisit nën ngjyrat kuqezi. Renditet e 200-ta nga 42.000 teniste femra në Itali, dhe mban mbi supe mbi 30 trofe kombëtar rajonal në qytetin fqinj.

Kristal Dule: Fillova të luaja tenis kur isha vetëm 9 vjeçe rastësisht. Nga marsi i këtij viti jam pjesë e federatës shqiptare të tenisit. Kur isha në Shqipëri në qershor mora pjesë në kampionatin kombëtar dhe dola kampione.

Vajzat kuqezi të tenisit dy javë më parë, morën pjesë për herë të parë në një aktivitet ndërkombëtar të Grupit të 3-të të quajtur “Billie Jean king Cup”.

Kristal Dule: Ditën e parë u ndesha me tenisten norvegjeze që doli në finale, unë pata shumë emocione dhe nuk artrita të jepja maksimumin, por më pas fitova besim në vetvete dhe fitova me Maqedoninë, Azerbaixhanin dhe Ruandën.

Një rezultat optimist me sa duket për një teniste kaq të re e cila karrierën e saj do ta vazhdojë në amerikë tashmë, për të arritur nivelin ndoshta të asaj që ka idhul në këtë sport.

Kristal Dule: Nga sportiste ndërkombëtare më pëlqen Azarenka, tenistja bjelloruse.

Top Channel

Continue Reading

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

on

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Continue Reading

Sport

Federata e Basketbollit të Kosovës njofton për selektorët e rinj te grupmoshat e reja

Published

on

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Continue Reading

Sport

Golden State ‘fluturon’ me 52 pikët e Stephen Curry

Published

on

Golden State Warriors arritën fitoren e tretë radhazi me një paraqitje mbresëlënëse nga Stephen Curry, i cili shënoi 52 pikë dhe mori 10 rebound, duke udhëhoqur skuadrën në fitoren 134-125 ndaj Memphis Grizzlies. Ky sukses e konsolidon ekipin e Golden State në vendin e pestë në Konferencën Perëndimore, duke u afruar më shumë me pozitat më të larta të renditjes.

Në ndeshjet e tjera, Milwaukee Bucks mundën Phoenix Suns 133-123, me Giannis Antetokounmpo duke realizuar 37 pikë dhe duke dhënë 11 asistime, duke e bërë të pavlefshme performancën fantastike të Devin Booker, i cili shënoi 39 pikë për Phoenix.

Minnesota Timberwolves arritën një fitore dramatike ndaj Denver Nuggets, duke mundur 140-139 në një ndeshje të zhvilluar në kohë shtesë. Anthony Edwards udhëhoqi Minnesota me 34 pikë, ndërsa Nikola Jokić shënoi 61 pikë, 10 rebound dhe 10 asist, por kjo nuk mjaftoi për të siguruar fitoren për Denver.

Rezultatet e tjera të ndeshjeve:

Atlanta HawksPortland Trail Blazers: 113-127

Milwaukee BucksPhoenix Suns: 133-123

New York KnicksPhiladelphia 76ers: 105-91

Chicago BullsToronto Raptors: 137-116

Memphis GrizzliesGolden State Warriors: 125-134

San Antonio SpursOrlando Magic: 105-116

Denver NuggetsMinnesota Timberwolves: 139-140

Continue Reading

Sport

Humbjet që sollën “lëkundje” te Prishtina në fazën vendimtare

Published

on

Pas serisë prej nëntë fitoreve, Sigal Prishtina hyri fuqishëm në garë për vendin e parë në Superligën e Kosovës në basketboll.

Seria nisi në xhiron e 15-të me fitoren në udhëtim ndaj Proton Cable Prizrenit, më 9 janar, më pas skuadra prishtinase mposhti Borën, Golden Eagle Yllin, Trepçën, Pejën, Bashkimin, Vëllaznimin dhe sërish Prizrenin e Borën.

Në kuadër të xhiros së 24-t, më 16 mars, Prishtina humbi nga Golden Eagle Ylli.

Nuk është kjo humbja që solli ndarjen me trajnerin turk, Murat Bilge.

Pas humbjes nga Ylli, Prishtina reagoi me fitore kampionale ndaj Prishtinës. Ndërkohë mori organizimin e turneut final të Ligës Unike, me synim për ta fituar trofeun. Por në finale u befasua nga Vëllaznimi, që fitoi në Prishtinë me rezultat 91:88. Të dielën Prishtina vazhdoi garën kampionale dhe humbi shumë thellë, 100:70 në “Karagaçi” nga Peja.

Të martën klubi i kaltër njoftoi se Bilge nuk është më kryetrajner.

“Ju njoftojmë se ndihmëstrajneri i deritashëm, Albert Sylejmani, merr detyrat dhe përgjegjësitë si trajner i klubit”, ka njoftuar Prishtina.

Nuk është sqaruar nëse Bilge ka dhënë dorëheqje a është shkarkuar, ai nuk është trajner i skuadrës. Ndryshimi në krye të shtabit teknik ndodhi dy xhiro para fundit të stinorit të rregullt. Në mesjavë Prishtina takohet në shtëpi me Bashkimin, në fundjavë luan në udhëtim ndaj Vëllaznimit. Pas xhiros së 26-të, Prishtina renditet e treta me 42 pikë. 43 pikë në pozitën e dytë i ka Trepça, Bashkimi udhëheq me 44 pikë.

Dy pozitat e para në fund dërgojnë në gjysmëfinale të plejofit. Prej vendit të tretë sigurohet çerekfinalja. Natyrisht rruga për te titulli është shumë më sfiduese prej vendit të tretë. Te Prishtina nuk ka pasur formë konstante prej fillimit të edicionit. Kampionatin e nisi duke u bazuar në të rinj, por u mbush me të huaj dhe rriti pretendimet. Në vjeshtë nuk shfaqi shumë, ndërsa seria e dy muajve të parë të këtij viti e ktheu në garë. Shumë prej atyre fitoreve u arritën në fund e me mund. Por telashet në lojën e Prishtinës u ekspozuan në dy takimet e fundit.

Sidomos në pjesën e dytë të ndeshjes në Pejë, Prishtina kishte shfaqje të papranueshme për këtë pjesë të kampionatit. Ndonëse ishte në epërsi pas pjesës së parë, skuadra prishtinase humbi në fund me plot 30 pikë dallim.

Kjo solli ndryshimin në krye të shtabit teknik, ndonëse ndryshimi u bë në momentin më të papërshtatshëm të mundshëm. Mbetet të shihet se si do të reagojë Prishtina në ndeshjet e mbetura dhe më pas në plejof. Sylejmani ishte ndihmës i Bilges, ndërsa edhe më herët e kishte përgjegjësinë për ta drejtuar skuadrën si kryetrajner. Ai është gjatë në basketboll e po ashtu në Prishtinë.

Continue Reading

Të kërkuara