Magazinë
15-vjeçari i “Adolescence” bën histori, Owen Cooper fiton çmimin Emmy
Aktori 15-vjeçar, Owen Cooper, bëri histori të dielën në ceremoninë e çmimeve Emmy, duke fituar çmimin si Aktori Mbështetës më i Mirë në një Miniserial, Serial Antologjik ose Film Televiziv për rolin e tij në serialin “Adolescence”.
Me këtë fitore, ai u bë djali më i ri ndonjëherë që ka marrë këtë çmim prestigjioz. Cooper interpretoi rolin e Jamie Miller, një nxënës adoleshent i akuzuar për vrasjen e një shoku klase, rol kompleks dhe emocional që i dha jo vetëm çmimin, por edhe admirimin e kritikëve.
Seriali katër-orësh “Adolescence” nuk u ndal vetëm te kjo fitore. Ai rrëmbeu gjithashtu çmimin për Miniserialin më të Mirë, si dhe u vlerësua për regjinë, skenarin dhe interpretimet e shkëlqyera të Stephen Graham dhe Erin Doherty.
Në fjalimin e tij, Cooper tha: “Të jesh këtu. është thjesht, uou. Ka një ndjesi surreale. Kur fillova kurset e aktrimit disa vite më parë, as që e imagjinoja të isha në Shtetet e Bashkuara, e lëre më të isha në këtë skenë.”
Ai vazhdoi me një mesazh frymëzues për të rinjtë: “Sonte dëshmohet se, nëse dëgjon, përqendrohesh dhe del nga zona jote e rehatisë, mund të arrish gjithçka në jetë. Kujt i intereson nëse ndonjëherë turpërohesh? Tre vjet më parë nuk isha askush, tani jam këtu.”
Ai falënderoi familjen, kolegët dhe ekipin: “Emri im mund të jetë në këtë çmim, por ai u përket të gjithëve që punuan pas kamerave.”
Me këtë fitore, Cooper theu rekordin e mëparshëm të mbajtur nga Scott Jacoby, i cili ishte 16 vjeç kur fitoi një Emmy më 1973 për “That Certain Summer”. Roxanne Zahl vazhdon të mbajë rekordin absolut si fituesja më e re në kategori aktrimi, pasi fitoi në moshën 14 vjeç për rolin në “Something About Amelia” në vitin 1984.
Seriali është përgëzuar gjerësisht nga kritika dhe audienca për mënyrën se si trajton ndikimin e rrjeteve sociale në jetën dhe psikikën e adoleshentëve, duke e shndërruar serialin në një pasqyrë të rritjes në kohët moderne.
Përgatii: A.Z. /UBT News/
Katy Perry dhe ish-kryeministri kanadez Justin Trudeau e kanë bërë zyrtare lidhjen e tyre, pasi këngëtarja publikoi në Instagram disa foto ku shfaqen të dy të buzëqeshur krah për krah, si dhe një video teksa hanë sushi në Japoni.
Postimi, i publikuar të shtunën, duket se i vuri pikën muajve të thashethemeve rreth romancës mes tyre.
Në një nga fotot ata duken duke mbajtur duart, një gjest që u interpretua menjëherë si konfirmim publik i marrëdhënies.
Perry shoqëroi postimin me mbishkrimin “tokyo times on tour and more”, së bashku me emoji lulesh dhe një zemër të kuqe.
Dy ditë më parë, Trudeau kishte ndarë në X një foto me Perry-n dhe ish-kryeministrin japonez Fumio Kishida, si edhe bashkëshorten e tij.
“Ishte kënaqësi t’ju takonim. Katy dhe unë u gëzuam shumë që patëm mundësi të kalonim kohë me ju,” shkruante Trudeau.
Për muaj të tërë, Perry dhe Trudeau janë parë shpesh së bashku. Në korrik u fotografuan në një darkë në Montreal, ndërsa pak ditë më vonë Trudeau u pa duke kënduar “Firework” në koncertin e saj.
Në tetor, ata u shfaqën sërish dorë për dore në Paris, gjatë festimeve për ditëlindjen e 41-të të artistes.
Justin Trudeau ka shërbyer si kryeministër i Kanadasë nga viti 2015 deri në vitin 2025, ndërsa Katy Perry mbetet një nga yjet më të mëdha të pop-it, me shtatë albume dhe hite të njohura si “California Gurls”, “Hot n Cold” dhe “Roar”. /A.Z/UBT News/
Al Pacino ka nxitur valë thashethemesh në rrjetet sociale pasi u fotografua duke mbajtur një unazë ari në gisht, duke bërë që shumë fansa të pyesin nëse aktori 85-vjeçar ishte martuar fshehurazi.
Fotot u realizuan më 4 dhjetor, gjatë një feste të organizuar në nder të filmit One Battle After Another, projekt i ri i regjisorit Paul Thomas Anderson me protagonist Leonardo DiCaprio.
Gjatë ngjarjes, Pacino u pa duke mbajtur një unazë që ngjante me unazë martese, çka ndezi menjëherë spekulimet.
Por për të sqaruar zërat, përfaqësuesi i aktorit deklaroi për revistën “People” se “Al Pacino nuk është i martuar”, duke i vënë fund aludimeve. /A.Z/UBT News/
Lëndohet rëndë ylli i Real Madridit
Mos i hani pa i lexuar! E vërteta pas çokollatave proteinike
Vdes ish-futbollisti belg Boeck
Gjobë 120 milionë euro? Musk paralajmëron goditje ndaj vendimmarrësve
Sekreti bimor që ul sheqerin në gjak dhe frenon shtimin në peshë
Rejhan Halili emërohet zëvendëskryetare e komisionit “Gratë në Sport” në ICMG
Nuk fshihen më, Katy Perry dhe Justin Trudeau zyrtarizojnë romancën në rrjetet sociale
Rrahmani: Fitorja ndaj Juventusit shumë e rëndësishme
Osmani pret në takim homologun hungarez
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoUBT hap thirrjen për abstrakte në Konferencën Ndërkombëtare të Stomatologjisë