Sport

15 thënie motivuese nga legjendat e sportit

Ne kemi mbledhur 15 thëniet më të mira nga legjendat në botën e sportit.

Published

on

Bota e sportit është e ngjashme me biznesin. Ka trajnim. Konkurrencë. Fitore dhe humbje. Pasion. Punë të rëndë…

Sikur një lojtar i bejsbollit ose i basketbollit ambicioz, i cili mund të gjejë inspirim nga udhëheqës të suksesshëm të biznesit, ndërmarrësit mund të marrin motivim nga sportistët më dominues në botë.

Me atë në mendje, ne kemi mbledhur 15 thëniet më të mira nga legjendat në botën e sportit. Pavarësisht se a keni filluar tani apo po e dërgoni biznesin tuaj në nivelin e ardhshëm, këto thënie janë të sigurta se do të rrisin motivimin tuaj.

Porosia: Shfrytëzoni pasionin tuaj

“Diku pas sportistit që jeni bërë dhe orët e ushtrimeve dhe trajnerët të cilët ju kanë shtyer përpara është një vajzë e vogël e cila ra në dashuri me lojën dhe nuk shikoi asnjëherë mbrapa..luani për të’’

– Mia Hamm, lojtare profesioniste e futbollit e cila fitoi një çmim (1987-2004) 

Bëjeni në mënyrë të duhur

“’Nëse nuk do të shkoni përgjatë gjithë rrugës, atëherë pse të shkoni?’’ 

– Mia Hamm, lojtare profesioniste e futbollit e cila fitoi një çmim (1987-2004) 

Prisni të papriturën

“Pengesat nuk duhet të ju ndalojnë. Nëse hasni në një mur, mos u ktheni dhe të dorëzoheni. Kuptoni se si ta kaloni atë, të kaloni përmes tij apo të punoni rreth tij’’

– Michael Jordan, ikonë e basketbollit (1984-2003) 

Cili jeni ju?

“Në bejsboll dhe biznes, ka tri lloje të njerëzve. Ata të cilët i realizojnë, ata të cilët i shikojnë duke u realizuar dhe ata të cilët pyesin veten se çfarë ndodhi’’

– Tommy Lasorda, menaxher dhe lojtar i bejsbollit në Hall of Fame ( 1954-1956, lojtar, 1976-1996, menaxher) 

Trajnohuni. Mësoni. Gjithmonë qëndroni të përgatitur

“Mund të ketë njerëz të cilët kanë më shumë talent se ju, por nuk ka asnjë arsyetim për dikë që të punojë më shumë se ju’’

– Derek Jeter, lojtar për një kohë të gjatë në Yankees ( 1995-2014) 

Mos prisni që gjithmonë të jeni të përsosur

“Kampionët vazhdojnë të luajnë deri sa të bëjnë të duhurën’’

– Billie Jean King, yll i tenisit në International Hall of Fame (1959-1983) 

Gjithmonë shikoni përpara

“Një lojtar i mirë i hokejit gjithmonë luan ku është disku. Një lojtar i mrekullueshëm i hokejit luan aty ku do të jetë disku’’

– Wayne Gretzky, ikonë e hokejit (1978-1999) 

Kujdesi nuk është gjithmonë opsioni më i mirë

“Nëse keni gjithçka nën kontroll, nuk po lëvizni mjaftueshëm shpejt’’ 

– Mario Andretti, shofer garash, kampion botëror (1968-1982) 

Mos u pajtoni me pak

“Vendosni qëllime të larta dhe mos ndaloni deri sa të arrini aty’’

– Bo Jackson, lojtar i futbollit dhe i bejsbollit (1987-1994) 

Kaloni pengesat

“Gjithmonë bëni përpjekje të mëdha, edhe kur mundësitë janë kundër jush’’

– Arnold Palmer, lojtar i golfit (1954-2006) 

Nuk jeni kurrë shumë të vjetër për të filluar

“Mosha nuk është pengesë. Është një kufizim të cilin e vendosni në mendjen tuaj’’

– Jackie Joyner-Kersee, kampione e kërcimeve të larta (1984-2000) 

Mos harroni të ndihmoni të tjerët

“Mbani në mend këtë: Qëndroni këtu. Kjo është e vetmja gjë e përsosur, është përsosmëria e të ndihmuarit të tjerët. Kjo është gjëja e vetme që mund të bëjmë e cila ka domethënie të qëndrueshme. Për këtë jemi këtu’’ 

– Andre Agassi, lojtar profesionist i tenisit i cili ka fituar çmim (1986-2006) 

Vendosni që të përballeni me sfidat tuaja më të mëdha

“Nuk janë malet nëpër të cilat duhet të ngjiteni të cilat ju lodhin, janë gurët në këpucën tuaj’’

– Muhammad Ali, boksier kampion i World Heavyweight (1960-1966, 1970-1981) 

Shijoni arritjet tuaja

“Sa më e vështirë fitorja, aq më e madhe lumturia e fitores’’

– Pele, legjendë braziliane e futbollit (1956-1977) 

Gjithçka është e mundur

“Nuk mund të vendosni limit në asgjë. Sa më shumë që ëndërroni, aq më larg arrini’’

– Michael Phelps, notar fitues i medaljeve olimpike 

Continue Reading

Lajmet

Kurti: Mungesa e unitetit me Komunën e Prishtinës po e rrezikon organizimin e Lojërave Mesdhetare 2030

Published

on

By

Kryeministri i Kosovës, Albin Kurti, ka paralajmëruar se mungesa e unitetit institucional dhe mospajtimet me Komunën e Prishtinës po e vështirësojnë organizimin e Lojërave Mesdhetare “Prishtina 2030”.

Për këtë ka folur Kurti, i cili ka bërë të ditur se bashkëpunimi me Komitetin Olimpik të Kosovës është shumë i mirë, por situata është ndryshe në raport me Komunën e Prishtinës, raporton Ekonomia Online.

Gjatë deklarimit të tij, Kurti ka kritikuar edhe përplasjet publike pas mbledhjeve të Këshillit Organizativ, duke theksuar se vendimet dhe diskutimet e brendshme nuk duhet të shoqërohen me akuza dhe sulme mes palëve.

Ai ka thënë se vazhdon të jetë optimist për mbajtjen e lojërave, por e ka cilësuar optimizmin e tij si të përmbajtur, për shkak të mospajtimeve dhe mungesës së bashkëpunimit institucional.

“Ne duhet të jemi unikë për këtë gjë dhe kjo mungesë e unitetit të brendshëm na ka sjellë në këtë pikë, kur edhe po rrezikohet organizimi i Lojërave Mesdhetare 2030”, ka deklaruar Kurti.

Kreu i Qeverisë e ka cilësuar fitore të madhe faktin që Kosova ka marrë përsipër organizimin e kësaj ngjarjeje sportive, duke përmendur përfshirjen e dhjetë komunave të Kosovës dhe të Durrësit nga Shqipëria në projekt.

Ai ka theksuar se planifikimet për investime dhe projekti mbi të cilin Kosova ka fituar të drejtën e organizimit duhet të zbatohen në tërësi, ndërsa ka pranuar se mes palëve ka dallime, mospajtime dhe mungesë besimi.

“Do ta bëjmë më të mirën e mundshme, por do ta bëjmë me çdo kusht, pa korrupsion”, ka përfunduar Kurti.

D.L

Continue Reading

Sport

Dion Kaçuri mund të largohet përfundimisht nga Baseli, Austria Lustenau synon ta mbajë

Published

on

By

Dion Kaçuri mund të mos rikthehet te Baseli pas përfundimit të huazimit, pasi Austria Lustenau ka mundësinë ta blejë përfundimisht mesfushorin kosovar gjatë verës së ardhshme.

22-vjeçari po kalon një periudhë të mirë te skuadra austriake, ku është shndërruar në një futbollist të rëndësishëm në repartin e mesfushës, duke luajtur në rolin e mesfushorit defensiv.

Madje, Kaçuri ka fituar edhe besimin për të mbajtur shiritin e kapitenit në një prej ndeshjeve të skuadrës.

Për paraqitjet e tij ka shkruar edhe mediumi zviceran “4-4-2”, i cili thekson rëndësinë që mesfushori ka fituar te Austria Lustenau, duke përmendur edhe ftesën e tij të parë në tetor nga përzgjedhësi Franco Foda për Përfaqësuesen e Kosovës.

Në fanellën e skuadrës austriake, Kaçuri ka regjistruar deri më tani dy gola dhe një asistim.

Ndërkohë, me Baselin ai ka kontratë të vlefshme deri në vitin 2028, por aktivizimi i mundësisë së blerjes nga Austria Lustenau mund të bëjë që aventura e tij në Zvicër të përfundojë përfundimisht.

Në nivel ndërkombëtar, mesfushori tashmë ka tri paraqitje me Përfaqësuesen e Kosovës.

D.L

Continue Reading

Lajmet

Lushaku-Sadriu ngre shqetësimin për Lojërat Mesdhetare “Prishtina 2030”: Kosova rrezikon të mos i organizojë

Published

on

By

Kosova rrezikon të mos jetë nikoqire e Lojërave Mesdhetare “Prishtina 2030”, për shkak të mos përmbushjes së obligimeve institucionale dhe vonesave në procesin e përgatitjeve.

Për këtë ka ngritur shqetësim shefja e Grupit Parlamentar të Lidhjes Demokratike të Kosovës (LDK), Jehona Lushaku-Sadriu, gjatë seancës së Kuvendit, raporton Ekonomia Online.

Ajo ka theksuar se anulimi i takimit të paraparë të mbahej të enjten në Athinë, ku pritej të përcaktoheshin përgjegjësitë për organizimin e lojërave, është një tjetër sinjal shqetësues për të ardhmen e këtij projekti.

Sipas Lushaku-Sadriut, organizimi i Lojërave Mesdhetare do të përbënte një mundësi të rëndësishme për zhvillimin e sportit, turizmit dhe investimeve në infrastrukturën sportive të vendit.

Ajo ka paralajmëruar se papërgjegjësia institucionale mund ta rrezikojë realizimin e një projekti që do ta vendoste Kosovën në qendër të vëmendjes sportive dhe kulturore, duke sjellë mijëra sportistë dhe vizitorë ndërkombëtarë.

Lushaku-Sadriu ka përmendur edhe shqetësimet e ngritura nga Komiteti Olimpik i Kosovës lidhur me obligimet e papërmbushura nga institucionet, duke kërkuar përgjegjësi dhe angazhim më të madh për realizimin e këtij projekti.

Ajo ka vlerësuar se Kosova nuk duhet ta humbasë këtë mundësi për ndërtimin e sallave, stadiumeve dhe qendrave të reja sportive, të cilat do të kishin ndikim afatgjatë në zhvillimin e sportit në vend.

D.L

Continue Reading

Sport

Infantino për herë të parë me rivalë në garën për presidencën e FIFA-s

Published

on

By

Gianni Infantino do të përballet për herë të parë me kundërkandidat në garën për rizgjedhjen në krye të FIFA-s, që nga marrja e presidencës në vitin 2016.

FIFA ka konfirmuar zyrtarisht se Philippe Diallo, president i Federatës Franceze të Futbollit (FFF), dhe Kozo Tashima, president i Federatës Japoneze të Futbollit, kanë paraqitur kandidaturat për zgjedhjet që do të mbahen në mars të vitit 2027.

Diallo e bëri publike kandidaturën të hënën, duke siguruar mbështetjen e federatave anëtare të UEFA-s të përfaqësuara në organet drejtuese të FIFA-s. Ndërkohë, Tashima kishte shprehur interesimin për këtë post më herët gjatë muajit, ndërsa kandidaturën zyrtare e dorëzoi të mërkurën.

Megjithatë, të dy kandidaturat duhet t’i nënshtrohen fillimisht shqyrtimit nga komisioni zgjedhor i FIFA-s, i cili do të vendosë për pranimin e tyre.

Sipas njoftimit të FIFA-s, lista përfundimtare e kandidatëve të propozuar dhe të pranuar do t’u dërgohet federatave anëtare jo më vonë se 18 shkurti 2027.

Kjo do të jetë hera e parë që Infantino do të ketë kundërshtarë në garën presidenciale, pasi në vitin 2023 ishte rizgjedhur pa asnjë rival.

Presidenti 56-vjeçar është përballur kohëve të fundit me kritika dhe thirrje për dorëheqje, pas polemikave rreth projektit FIFA Forward Enterprise (FFE), përmes të cilit ishte propozuar shitja e aksioneve në Kupën e Botës dhe gara të tjera madhore të organizuara nga FIFA.

Një zhvillim interesant në këtë garë është edhe fakti se Philippe Diallo, i cili mori drejtimin e Federatës Franceze të Futbollit në vitin 2023, më herët kishte luajtur rol të rëndësishëm në sigurimin e mbështetjes evropiane për Infantinon lidhur me këtë projekt.

Pavarësisht kritikave dhe kundërkandidatëve të mundshëm, Infantino mbetet optimist për rizgjedhjen, duke shprehur bindjen se ka mbështetjen e mjaftueshme të federatave anëtare për të siguruar një mandat tjetër në krye të futbollit botëror.

D.L

Continue Reading

Të kërkuara