Lajmet

14 hidrocentrale operojnë pa leje mjedisore, Aliu: Vetëm dy hidrocentraleve iu është ndaluar puna

Bajrami u shpreh se të gjeturat nga Zyra Kombëtare e Auditimit janë shqetësuese.

Published

on

Në Kosovë operojnë rreth 14 hidrocentrale pa leje mjedisore dhe pa leje për shfrytëzim të ujërave. Ndonëse, sipas Ministrisë së Mjedisit vetëm për dy hidrocentrale është ndalur puna dhe veprimtaria e tyre.

Kështu u tha gjatë shqyrtimit të raportit të auditimit të performancës “Sistemi i licencimit të hidrocentraleve dhe monitorimi i tyre mbi ndikimin në mjedis dhe ujëra” në Komisionin për Mbikëqyrjen e Financave Publike.

Kryetarja e këtij komisioni parlamentar, Hykmete Bajrami u shpreh se të gjeturat nga Zyra Kombëtare e Auditimit janë shqetësuese se i përket punës së hidrocentraleve.

“Në faqe14 të raportit të auditimit është një tabelë me numrin e hidrocentraleve, të cilat nëpër vite të ndryshme kanë kërkuar leje mjedisore. 6 hidrocentrale kanë kërkuar leje në vitin 2021, 4 në vitin 2020, 4 në vitin 2019, 1 në vitin 2018 dhe 2 në vitin 2016. Po ashtu thuhet që prej të gjitha këtyre hidrocentraleve, përveç dy të hidrocentraleve të gjitha hidrocentralet tjera operojnë pa leje mjedisore edhe gjatë periudhës së auditimit. Pra, ju ministër, sot i keni rreth 14 hidrocentrale apo edhe më shumë të cilat operojnë pa leje mjedisore. Kështu që na tregoni se hidrocentrale sot janë aktive, e të cilat nuk kanë leje mjedisore, të cilat janë duke prodhuar dhe shfrytëzuar ujërat pa leje mjedisore. Dhe po ashtu ka ndonjë hidrocentral që ju e keni mbyllë për mungesë të lejeve mjedisore?”, pyeti ajo.

Ministri i MPHI-së, Liburn Aliu u pajtua se çështja e hidrocentraleve në vend është shqetësuese, por theksoi se inspektorati i kësaj ministrie ka realizuar 24 inspektime në 24 hidrocentrale ku sipas tij kanë nxjerrë 16 vendime për ndërprerje të punimeve, janë shqiptuar 14 gjoba dhe janë iniciuar 2 raste penale në Prokurorinë Themelore.

Ministri Aliu i është përgjigjur pyetjeve të deputetes Bajrami, i cili tha se prej 14 hidrocentraleve pa leje mjedisore, 2 prej tyre iu është ndaluar puna me vendim të gjykatës.

“Janë 15 hidrocentrale për të cilat janë lëshuar vendimet për ndalim të punimeve për shkak të mungesës së lejeve mjedisore. Për 2 prej tyre ka vendime prej gjykatës për ndalim. Prej raportit të inspektoratit që e kemi ne kemi ndalime të operimeve për këto hidrocentrale. Tash këtu përfundon deklarata ime… Me përjashtim të atyre me vendim të gjykatës, të cilat janë ndalur që në fillim, te rastet tjera nuk mund të themi që janë ndalur”, theksoi Aliu.

Ministrja e Ekonomisë, Artane Rizvanolli tha se në strategjinë për energji që pritet të dërgohet në Kuvend së shpejti, nuk janë paraparë kapacitete të reja nga burimet ujore.

Ajo tha se në strategjinë për energji 2022-3031, parashihen 1300 megavat kapacitete të reja nga burimet diellore dhe nga era.

“Duke qenë se ministria e Ekonomisë nuk ka ndonjë kompetencë për lëshimin e lejeve apo licencave për operim, mirëpo ne kemi një rol për planifikimin strategjik të sektorit. Me këtë rast duatë theksoi se në strategjinë për energji 2022-3031, të cilën së shpejti do ta sjellim në kuvend parashihen 1300 megavat kapacitete të reja nga burime diellore dhe nga era. Pra, jo kapacitete të reja ujore, duke marrë parasysh problemin me të cilin po përballemi deri tani. Ndërsa, nuk e përjashtojmë mundësinë që në të ardhmen në qoftë se kemi një master plan për ujërat që identifikon potencialet për të ndërtuar në mënyrë të tillë që nuk kanë ndikim mjedisor, sigurisht se do ta shqyrtojmë në të ardhmen. Mirëpo, tani për tani nuk parashohim kapacitete të reja nga burimet ujore”, theksoi Rizvanolli.

Kryetari i Mitrovicës, Bedri Hamza tha se ka nevojë për një koordinim më të mirë ndërinstitucional për të pasur rend dhe rregull në këtë fushë.

“E kemi pranuar raportin, shihet qartë që ka nevojë për koordinim më të mirë mes të gjitha institucioneve që janë përgjegjëse në këtë fushë, me qëllim që të kemi vendosjen e një rendi dhe rregulli në këtë fushë. Ne kemi nevojë për shtimin e kapaciteteve prodhuese prej energjisë së ripërtritshme, mirëpo nëse këtë nevojë ekonomike e vendosim brenda kuadratit ligjor, ne jemi të detyruar me i zbatuar ligjet… Ne duhet të jemi efikas në kohë për trajtimin e kërkesave të operatorëve ekonomikë, sepse për ndryshe edhe investitorët nëse përballen me vonesa, burokraci, sigurisht se nuk mund të kemi investitorë serioz në këtë fushë të rëndësishme për zhvillimin ekonomik të Kosovës”, u shpreh Hamza.

Ndërsa, kryetari i Deçanit, Bashkim Ramosaj ka thënë se përgjegjësia për hidrocentralet në Deçan nuk bie mbi komunën e tij. Po ashtu Ramosaj tha se Deçani sanksionohet prej dy ligjeve.

“Deçani sanksionohet me një ligj, që është Ligji për zonat e veçanta. Po ashtu është një ligj mbi parkun nacional. Përgjegjësia jonë si komunë nuk ka qenë për këto hidrocentrale”, theksoi ai.

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara