Lajmet

13 këshilla për kujdesin e lëkurës, çfarë rekomandojnë dermatologët?

Dermatologët këshillojnë që njerëzit të përdorin produkte shtesë për kujdesin e lëkurës në dimër.

Published

3 years ago

on

Kujdesi i rregullt që tregoni ndaj lëkurës tuaj, do të bëjë një ndryshim të madh në pamjen tuaj, por mos prisni rezultate brenda natës, veçanërisht kur bëhet fjalë për reduktimin e shenjave të plakjes. Nëse i keni vendosur vetes këtë qëllim, AgroWeb.org ju vjen në ndihmë duke ju njohur me 13 këshillat që dermatologët japin për kujdesin ndaj lëkurës.

Përdorni krem kundër diellit çdo ditë, në çdo stinë

Kremi kundër diellit është mjeti juaj më efektiv për kujdesin e lëkurës. Sipas dermatologëve më të mirë në botë, ky është kremi nr. 1 kundër plakjes.

Deri më sot është vërtetuar se përdorimi i vazhdueshëm i kremrave kundër diellit ka ndikimin më të madh në parandalimin e plakjes së përshpejtuar dhe kancerit të lëkurës. Prandaj ai duhet përdorur çdo ditë si pjesë e rutinës së mëngjesit.

Dermatologët këshillojnë që të përdorni një krem dielli me mbrojtje 30 ose më të lartë.

Për më tepër, studimet tregojnë se edhe drita blu e krijuar nga kompjuterët dhe pajisjet elektronike ka një ndikim negativ në lëkurë. E kjo sepse sipas studiuesve, ekspozimi ndaj dritës blu lidhet me prodhimin e radikaleve të lira, të cilat shkaktojnë plakjen e parakohshme të lëkurës.

Pastroni fytyrën përpara gjumit

Gjumi me grim mund të shkaktojë një sërë problemesh me lëkurën. Mund të bllokojë poret në fytyrë, të përkeqësojë dhe të thajë lëkurën e fytyrës dhe të buzëve.

Ky është një zakon i keq që shumë njerëz e kanë. Por për fat të mirë, kjo zgjidhje është e thjeshtë: Lani fytyrën përpara se të vini kokën në jastëk.

Mbroni lëkurën tuaj nga ditët e ftohta të dimrit

Dermatologët këshillojnë që njerëzit të përdorin produkte shtesë për kujdesin e lëkurës në dimër, pasi moti i ftohtë dhe era dëmtojnë shtresën e jashtme të lëkurës.

Përdorni produkte që përmbajnë glicerinë dhe laktat amoni, sepse këta përbërës mund të ruajnë lagështinë në lëkurën tuaj.

Përdorni retinol dhe vitaminë C

Shumë dermatologë pajtohen me mendimin se lëkura mund të përfitojë nga serumi i vitaminës C dhe kremi kundër diellit nëse alpikohen në mëngjes, dhe nga retinoli që aplikohet gjatë natës.

Vitamina C është një antioksidant, dhe është i dobishëm kur vendoset nën kremin e diellit, pasi ka funksion të dyfishtë. Ju mbron nga rrezet e diellit dhe redukton mundësinë e shfaqjes së njollave.

Ndërsa retinoidet kanë dhënë provat më të mira për minimizimin e shenjave të dukshme të plakjes.  Në përpjekjen për të zgjedhur se cili produkt retinoli është më i miri për ju, duhet të provoni dhe të gjeni atë që funksionon më mirë për ju.

Si fillim, dermatologët këshillojnë të aplikoni një produkt retinoli dy herë në javë si pjesë e një rutine para gjumit. E kjo sepse retinoidet ju bëjnë më të ndjeshëm ndaj diellit. Më pas, çdo një deri në dy javë, mund të rrisni shpeshtinë e përdorimit.

Qëllimi është ta aplikoni atë çdo natë nëse lëkura juaj e toleron, por nëse nuk e toleron, aplikimi dy deri në tre herë në javë është i mjaftueshëm.

Mos bëni solar

Kërkimet kanë treguar se solari rrit ndjeshëm rrezikun e melanomës, një lloj kanceri i lëkurës.

Mos përdorni produkte të skaduara

Kontrolloni datat e skadencës në të gjitha produktet tuaja për kujdesin e lëkurës dhe hidhni çdo gjë që ka kaluar datën e përdorimit. Gjithashtu shmangni çdo gjë që irriton lëkurën tuaj.

Mos e ngacmoni lëkurën kur jeni të stresuar

Ngacmimi i lëkurës apo shtrydhja e puçrave, sidomos kur jenin nën stres, mund të shkaktojë infeksion dhe acarime të lëkurës.

Mos konsumoni duhan

Siç mund ta dini tashmë, konsumi i duhanit ndikon në lëkurën tuaj, duke e bërë atë të duket e thatë, e skuqur ose e acaruar, dhe ta plakë atë më shpejt.

Mos bëni pastrim të tepërt

Edhe pse është një mënyrë efektive për të përmirësuar pamjen tuaj, teknikat e pastrimit të lëkurës duhen inkorporuar ngadalë, duke mbajtur shënim se si reagon lëkura juaj. Pastrimi i tepërt mund të shkaktojë disa shqetësime, veçanërisht tek ato me lëkurë të ndjeshme.

Jini më të vëmendshëm ndaj konsumit të sheqerit

Një gjë që shpesh neglizhohet në ruajtjen e shëndetit të lëkurës dhe shëndetit të përgjithshëm është regjimi ushqimor. Sheqeri mund të kontribuojë në plakjen e lëkurës dhe aknet, prandaj këshillohet të mos konsumohet në sasi.

Mos bëni dushe shumë të nxehta

Dushet e nxehta mund të jenë relaksuese, por nëse e teproni, uji i nxehtë mund të largojë lagështinë nga lëkura juaj dhe të shkaktojë thatësi, acarim dhe kruajtje. Ekspozimi i vazhdueshëm ndaj ujit të nxehtë dëmton barrierën e lëkurës duke shkakuar më shumë dëm.

Bëni kontrollin vjetor të lëkurës

Dermatologët këshillojnë që ju të të planifikoni një kontroll vjetor të lëkurës. E kjo pasi ekzaminimet e rregullta të lëkurës shërbejnë si një formë e zbulimit të hershëm të kancerit të lëkurës. Sipas ekspertëve të shëndetit, kanceri i lëkurës është një nga format më të zakonshme të kancerit në botë dhe shumë nga shkaqet e tij, si ekspozimi ndaj rrezeve UV, janë të parandalueshme. Kështu një dermatolog mund të kontrollojë lëkurën tuaj për ndonjë nishan të ri, skuqje ose shenja të tjera të dëmtimit të lëkurës./AgroWeb.org

Related Topics:
Continue Reading

Lajmet

Policia sekuestron katër armë zjarri në Prizren, dyshohet se u përdorën në gazmende familjare

Published

14 hours ago

on

July 20, 2026

By

Policia e Kosovës në rajonin e Prizrenit ka sekuestruar katër armë zjarri gjatë javës së fundit, në kuadër të disa operacioneve të ndara që synojnë parandalimin e përdorimit të armëve dhe garantimin e sigurisë publike.

Sipas Policisë, gjatë javës së kaluar në Prizren dhe Suharekë janë sekuestruar tri pistoleta dhe një armë automatike AK-47. Në dy raste, armët janë konfiskuar pas informacioneve të pranuara nga qytetarë anonimë, të cilët kishin raportuar për të shtëna me armë në gazmende familjare.

Në tre nga katër rastet, me vendim të prokurorit, të dyshuarit janë ndaluar për 48 orë, ndërsa ndaj tyre janë iniciuar procedura penale për veprat “Mbajtje, kontroll apo posedim i paautorizuar i armës” dhe “Shkaktim i rrezikut të përgjithshëm”.

Policia e Kosovës ka ritheksuar se të shtënat me armë në ahengje dhe gazmende familjare nuk do të tolerohen dhe se do të vazhdojë veprimet për parandalimin e posedimit të paligjshëm të armëve, me qëllim garantimin e rendit dhe sigurisë për të gjithë qytetarët./A.K/

Continue Reading

Lajmet

Kryeprokurori Gashi: Hetim të pakompromis ndaj korrupsionit të nivelit të lartë dhe krimit të organizuar

Published

14 hours ago

on

July 20, 2026

By

Kryeprokurori i ri i Shtetit, Zejnullah Gashi, ka mbajtur fjalimin e tij të parë zyrtar gjatë takimit të 299-të të Këshillit Prokurorial të Kosovës (KPK), duke shpalosur vizionin e tij për udhëheqjen e institucionit të akuzës. Gashi e cilësoi marrjen e kësaj detyre si një përgjegjësi të lartë institucionale dhe obligim kushtetues e moral ndaj qytetarëve, të cilët presin një prokurori më efikase, të pavarur dhe me integritet.

Ai porositi që çdo vendim prokurorial duhet të bazohet ekskluzivisht në Kushtetutë, ligj dhe prova të siguruara në mënyrë të ligjshme, pa u ndikuar nga presionet politike, ekonomike apo mediatike.

“Për ata që më njohin, e dinë se qasja ime si prokuror dhe kryeprokuror ka qenë dhe mbetet e njëjtë: Prokurori duhet të flasë vetëm përmes punës. Besueshmëria në institucionin tonë nuk ndërtohet me deklarata apo retorikë, por me profesionalizëm, integritet dhe rezultate konkrete”, deklaroi Gashi.

Kryeprokurori i Shtetit u dërgoi një mesazh të qartë të gjithë prokurorëve të Republikës së Kosovës, duke u zotuar se do të mbështesë fuqishëm secilin prej tyre që ushtron detyrën me guxim dhe paanshmëri. Ai porositi që çdo vendim prokurorial duhet të bazohet ekskluzivisht në ligj, pa u ndikuar nga presionet politike, ekonomike apo mediatike. Megjithatë, ai ua bëri të qartë se askush nuk do të jetë i paprekshëm.

“Pavarësia funksionale që e keni si prokurorë është një garanci kushtetuese dhe një nga vlerat më të rëndësishme të sistemit tonë. Megjithatë, kjo pavarësi nuk është dhe nuk do të jetë asnjëherë mburojë për arbitraritet, papërgjegjësi apo mosllogaridhënie”, nënvizoi ai, duke shtuar se “lufta ndaj çdo forme të abuzimit të detyrës do të jetë e pakompromis. Askush nuk mund të jetë mbi ligjin dhe askush nuk do të gëzojë imunitet”.

Gashi vuri në dukje se pavarësia funksionale nuk do të shërbejë asnjëherë si mburojë për arbitraritet apo mosllogaridhënie, duke premtuar një luftë të pakompromis ndaj çdo forme të abuzimit të detyrës zyrtare.

Në mbyllje të fjalimit, Gashi nënvizoi rëndësinë e bashkëpunimit të ngushtë institucional me Këshillin Prokurorial, si dhe me partnerët ndërkombëtarë që kanë mbështetur reformat në drejtësi.

Ai gjithashtu u shpreh i hapur për një marrëdhënie transparente me mediat dhe shoqërinë civile, duke i vlerësuar kritikat dhe rekomandimet konstruktive si një kontribut të rëndësishëm për rritjen e llogaridhënies dhe avancimin e mëtejshëm të të gjithë sistemit prokurorial në vend. /E.A/

Continue Reading

Lajmet

Andy Burnham merr zyrtarisht detyrën si Kryeministër i ri i Britanisë së Madhe: Premton një model të ri politik dhe plan 10-vjeçar

Published

15 hours ago

on

July 20, 2026

By

Andy Burnham ka mbajtur fjalimin e tij të parë si kryeministër i Britanisë së Madhe përpara një turme të madhe në Downing Street, duke shënuar fillimin e një epoke të re politike. Pa pasur nevojë për një foltore dhe i rrethuar nga mbështetësit, kryeministri i ri e cilësoi emërimin e tij si një moment reflektimi dhe rezolute të re, duke thënë se gjenerata e tij e politikanëve duhet të ngrejë nivelin e angazhimit për të rikthyer stabilitetin e vendit.

Burnham pranoi se qytetarët janë të lodhur nga politika aktuale dhe premtoi se ky moment do të shërbejë si një ndryshues i madh kursesh, duke u zotuar për një model të ri që bazohet në bashkëpunim dhe zgjidhje të problemeve, larg pikëve politike. Ai kritikoi vendimet e gabuara të viteve të 80-ta, përfshirë privatizimin dhe de-industrializimin, duke thënë se shumë zona ende nuk janë rimëkëmbur nga ato politika.

Në planin e tij qeverisës, Burnham premtoi se që nga e nesërmja do të shpalosë planet për t’u dhënë njerëzve më shumë hapësirë sa i përket kostos së jetesës, duke treguar edhe si do të financohen ato.

Ai u zotua për ndryshime në sistemin e arsimit për të ndihmuar të rinjtë të futen në tregun e punës, rritje të mbështetjes për shëndetin mendor, si dhe ndërtimin e më shumë shtëpive sociale si një mënyrë e drejtë dhe e qëndrueshme për të ulur shpenzimet e asistencës sociale.

Ndër vendimet e tij të para të prera, kryeministri i ri njoftoi se do të nxjerrë urdhrin e parë për t’i dhënë fund fenomenit të njerëzve që flenë në rrugë.

Për më tepër, Burnham bëri të ditur se do të largojë pushtetin nga Westminsteri për ta shtrirë atë në çdo cep të vendit. Ai u zotua të ndërtojë një ekonomi të re, duke kthyer shërbimet dhe mallrat jetike nën kontrollin publik për t’i bërë ato të përballueshme, si dhe të ri-industrializojë Britaninë duke mbështetur industrinë vendase.

Kryeministri njoftoi se më vonë gjatë këtij viti do të prezantojë një plan 10-vjeçar që do të përcaktojë qartë rrugën se ku dëshiron ta dërgojë vendin. Duke theksuar se kujdesi për njerëzit do të jetë në qendër të çdo vendimi të tij, Burnham i bëri thirrje publikut dhe mbështetësve që t’i qëndrojnë pranë për të ndërtuar një ndjenjë të re të unitetit kombëtar, duke e përmbyllur fjalimin mes duartrokitjeve të shumta, para se të futej në rezidencën e famshme numër 10. /BBC/

Continue Reading

Lajmet

Studio Muzikë Moderne, Produksion Digjital dhe Menaxhment: Programi që të bën lider në industrinë e re të muzikës

Published

15 hours ago

on

July 20, 2026

By

Industria moderne e muzikës sot kërkon diçka më shumë se thjesht talent; ajo kërkon profesionistë që zotërojnë teknologjinë dhe njohin biznesin. Programi, Muzikë Moderne, Produksion Digjital dhe Menaxhment në UBT është ndërtuar pikërisht për të formuar këta liderë të rinj të industrisë kreative, duke bashkuar në një vend artin, teknologjinë dhe menaxhimin.

Ky program u ofron studentëve një përgatitje të plotë praktike dhe teorike përmes tri shtyllave kryesore;

Krijim dhe Produksion Digjital: Zhvillimi i aftësive profesionale në prodhimin e muzikës, dizajnin e tingullit dhe performancën vokale apo instrumentale.

Menaxhim dhe Biznes: Trajnimi i studentëve për menaxhimin e artistëve, organizimin e ngjarjeve dhe menaxhimin e projekteve në industrinë kreative.

Inovacion dhe Teknologji: Nxitja e ideve të reja dhe përdorimi i teknologjive të fundit të zërit për të krijuar platforma dhe qasje të reja artistike.

Synimi kryesor është përgatitja e drejtpërdrejtë për tregun e punës. Gjatë studimeve, studentët do të punojnë në projekte reale, do të marrin pjesë në masterklasa dhe do të krijojnë kontakte të rëndësishme me kompani muzikore, shtëpi botuese dhe organizata kulturore.

Kjo i orienton ata drejt karrierave të suksesshme si producentë, menaxherë, interpretues apo edukatorë të muzikës moderne.

Regjistrimet kanë filluar, këtu gjeni linkun për aplikim!

Continue Reading

Të kërkuara