Lajmet

11 të famshëm që publikisht e pranuan se nuk do ta marrin vaksinën

Disa fytyra publike që kanë zbuluar se nuk e kanë ndërmend ta marrin vaksinën në këtë kohë.

Published

on

Deri më tani, shumë të famshëm e kanë marrë vaksinën kundër COVID-19 për të ndihmuar që pandemia të përfundojë dhe t’i mbajë të gjithë të sigurt kundër virusit vdekjeprurës.

Megjithatë, janë disa fytyra publike që kanë zbuluar se nuk e kanë ndërmend ta marrin vaksinën në këtë kohë. Zgjedhja e tyre është e tyre, dhe disa ofruan edhe arsyetim për këtë.

Vaksina rekomandohet nga zyrtarët e shëndetit publik dhe deri më tani ka treguar shumë pak efekte anësore në studime. Me përhapjen e shpejtë të variantit Delta, zyrtarët e shëndetit publik po kërkojnë vaksinim më shumë se kurrë.

Çdo deklaratë e bërë nga këto të famshëm është e tyre dhe nuk është miratim nga Klan Kosova:

Reperi Offset tha se nuk planifikon të marrë vaksinën.

“Nuk kam besim,” tha Offset kur u pyet nëse do të vaksinohej. Ai më pas shtoi se lexoi një histori për disa të vaksinuar që kishin një efekt anësor të rrallë pas marrjes së vaksinës dhe se nuk dëshiron të ndihet si subjekt testimi.

Anwar Hadid, i dashuri i Dua Lipës, zbuloi se nuk do të merr vaksinën, gjatë një sesioni pyetjesh në Instagram në dhjetor.

Në një intervistë të fundit, aktorja e Grease dhe ylli legjendar Olivia Newton John, 72 vjeçe, u pyet nëse do ta merrte vaksinën.

“Jo në këtë fazë, jo” tha Olivia (përmes Herald Sun të Australisë)

“Unë nuk jam anti-vaksinës. Jam kundër vendosjes së merkurit dhe pesticideve në trupin tim, të cilat gjenden në shumë vaksina”, tha vajza e saj, Chloe Lattanzi.

Ky pretendim nuk mund të mbështetet nga shkenca mjekësore. “Për mua mjekësia e vërtetë është ajo që vjen nga toka. Unë mendoj se njerëzit i besojnë vaksinave sepse mjeku thotë se është e sigurt, unë e kam përdorur ”

Olivia kohët e fundit u diagnostikua me kancer për herë të tretë.

Në shtator të vitit 2020, Elon Musk dha një intervistë për New York Times dhe tha se nuk do ta merrte vaksinën.  “Madje as fëmijët e mi”, kishte deklaruar ai.

Mendimi i tij duket se ka ndryshuar që atëherë, pasi shkroi në Twitter si më poshtë:

Për të qenë i qartë, unë i mbështes vaksinat në përgjithësi dhe vaksinat kundër COVID-it në mënyrë specifike. Shkenca është e qartë. Në raste shumë të rralla ka një reaksion alergjik, por kjo adresohet lehtësisht me një EpiPen“.

Zach Rance i Big Brother doli me një fjalim që e postoi në Twitter lidhur me vaksinën e COVID-19, duke deklaruar se nuk do të merrte.

Summer Walker, kantautorja e “Girls Need Love” përhapi dezinformata të COVID-19 në lidhje me vaksinën

Komediani dhe aktori, Rob Schneider, ka postuar një cicërimë në Twitter, e cila është etiketuar si çorientuese nga ky rrjet social, duke theksuar se ai nuk e dëshiron vaksinën.

Chet Hanks (djali i Tom Hanks dhe Rita Wilson)

Pavarësisht se prindërit e tij ishin dy nga të famshmit e parë që zbuluan se po luftonin me COVID-in në mars të vitit 2020, Chet Hanks publikoi një video duke thënë se nuk do vaksinohej.

Laura Osnes zbuloi se nuk është e vaksinuar.

Ajo shpjegoi, “Rasti im është personal. Unë qëndroj pranë vendimit që unë dhe burri im, me ndihmën e mjekut tonë, e kemi marrë për veten, planifikimin e familjes dhe të ardhmen tonë. Ka kaq shumë që ende nuk dihet. Një ditë, mbase do të ndihemi më të sigurt në hulumtim për të marrë në konsideratë një pozicion tjetër. Me informacionin që është aktualisht në dispozicion, megjithatë, kam një bindje se unë (dhe shumë të tjerë, si brenda ashtu edhe jashtë industrisë sime) ndihem e detyruar të qëndroj në pritje”.

Kirstie Alley zbuloi se nuk është e vaksinuar.

“Epo meqenëse jeni kaq të sjellshëm, do t’i përgjigjem kësaj. Sapo e kalova COVID-in. Jo nuk jam e vaksinuar sepse kam antitrupa pasi sapo kalova COVID-in 3 javë më parë”, shkroi ajo në Twitter.

Samaire Armstrong është kundër vaksinimit dhe qëndrimin e saj e ka bërë të qartë në disa prej postimeve në Twitter.

’Unë e kam thënë këtë më parë dhe do ta them përsëri; Kurrë nuk do ta kuptoj një person të shëndetshëm me zero gjasa për sëmundje të rëndë nga një variant gripi që ka një shkallë mbijetese 99.9%, të injektojë veten me një vaksinë të paprovuar të bërë nga kriminelët, sepse një i huaj po i nxit ta bëjnë këtë”, ka shkruar ajo.

Continue Reading

Lajmet

Dështimi i 21-të, konstituimi i Kuvendit nuk bëhet as këtë herë

Published

on

Dështoi edhe vazhdimi i sotëm i seancës, përpjekja e 21-të me radhë për konstituimin e këtij institucioni ligjvënës.

Vazhdimi i sotëm ishte i njëjtë me vazhdimet e mëparshme: përsëri tentim i Lëvizjes Vetëvendosje për krijimin e një komisioni ad-hoc për votim të fshehtë.

Kryesuesi Avni Dehari kërkoi nga PDK-ja, LDK-ja, AAK-ja dhe Lista Serbe që të bëjnë propozimet e kandidatëve të tyre për komision, por këto parti nuk pranuan dhe nuk morën pjesë në votim.

Nga 90 deputetët e pranishëm, 53 vota ishin për, një kundër dhe asnjë abstenim.

Dehari bëri të ditur se seanca ndërprehet dhe se do të vazhdojë më 27 maj, në orën 11:00.

Continue Reading

Lajmet

UBT organizon Akademi Përkujtimore për të nderuar jetën dhe veprën e profesorit dhe arkitektit Arsim Murseli

Published

on

By

Nën patronatin e Rektorit të UBT-së, Prof. Dr. Edmond Hajrizi, të hënën më 26 maj 2025, në Sallën e Bibliotekës në Parkun Shkencor, Inovativ dhe Teknologjik të UBT-së në Lipjan, duke filluar nga ora 10:00, do të organizohet një Akademi Përkujtimore për të nderuar jetën, veprën dhe trashëgiminë profesionale e njerëzore të profesor Arsim Murselit – arkitektit të njohur dhe intelektualit të shquar të komunitetit akademik.

Profesor Murseli ishte një bashkëpunëtor i respektuar, mik i afërt dhe kontribuues i rëndësishëm në rrugëtimin e UBT-së. Ai ishte ndër figurat më të dashura dhe më të përkushtuara, i njohur për mençurinë, modesti të rrallë, integritet të lartë dhe dashurinë e pakushtëzuar për dijen.

Në rolin e tij si ligjërues dhe arkitekt, profesor Murseli la gjurmë të thella përmes angazhimit të palodhur në projekte të shumta akademike e arkitektonike, duke përçuar përherë mesazhin e përparësisë së dijes, edukimit cilësor dhe formimit profesional të brezave të rinj. Si udhëheqës i degës së UBT-së në Ferizaj, ai vendosi standarde të larta të lidershipit akademik dhe krijoi një trashëgimi të qëndrueshme në edukimin e studentëve.

Continue Reading

Lajmet

Prokuroria e Kosovës ngre aktakuzë ndaj një të dyshuari për spiunazh për inteligjencën serbe

Published

on

By

Prokuroria Speciale e Kosovës ka ngritur aktakuzë të premten kundër një burri, të cilin e akuzon se kishte spiunuar për Agjencinë e Inteligjencës dhe Sigurisë së Serbisë, e njohur si BIA, për kohë të papërcaktuar.

Të dyshuarin, e identifikuar vetëm me inicialet A.V., prokurorët e ngarkojnë me dy vepra penale, spiunazh dhe armëmbajtje pa leje.

Sipas aktakuzës, i dyshuari kishte “mbledhur të dhëna dhe dokumente të rëndësishme, të cilat, më pas dërgoi në cilësinë e Agjentit Rezident BIA-s serb”, duke e “cenuar rendin kushtetues dhe sigurinë e Kosovës si dhe jetën e zyrtarëve shtetëror dhe të qytetarëve të saj”.

Ai dyshohet se e ka kryer veprën për kohë të papërcaktuar deri në arrestimin e tij në qershor të vitit 2024.

Nga provat e siguruara… A.V kishte krijuar një rrjet të punësuarve në organizatat ndërkombëtare në Kosovë të nacionalitetit serb, nga të cilët kishte pranuar informacione dhe raporte të punës së këtyre organizatave që ndërlidheshin me aspektet politike dhe të sigurisë në Kosovë, si dhe kishte mbledhur informacione, për persona të nacionalitet serbë, me qëllimin që t’i paraqiste si bashkëpunëtorë të strukturave të sigurisë së Kosovës”, thuhet në aktakuzë.

Ai dyshohet se të dhënat dhe dokumentet e siguruara ia kishte “dorëzuar zyrtarit të lart të BIA-së, R.G, shef i njërës prej Qendrave të BIA-së në territorin e Serbisë, përmes komunikimeve telefonike dhe takimeve fizike”.

Prokuroria tha se në shtëpinë e të dyshuarit janë gjetur dhe konfiskuar një armë dhe një spërkatës gaz lotsjellës, gjatë një bastisjeje policore.

Prokurorët kanë kërkuar që ai të mbahet në paraburgim në pritje të gjykimit.

Prokuroria nuk dha më shumë hollësi rreth identitetit apo kombësisë së A.V., por vitet e fundit serbë e shqiptarë janë arrestuar në Kosovë nën dyshimet se po spiunonin për shërbimet e inteligjencës së Serbisë.

Derisa shpeshtohen rastet, njohësit e sigurisë thonë se inteligjenca serbe ka shtrirë rrënjët në tërë territorin e Kosovës ndër vite./REL/

Continue Reading

Lajmet

FFK pajtohet me vërejtjet e MKRS-s, Kuvendi i Punës do të përsëritet

Published

on

By

Federata e Futbollit të Kosovës do pa përsëris Kuvendin e Punës të mbajtur më 20 shkurt të këtij viti pasi Komisioni Vlerësues brenda Ministrisë së Sportit kishte gjetur parregullësi në këtë kuvend, me theks të veçantë në pjesëmarrjen e dy klubeve që nuk ishin të licencuara në këtë kuvend.

Si pasojë e këtyre shkeljeve, MKRS kishe pezulluar lëshimin e vërtetimeve nga Ligji i Sponsorizimeve për të gjitha klubet e futbollit, duke shkaktuar kështu dëm të madh financiar tek secila prej tyre.

Por, situata tashmë ka ndryshuar. Ekskluzivisht për KosovaPress, Kryesuesi i Komisionit për Licencim të Federatave Sportive, Fidan Shatri ka thënë se FFK është pajtuar që ta përsëris Kuvendin e Punës duke u pajtuar me gjetjet e shkeljeve nga ana e MKRS-së

Sipas zyrtarit të MKRS-së, Fatmir Shatri, një nga shkeljet më të theksuara ishte përfshirja e klubeve të palicencuara në procesin e vendimmarrjes, çka bie ndesh me Ligjin për Sport.

Rasti i Federatës së Futbollit të Kosovës ka qenë pas vlerësimit të komisionit mbi kuvendin e punës që është mbajtur në muajin shkurt, kanë qenë disa vërejtje të cilat kanë qenë edhe publike, dhe një nga vërejtjet kyçe ka qenë pjesëmarrja e klubeve të cilat nuk janë të licencuara në procesin e vendimmarrjes, pra pjesëmarrja në Kuvendin e Federatës së Futbollit. Në rastin e tillë është standard për të gjitha federatat që klubet të cilat nuk janë të licencuara nuk mund të jenë pjesë e vendimmarrjes dhe me strukturat e federatës përkatëse, në këtë rast FFK”, ka thënë fillimisht Shatri.

Shatri ka bërë të ditur se FFK është zotuar që Kuvendi i të mbahet gjatë muajit qershor

Pas vlerësimit të komisionit, kemi pasur disa takime me FFK-në ku me të gjitha federatat jemi të gatshëm të kontribuojmë në mundësinë e dhënies së propozimeve tona në lidhje me harmonizimin e të gjitha akteve pasi është ligj i ri i sportit dhe nuk është i njohur për të gjithë. Në këtë rast, Federata e Futbollit është pajtuar që të gjeturat që i ka dhënë komisioni në drejtim të federatës që këto të gjetura ku kanë marrë pjesë klubet e palicencuara është vërejtje e komisionit që nuk mund të jenë pjesë e kuvendit. Në këtë rast, janë zotuar që gjatë muajit qershor Federata e Futbollit do ta mbaj Kuvendin e Punës dhe në harmoni me Ligjin për Sport, udhëzimet dhe rekomandimet e komisionit të miratohen në kuvendin që do të mbahet në qershor”, ka bërë të ditur Shatri.

Ai ka shtuar në fund se në rast se FFK nuk e mban këtë zotim, atëherë mund të pezullohet sërish lëshimi i vërtetimeve të sponsorizimit për të gjitha klubet sportive që janë anëtare të FFK-së.

 

Continue Reading

Të kërkuara