Kronika e zezë

11 muaj burgim dhe 900 euro gjobë ndaj të akuzuari se bleu marihuanë në Shëngjin për ta shitur në Kosovë

Publikuar

3 javë më parë

më

Gjykata Themelore në Prizren ka dënuar me 11 muaj burgim dhe 900 euro gjobë të pandehurin Sh.G., i cili po akuzohej për blerje, posedimi, shpërndarje dhe shitje të paautorizuar të lëndëve narkotike.

Paraprakisht në seancën e shqyrtimit fillestar, të martën pas leximit të aktakuzës, prokurori Genc Nixha, njoftoi gjykatësin se me të akuzuarin kishin lidhur marrëveshje për pranimin e fajësisë, raporton “Betimi për Drejtësi”.

I akuzuari deklaroi se pranon fajësinë dhe se ishte njoftuar nga prokurori Nixha për favoret dhe pasojat të cilat ishin të parapara me ligj.

“Pranoj fajësinë dhe kërkoj falje nga gjykata dhe prokurorisë. Nuk do e përsëris më”, tha i akuzuari G.

Tutje, avokati i të akuzuarit G., avokati Esat Gutaj i ka propozuar gjykatës që të mbrojturit të tij t’i shqiptohet minimumi i dënimit, me arsye se ai kishte pranuar fajësinë dhe se ishte hera e parë që po bie ndesh me ligjin, dhe gjithashtu është mbajtës i familjes.

Ndryshe, sipas aktakuzës të ngritur më 16.08.2024, nga Prokuroria Themelore e Prizrenit, i pandehuri Sh.G, më 2 korrik 2024, është kapur nga policia në pikën kufitare në Vërmicë duke transportuar narkotik në mënyrë të paautorizuar.

Në aktakuzë thuhet se, policia kufitare kishte ndaluar automjetin e markës “Audi A8”, cilën ishin duke e drejtuar vëllai i të pandehurit, A.G., dhe gjatë kontrollit të automjetit, në ulësen e pasme ka gjetur një qese të plastikës me substancë narkotike të llojit “Marihunë”, në peshë të përgjithshme prej 300 gram, të cilën substancë e kishte blerë i pandehuri në Shëngjin të Republikës së Shqipërisë në shumën prej 500 euro, me qëllim që të njëjtën ta vë në qarkullim për shitje brenda territorit të Republikës së Kosovës.

Me këto veprime, ai akuzohej se ka kryer veprën penale “Blerja, posedimi, shpërndarje dhe shitje te paautorizuar të narkotikëve, substancave psiko-trupore dhe analoge nga neni 267, paragrafi.2 të KPRK-së.

Etiketa
Vazhdo të lexosh

Kronika e zezë

Përfshihet nga zjarri një banesë në Gjilan

Publikuar

14 orë më parë

më

19 Shtator, 2024

nga

Një burrë në Gjilan ka njoftuar policinë se në rrethana të panjohura është përfshirë nga zjarri banesa e tij. Zjarri është lokalizuar nga njësiti i zjarrfikësve.

Rasti është duke u hetuar.

“Gjilan 18.09.2024-17:43.Ankuesi mashkull kosovar, ka njoftuar se në rrethana të panjohura është përfshi nga zjarri banesa e tij. Njësiti i zjarrfikësve kanë lokalizuar zjarrin. Rasti duke u hetuar”, thuhet në njoftim.

Vazhdo të lexosh

Kronika e zezë

​Zjarr i qëllimshëm në Çagllavicë, dy persona të panjohur djegin veturat

Publikuar

3 ditë më parë

më

17 Shtator, 2024

nga

Në një autosallon në Çagllavicë në Prishtinë janë djegur dy vetura. Policia e Kosovës ka njoftuar se në vendin e ngjarjes kanë dalë njësitë relevante policore dhe zjarrfikësit të cilët e kanë shuar zjarrin.

“Pas shikimit të kamerave të sigurisë është vërejtur se zjarrin e kanë shkaktuar – kanë djegur veturat dy persona të panjohur të cilët kishin shkuar aty me një veturë të panjohur. Lidhur me rastin është njoftuar prokurori, rasti është duke u hetuar”, thuhet në njoftimin e policisë.

Vazhdo të lexosh

Kronika e zezë

​Vjedhje e rëndë në një market në Bardhosh

Publikuar

3 ditë më parë

më

17 Shtator, 2024

nga

Policia e Kosovës ka njoftuar se në fshatin Bardhosh në Prishtinë të hënën katër persona të maskuar kanë depërtuar në brendi të një marketi.

Sipas raportit të policisë, aty janë vjedhur një sasi e cigareve dhe 200 euro para të gatshme. Personat pas vjedhjes me një veturë janë larguar në drejtim të panjohur.

“Nuk raportohet për të arrestuar, rasti në hetime”, thuhet në raportin e policisë.

Vazhdo të lexosh

Kronika e zezë

​Kapen 150 bimë narkotike në rajonin e Gjakovës

Publikuar

6 ditë më parë

më

13 Shtator, 2024

nga

Njësitet e Specializuara Kufitare, së bashku edhe njësinë e Antidrogës në Gjakovë, ka realizuar sot një aksion në brezin kufitar me Shqipërinë, ku kanë gjetur dy parcela të mbjella me 150 bimë narkotike kanabis sativa me gjatësi një deri në dy metra.

Policia e Kosovës po ashtu ka komunikuar edhe me Policinë e Republikës së Shqipërisë dhe në koordinim me të njëjtit është bërë sigurimi i perimetrit të jashtëm të zonës në vijën kufitare Kosovë/Shqipëri nga ajri dhe nga toka.

Të gjitha veprimet lidhur me rastin janë kryer në koordinim me Prokurorinë Themelore në Gjakovë, është iniciuar rasti “Kultivim i bimëve narkotike”, është bërë asgjësimi i bimëve narkotike në vendin e ngjarjes.

Në rastin e dytë dje gjatë vëzhgimit të brezit kufitar të Kosovës dhe të Serbisë, në fshatin Stublinë zyrtarët policorë kanë ndaluar një automjet me targa të Serbisë, të cilin e drejtonte e dyshuara femër me shtetësi serbe, si dhe një pasagjer.

Gjatë kontrollit në automjetin e ndaluar kishte pasur të ngarkuara mallra të ndryshme në sasi të mëdha, përfshirë pajisje elektronike, tekstil dhe produkte higjienike.

Lidhur me rastin janë ndërmarrë veprimet përkatëse policore sipas procedurave të parapara, si dhe me urdhër të prokurorit kompetent personat e dyshuar janë liruar në procedurë të rregullt, ndërsa malli i konfiskuar është dërguar në terminalin doganor për vlerësim nga ana e Doganës së Kosovës.

Në rastin e tretë sot gjatë vëzhgimit në brezin kufitar të Kosovës dhe Serbisë, në rrugën Stublinë-Doberqan, zyrtarët policorë në hyrje të fshatit Dobërqan kanë ndaluar dy vetura me targa të huaja, të cilat po drejtoheshin nga dy të dyshuarit meshkuj shtetas kosovarë.

Gjatë kontrollit të automjeteve të ndaluara, janë gjetur të ngarkuara mallra/pjesë të ndryshme të përdorura të automjeteve, pajisje bujqësore dhe mjete tjera pune.

Lidhur me rastin, me urdhër të prokurorit kompetent, personat e dyshuar janë liruar në procedurë të rregullt, ndërsa malli dhe automjetet e sekuestruara janë dorëzuar në terminalin doganor për numërim, vlerësim dhe procedim nga ana e Doganës së Kosovës.

Vazhdo të lexosh

Të kërkuara