

Sport
10 vite nga ndërkombëtarizimi i KOK-ut, suksese të mëdha e shumë barriera të thyera
Published
6 months agoon
By
UBTNewsFigurat më eminente të sportit botërorë zbarkuan në Kosovë me ftesë të Komitetit Olimpik (KOK) të Kosovës për të festuar së bashku 10 vjetorin e anëtarësimit të kësaj të fundit në Komitetin Olimpik Ndërkombëtar.
Presidenti i Komitetit Olimpik Ndërkombëtar (IOC) Thomas Bach, ai i Komitetit Olimpik të Evropës, Spyros Capralos, presidenti i Komitetit Ndërkombëtar të Lojërave Mesdhetare, Davide Tizzano, si dhe presidentë të shumë federatave sportive ndërkombëtare, dhe personalitete tjera nga sporti botëror ishin pjesë e kësaj galambrëmje ku u festua ky përvjetor me shumë suksese të Kosovës në sport në arenën ndërkombëtare.
Anëtarësimin në Komitetin Olimpik Ndërkombëtar e cilësoi si “ngjarje hisorike” për Kosovën presidenti i Komitetit Olimpik të Kosovës, Ismet Krasniqi. Ai tha se Kosova edhe pse vend i vogël, i tregoi botës se me punë, besim e përkushtim mund të arrihet diçka më shumë se sa mund të imagjinohet dhe se kjo do të dëshmohet edhe në vitet e ardhshme.
“Gjatë këtyre 10 viteve e dimë që rruga nuk ka qenë gjithmonë e lehtë, ka pasur sfida, ka pasur dyshime por më shumë se çdo gjë tjetër ka pasur besim dhe guxim…Kosova edhe pse një shtet i vogël ka treguar se ka një potencial të madh një kështjellë të pamposhtur dhe ëndrra të mëdha. Pesë medaljet tona olimpike, katër në Lojërat Evropiane, triumfet në Lojërat Mesdhetare, sukseset në kampionatet botërore dhe evropiane janë dëshmi se kur besojmë në veten tonë asnjë kufi nuk është i pamundur. Ne kemi dëshmuar se mund të arrihet gjithçka, ndoshta madje më shumë se sa kishim menduar vetëm duke pasur besim dhe duke punuar me përkushtim”, ka thënë Krasniqi.
Presidentja e Republikës së Kosovës, Vjosa Osmani theksoi se ky 10 vjetor e gjen Kosovën me shumë suksese të jashtëzakonshme të arritura në sport.
Ajo shtoi se sportistët e Kosovës po bëjnë një rrugëtim të jashtëzakonshëm nëpër botë dhe se ata janë shtylla kryesore dhe ambasadorët më të mirë të Kosovës dhe imazhit të saj në arenën ndërkombëtare dhe kjo u dëshmua me xhudisten Majlinda Kelmendi e cila tashmë është bërë frymëzim edhe për sportistët e rinj në të gjithë botën.
“Rrugëtimi i sportistëve të Kosovës ka qenë i jashtëzakonshëm nga fitimi i medaljeve olimpike deri të mbajtja e flamurit me krenari në skenën ndërkombëtare. Ata i kanë treguar botës se kush është Kosova në të vërtetë…Sportistët tanë kanë dëshmuar se janë ambasadorët tanë më të mirë e më të denjë të Kosovës, prandaj jemi krenar për çdo hap, çdo garë dhe çdo qëllim që e kanë arritur. Kjo dekadë është e mbushur me arritje dhe momente të paharrueshme për sportin e Kosovës, në fakt për secilin qytetar të Kosovës sepse nëpërmjet sportit Kosova u vendos në hartën globale në mënyrë jashtëzakonisht dinjitoze”, deklaroi Osmani.
Kurse kryeministri i Republikës së Kosovës, Albin Kurti, tha se kjo dekadë shënoi histori jo vetëm për Kosovën por edhe për sportin ndërkombëtar sepse Kosova fitoi medalje në debutimin e saj në Lojërat Olimpike me kampionen Majlinda Kelmendi.
Kurti tha se këtë rrugëtim të suksesshëm Kosova do ta vazhdojë edhe me organizimin e Lojërave Mesdhetare në vitin 2030 duke ofruar gatishmërinë e Qeverisë së Kosovës për ta mbështetur fuqishëm organizimin e këtyre lojërave.
“Gjatë kësaj dekade, Kosova ka arritur atë që dikur dukej e pamundur. Nga njohja ndërkombëtare, në pjesëmarrje e përfaqësim dhe direkt në medalje të artë Olimpike. Histori për Kosovën, e histori edhe për sportin ndërkombëtar, ku një shtet, në debutim të Lojërave, fiton medalje të artë Olimpike. Më lejoni të shpreh mirënjohjen më të thellë për kampionen tonë, gruan e guximshme, shqiponjën e maleve të rugovës, të artën tonë të parë olimpike, Majlinda Kelmendi. Suksesi i saj jo vetëm që e ngriti Kosovën në majat e sportit botëror, por edhe frymëzoi breza të tërë të rinjsh që të ëndërrojnë dhe të punojnë drejt madhështisë”, tha Kurti.
Ndryshe, Komiteti Olimpik i Kosovës u anëtarësua në Komitetin Olimpik ndërkombëtar më 9 dhjetor të vitit 2014.
Sport
Opsioni i vetëm i Barcelonës për të nënshkruar me Williamsin
Published
15 hours agoon
June 21, 2025
Klubi Athletic ka qenë i vendosur: nëse FC Barcelona dëshiron të sigurojë shërbimet e Nico Williams këtë verë, duhet të paguajë plotësisht shumën prej 62 milionë eurosh të përcaktuar në klauzolën e tij të lirimit, të indeksuar sipas inflacionit.
Nuk ka hapësirë për negociata apo marrëveshje kreative pagese. Klubi nga Bilbao nuk do të shqyrtojë asnjë marrëveshje apo afat, madje edhe nëse përfshin një shumë më të lartë. Vetëm pagesa e menjëhershme dhe e plotë do të çlironte anësorin, pasi ai është nën kontratë deri në vitin 2027.
Entiteti rojiblanco e konsideron këtë qëndrim të panegociueshëm. Çdo përpjekje nga Barça për të kërkuar një dalje të negociuar apo të shtyrë është e destinuar të dështojë. Rrethi i ngushtë i lojtarit e kupton se kërkimi i një ndërhyrjeje tek bordi i Athletic shkakton tensione të panevojshme. Siç raporton “Marca”, klubi bask mbetet i palëkundur në politikën e tij për të mos negociuar me asnjë ekip që përpiqet të marrë lojtarët kyç në mënyrë të tërthortë.
Nico duket i qartë për të ardhmen: ai dëshiron të veshë fanellën blaugrana dhe të bëhet pjesë e projektit të ri që do të udhëheqë rihapjen e “Camp Nou”.
Ai i ka injoruar propozimet për rinovim nga Athletic, pavarësisht se klubi është i gatshëm ta bëjë atë lojtarin më të paguar të skuadrës. Heshtja e tij tregon një dëshirë të fortë për të ndryshuar ambient.
Kjo situatë sjell ndër mend precedentin e vitit 2018, kur Manchester City pagoi klauzolën e lirimit të Aymeric Laporte. Athletic, besnik ndaj filozofisë së tij, reagoi duke forcuar skuadrën me Iñigo Martínez përmes të njëjtit mekanizëm.
Nëse Barcelona dëshiron të finalizojë këtë marrëveshje, nuk ka zgjidhje tjetër përveçse të ndjekë të njëjtën rrugë. Nuk ekziston asnjë alternativë tjetër.
Sport
Nuk ishte vetëm çështje parash, Daku kthehet në stërvitje me ekipin e tij Rubin në 20 korrik
Published
17 hours agoon
June 21, 2025
Trajneri i tij parashikon që ai mund të vlejë 25 milionë euro. Mirlind Daku duhet thjesht që të punojë për të rregulluar shënjestrën, dhe pastaj do të kthehej në një nga sulmuesit më të vlefshëm të Europës.
Tekniku i Rubinit, Rahimov është i lumtur që transferimi i parashikuar i yllit kuqezi tek Zeniti nuk ndodhi, dhe që futbollisti do të bashkohet me ekipin në 20 korrik në nisje të fazës përgatitore. Nga Shën Peterburgu, flet presidenti I këshillit të drejtorëve të Zenitit, Aleksandr Medvedev, vjen sqarimi se dështimi për të marrë Dakun nuk ndodhi vetëm për shkak të mosmarrëveshjeve financiare.
“Pati edhe çështje të tjera, jo vetëm të aspektit financiar”, citohet të ketë thënë Medvedev. Më herët, një media ruse shkroi edhe për probleme politike, pra sesi do të pritej ardhja e tij nga tifozët.
Klubi nga Tatarstani besohet se do të nisë bisedimet për rinovimin e kontratës së shqiptarit, akord që përfundon verën e ardhshme, ai fiton vetëm 700 000 euro në muaj, ndërsa tek Zeniti kërkoi të paktën 3 milionë.
Të shohim se çfarë do të ndodhë, ndërsa kohë për transferim ka plot, dhe dëshira e lojtarit është që të luajë në Europën Perëndimore. Trajneri Rahimov ndërkaq komentoi se është e vështirë të gjesh një sulmues si Daku, me shtatlartësi 1.92 metra, që vrapon shpejt dhe e kontrollon topin.
Sport
Aksident me motor për Vlade Divacin, legjenda e basketbollit shtrohet në spital në Mal të Zi
Published
1 day agoon
June 20, 2025
Vlade Divac është përfshirë në një aksident me motoçikletë në Mal të Zi.
Sipas medias lokale “pobjeda.me”, legjenda e basketbollit evropian dhe botëror ka pasur një aksident me motoçikletën e tij në bregdetin e Malit të Zi.
Ai ra nga motoçikleta e tij pranë Lusticas dhe për shkak të lëndimeve që pësoi gjatë rënies, u desh të dërgohej në një spital aty pranë.
Sport
Nora Gjakova, zyrtarisht anëtare e Komisionit të Sportistëve të IJF!
Published
1 day agoon
June 20, 2025By
UBTnews
Nora Gjakova, krenaria e sportit kosovar, ka shkruar edhe një kapitull të ri në historinë e saj të jashtëzakonshme – këtë herë jo me medalje të arta, por me përfaqësim dhe ndikim ndërkombëtar, raporton KosovaPress.
Kampione Olimpike, medaliste botërore dhe evropiane, Nora është tashmë zyrtarisht anëtare e Komisionit të Sportistëve të Federatës Ndërkombëtare të Xhudos (IJF) – një trupë elitare që formëson të ardhmen e këtij sporti në rang global.
IJF ka vlerësuar jo vetëm sukseset e saj sportive, por edhe urtësinë, përkushtimin dhe ndikimin që ajo ka brenda dhe jashtë tatamit. Roli i saj i ri është thelbësor: të jetë zëri i xhudistëve nga e gjithë bota, të shtyjë për politika të drejta dhe të kontribuojë në zhvillimin e xhudos me vizion e integritet.
Ky është një hap historik edhe për Kosovën – për herë të parë një sportiste nga vendi ynë bëhet pjesë e vendimmarrjes në një organizatë kaq të madhe ndërkombëtare.

Ja kushtet që Chris Brown duhet të respektojë pas akuzës për sulm në Londër

Dylli i veshit mund ta parashikojë sëmundjen e Parkinsonit

Aktiviteti fizik i rregullt ndihmon trurin të harrojë kujtimet traumatike

Këto janë dy periudhat e jetës sonë kur plakemi më shpejt

Si të ruani të freskëta bananet për një javë?

Opsioni i vetëm i Barcelonës për të nënshkruar me Williamsin

A duhet të pimë pije energjike në verë?

21 qershori – Dita Ndërkombëtare e Muzikës

Volkswagen ID. Buzz AD robotaxi gati për shitje nga viti 2026
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore