Shëndeti

10 burime të pazakonta të kalciumit

Patatet e ëmbla dhe fiqtë janë dy prej tyre.

Publikuar

Dozat aq të nevojshme të kalciumit i janë atribuar gjithmonë produkteve të bulmetit jo vetëm në vendin tonë. Megjithatë, gjithkush mund t’i gëzohet një sërë alternativave të tjera të shëndetshme të produkteve jo bulmetore dhe jo shtazore që kanë doza të larta kalciumi. Një i rritur ka nevojë për 1000 miligramë kalcium në ditë për të patur dhëmbë dhe kocka të shëndetshme.

1. Lakrat e Egra. Dy filxhanë me gjethet e lakrave të egra përmbajnë 188 miligramë kalcium. Këto gjethe mund t’i konsumosh të gatuara ose jo. Sido që t’i konsumosh trupi merr të njëjtin nivel vlerash ushqimore. Produkte të tjera janë finoku, brokoli dhe artiçoka. Një lugë me fara finoku përmban 59 miligramë kalcium. Një copë brokoli i pagatuar përmban 71 miligramë kalcium. Një artiçokë e mesme përmban 25 miligramë kalcium.

2. Patatet e ëmbla. Një filxhan me patate të ëmbla përmban 65 miligramë kalcium. Patatet e ëmbla janë burim i pasur me potas si edhe vitaminëA dhe C.

3. Fiqtë. Nëse ha tre fiq ke përfituar 50 miligramë kalcium. Mënyrat e të shijuarit të fikut janë të panumërta: të kombinohen me drithëra, në sallata, ëmbëlsira apo thjesht si frut. Fiqtë e thatë mund të ruhen deri në dy vjet.

4. Salmoni. Nëse konsumoni 100 gramë salmon keni përfituar 180 miligramë kalcium. Nëse salmoni është së bashku me kockat e zbutura që janë të ngrënshme niveli i kalciumit është akoma më i lartë.

5. Sardelet. 100 gramë sardele është e barazvlefshme me 888 miligramë kalcium. Sardelet, ashtu si edhe salmoni janë të pasur me yndyrna të shëndetshme dhe Omega 3.

6. Farat e susamit. Një lugë me fara susami përmban 100 miligramë kalcium. Këto fara i japin gatimeve shumë shije dhe vlera ushqimore.

7. Tofu. I quajtur shpesh si “djathi vegjetarian”, është një alternativë e produkteve shtazore. 115 gramë tofu përmban të njëjtën sasi kalciumi sa edhe qumështi

8. Fasulet e bardha. Bishtajoret në përgjithësi janë një burim fantastik kalciumi dhe hekuri. Një filxhan fasule përmban 191 miligramë kalcium. Fasulet e zeza janë të mbushura gjithashtu me kalcium, potas etj. Një gjysëm filxhani me këto fasule përmban 185 miligramë kalcium.

9. Bajamet. Mos hezito të konsumosh bajame në çdo orë të ditës. Rreth 20 bajame përmbajnë 72 miligramë kalcium. Bajamet janë gjithashtu të pasura me potas, vitaminë E dhe hekur.

10. Portokallet. Ky frut i magjishëm është plot me vitaminë C dhe kalcium. Një kokërr portokall përmban 65 miligramë kalcium. Kalciumi është një nga mineralet më të nëvojshme për trupin e njeriut. Përveç vlerave të pamohueshme për forcimin e kockave dhe dhëmbëve, kalciumi mban enët e gjakut të shëndetshme dhe rregullon tensionin e gjakut./AgroWeb.org/

Shëndeti

Osteoartriti tek duart – Simptomat dhe trajtimet kundër dhimbjeve

Dhimbjet që pasojnë nisin me një intensitet të ulët dhe më pas bëhen shumë të mprehta.

Publikuar

nga

Dhimbjet e duarve mund të jenë të rralla por kjo nuk i bën ato të parëndësishme, përkundrazi!

Dhimbjet e duarve si pasojë e osteoartritit mund të vështirësojë ndjeshëm jetën e një njeriu.

Çfarë është osteoartriti?

Osteoartriti është sëmundje reumatizmale dhe një nga format më të zakonshme të artritit që prek të rriturit dhe zakonisht tek moshat e moshuara.

Kjo sëmundje ndodh si pasojë e dëmtimit dhe ndryshimeve morfologjike të kërceve të gjymtyrëve.

Pjesët më të prekura dhe të rrezikuara nga osteoartriti janë: duart, gjunjët, ijet dhe shpina.

Aktiviteti fizik, pesha e shëndetshme trupore dhe trajtime të ndryshme ngadalësojnë përparimin e sëmundjes dhe zbusin dhimbjet.

Osteoartriti tek duart

Kjo sëmundje prek tre zona të duarve: pjesën e gishtit të madh, indin pranë majës së gishtave dhe kërcet e mesme të gishtave.

Dhimbjet që pasojnë nisin me një intensitet të ulët dhe më pas bëhen shumë të mprehta.

Ndonëse tingëllon një legjendë urbane, ndryshimet në temperaturat e jashtme por edhe lagështia mund të nxisin ose përkeqësojnë simptomat e kësaj sëmundje.

Për më tepër, ekspertët paralajmërojnë se dhimbjet janë më të forta në orët e para të mëngjesit.

Trajtimet kundër osteoartritit tek duart

Ekspertët thonë se njerëzit që vuajnë nga ky problem duhet të sigurohen që në fillim të marrin medikamentet e duhura.

Me këtë nënkuptohet, medikamentet që luftojnë inflamacionin dhe dhimbjen siç është ibuprofeni.

Barna të tilla mund të merren në formën e pilulës ose të kremit.

Kompresat e ftohta dhe të nxehta janë gjithashtu një mënyrë e shpejtë për të larguar dhimbjet.

Për shembull, akulli zbut enjtjen e gishtave dhe mpin dhimbjet deri në largimin e tyre.

Kompresat e nxehta ndihmojnë kyçet që nuk kanë rënë pre e inflamacionit.

Një tjetër mënyrë si t’i mbroni duart është që të pakësoni sa më shumë presionin ndaj tyre.

Për shembull, çantat e ndryshme mund t’i mbani duke vënë në përdorim parakrahun dhe jo dorën.

Megjithatë, lëvizja është thelbësore dhe pa shumë mundim, ju mund t’i vëni duart në punë në detyra të thjeshta shtëpiake./AgroWeb.org

Vazhdo të lexosh

Kuriozitete

Zhurmat e përditshme që mund të shkaktojnë humbje të dëgjimit

Sa më i fortë të jetë zëri, aq më shpejt dëmton dëgjimin tuaj.

Publikuar

nga

Pothuajse të gjithë përjetojnë njëfarë humbje dëgjimi me kalimin e moshës, por shumica prej nesh nuk e kuptojnë se disa aktivitete të përditshme mund të dëmtojnë më tej dëgjimin tonë.

Zhurma e madhe shkatërron qelizat e vogla të qimeve në veshin tonë të brendshëm dhe ato nuk rigjenerohen.

Sa më i fortë të jetë zëri, aq më shpejt dëmton dëgjimin tuaj. Në të vërtetë, një tingull i lartë, si një fishekzjarr, mund të shkaktojë dëmtim të menjëhershëm të dëgjimit, por ekspozimi i përsëritur ndaj tingujve mesatarisht të lartë mund të shkaktojë gjithashtu humbje të dëgjimit.

Goditja e rrugës me një motoçikletë – Me rreth 80 deri në 100 decibel, tingulli klasik i një motori mund të dëmtojë dëgjimin tuaj me kalimin e kohës.

Dëgjimi i muzikës me kufje – Shumë pajisje kanë një volum maksimal prej 110 decibel, një nivel që mund të dëmtojë dëgjimin tuaj në vetëm pesë minuta. Gjithashtu, përdorimi i kufjeve është veçanërisht i rrezikshëm sepse energjia e zërit shkon drejtpërdrejt në kanalin e veshit.

Duke dëgjuar britmat e një sirene – Tingujt e sirenave mund të prodhojnë tinguj midis 110 dhe 129 decibel.

Trafiku i qytetit – Zhurma e madhe e trafikut mund të variojë nga 80 deri në 90 decibel, gjë që mund të shkaktojë dëmtim të dëgjimit.Pjesëmarrja në një shfaqje fishekzjarrë – Pamja që sjellin fishekzjarrët mund të jetë spektakolare, por zhurma është e rrezikshme dhe mund të arrijë 140 deri në 160 decibel./syri.net/

Vazhdo të lexosh

Shëndeti

Koha e ngrënies së darkës lidhet me shtimin e rrezikut të prekjes nga tumoret

Nuk duhet shkuar në shtrat menjëherë pas ngrënies së darkës.

Publikuar

nga

Koha e ngrënies së darkës është e lidhur me shfaqjen e shtuar të rrezikut të prekjes nga tumori i gjirit dhe ai i prostatës.

Gjëja kryesore që duhet të dini? Më mirë të mos shkoni menjëherë në shtrat pas ngrënies së darkës.

Një studim i ri i publikuar në fund të gushtit 2018 nga Kongresi Botëror Kundër Tumoreve zbulon se ngrënia e një darke të hershme dhe sigurimi i një intervali të gjatë ndërmjet vaktit të fundit dhe gjumit, ul ndjeshëm rreziqet e kancerit të gjirit dhe të prostatës.

Studimi përfshiu 621 raste të pacientëve me probleme të prostatës dhe 1205 raste të pacienteve të prekura nga kanceri i gjirit, gjithsej 872 meshkuj dhe 1321 femra.

Pjesëmarrësit u intervistuan për kohën e ushqimit dhe modelet e gjumit dhe plotësuan një pyetësor për frekuencën e ushqimit.

Cila ishte gjetja më e madhe e studimit shkencor?

Krahasuar me ata që flenë menjëherë pas darkës, ata që flenë 2 ose më shumë orë pas ngrënies së darkës kanë pasur një reduktim prej 20% në rrezikun e shfaqjes se qelizave të dëmshme të kancerit të gjirit dhe kancerit të prostatës.

Një ulje e ngjashme e rrezikut të sëmundjeve të këqia u vërejt edhe tek pjesëmarrësit që kishin konsumuar darkë para orës 21.00 në krahasim me ngrënien e darkës nga ora 22.00.

Gjetjet e provuara nga shkencëtarët udhëheqës të studimit nënvizojnë rëndësinë e vlerësimit të orës së brendshme të trupit në studimet e lidhjes mes ushqimit dhe zhvillimit të tumoreve.

Gjithashtu me rëndësi është edhe nevoja për të zhvilluar rekomandime ushqimore për parandalimin e kancerit që përqendrohen jo vetëm në llojin dhe sasinë e marrjes së ushqimit, por edhe në kohën e konsumit.

“Nëse rezultatet konfirmohen në shkallë edhe më të gjërë, ato do të kenë rëndësi të madhe për rekomandimet për parandalimin e kancerit që aktualisht nuk marrin parasysh kohën e ushqimit”, tha autori kryesor i studimit Manolis Kogevinas, i Qendrës Kërkimore ISGlobal, në Barcelonë.

“Ndikimi mund të jetë veçanërisht i rëndësishëm në kulturat si ato në Evropën Jugore ku njerëzit priren të darkojnë vonë”, u shpreh shkencëtari, lider i studimit./AgroWeb.org

Burimin shkencor: Wiley Online Library

Vazhdo të lexosh

Shëndeti

6 shenjat fillestare të sklerozës – Si t’i dalloni?

Njerëzit e prekur nga skleroza kanë kujtesë të dobët.

Publikuar

nga

Skleroza ka të  bëjë me një grup sëmundjesh që prekin trurin dhe ndikojnë në shumë prej funksioneve të tij.

Njerëzit e prekur nga skleroza kanë kujtesë të dobët, aftësi të pakëta në komunikim, gjykim, në vendimmarrje dhe orientim.

Ky grupim sëmundjesh është shumë tinzar sepse nis krejt papritur dhe më pas situata përkeqësohet shpejt.

Në këtë grupim sëmundjesh bëjnë pjesë Alzheimeri, Parkinsoni apo skleroza e shumëfishtë të cilat nuk shërohen.

Simptomat e demencës ndaj të cilave duhet të jeni të vëmendshëm

Nëse ju ose ndonjë anëtar i rrethit familjar ka probleme me kujtesën nuk është e udhës që të arrini në konkluzionin se ai ose ajo vuan nga demenca.

Diagnostikimi i sëmundjes kërkon të paktën 2 nga simptomat e përmendura më poshtë në këtë artikull të AgroWeb.org

Personat e prekur nga skleroza kanë probleme më të mëdha që shkojnë përtej vështirësisë në kujtesë.

Ata hasin pengesa në të folur, në përqendrim dhe në arsyetim.

Ndryshim i papritur në kujtesën afatshkurtër

Problemet me kujtesën mund të jenë një simptomë e hershme e sklerozës.

Për shembull, dikush mund të mbajë mend shumë mirë diçka që ka ndodhur vite më parë, por e ka të pamundur të kujtojë se çfarë ka ngrënë në mëngjes.

Probleme të tjera janë vështirësia për të kujtuar ku keni vendosur diçka, arsyen përse jeni futur në një dhomë ose punët që duhet të bënit gjatë ditës.

Vështirësia për gjetjen e fjalës së duhur

Një simptomë tjetër e demencës është vështirësia për të komunikuar.

Njerëzit e prekur nga skleroza e kanë të vështirë të shpjegojnë diçka ose të bashkëbisedojnë.

Ndryshimet e humorit

Ndryshimet e humorit janë shumë të përhapura në mesin e pacientëve të prekur nga skleroza.

Depresioni për shembull është një shenjë tipike e sklerozës që shfaqet shumë herët.

Apatia

Njerëzit e prekur nga skleroza humbasin interesin ndaj aktiviteteve të preferuara.

Ata nuk kanë më dëshirë të kalojnë kohë me miqtë dhe familjen dhe ndiejnë një boshllëk të thellë emocional.

Konfuzioni

Në fazat e para të sklerozës, njeriu bëhet shumë konfuz, sidomos kur i duhet të kujtojë fytyrën e dikujt, të gjejë fjalët e duhura e të bashkëbisedojë me dikë.

Ata harrojnë çfarë dite është dhe nuk mbajnë mend dikë që e kanë takuar së fundmi.

Mungesa e orientimit

Në fazat e para të demencës, njerëzit nuk orientohen dot, humbasin rrugën dhe nuk mbajnë mend për ku ishin nisur.

Më pas ato nuk njohin më lagjen, shtëpinë, derën apo rrugët.

Ekspertët rekomandojnë konsumin e ushqimeve të pasura me acide yndyrore omega-3, fruta, perime, drithëra të plota dhe vitaminë D./AgroWeb.org

Vazhdo të lexosh

Të kërkuara