Shëndeti

10 arsye përse ndodhin ngërçet në këmbë

Dehidratimi është njëri prej tyre.

Published

on

Ngërçet e këmbëve janë një dhimbje e mprehtë dhe e padurueshme, e cila shpesh zgjat për pak minuta.

Mund të mos jetë gjithmonë e qartë se çfarë i shkakton ato, por dhimbja e hidhur i bën të pamundura për t’u injoruar.

Më poshtë AgroWeb.org ju njeh me 10 shkaqet më të zakonshme të ngërçeve të këmbëve për t’ju ndihmuar të kuptoni dhe shmangni këtë problem të bezdisshëm.

Dehidratimi

Një ngërç është një tkurrje e pavullnetshme e një muskuli. Lëngjet në trupin tuaj i lejojnë muskujt të relaksohen, por kur ata dehidratohen rrezikoni t’ju kapi ngërçi.

Qëndrimi i hidratuar, veçanërisht gjatë një aktivitetit fizik, është një mënyrë e shkëlqyer për të shmangur ngërçet e këmbëve.

Sforcimi i tepërt

Përveç dehidrimit, muskujt e këmbëve gjithashtu mund të preken nga ngërçi nga sforcimi i tepërt.

Kur bëni një aktivitet fizik intensiv, nervat në shtyllën kurrizore mund të irritohen, duke shkaktuar tkurrurrje të pavullnetshme të muskujve në këmbë.

Ata me një mënyrë jetese sedentare mund të përjetojnë ngërçe edhe nga aktivitete të lehta si ecja.

Lodhja

Muskujt kanë nevojë për kohë për t’u rikuperuar. Nëse nuk i lejoni muskujt tuaj të pushojnë, rreziku për t’ju kapur ngërçi rritet edhe më shumë.

Qëndrimi i tepërt ulur ose në këmbë

Trupat janë të destinuara për të lëvizur, kështu që qëndrimi i gjatë në një pozicion të vetëm, pavarësisht nëse jeni ulur apo në këmbë, ju vë në rrezik më të madh për ngërçe.

Nëse uleni ose qëndroni në këmbë gjatë gjithë ditës sepse keni punë, përpiquni të alternoni uljen dhe qëndrimin në këmbë, në mënyrë që trupi juaj të mos jetë në pozicion të njëjtë për një kohë të gjatë.

Medikamentet

Disa medikamente që jepen për trajtimin e Alzheimerit, kolesterolit të lartë, astmës, Parkinsonit dhe osteoporozës kanë tendencë të shkaktojnë ngërçe të muskujve.

Nëse kjo ndodh për shkak të mjekimit, bisedoni me mjekun tuaj për alternativa të tjera medikamentesh.

Mungesa e kaliumit

Kaliumi në qelizat e muskujve të këmbës suaj ndihmon trurin t’u tregojë muskujve kur të fillojnë dhe të ndalojnë tkurrjen. Kur keni mungesë kaliumi, këto sinjale nuk transmetohen siç duhet dhe kontraktimet e muskujve mund të zgjaten.

Bananet janë të pasura me kalium, kështu që shtimi i tyre në regjimin tuaj ushqimor do të ndihmojë në ruajtjen e niveleve të duhura të kaliumit dhe shmangien e ngërçeve.

Qarkullim i dobët i gjakut

Qarkullimi i dobët i gjakut në këmbë mund të parandalojë muskujt e këmbëve të marrin të gjithë oksigjenin që u nevojitet për të funksionuar.

Kjo mund të çojë në dhimbje, spazma të muskujve dhe ngërçe. Ecja apo shtriqja e muskujve, mund të ndihmojnë në menaxhimin e qarkullimit të dobët të gjakut në këmbë dhe parandalimin e ngërçeve.

Përdorimi i tepërt i alkoolit

Nervat tek këmbët tuaja mund të dëmtohen nga abuzimi me alkoolin. Konsumi i tepërt mund të ndryshojë nivelet e tiaminës, folatit dhe vitaminave B6, B12 dhe E, të cilat nevojiten që nervat të funksionojnë siç duhet.

Shmangia e alkoolit mund të rivendosë shëndetin në muskujt tuaj dhe të ndalojë ngërçet e këmbëve.

Shtatzënia

Gratë në tremujorin e tretë të shtatzënisë shpesh përjetojnë ngërçe në këmbë, veçanërisht në orët e mbrëmjes.

Në këtë rast, ngërçet mund të shkaktohen nga pesha shtesë e foshnjës, ndryshimet në qarkullimin e gjakut dhe presioni mbi nervat e këmbëve tuaja. Ushtrimet, masazhet e këmbëve ose shtriqja e tyre, janë disa mënyra për të parandaluar ngërçet.

Skleroza e shumëfishtë

Skleroza e shumëfishtë shkakton dëmtim të sistemit nervor qendror, i cili mund të çojë në ngërçe në këmbë. Ndjekja e një regjimi ushqimor të shëndetshëm, shtriqja e muskujve, masazhimi i këmbëve dhe trajtimi i tyre me kompresa të nxehta dhe të ftohta, mund t’ju vijnë në ndihmë. /AgroWeb.org

Shëndeti

Si bëhet diagnostikimi i autizmit?

Published

on

Sipas grupit të avokimit “Autism Speaks”, një në çdo 36 fëmijë në SHBA ka një çrregullim të spektrit të autizmit (ASD).

Diagnoza e hershme është thelbësore për të ndihmuar në trajtimin e gjendjes, por si bëhet një diagnozë?

Qendrat e SHBA për Kontrollin dhe Parandalimin e Sëmundjeve, kanë përmbledhje të përditësuar të asaj që përfshihet në diagnostikimin e autizmit tek fëmijët.  “Diagnostifikimi i çrregullimit të spektrit të autizmit mund të jetë i vështirë sepse nuk ka asnjë test mjekësor, si një test gjaku, për të diagnostikuar çrregullimin,” vuri në dukje agjencia.

“Mjekët shikojnë historinë e zhvillimit dhe sjelljen e fëmijës për të vendosur një diagnozë.”

Në cilën moshë mund të bëhet një diagnozë?

Sipas CDC, koha në të cilën fëmija merr një diagnozë ndryshon. Ndonjëherë një çrregullim i spektrit të autizmit zbulohet në moshën 18 muajshe, apo edhe më parë, por vetëm në moshën 2-vjeç mund të konsiderohet i besueshëm një diagnozë nga një profesionist i trajnuar.

Një diagnozë e autizmit mund të mos vijë deri më vonë në fëmijëri. Disa njerëz nuk janë të vetëdijshëm se kanë çrregullim të spektrit të autizmit derisa të diagnostikohen si të rritur. Një diagnozë e besueshme duhet të bëhet në fëmijëri, kur terapitë janë më efektive, tha CDC.

Monitorimi i zhvillimit

Ndërsa fëmijët rriten, duhet të inkurajohen bisedat midis prindërve dhe ofruesve të kujdesit shëndetësor që përqendrohen në aftësitë e fëmijëve, thekson CDC. Ndjekja e zhvillimit të fëmijës suaj – p.sh sa shpejt ai arrin piketa tipike zhvillimore është thelbësore.

Këto momente lidhen me moshën përfshijnë aftësitë e vëzhguara në lojë, të mësuarit, të folurit dhe sjelljet. Të gjithë mund të jenë pjesë e procesit të “monitorimit të zhvillimit”, prindërit, gjyshërit, punonjësit e çerdheve e mësuesit, japin komente se si një fëmijë po përparon.

Skreningu për çështjet e zhvillimit dhe autizmin

Akademia Amerikane e Pediatrisë, këshillon që ekzaminimi zhvillimor dhe i sjelljes ndodh për fëmijët gjatë vizitave të rregullta në mosha: 9 muaj, 18 muaj dhe 30 muaj. Kur bëhet fjalë për ekzaminimin specifik të çrregullimit të spektrit të autizmit, duhet të ndodhin në moshën 18 muajshe dhe 2 vjeç, sipas rekomandimeve të akademisë.

Ekzaminimi mund të ndodhë në raste të tjera, nëse një kujdestar ose mjek shqetësohet se një fëmijë mund të ketë autizëm, ose nëse një fëmijë është në rrezik për një çrregullim të spektrit të autizmit (p.sh fëmija ka një vëlla ose një anëtar tjetër të familjes me këtë gjendje).

Continue Reading

Shëndeti

Studim: Ëmbëlsuesit artificialë mund të përshpejtojnë plakjen e trurit!

Published

on

Një studim i botuar në revistën Neurology tregon se konsumimi i lartë i ëmbëlsuesve artificialë, si Equal apo Sweet’N Low, lidhet me rënie më të shpejtë të aftësive mendore dhe kujtesës.

Hulumtuesit nga Universiteti i São Paulos në Brazil analizuan shëndetin e 12,800 të rriturve për një periudhë mesatare prej tetë vitesh.

Rezultatet treguan se personat që konsumonin më shumë ëmbëlsues kishin rënie 62% më të shpejtë të funksioneve njohëse, e barabartë me rreth 1.6 vite plakje shtesë të trurit, shkruan HealthDay.

Efekti ishte më i fortë te personat e moshës së mesme dhe te ata me diabet, ndërsa nuk u pa një lidhje e qartë tek personat mbi 60 vjeç.

Nga ëmbëlsuesit e studiuar, të gjithë përveç tagatozës rezultuan të lidhur me rënie të kujtesës dhe aftësive njohëse.

Studiuesit paralajmërojnë se, ndonëse promovohen si alternativa më të shëndetshme ndaj sheqerit, ëmbëlsuesit artificialë mund të kenë pasoja negative për shëndetin e trurit në afatgjatë.

Continue Reading

Shëndeti

Duart si pasqyrë e shëndetit, ja shenjat që nuk duhen neglizhuar

Published

on

Duart tona mund të zbulojnë shumë rreth gjendjes së brendshme shëndetësore.

Sipas ekspertëve, ndryshimet në lëkurë, gishtërinj dhe thonj mund të jenë paralajmërime për sëmundje serioze si artriti reumatoid, sindroma e Raynaud, tuneli karpal apo edhe çrregullime neurologjike si Parkinsoni.

Simptoma të tilla si dridhja e duarve, gishtërinjtë e ftohtë, njolla të kuqe apo kafe, dhimbje dhe ndjesi shpimi nuk duhet të anashkalohen.

Nëse ato vazhdojnë ose përkeqësohen, rekomandohet një kontroll mjekësor për të diagnostikuar në kohë shkakun dhe për të parandaluar ndërlikimet.

Continue Reading

Shëndeti

8 mënyra për ta çliruar trurin nga stresi

Published

on

Të qenit ndërmarrës nuk është e lehtë. Ka ulje e ngritje dhe shpesh duket se gjithçka do të shkojë keq dhe do të eksplodojë në fytyrë. Do të ketë pengesa, bllokime të pa planifikuara, argumente dhe shumë gjëra që kontribuojnë në një gjë, në stres të shumtë.

Përderisa nuk mund të shmangni stresin tërësisht, mbushja ju dërgon në shkatërrim. Një mendje e kthjellët është mendje e shëndoshë e produktive. Këtu janë tetë mënyra se si mund të lironi mendjen nga stresi dhe të qëndroni të fokusuar për të arritur çdo qëllim që vendosni.

Flisni me një shok

Diskutimi i problemeve, pengesave e zgjidhjeve potenciale me një shok është mënyrë e mrekullueshme për të zvogëluar stresin. Shpesh, si ndërmarrës lidhemi aq shumë me punën sa që shkaktojmë vetë stresin. Thjeshtë të folurit mund të qartësojë një situatë e të mësoni se gjërat nuk janë aq keq siç i keni imagjinuar. Vetëm duke ditur se keni dikë i cili do jetë aty për ju ju jep vetëbesim shtesë për të kaluar çdo situatë.

Lexoni një libër të mirë

Zgjedhja e një libri ju jep mundësi të largoheni, pa u larguar me të vërtetë. Merrni këtë kohë për të mësuar ndonjë temë, e cila po shkakton stresin tuaj aktual. Ju mund të fitoni njohuri, këshilla dhe paqe të mendjes duke lexuar.

Shkruani mendimet tuaja në një letër

Shkrimi është diçka të cilin ndërmarrësit nuk e bëjnë mjaftueshëm, por është ushtrim i fuqishëm i cili ju ndihmon të kuptoni çdo dilemë ose situatë. Vendosni një letër në tavolinën tuaj dhe futeni në çantën tuaj kur largoheni nga zyra, t’a mbani me vete gjatë gjithë kohës.

Kur një situatë stresuese shfaqet nxjerrni letrën dhe shkruani problemin, çfarë po kontribuon në atë problem dhe mënyrat e mundshme për të larguar atë. Provojeni, do të befasoni veten se si do të jeni në gjendje të gjeni zgjidhje për çfarëdo çështje.

Shkoni në palestër

Palestra është mënyrë e mrekullueshme për largimin e stresit. Gjetja e motivimit për të shkuar aty është pengesa më e madhe për t’u tejkaluar, por sapo të mësoheni me ushtrimet e rregullta ju nuk do të humbisni mundësinë për të larguar stresin në palestër.

Lini telefonin në makinë, largoni kufjet e lejoni që gjaku juaj të rrjedhë. Përveç largimit të stresit, përfitimet shëndetësore të ushtrimeve të rregullta duhet të jenë të mjaftueshme që të ju bindin t’a bëni shprehi të rregullt.

Dilni për një vrapim të gjatë

Së bashku me palestrën, më pëlqen të bëj një vrapim të gjatë për të liruar kokën time dhe të ik nga biznesi. Sikur në palestër, lini telefonin në shtëpi. Është e lehtë të bëni pushim për të kontrolluar emailet nëse merrni telefonin, por një email ose një mesazh i vetëm shkakton që stresi të kthehet menjëherë. Merrni një palë këpucë të rehatshme. Lejoni që vrapimi dhe muzika të ju konsumojnë.

Godisni ose luani golf

Kam parë meshkuj dhe femra të të gjitha moshave në ring. Nganjëherë, ju duhet të godisni diçka dhe të liroheni. Nëse ky aktivitet nuk ju pëlqen shkoni të luani golf.

Gjeni kohë për të medituar

Meditimi i vërtetë, kur jeni në gjendje të largoni veten nga gjithçka e fokusoheni vetëm në frymëmarrje, ka përfitime të mrekullueshme. Eleminon stresin, mendoni qartë, shihni rezultatin e madh e ndihmon të zvogëloni probabilitetin e ngjarjeve në të ardhmen që ju stresojnë.

Si ndërmarrës, jemi të zënë e shpesh harrojmë të pauzojmë për një minutë dhe të marrim frymë.

Shkëputuni nga teknologjia dhe dilni të ecni

Shkëputuni nga teknologjia e dilni në natyrë, e harroni situatat stresuese për një minutë dhe të humbisni. Lidhja me natyrën ju kujton se ne, së bashku me gjerat që na shkaktojnë stresin, janë pjesë të vogla të një fotografie shumë më të madhe.

Continue Reading

Të kërkuara