Lajmet

1 miliard doza vaksinash në vendet e varfra

Liderët e G7 do të dhurojnë 1 miliard doza vaksinash në vendet e varfra.

Published

on

Udhëheqësit e G7 do të zotohen të shpërndajnë një miliard doza të vaksinave Covid në vendet e varfra në samitin që hapet sot në Cornwall.

Kjo u njoftua nga qeveria britanike që kryeson samitin.

Qëllimi është që të “përfundojë pandeminë” në 2022, njoftoi Downing Street në një deklaratë, duke deklaruar se Londra do të dhurojë 100 milionë doza.

Kryeministri britanik tha se “si rezultat i suksesit të programit të vaksinave në Mbretërinë e Bashkuar, ne tani mund të ndajmë disa nga dozat tona të tepërta me ata që kanë nevojë për to”.

“Duke vepruar kështu, ne do të bëjmë një hap masiv drejt mposhtjes së kësaj pandemie”, shtoi ai.

Shtetet e Bashkuara janë zotuar të furnizojnë me 500 milionë vaksina Pfizer në 92 vende me të ardhura të ulëta dhe të mesme, si edhe Bashkimin Afrikan.

“Dhurimet tona të vaksinave nuk përfshijnë presion për favorizime, ose lëshime të mundshme. Ne po e bëjmë këtë për të shpëtuar jetë”, tha Biden.

Johnson tha se shpresonte që kolegët e tij udhëheqës në samitin, i cili fillon sot të “bëjnë premtime të ngjashme në mënyrë që, së bashku, të mund të vaksinojmë botën deri në fund të vitit të ardhshëm”.

Grupi i udhëheqësve të kombeve të pasura pritet të bjerë dakord për të siguruar një miliard doza të vaksinave të koronavirusit në një përpjekje kolektive për t’i dhënë fund pandemisë.

Udhëheqësit e Kanadasë, Japonisë, Francës, Gjermanisë dhe Italisë, si dhe SHBA dhe Mbretëria e Bashkuar, po përcaktojnë gjithashtu një plan për të zgjeruar prodhimin e vaksinave për të ndihmuar në arritjen e këtij qëllimi.

Continue Reading

Aktualitet

Protestë në Prishtinë kundër rritjes së çmimit të rrymës

Published

on

By

Sot në Prishtinë është mbajtur protestë kundër kërkesës së KESCO-s për rritjen e tarifave të energjisë elektrike.

Protestuesit janë mbledhur fillimisht para ndërtesës së KEDS-it, për të marshuar më pas drejt ndërtesës së Qeverisë së Kosovës.

Gjatë protestës janë shfaqur pankarta me mesazhe si: “Nuk e durojmë ma hajninë”, “Nuk sakrifikojmë na për KEDS-in”, “Stop hajnisë me fatura t’rrymës” dhe “Rryma rritet, populli digjet”.

Teksa protestuesit qëndronin para ndërtesës së KEDS-it, është hedhur tym i kuq, ndërsa Policia e Kosovës ka arrestuar një person të moshuar që po merrte pjesë në protestë.

Kolektivi për Mendim dhe Veprim Feminist dhe organizata “Përpjekja” e kanë cilësuar kërkesën e KESCO-s për rritje të çmimit të energjisë për 21.3 për qind si proces të padrejtë dhe të dëmshëm për qytetarët e Kosovës.

Kërkesa për rritje të tarifave është dorëzuar në Zyrën e Rregullatorit për Energji (ZRRE) nga KESCO, KOSTT dhe KEDS.

ZRRE-ja bën çdo vit shqyrtimin e tarifave të energjisë elektrike, të cilat hyjnë në fuqi më 1 prill dhe vlejnë deri më 31 mars të vitit pasues. Vitin e kaluar, ZRRE-ja kishte miratuar rritje të tarifave për 16.1 për qind.

Aktualisht, konsumatorët që shpenzojnë deri në 800 kilovat-orë në muaj paguajnë 9.05 centë për kilovat, ndërsa ata që shpenzojnë mbi këtë prag paguajnë 15.43 centë për kilovat-orë.

Continue Reading

Aktualitet

“Trafiku Urban” përsëri në grevë nga 13 shkurti

Published

on

By

Punëtorët e Ndërmarrjes Publike “Trafiku Urban” në Prishtinë kanë paralajmëruar se nga 13 shkurti 2026 do të hyjnë në grevë.

Në një njoftim për menaxhmentin dhe bordin e ndërmarrjes publike thuhet se më 26 janar janë parashtruar kërkesat dhe paralajmërimi për hyrje në grevë.

Meqë nuk ka pasur përgjigje deri më 6 shkurt, punëtorët kanë njoftuar se greva nis më datë 13.

Kërkesat e punëtorëve të “Trafikut Urban” përfshijnë përmirësimin e kushteve të punës dhe respektimin e të drejtave të punëtorëve, me qëllim që të mos cenohen interesat publikë dhe siguria e qytetarëve.

“Ju rikujtojmë se më datë 26.01.2026 është bërë njoftimi paraprak lidhur me kërkesat e parashtruara dhe paralajmërimin për hyrje në grevë në rast të mosmarrjes së përgjigjes. Duke qenë se deri më datë 06.02.2026 nuk kemi pranuar përgjigje zyrtare nga organet kompetente, ju njoftojmë se punëtorët do të hyjnë në grevë më datë 13.02.2026. Në përputhje me dispozitat ligjore që rregullojnë shërbimet publike me interes të përgjithshëm, garantohet respektimi i minimumit të procesit të punës, në mënyrë që të mos rrezikohet interesi publik dhe siguria e qytetarëve”, thuhet në njoftimin e tyre.

“Trafiku Urban” dhe transportuesit privat në Prishtinë për shkak të borxheve të pashlyera  kishin ndërprerë shërbimet për nëntë ditë vitin e kaluar.

Continue Reading

Vendi

Prishtina voton buxhetin- në 2026, mbi 150 milionë

Published

on

By

Mes diskutimeve të shumta, Kuvendi Komunal i Prishtinës ka miratuar buxhetin për vitin 2026.

Më 33 vota vota “për”, tetë “kundër” dhe asnjë abstenim ka kaluar propozimi i buxhetit të Komunës së Prishtinës për këtë vit.

Buxheti i paraparë për këtë vit për Komunën e Prishtinës është mbi 151 milionë euro.

Ndërsa, Kryetari Përparim Rama, ende nuk e ka prezantuar kabinetin e tij qeverisës për mandatin e dytë, edhe pse kanë kaluar mbi dy muaj që nga përfundimi i zgjedhjeve lokale.

Continue Reading

Lajmet

27 vjet nga konferenca e Rambujesë

Published

on

By

Para 27 viteve, më 6 shkurt të vitit 1999 i filloi punimet Konferenca e Rambujesë. Ky takim, i cili u mbajt në afërsi të Parisit të Francës, synoi zgjidhjen e krizës në Kosovë.

Iniciues të konferencës, që zgjati deri më 23 shkurt ishte Grupi i Kontaktit, ndërsa ndërmjetës ishin Christopher Hill nga SHBA-të, Boris Maiorsky, Rusi dhe Wolfgang Petritsch nga BE.

Delegacioni i Kosovës kishte pranuar parimisht propozim-marrëveshjen për zgjidhjen e krizës në Kosovë, të cilën e kishte propozuar Grupi i Kontaktit. Delegacioni serb, sado që parimisht pranoi këtë propozim-marrëveshje, mbrojti qëndrimin që trupave të NATO-s të mos u lejohet kalimi nëpër Serbi dhe forcat ndërkombëtare në Kosovë të jenë në kuadër të Kombeve të Bashkuara.

Edhe rrethi i dytë i bisedime që filloi më 15 mars në Paris përfundoi pa sukses. Delegacioni kosovar dhe ai serb kishin nënshkruar më 18 mars marrëveshje të ndryshme. Delegacioni i Kosovës kishte nënshkruar marrëveshjen e ofruar nga bashkëbiseduesit ndërkombëtarë, ndërkohë që delegacioni serb kishte nënshkruar projektmarrëveshjen politike – marrëveshjen për vetëqeverisjen në Kosovë.

As tentimi i fundit, më 22 mars 1999 i të dërguarit special të SHBA-ve, Richard Holbrooke nuk ishte i suksesshëm. Ai nuk ia doli ta bind presidentin e atëhershëm të RSFJ, Sllobodan Millosheviq që të pranojë marrëveshjen për Kosovën dhe vendosjen e trupave ndërkombëtare.

Më 24 mars 1999, NATO filloi bombardimin e trupave ushtarake dhe paramilitare të Serbisë. Bombardimet përfunduan më 6 qershor 1999 me nënshkrimin e Marrëveshjes së Kumanovës që parashihte tërheqjen e trupave jugosllave nga Kosova dhe vendosjen e trupave paqësore ndërkombëtare.

Më pas, Këshilli i Sigurimit i OKB-së miratoi rezolutën 1244 me të cilën u vendos protektorati, prania ndërkombëtare në Kosovës, UNMIK-ut si mision civil dhe KFOR-it, mision ushtarak.

Ndërkaq, më 17 shkurt 2008, Kosova shpalli pavarësinë./Kosovapress/

Continue Reading

Të kërkuara