

Lajmet
Zemaj thotë se po angazhohen për sigurimin e vaksinave antiCOVID, nuk tregon se kur arrijnë
Published
4 years agoon
By
Betim GashiMinistri në detyrë i Shëndetësisë, Armend Zemaj deklaroi se situata me pandeminë është nën kontroll dhe nuk ka tendenca për ndonjë alarm.
Ai në takimin e komitetit për Koordinim dhe Vlerësim të situatës me COVID-19, tha se ka rënie të rasteve pozitive dy javët e fundit dhe rënie të numrit të rasteve që përfundojnë me fatalitet.
Zemaj tha se janë të angazhuar për sigurimin e vaksinës anti-Covid, ndonëse nuk dha ndonjë datë se kur pritet vaksinat të arrijnë në Kosovë.
“Në dy javët e fundit me 07.02.2021 deri me 20.02.2021 janë raportuar 4 mijë e 122 raste pozitive, 49 raste kanë përfunduar me fatalitet, ndërsa pozitiviteti është 1.18 përqind. Deri më tani janë regjistruar 1 mijë 572 vdekje me një shkallë prej 2.3 përqind. Situata epidemiologjike me COVID-19 në Kosovë tregon ulje simbolike të rasteve dy javët e fundit për 1.16 përqind, por me shenja iniciale të mundësisë së fillimit të rritjes së rasteve pozitive në këtë javë. Kemi ulje të rasteve të vdekjeve të raportuara nga SHSKUK dhe nga spitalet COVID për 36.7 përqind”, tha ai.
Zemaj tha se janë meshkujt ata që janë prekur më shumë me COVID-19 në Kosovë, pasi janë 51 përqind meshkuj të prekur me COVID dhe femra 49 përqind.
Duke u bazuar në situatën epidemiologjike, Zemaj tha se duhet të vazhdohen masat rigoroze të përkufizimit të lëvizjes dhe aktiviteteve sipas sëmundshmërisë nëpër komuna duke i klasifikuar sipas tri ngjyrave. Ai ka ftuar AUV-in që të vazhdojnë kontrollin rigoroz të respektimin e masave anti-COVID, ku tha se ka një humbje të vëmendjes në këtë mbikëqyrje.
Ministri në detyrë i Shëndetësisë, shtoi se vazhdojnë të jenë të angazhuar për sigurimin e vaksinës anti-COVID në sasi të mjaftueshme për 75 përqind të popullatës.
“Angazhimi ynë është maksimal për sigurimin e vaksinës COVID-19 në sasi të mjaftueshme për 75 përqind të popullatës sonë. Pres që sipas planit për vaksinim anti-COVID të hartuar nga Instituti të zbatohen nga të gjithë nivelet e përkujdesjeve shëndetësore duke filluar nga ajo primare. Puna jonë është transparente, e përqendruar dhe e pandalshme”, tha ai.
Se ka rënie të numrit të rasteve pozitive me COVID-19, e tha edhe drejtori i IKSHPK-së, Naser Ramadani, i cili shtoi se ka rënie edhe të numrit të rasteve të vdekjeve dhe se nuk ka shpërthim të infektueshmërisë javëve të fundit.
Ramadani tha se janë të gatshëm edhe sa i përket strategjisë për nisjen e vaksinës dhe se janë në pritje që ajo të arrijë në Kosovë.
“Ne jemi gati dhe po presim kontingjentin e parë të vaksinave të Oxfordit. Sigurimi i vaksinës pra është projektuar në strategji dhe pritet vetëm të realizohet, ekipet janë gati dhe kapacitetet pritëse janë gjithashtu gati. Si përfundim mund të themi se IKSHPK, faktikisht komiteti për monitorim dhe luftim të sëmundjeve ngjitëse tashmë e ka zbatuar dhe po e zbaton planin e gatishmërisë, ne jemi duke bërë edhe një strategji tjetër shtetërore për parandalimin, luftimin e pandemisë që do të zbatohet deri në shuarjen e pandemisë dhe deri në ekzistimin e ligjit anti-COVID. Duke e pasur parasysh shfaqjen e rasteve të reja me variantin e ri të virusit SARS, IKSHPK ka bërë tashmë hulumtimin dhe do të vazhdojë së shpejti të hulumtojë në mënyrë rutinore variantet e reja të virusit me aparaturat ekzistuese, njëkohësisht duke futur në punë edhe aparaturën e re të cilën e ka marr tashmë të cilën e bëjnë vetëm disa laboratorë të rralla të shteteve të avancuara të Evropës”, tha ai.
Ai ka bërë thirrje që masat anti-COVID, të vazhdojnë të respektohen nga të gjithë qytetarët dhe institucionet.
Drejtori i SHSKUK-së, Valbon Krasniqi, tha se sa i përket aspektit klinik të pacientëve të prekur nga COVID-19, situata paraqitet e menaxhueshme dhe është nën kontroll të plotë aktualisht. Ai tha se ka dy muaj që situatën e kanë më të favorshme, ku tha se nga fillimi i këtij viti e deri më tash numri i pacientëve të shtrirë në Klinikat e QKUK-së dhe spitalet e përgjithshme sillet rreth 500.
Lajmet
KQZ hap afatin për regjistrimin e votuesve jashtë Kosovës në Zgjedhjet Lokale
Published
10 minutes agoon
July 23, 2025By
UBTnews
Komisioni Qendror i Zgjedhjeve ka hapur afatin 38-ditor për regjistrimin e votuesve jashtë Kosovës për të votuar me postë në Zgjedhjet Lokale për Kryetarë të Komunave dhe për Kuvende Komunale.
Kosova mban zgjedhjet lokale më 12 tetor 2025.
Lajmi është bërë i ditur për KosovaPress nga zëdhënësi i KQZ-së, Valmir Elezi, i cili ka treguar se për qëllime të regjistrimit është aktivizuar platforma elektronike https://diaspora.kqz-ks.org.
“Ka filluar periudha për regjistrimin e votuesve jashtë Kosovës për votim me postë në Zgjedhjet Lokale për Kryetarë të Komunave dhe për Kuvende Komunale. Për regjistrim, KQZ ka caktuar afat 38-ditor, pra deri më 29 gusht 2025. Gjatë këtij afati, të gjithë shtetasit e Kosovës që jetojnë jashtë vendit mund të aplikojnë për t’u regjistruar si votues jashtë Kosovës. Çdo aplikim për regjistrim duhet të jetë individual dhe mund të bëhet në njërën nga dy mënyrat: (1) përmes platformës elektronike të KQZ-së https://diaspora.kqz-ks.org ose (2) përmes postës, duke e dërguar aplikacionin në kutinë postare të KQZ-së në Kosovë”, njoftoi Elezi.
Platforma elektronike e KQZ-së pritet të lëshohet në përdorim gjatë ditës.
Sipas tij, në platformën elektronike të KQZ-së çdo aplikuesi do t’i jepet mundësia që të përzgjedhë për t’u regjistruar për votim vetëm, njërën nga dy mënyrat për votim përmes postës: të dërgojë pakon me fletëvotime në adresë të kutisë postare të KQZ-së në Kosovë apo të dërgojë pakon me fletëvotime, në adresë të kutisë postare të KQZ-së jashtë Kosovës.
Platforma e KQZ-së nuk ka paraparë mundësinë e votimit në përfaqësi diplomatike, pasi në Ligjin për Zgjedhjet e Përgjithshme përcaktohet se ky lloj votimi nuk aplikohet në Zgjedhjet Lokale.
Më tej, sipas Elezit, ky proces regjistrimi do të vlejë edhe për raundin e dytë të zgjedhjeve për Kryetarë të Komunave.
“Në raundin e dytë të zgjedhjeve për kryetar të komunave, të drejtë vote jashtë Kosovës do ta kenë vetëm shtetasit e regjistruar suksesshëm si votues jashtë Kosovës gjatë periudhës së aplikimit. Pra, nuk do të ketë një proces të ri të regjistrimit të votuesve jashtë vendit, sepse do të vlejë lista e njëjtë e votuesve”, tha Elezi.
Sipas KQZ-së, vetëm shtetasit që regjistrohen si votues jashtë Kosovës do të mund të votojnë nga jashtë Kosovës, përmes postës, nga 17 shtatori deri më 11 tetor 2025.
Aktualitet
Alarmuese: Në Kosovë gjatë javës së fundit u raportuan dy viktima dhe mbi 320 zjarre
Published
49 minutes agoon
July 23, 2025By
UBT News
Kosova po përballet me një situatë alarmante për shkak të zjarreve që kanë përfshirë tërë territorin., ku vetëm gjatë javës së fundit janë raportuar mbi 320 raste zjarresh, ndërkohë që si pasojë janë shënuar dy viktima: një zjarrfikës nga Gjakova dhe një qytetar nga komuna e Klinës.
Drejtori Ekzekutiv i Agjencisë për Menaxhim të Emergjencave, Genc Metaj, tha se zjarret janë të përhapura në tërë vendin dhe paralajmëroi për rreziqe serioze nëse nuk merren masa dhe nuk rritet vetëdijesimi qytetar.
“Vendi është duke u përballur me një situatë të vështirë, ku janë paraqitur zjarre në tërë vendin. Vetëm gjatë javës së fundit janë raportuar mbi 320 raste të zjarreve: zjarre malore, fushore, por edhe në objekte. Vlen të ceket se për të gjitha këto raste kemi intervenuar me sukses. Aktualisht kemi shtatë zjarre aktive dhe po punohet që edhe këto të shuhen. Si rezultat i kësaj situate, fatkeqësisht kemi humbur një zjarrfikës nga njësia profesionale e zjarrfikësve nga Gjakova dhe gjithashtu ka humbur jetën edhe një qytetar nga komuna e Klinës. Kemi të lënduar edhe dy zjarrfikës. Sfidë mbetet vetëdijesimi i qytetarëve”, tha Metaj.
Për angazhimin e Policisë së Kosovës në parandalimin e zjarrvënieve foli drejtori i përgjithshëm, Gazmend Hoxha, i cili theksoi se janë ndërmarrë një varg aktivitetesh për ta menaxhuar situatën dhe për t’i ndjekur penalisht zjarrvënësit.
“Edhe Policia është duke punuar që sadopak të ndikojë në uljen e zjarreve dhe rreziqeve. Policia ka marrë një varg aktivitetesh për parandalimin dhe përhapjen e zjarreve. Ne përmes ndihmës fizike jemi duke u marrë edhe me hetime dhe ndjekje të veprave penale. Numri i përgjithshëm i zjarreve të raportuara nga fillimi deri tash është 183, numri i zjarrvënieve është 54, numri i personave të arrestuar është 9, numri i rasteve të iniciuara në polici është 65”, tha Hoxha.
Lajmi u bë i ditur në një konferencë të përbashkët për media të Agjencisë për Menaxhim të Emergjencave dhe Policisë së Kosovës.
Bota
SHBA ka arritur marrëveshje tregtare me Japoninë dhe Filipinet
Published
59 minutes agoon
July 23, 2025By
UBT News
Donald Trump ka thënë se Shtetet e Bashkuara kanë arritur marrëveshje tregtare me Japoninë dhe Filipinet, në atë që do të ishte një zhvillim i madh në luftën e tij të tarifave. Kryeministri japonez ka mirëpritur njoftimin e Trumpit për marrëveshje.
Japonia, një nga partnerët më të mëdhenj tregtarë të SHBA-së, konfirmoi se kishte arritur një marrëveshje që do të shihte tarifat dhe taksat e importit të automjeteve të ulura nga 25% në 15%.
Presidenti amerikan njoftoi gjithashtu një marrëveshje me Filipinet dhe dha më shumë detaje mbi një marrëveshje me Indonezinë që u njoftua javën e kaluar.
Njoftimet vijnë përpara afatit të 1 gushtit, pas të cilit Trump ka kërcënuar me rritje të tarifave. Shtëpia e Bardhë nuk ka publikuar aktualisht asnjë informacion në lidhje me marrëveshjet.
Në një postim në Truth Social, Trump tha se Japonia do të investonte 550 miliardë dollarë në SHBA, dhe në këmbim makinat, kamionët, orizi dhe disa produkte bujqësore amerikane do të shiten më lirisht në Japoni, sipas presidentit.
Automjetet janë një pjesë e madhe e tregtisë SHBA-Japoni, por pothuajse e gjitha është njëanshme nga Japonia në SHBA – një fakt që e ka bezdisur prej kohësh Trumpin, raporton BBC.
Njoftimi i çoi aksionet në Japoni dhe Korenë e Jugut më lart, të udhëhequra nga prodhues makinash si Toyota, Honda, Nissan dhe Hyundai. Jeni u forcua gjithashtu kundrejt dollarit.
Kulturë
Christina Aguilera vesh fustanin ikonik të Versace 20 vjet më vonë
Published
1 hour agoon
July 23, 2025By
UBT News
22 vjet pas fushatës ikonike të Versace për vjeshtën 2003, Christina Aguilera është rikthyer në mënyrë magjepsëse duke u shfaqur me të njëjtin stil në premierën londineze të “Burlesque: The Musical”.
Me një fustan pa rripa, korse të kryqëzuar dhe fund me volane, ajo e kompletoi pamjen me çizme të zeza të gjata dhe buzë të errëta, ndërsa flokët biond platin i la të rrjedhin natyrshëm si një homazh i qartë për dukjen e dikurshme.
Këngëtarja e “Genie in a Bottle”, producente e shfaqjes skenike të filmit të vitit 2010 ku luajti me Cher, riktheu jo vetëm stilin, por edhe frymën krijuese. Donatella Versace, e cila e zgjodhi atë për fushatën e vitit 2003, u shpreh: “Zëri i saj është i jashtëzakonshëm. Doja të ishim mikesha, kjo ishte më e rëndësishmja”.
Christina tha atëherë se ishte e emocionuar për të eksploruar një fushë të re, dhe ky vizion i saj vazhdon: “Jam më e përqendruar se kurrë në atë që dua të bëj”, tha ajo për Vogue.

KQZ hap afatin për regjistrimin e votuesve jashtë Kosovës në Zgjedhjet Lokale

Përdoruesit e ChatGPT dërgojnë 2.5 miliardë kërkesa në ditë

Manaferrat janë të shkëlqyera për shëndetin dhe duhet t’i konsumojmë më shpesh

Alarmuese: Në Kosovë gjatë javës së fundit u raportuan dy viktima dhe mbi 320 zjarre

SHBA ka arritur marrëveshje tregtare me Japoninë dhe Filipinet

Christina Aguilera vesh fustanin ikonik të Versace 20 vjet më vonë

Ndërron jetë nëna e Sharon, aktorja Dorothy Stone

Hapet pika e përkohshme kufitare mes Kosovës dhe Maqedonisë së Veriut

Ndeshja Ballkani dhe FC Floriana: Pesë gola në pjesën e parë
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore