Sport

​Zaniolo te Milani? Flet agjenti i lojtarit

“Do të ishte një lajm i mrekullueshëm, por nuk di asgjë për të”, tha Claudio.

Published

on

Agjenti i Nicolò Zaniolos ka thënë se një ofertë nga Milani do të ishte një lajm i mrekullueshëm për talentin e Romës, pasi e ardhmja e tij mbetet në dyshim.

Ka pasur raporte se kuqezinjtë po synojnë transferimin e italianit për sezonin e ri ku do të luajnë në Ligën e Kampionëve dhe po ashtu do të përpiqen ta mbrojnë titullin e kampionit.

Mediat italiane ditëve të fundit kanë raportuar se Milani ka ofruar para plus shërbimet e Alexis Saelemaekers për të sjellë Zaniolo në “San Siro” dhe agjenti i lojtarit nuk i ka mohuar këto raportime, përcjellë KosovaPress.

“Do të ishte një lajm i mrekullueshëm, por nuk di asgjë për të”, tha Claudio Vigorelli për “Sportitalia”.

Zaniolo mbush 23 vite muajin e ardhshëm dhe shënoi tetë gola dhe nëntë asistime në 42 ndeshje për Romën këtë sezon.

Ky do të ishte një rikthim në qytetin e Milanos për Zaniolon, megjithëse në anën tjetër të tij, pasi Zaniolo ishte në ekipin e të rinjve të Interit në sezonin 2017-18 përpara se të shitej te Roma si pjesë e operacionit për Radja Nainggolan.

Kontrata e tij me “Giallorossët” zgjat deri në qershor të vitit 2024, por ka pikëpyetje të mëdha për të ardhmen e tij, me Juventusin gjithashtu të interesuar për shërbimet e tij.

Sport

Aksident me motor për Vlade Divacin, legjenda e basketbollit shtrohet në spital në Mal të Zi

Published

on

Vlade Divac është përfshirë në një aksident me motoçikletë në Mal të Zi.

Sipas medias lokale “pobjeda.me”, legjenda e basketbollit evropian dhe botëror ka pasur një aksident me motoçikletën e tij në bregdetin e Malit të Zi.

Ai ra nga motoçikleta e tij pranë Lusticas dhe për shkak të lëndimeve që pësoi gjatë rënies, u desh të dërgohej në një spital aty pranë.

 

Continue Reading

Sport

Nora Gjakova, zyrtarisht anëtare e Komisionit të Sportistëve të IJF!

Published

on

By

Nora Gjakova, krenaria e sportit kosovar, ka shkruar edhe një kapitull të ri në historinë e saj të jashtëzakonshme – këtë herë jo me medalje të arta, por me përfaqësim dhe ndikim ndërkombëtar, raporton KosovaPress.

Kampione Olimpike, medaliste botërore dhe evropiane, Nora është tashmë zyrtarisht anëtare e Komisionit të Sportistëve të Federatës Ndërkombëtare të Xhudos (IJF) – një trupë elitare që formëson të ardhmen e këtij sporti në rang global.

IJF ka vlerësuar jo vetëm sukseset e saj sportive, por edhe urtësinë, përkushtimin dhe ndikimin që ajo ka brenda dhe jashtë tatamit. Roli i saj i ri është thelbësor: të jetë zëri i xhudistëve nga e gjithë bota, të shtyjë për politika të drejta dhe të kontribuojë në zhvillimin e xhudos me vizion e integritet.

Ky është një hap historik edhe për Kosovën – për herë të parë një sportiste nga vendi ynë bëhet pjesë e vendimmarrjes në një organizatë kaq të madhe ndërkombëtare.

Continue Reading

Sport

Kosova në top-10 shtetet në Botërorin e xhudos

Published

on

Ekipi kosovar në xhudo e ka përmbyllur aventurën në Kampionatin Botëror të xhudos që u mbajt në Budapest të Hungarisë.

Kosova e mbylli si e 10-ta në renditje këtë Botëror, shkruan Gazeta Express.

Distria Krasniqi e fitoi medaljen e argjendtë në kategorinë deri në 54 kilogramë, kurse Laura Fazliu u stolis me medaljen e bronztë.

Continue Reading

Sport

Botërori i klubeve gjithnjë më interesant

Published

on

Gjatë ditës së djeshme dhe natën vonë janë zhvilluar disa ndeshje shumë interesante në garat e Botërorit të klubeve.

Lionel Mesi tregoi se, pavarësisht se luan në një ligë më të dobët, është ende ai i vjetri. Me një gol të bukur, i dha fitoren ekipit të tij Inter Miami ndaj Portos me rezultat 2:1.

Në ndeshjen tjetër, Palmeiras mundi Al Ahlyn 2:0. Atletiko Madrid u rikthye te fitorja, duke mundur Seattle Sounders 3:1.

Befasi e mbrëmjes ishe humbja e Paris Saint-Germain ndaj ekipit Botafogo me rezultat 1:0.

Sot në orar janë dy ndeshje gjithashtu interesante. Nga ora 18:00, Benfika ndeshet me Aucklanin, ndërsa nga ora 20 takohen Flamengo-Chelsea.

 

Continue Reading

Të kërkuara