

Lajmet
VV për debatin parlamentar: Kishte për qëllim prishjen e disponimit të fëmijëve
ola tha se është e papranueshme thirrja e opozitës për seancë lidhur çështjen e librave.
Published
2 years agoon
By
Betim GashiGrupi Parlamentar i Lëvizjes Vetëvendosje ka arsyetuar mospjesëmarrjen në seancë të ftuar nga opozita lidhur me librat duke thënë se viti shkollor ka nisur ka filluar me rregull.
Në një konferencë për media të hënën, kryetari i Komisionit për Arsim, Ardian Gola tha se është e papranueshme thirrja e opozitës për seancë lidhur çështjen e librave. Sipas tij, vendimi i MAShTI-it për tekstet shkollore ka eliminuar praktikat korruptuese në të kaluarën.
Gola tha se seanca e jashtëzakonshme kishte për qëllim prishjen e deponimit të fëmijëve, andaj sipas tij, partia në pushtet e ka bojkotuar atë.
“Qysh në parashtrimin e çështjes e kemi një cilësim i cili është i papranueshëm për ne, që është dështimi në sigurimin e teksteve shkollore. Meqë ashiqare bëhet fjalë për një vendim të marrë rishtazi nga Qeveria e Kosovës e që kemi të bëjmë me një ndryshim të praktikes të distribuimit, ne ende nuk i dimë implikimet e këtij vendimi për të zhvilluar ndonjë debat të mirë informuar dhe mbi informata të sakta, për shkak se procesi po vazhdon dhe kemi një fillim vit plotësisht në rregull shkollor. Edhe sikurse vitet e kaluara kemi pas vonesë në sigurimin e teksteve shkollore, por meqë ka qenë kështu cdo vit, ne ende nuk e dimë saktë nëse kjo vonesë është për shkak të vendimit të ndërmarrë nga Qeveria apo është për disa shkaqe të cilat kanë qenë evidente edhe në të kaluarën, sepse edhe viteve të kaluara kur ka pas negocim të çmimit, serish kemi pas vonesa të teksteve”, tha Gola.
Gola tha se vendimi i marrë nga ministria synon të transformojë një praktikë sipas tij me plot të meta korruptive në të kaluarën.
“Konsiderojmë se vet pjesëmarrja jonë në një seancë ku cilësohet si dështim, është përligje dështimi, dhe ne kemi refuzuar që të marrim pjesë në këso seanca. Pra, ne duhet të presim epilogun e këtij procesi, si vendim i cili ka ardhur si rezultat i nevojës për të shmangur abuzimet, keq menaxhimet, mungesën e planifikimeve të qëndrueshme në të kaluarën. Gjitha këto të evidentuara qartezi nga organet e pavarura të Republikës së Kosovës, që janë auditimet. Kjo d.m.th që ne duhet të presim zhvillimin e këtij procesi se si do të zhvillohet deri në fund, meqë asgjë të pazakontë, përpos një vendimi i cili synon të transformoje një praktikë me plot të meta korruptive në të kaluarën, në një praktikë e cila mobilizon edhe prindërit përmes subvencionimit që t’i blejnë tekstet e tyre”, tha Gola.
Sipas tij, seanca e sotme kishte për qëllim edhe prishjen e dispononit të fëmijëve në këtë fillim vit shkollor.
“Unë premtoj edhe si kryetar i komisionit, do të diskutohet edhe në komision, pse jo edhe në seancë, mirëpo vetëm pasi ta kemi epilogun e qartë të këtij procesi, në mënyrë që t’i kemi të dhënat edhe nga terreni, si ka shkuar edhe si një praktikë e re, cilat kanë qenë epërsitë, cilat kanë mundur të jenë sfidat, a mund të vazhdojmë vitin e ardhshëm, por jo seanca të cilat zhvillohen përmes cilësimeve arbitrare dhe me pasojë prishjen e deponimit të fëmijëve më një fillim vit shkollor shumë të mbarë. Dhe shpresoj se në seancat e rregullta por edhe të jashtëzakonshmet që mund të organizohen pas fillimit të sesionit dimëror dhe vjeshtor të parlamentit t’i diskutojmë me informata të sigurta të bazuara nga terreni dhe jo me spina dhe propaganda partiake”, tha mes tjerash Gola.
Ndërsa deputetja, Arjeta Rexhepi tha se deri më tani 18 shkolla në vend nuk kanë filluar mësimin për shkak të infrastrukturës dhe jo mungesës së teksteve shkollore.
“Për aq sa na ka njoftuar Ministria e Arsimit, tregon se shkollat në Republikën e Kosovës, të cilat nuk kanë filluar procesin mësimore janë gjithsej vetëm 18 shkolla, dhe arsyeja e mos fillimit të mësimit nuk janë mungesa e teksteve shkollore, por është problemi në infrastrukturë. E në mesin e atyre 18 shkollave, janë shkollat prej komunave më të mëdha, ku qeverisë opozita dhe nuk kanë filluar procesin mësimore, pra nuk kanë qenë të gatshme të kryejnë punimet në infrastruktë. Ajo ka ndodhur në Komunën e Prishtinës, Prizrenit dhe Mitrovicës. Të quhet se po dështon një reformë substanciale, konsiderojmë se është tendencioze dhe politike…Numri i aplikimeve për rimbursim është rreth 130 mijë aplikues”, tha Rexhepi.
Ndërkaq deputeti Jahja Kokaj ka kritikuar përmbajtjen e teksteve shkollore, sipas tij duhet të punohet në këtë drejtim.
“Si deputet sot nuk kam marrë pjesë në mbledhjen e ftuar, me arsye sepse ishte e ftuar me rendin e ditës, ku ishte fjala dështimi. Nuk marr pjesë aty ku ka dështim…Kur thuhet ka munguar fillimi i vitit shkollor, është e pa saktë, sepse viti shkollor a filluar për së mbari, dhe jemi dëshmitar, se dita parë e shkollës është njoftim i nxënësve me fytyrën e arsimtarit, është njoftim arsimtarit me strukturën, programit, t’i rekomandojë se cilat tekste duhet të përdoren. Gjitha shkollat kanë filluar mësimin për së mbari përveç atyre që kanë pas pengesa që nuk kanë qenë të leshura me tekstet shkollore…Unë kisha me fole një kritik tjetër, faktin se tekstet konsideroj se janë të dobëta, një numër shumë i madh i tyre. Të dobëta edhe në kuptimin strukturor, edhe shkencor dhe pedagogjik e gjuhësor. Andaj, në këtë aspekt duhet të mendojmë të përparojmë”, tha Kokaj.
Mes tjerash, Kokaj ka akuzuar edhe shtëpitë botuese për çmimin me libra.
“Unë dëgjova që në Tiranë një libër ishte 2.2 euro, nuk e di si quhej, kurse në Kosovë 6.3 euro. Shto këtu edhe faktin se përveç tekstit bazë ekziston edhe një tekst suplementarë, fletore e punës. Konsideroj se ka qenë e nevojshme të bëhet një hap dhe ministria ka për tendence që ta bëjë një hap të reformimit, të organizimit të këtillë”, shtoi Kokaj.
Debati parlamentar i thirrur nga opozita lidhur me furnizimin me tekste shkollore ka dështuar si pasojë e bojkotit nga partia në pushtet, Lëvizja Vetëvendosje.
Lajmet
Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij
Published
2 hours agoon
July 26, 2025By
UBTnews
Kryeministri në detyrë, Albin Kurti, së bashku me anëtarë të kabinetit qeveritar, bënë homazhe në mëngjesin e sotëm pranë varrit të veprimtarit të shquar Adem Demaçi, në përvjetorin e shtatë të vdekjes së tij.
Me lule dhe nderime, Kurti përkujtoi figurën e Demaçit, duke e cilësuar atë si një simbol të rrallë të përkushtimit për çështjen kombëtare.
“Gazetar e shkrimtar, veprimtar e intelektual, i përndjekur dhe i burgosur politik, i lauruar për paqe, përfaqësues politik i luftëtarëve të lirisë, mendimtar dhe kritik, Adem Demaçi ishte mishërim i çështjes kombëtare shqiptare,” tha Kurti.
Ai e përshkroi Demaçin si një personalitet unik, të dalluar për gjuhën, mendimin dhe vetëmohimin e tij.
“Lavdi jetës dhe veprës së Adem Demaçit!”, përfundoi ai.
Adem Demaçi, mbetet një nga figurat më të fuqishme të rezistencës politike dhe intelektuale në historinë moderne të shqiptarëve.
Lajmet
Kurti viziton familjen e rreshterit Afrim Bunjaku
Published
2 hours agoon
July 26, 2025By
UBTnews
Në Ditën Memoriale të zyrtarëve policorë të rënë në krye të detyrës, kryeministri në detyrë, Albin Kurti bashkë me një pjesë të kabinetit qeveritar bënë homazhe pranë varrit të Heroit Afrim Bunjaku. Ata vizituan edhe familjen e tij, si shenjë respekti për sakrificën e tij në mbrojtje të rendit dhe sigurisë në vend.
Gjatë vizitës, Kurti iu tha familjarëve se heroi Afrim Bunjaku është busullë se si duhet mbrojtur shteti.
Ndërkaq, pas vizitës së varrit të Bunjakut, kryeministri në detyrë, Albin Kurti derisa kujtoi se në shtator mbushen dy vjet nga rënia e tij, theksoi se çdo polic që ia kushton jetën mbrojtjes së Kosovës dhe qytetarëve të saj meriton respekt të përhershëm.
Kurti tha se ndonëse Bunjaku mbante gradën e rreshterit në Polici, sot ai mban gradën më të lartë që Republika mund t’i japë një qytetari, atë të Heroit të Kosovës, gradë nga e cila “s’ka degradim”, sipas tij.
“Ne erdhëm tek varri i Afrim Bunjakut që të bëjmë homazhe, të takojmë familjen e tij. Te rreshteri i cili ra heroikisht në Banjskë të Zveçanit e pas dy muajve bëhen dy vjet të rënies së tij heroike. Të gjithë këta policë që ia kushtuan jetën e tyre shërbimit për Kosovën dhe qytetarët e saj dhe u sakrifikuan në mbrojtje të vendit tonë të paqes e sigurisë meritojnë gjithë respektin tonë dhe duhet t’i kujtojmë e përkujtojmë vazhdimisht. Afrim Bunjaku kishte gradën rreshter në Policinë e Kosovës por sot ai e ka gradën hero i Kosovës. Grada hero është grada më e lartë që mund ta ketë një qytetar i Republikës dhe një zyrtar i shtetit. Është e vetmja gradë nga e cila nuk mund të degradohesh. Heroi i Kosovës Afrim Bunjaku sot kujtohet nga mbarë populli ynë, nga secili zyrtar i shtetit në nderim e kujtim të flijimit të tij për Republikën e Kosovës, integritetin territorial, sovranitetin e shtetit”, tha Kurti.
Ndërkaq, ministri në detyrë i Punëve të Brendshme, Xhelal Sveçla, tha se këto vizita përkujtimore sjellin emocione të rënda, veçanërisht për familjet e të rënëve, por edhe për Policinë e Kosovës. Megjithatë, sipas tij, ato janë edhe momente krenarie, pasi falë sakrificës së pjesëtarëve të Policisë së Kosovës, janë arritur suksese që dikur dukeshin të paimagjinueshme.
Sveçla theksoi se kjo sakrificë duhet të mbrohet me çdo kusht dhe çdo çmim.
“Këto vizita na kujtojnë momente shumë të rënda, së pari për familje dhe për të gjithë ne dhe Policinë e Kosovës. Mbi të gjitha janë momente krenarie, për shkak se me sakrificën e gjithë pjesëtarëve të Policisë së Kosovës, të gjithë qytetarëve të Republikës së Kosovës ne po arrijmë suksese të cilat më herët kanë qenë të paimagjinueshme. Lirisht mund të themi që kjo sakrificë ia ka vlejtur dhe këtë sakrificë duhet ta mbrojmë me çdo kusht dhe çdo çmim”, tha Sveçla.
Në nderim të 14-vjetorit të rënies së Heroit Enver Zymeri dhe kësaj dite përkujtimore, Ministria e Punëve të Brendshme dhe Policia e Kosovës kanë organizuar homazhe shtetërore te Lapidari i Policëve të rënë në detyrë.
Sot, përfaqësues të institucioneve shtetërore kanë vizituar edhe familjen e zyrtarit policor Muhamed Lika, i cili humbi jetën në krye të detyrës.
Po gjatë ditës, janë paraparë edhe homazhe pranë varrit të Heroit Enver Zymeri, vizitë në familjen e tij si dhe nderime pranë lapidarit në vendin e rënies së tij.
Ceremonitë përkujtimore do të përmbyllen në orën 17:00 me pritjen zyrtare të marshuesve në Qendrën për Trajnim për Kërkim-Shpëtim “Berim” në Zubin Potok – Ujman.
Lajmet
Haradinaj për masën: Kushtetuesja konstaton se situata përbën rrezik real
Published
2 hours agoon
July 26, 2025By
UBTnews
Kryetari i Aleancës për Ardhmërinë e Kosovës (AAK), Ramush Haradinaj, thekson se masa e përkohshme e Gjykatës Kushtetuese është shumë e shkurtër, vetëm dy javë.
Deputeti Haradinaj ka shkruar se në Facebook ku thekson se pret që brenda kësaj kohe të ketë një vendim final të Kushtetueses.
Sipas tij, Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK
“Vendimi i fundit i Gjykatës Kushtetuese konfirmon se gjendja aktuale në vend përbën rrezik serioz për funksionimin kushtetues dhe institucional të shtetit. Pikërisht këtë e kishte theksuar edhe AAK në kërkesën e saj të parë drejtuar Gjykatës. Fatkeqësisht, atëherë Gjykata nuk e shqiptoi masën e përkohshme, ndonëse kushtet ishin pothuajse identike me ato që vetë i ka pranuar tani. Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK”, shkruan ai.
Sipas Haradinajt, kjo vonesë e pajustifikueshme vetëm sa ka shtuar paqartësinë dhe krizën kushtetuese në vend.
“Sot ekziston frika reale se ndërhyrja e Gjykatës mund të ketë ardhur tepër vonë për të parandaluar pasojat që mund të ishin shmangur në kohë, sikur ajo të kishte vepruar me përgjegjësi në momentin kur u paraqit kërkesa jonë”, shkruan ai.
Deputetët e zgjedhor do t’iu drejtohen sërish sot ulëseve të tyre në përpjekjen e radhës, e pesëdhjetë e treta, për të konstituuar legjislaturën e nëntë, të dalë nga zgjedhjet e 9 shkurtit.
Vazhdimi i radhës mbahet nga ora katërmbëdhjetë, për herë të parë në më pak se dyzetetetë orë pasi Gjykata Kushtetuese ka vendosur masë të përkohshme ndaj seancave të Kuvendit, që nga e diela 27 korrik deri më 8 gusht.
Lajmet
Kurti: Enver Zymberi e Afrim Bunjaku dhanë jetën duke mbrojtur sovranitetin shtetëror
Published
2 hours agoon
July 26, 2025By
UBTnews
Në nderim të 14-vjetorit të rënies së Heroit Enver Zymeri dhe Ditës Memoriale të zyrtarëve policor të rënë në krye të detyrës, kryeministri në detyrë, Albin Kurti bashkë me disa nga ministrat në detyrë bëri homazhe pranë Lapidarit të Policëve të rënë në detyrë.
Me këtë rast, Kurti tha se sot u bënë nderime pranë lapidarit të policëve të rënë në krye të detyrës, 24 gjithsej në Kosovën e pasluftës, që nga Lazim Rexhepi në vitin 2001, e deri te Muhamet Lika në vitin 2025.
Kurti, për rënien heroike të Enver Zymberit dhe Afrim Bunjakut, tha se dhanë jetën duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të vendit.
Sipas Kurtit, Dita Memoriale është e lidhur ngushtë edhe me rënien e Enver Zymberit më 26 korrik 2011.
Kurti tha se kjo datë sjell dhimbje dhe pikëllim, por njëkohësisht edhe krenari, sepse Policia e Kosovës, me mbi 10 mijë pjesëtarë, vazhdon të jetë në shërbim të Republikës së Kosovës.
“Bëmë nderime këtu te lapidari i policëve të rënë në detyrë 24 gjithsej ne Kosovën e pasluftës, duke filluar nga Lazim Rexhepi në vitin 2001 e deri së fundmi te Muhamet Lika në vitin 2025. Me këtë rast dua të theksoi heroin tonë Enver Zymberin dhe po ashtu Afrim Bunjakun që ranë në krye të detyrës duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të Kosovës. Dita Memroriale është e lidhur pikërisht me rënien heroike të Enver Zymberit në vitin 2011, më 26 korrik, me ç’rast kemi dhimbje e pikëllim, kemi shumë mall por në të njëjtën kohë kemi edhe krenari, sepse Policia e Kosovës është një forcë prej 10 mijë pjesëtarëve të cilët i dalin zot Republikës sonë”, tha Kurti.
Kryeministri në detyrë, Albin Kurti tha se Policia e Kosovës është një forcë multietnike, e cila, ndonëse është sulmuar shpesh, ka dalë gjithmonë fitimtare dhe profesionale.
Ai rikujtoi se një nga sfidat më të mëdha për strukturën e saj që ndodhi në nëntor të vitit 2022, kur 541 policë të uniformuar nga komuniteti serb dhanë dorëheqje kolektive.
Megjithatë, Kurti theksoi se procesi i rikthimit dhe përfshirjes ka vazhduar, me kadetë të rinj nga gjenerata në gjeneratë që po i bashkohen Policisë së Kosovës.
“Policia e Kosovës është një forcë multietnike e cila u sulmua shpesh, mirëpo gjithnjë doli fitimtare. E një nder sulmet strukturore që ka përjetuar ka qenë në nëntor të vitit 2022 ku kishim 541 policë në uniformë nga komuniteti serb që dhanë dorëheqje kolektivisht. Në vazhdimësi kemi kadetë të rinj nga gjenetara në gjeneratë të cilët po shtohen. Vetëm nga komuniteti serb kemi rreth 200 pjesëtarë që nga dorëheqjet e tyre që i janë bashkëngjitur Policisë së Kosovës dhe krah për krah me shqiptarët të uniformuar dhe të tjerë që i shërbejnë vendit tonë dhe qytetarëve tanë.”, tha Kurti.
Bashkë me Kurtin për homazhe ishin ministrat në detyrë i Punëve të Brendshme, Xhelal Svecla, ministrja e Drejtësisë, Albulena Haxhiu, ministri i Kulturës, Hajrullah Ceku dhe ministrja e Arsimit, Arbërie Nagavci.
Homazhe bënë edhe drejtori i Përgjithshëm i Policisë së Kosovës, Gazmend Hoxha bashkë me pjesëtarë të tjerë të lartë të Policisë së Kosovës.

Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij

Kurti viziton familjen e rreshterit Afrim Bunjaku

Haradinaj për masën: Kushtetuesja konstaton se situata përbën rrezik real

Kurti: Enver Zymberi e Afrim Bunjaku dhanë jetën duke mbrojtur sovranitetin shtetëror

IKSHPK bën thirrje për kujdes nga temperaturat e larta, këto janë udhëzimet

Sot shënohet Dita memoriale e policëve të rënë në detyrë

Sot tentimi numër 53 në Kuvend

Arrest shtëpiak ndaj katër të pandehurve për keqpërdorim të pozitës zyrtare në Gjakovë

Punëtorët e KEK-ut do të marrin 400 euro bonus
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore