Lajmet

​Vendoset gurthemeli për fillimin e ndërtimit të QMF-së në lagjen “Arbëria” në Gjilan

Kryeministri Albin Kurti tha se në lagjen “Arbëria” tash e sa kohë ka pasur nevojë për një QMF.

Published

2 years ago

on

Në lagjen “Arbëria” në Gjilan është vendosur gurthemeli për fillimin e ndërtimit të Qendrës së Mjekësisë Familjare. Ndërtimi i kësaj qendre është donacion nga Katari dhe do të ketë hapësirë prej më shumë se 370 metra katror. Gjatë së hënës, kur filluan punimet e QMF-së, u tha se në qendrën ekzistuese po ofrohen rreth 20 mijë shërbime në vit.

Kryeministri Albin Kurti tha se në lagjen “Arbëria” tash e sa kohë ka pasur nevojë për një QMF për shëndetin publik, për pacientët, për mjekët dhe infermierët që do të shërbejnë.

“Shpresoj që me shkëlqesinë e tij, Ali bin Hamad Al Marri, do të vijmë sërish këtu që ta inaugurojmë hapjen e Qendrës së Mjekësisë Familjare pas ndërtimit. Pra të vijmë gjithmonë për gëzime e të mos kemi nevojë të vijmë për shërbime këtu. Mirëpo të gjithë ata të cilët janë të sëmurë apo pacientë do t’i kenë kushtet e duhura, në një hapësirë prej gjithsej 373 metra katrorë, ku do të ofrohen kujdesi i mjekëve dhe infermierëve tanë. Gjithashtu dua të falënderojë dhe kryetarin e komunës, Alban Hysenin për punën përgatitore që të vijmë deri tek kjo pikë ku do ta vëmë gurthemelin, ta inaugurojmë fillimin e punës drejt ndërtimit të Qendrës së Mjekësisë Familjare për lagjen Arbëria në Gjilan”, ka deklaruar Kurti.

Kryetari i Komunës së Gjilanit, Alban Hyseni theksoi se kjo është prej lagjeve më të mëdha të qytetit, ku përveç banorëve të lagjes ka frekuentim edhe nga banorë të fshatrave përreth.


“Janë diku rreth 20 mijë shërbime që ofrohen në vit në qendrën ekzistuese të mjekësisë familjare. Me ç’rast me infrastrukturë të re, mundësi më të mira, e kushte më shumë të favorshme edhe cilësia e shërbimeve do të rritet por edhe numri. Është një prej projekteve të para që e kemi nisur me organizatën, ndërkohë që projekte të reja presim edhe në të ardhmen”, tha Hyseni.

Ambasadori i Katarit në Shqipëri, Ali bin Hamad Al marri në vendosjen e këtij gurthemeli tregoi se kjo është dhuratë nga populli i Katarit.


“Kjo qendër shëndetësore është dhuratë nga populli i Katarit për popullin mik të Kosovës. Marrëdhëniet midis Republikës së Kosovës dhe shtetit të Katarit janë solide dhe shumë të shkëlqyera. Dhe ne bëjmë gjitha përpjekjet të mundshme që këto marrëdhënie t’i zhvillojmë më tej. Jam shumë i lumtur që ky projekt nuk është i vetmi, kemi edhe një projekt tjetër po sot në të cilin do të vendosim gurthemelin. Prandaj, gjej rastin që të falënderojë kryeministrin dhe gjithë Qeverinë e Kosovës për facilitetet dhe lehtësimin e të gjitha punëve, operacioneve të cilat i zhvillon Katar Charity në Kosovë”, ka thënë ai.

Zëvendësdrejtori gjeneral i Katar Charity, Nawaf Al Hammadi në Kosovë tha se kjo qendër shëndetësore do t’i shërbejë komunitetit të këtij qyteti.


“Mesazhi im i fundit për banorët e Gjilanit dhe patjetër dhe qytetarëve të Kosovës është kjo qendër shëndetësore është dhuratë nga populli i Katarit për popullin e Kosovës, i cili meriton dhe besoj do të ketë mbështetje nga ana jonë. Shteti i Katarit, qeveri dhe popull kanë një marrëdhënie të shkëlqyer me qeverinë dhe popullin e Kosovës dhe këto marrëdhënie do të kenë edhe më shumë zhvillime pozitive në të ardhmen”, deklaroi ai.

Gjatë ditës kryeministri Albin Kurti do të takohet me kryetarin e Gjilanit, Alban Hyseni.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

1 day ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

1 day ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

1 day ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara