Lajmet

​Varhelyi: Marrëveshja Kosovë-Serbi urgjente, palët të jenë konstruktive

Varhelyi ritheksoi mbështetjen e Komisionit Evropian për liberalizimin e vizave për qytetarët e Kosovës.

Published

on

Komisioneri për Fqinjësinë dhe Zgjerim i Bashkimit Evropian, Oliver Varhelyi ka thënë se marrëveshja për normalizimin e marrëdhënieve ndërmjet Kosovës dhe Serbisë është urgjente. Vetëm në këtë formë, sipas tij iu mundësohet dy shteteve të avancojnë në rrugët e tyre drejt BE-së, derisa kërkoi konstruktivitet nga dy palët.

Në konferencën për medie, pasi u publikuan raportet vjetore për vendet e Ballkanit Perëndimor, Varhelyi ritheksoi mbështetjen e Komisionit Evropian për liberalizimin e vizave për qytetarët e Kosovës.

“Kosova ka gëzuar stabilitet politik gjatë gjithë vitit, dhe autoritetet vazhdojnë të demonstrojnë përkushtimin e tyre në rrugën evropiane. Gjatë periudhës raportuese, Kosova ka bërë përpjekje për të forcuar demokracinë dhe sundimin e ligjit dhe ka intensifikuar luftën kundër korrupsionit. Sa i përket liberalizimit të vizave, komisioni qëndron prapa vlerësimit të korrikut të vitit 2018, se Kosova i ka përmbushur të gjitha standardet. Propozimi është ende në pritje në këshill, siç e dini, dhe ne mirëpresim që diskutimet janë gati të rifillojnë. Ne po mbështesim diskutimet me përditësimin teknik të vlerësimit tonë. Marrëveshja e normalizimit të marrëdhënieve me Serbinë është urgjente dhe vendimtare për t’i mundësuar Kosovës dhe Serbisë të avancojnë në rrugët e tyre përkatëse drejt BE-së. Sigurisht që ne po e mbështesim këtë proces, por ne kemi nevojë për angazhim të plotë si nga Beogradi ashtu edhe nga Prishtina në mënyrë konstruktive, që ky dialog të jetë i suksesshëm”, tha ai.

Komisioneri për zgjerim po ashtu kërkoi nga Serbia që të shtojë përpjekjet e saj në përafrim të pozicioneve me BE-në në politikën e jashtë, sa i përket sanksioneve ndaj Rusisë.

“Në kontekstin aktual gjeopolitik është gjithashtu e qartë se Serbia duhet të shtojë përpjekjet e saj në përafrimin me pozicionet e BE-së në politikën e jashtme, duke përfshirë deklaratat dhe sanksionet në përputhje me kornizën negociuese… Nuk thashë se janë pezulluar, jo, nuk do të ishte e drejtë të them, përkundrazi, reformat po avancojnë dhe kështu negociatat e anëtarësimit, nuk janë pezulluar, por nëse Serbia do të donte për të përshpejtuar anëtarësimin e saj, sigurisht që do të ishte adresimi i çështjes së përafrimit të Politikës së Përbashkët të Jashtme dhe të Sigurisë (CFSP), sepse kjo mund të krijojë një atmosferë mjaft pozitive në anën e shteteve anëtare për të përshpejtuar ritmin e negociatave”, tha ai.

Komisioni Evropian sot publikoi raportin vjetor për Kosovën dhe vendet të tjera të bashkimit Evropian.

Botë

Sulmi me dronë rus vret një familje të tërë ukrainase

Published

on

By

Një familje e tërë, një çift i martuar dhe dy djemtë e tyre të vegjël janë vrarë në një sulm me dron rus gjatë natës në rajonin verilindor Sumy të Ukrainës, thanë zyrtarët lokalë.

Kreu rajonal Oleh Hryhorov tha se një ndërtesë banimi u godit në fshatin Chernechchyna. Trupat e dy fëmijëve, të moshës katër dhe gjashtë vjeç, dhe të prindërve të tyre u nxorën më vonë nga rrënojat, shkruan BBC.

Forca ajrore e Ukrainës tha se njësitë e saj qëlluan 46 nga 65 dronë rusë në të gjithë vendin – por pati 19 goditje të drejtpërdrejta në gjashtë vende.

Ushtria ruse nuk ka komentuar. Në një deklaratë, tha se 81 dronë ukrainas u shkatërruan gjatë natës në pesë rajone ruse./D.B/KP

Continue Reading

Lajmet

“Drejtësi për Arbnorin”, protestohet në Prishtinë për ish-policin që po mbahet në Serbi

Published

on

By

Familjarët e ish-policit të Kosovës, Arbnor Spahiu, i cili tash e katër muaj po mbahet në paraburgim në Serbi, kërkuan drejtësi dhe lirimin e tij të menjëhershëm.

Në protestën e organizuar sot në sheshin “Skënderbeu” në Prishtinë, ku morën pjesë familjarë, miq dhe qytetarë, u bë thirrje që institucionet vendore dhe ato ndërkombëtare të ngrisin zërin kundër asaj që u quajt padrejtësi dhe të mbështesin familjen Spahiu.

Organizatorja e protestës, Erza Zeqiri tha se Arbnori është një ish-polic i ndershëm që po mbahet padrejtësisht në burg në Serbi dhe se prania e qytetarëve në protestë është dëshmi kundër padrejtësisë. Ajo i bëri thirrje institucioneve të Kosovës dhe atyre ndërkombëtare që të angazhohen për lirimin e tij.

Arbnori, një ish-polic i ndershëm dhe i përkushtuar ndaj shërbimit të ligjit dhe sigurisë së qytetarëve, sot ndodhet padrejtësisht në burg në Serbi, i privuar nga liria dhe i ndarë nga familja e tij. Prania jonë këtu është më shumë se një mbështetje simbolike. Ajo është dëshmi se padrejtësia nuk mund të mbulohet me heshtje. Ne jemi këtu për të ngritur zërin e Arbnorit, për të thënë me vendosmëri se liria e tij është e drejtë themelore dhe se askush nuk duhet të mbahet peng i padrejtësisë. I bëjmë thirrje institucioneve të Republikës së Kosovës që të angazhohen pa ndërprerje për lirimin e tij. Po ashtu, i bëjmë thirrje institucioneve ndërkombëtare, Bashkimit Evropian, Kombeve të Bashkuara dhe organizatave të të drejtave të njeriut, që të marrin përgjegjësinë për të garantuar të drejtat themelore të një qytetari që padrejtësisht po mbahet i burgosur”, tha Zeqiri.

Babai i Arbnorit, Fatmir Spahiu u shpreh se djali i tij është mirë me shëndet fizik, por emocionalisht është i lodhur e i mërzitur nga padrejtësia. Ai shtoi se dokumentacioni është dorëzuar në prokurori dhe se kërkon angazhim më të madh nga institucionet.

Arbnori sa i përket gjendjes fizike është mirë për shkak gjendjes emocionale dihet se është i lodhur e i mërzitur nga padrejtësia që po i bëhet, ndërsa me u malltretu nuk është malltretuar (keqtrajtuar), sjellja ka qenë korrekte, mirëpo ai po e vuan atë pasi që është duke u mbajtur në mënyrë të padrejtë. Policinë e Kosovës e ka lënë me 1 nëntor në 2022, ndërsa ky akuzohet për rastin që ka ndodhur më 24 shtator 2023… ka udhëtuar më herët nuk është ndalë, dokumentacionet i kemi dorëzua avokatit dhe avokati i ka dorëzua në prokurori, institucionet janë angazhuar, mirëpo ne kërkojmë qe të angazhohen më tepër”, Tha Spahiu.

E një familjare tjetër e tij, Donjeta Spahiu shtoi se këta katër muaj paraburgim kanë qenë një periudhë e rëndë për familjen dhe për Arbnorin, duke e cilësuar si “një plagë shpirtërore”. Ajo kritikoi heshtjen e institucioneve, duke thënë se kjo është një padrejtësi e dyfishtë dhe se shteti ka detyrim të mbrojë qytetarët e vet.

Sot jemi në muajin e katërt të kësaj padrejtësie. Katër muaj janë shumë, janë të përjetuar si një përjetësi për familjen që zgjohet çdo ditë me ankth, me lot dhe me shpresën se kjo padrejtësi do të marrë fund. Janë katër muaj të rëndë edhe për Arbnorin, i cili dikur, me dinjitet dhe përkushtim, i shërbente këtij vendi, dhe sot është i mbajtur larg lirisë së tij. Ky nuk është vetëm një burg fizik, por edhe një plagë e thellë shpirtërore për familjen dhe për gjithë shoqërinë tonë. Ne i bëjmë thirrje institucioneve tona shtetërore që të mos heshtin, të mos vonojnë dhe të mos e neglizhojnë këtë rast. Heshtja e shtetit nuk është thjesht dështim, është një padrejtësi e dyfishtë. Është detyrë e shtetit të mbrojë çdo qytetar të tij, pavarësisht se ku gjendet ai”, u shpreh ajo.

Ish-zyrtari i Policisë së Kosovës, Arbnor Spahiu u arrestua nga autoritetet serbe më 7 qershor 2025 në pikën kufitare ndërmjet Hungarisë dhe Serbisë, ndërsa po udhëtonte nga Austria drejt Kosovës së bashku me familjen e tij.

Më 9 qershor 2025, Gjykata e Suboticës i caktoi Spahiut masën e paraburgimit për 30 ditë nga akuzat që Serbia i mbështet si “vrasje e rëndë” në lidhje me Banjskën./D.B/KP

Continue Reading

Botë

Netanyahu: Tërheqja e Izraelit nga Gaza nuk do të ndodhë

Published

on

By

Kryeministri izraelit sulmon kritikët që përpiqen ta ushtrojnë presion mbi të që të tërheqë Forcat Mbrojtëse të Izraelit (IDF) nga Gaza, duke thënë “kjo nuk po ndodh”.

Ata vazhdojnë të thonë: ‘Ju duhet të pranoni kushtet e Hamasit. Largojini të gjithë. IDF duhet të largohet dhe Hamasi mund të rimëkëmbet dhe madje mund të rehabilitojë Rripin e Gazës“, thotë ai, shkruan BBC.

“Kjo nuk po ndodh”.

Netanyahu shton se Presidenti Trump premtoi mbështetjen e tij të plotë për Izraelin nëse Hamasi do të refuzonte planin e tij prej 20 pikash për paqen në Gaza.

“Përfundoni operacionin ushtarak për të eliminuar Hamasin. Dhe kështu mendoj se nga të gjitha anët ishte një vizitë e shkëlqyer”, thotë Netanyahu.

Një postim i veçantë nga Netanyahu në mediat sociale këtë mëngjes ndan një video të Shtëpisë së Bardhë me klipe të tij dhe Presidentit Trump dje. Në fillim të videos, kryeministri izraelit shihet duke shkruar një shënim në një libër ku lexohet: “Për Presidentin Donald Trump, [Pa dyshim] miku më i madh që Izraeli ka pasur ndonjëherë në Shtëpinë e Bardhë – me shumë mundësi!”/D.B/KP

Continue Reading

Lajmet

Brukseli synon asetet e ngrira ruse për financimin e Ukrainës në vitet në vijim

Published

on

By

Meqë Shtetet e Bashkuara kanë lënë të kuptohet se mund të mos jenë të gatshme ta financojnë Ukrainën për kohë të gjatë për nevojat e saj për t’u mbrojtur, Bashkimi Evropian po shqyrton mënyra të ndryshme për ta mbuluar një pjesë më të madhe të kostove në vitet 2026 dhe 2027, duke hamendësuar se lufta do të vazhdojë.

Treguesi më i qartë i kësaj erdhi gjatë fjalimit vjetor të presidentes së Komisionit Evropian, Ursula von der Leyen, në Parlamentin Evropian në fillim të shtatorit, ku ajo përmendi idenë e një “huaje dëmshpërblimi”.

Më shumë hollësi për mënyrën se si do të funksiononte kjo hua janë dhënë në një dokument diskutimi njëfaqësh, që Komisioni ua dha shteteve anëtare të BE-së, shkruan REL.

Dokumenti, i parë nga Radio Evropa e Lirë (REL), u diskutua shkurtimisht nga ambasadorët e bllokut më 26 shtator.

Von der Leyen pritet ta paraqesë këtë dokument para liderëve të BE-së në një samit joformal në Kopenhagë, më 1 tetor, për të diskutuar për Ukrainën. Edhe presidentin ukrainas, Volodymyr Zelensky, ka gjasa të marrë pjesë.

Ministrat e Financave të BE-së gjithashtu pritet të shqyrtojnë më shumë hollësi kur të mblidhen në Luksemburg javën e ardhshme.

Edhe pse ende nuk janë përcaktuar të gjitha mekanizmat e huas, disa elemente tashmë janë të qarta.

Çdo hua për Ukrainën do të bazohej në asetet e ngrira ruse në BE, të cilat janë bllokuar qëkurse Moska e nisi pushtimin e plotë të fqinjit të vet në fillim të vitit 2022.

Huat do të jepeshin pa i prekur drejtpërdrejt këto të holla, dhe Ukraina do të ishte e detyruar t’i kthente paratë vetëm pasi Rusia ta ketë paguar dëmshpërblimet e luftës.

Huaja e dëmshpërblimeve, nëse miratohet, mund t’i zgjidhë një sërë telashesh.

Më e rëndësishmja, do t’i siguronte Ukrainës fondet e nevojshme, duke eliminuar çdo mundësi vetoje nga vende skeptike të BE-së si Hungaria dhe Sllovakia. Do të qartësonte gjithashtu përdorimin e aseteve ruse dhe do të ulte trysninë mbi buxhetin e BE-së./D.B/KP

Continue Reading

Të kërkuara