Lajmet

​Vaksinim apo test, dorëzohet ankesa në Kushtetuese

Published

on

Dy qytetarë sapo kanë dorëzuar shkresën sa i përket vendimeve të marra nga Qeveria e Kosovës për vaksinim. Ata thanë se nuk janë kundër vaksinimit, por janë kundër kushtëzimit për vaksinim apo teste.

Arianit Sllamniku nga Inciativa Joformale në një prononcim për media, tregon se e kanë dorëzuar shkresën në Gjykatën Kushtetuese kundër vaksinimit të detyrueshëm.

“Sot e dorëzuam shkresën të cilën e kemi paralajmëruar ditët më parë lidhur me ankesën e vendimit të Qeverisë të Republikës së Kosovës të datës 28.08.2021 me numër 01/32, shkresë e cila ka të bëjë me ndalim të lëvizjes së lirë të qytetarëve dhe kushtëzimin me vaksinim ose teste po iu thonë tani. Për më shumë detajë e kemi edhe avokatin këtu i cili e ka dorëzuar dhe është si përfaqësues i yni në këtë lëndë, në këtë rast, pasi që janë 17 avokatë në përgjithësi që kanë votu në dokumentin në fjalë të cilin vetëm se formalisht e kemi dorëzuar me avokatin”, ka thënë ai.

Kurse avokati Muhamet Mulaj potencon se nuk janë kundër vaksinimit, por kundër vaksinimit të detyrueshëm.

“Si i autorizim i qytetarëve dhe i iniciativës të disa avokatëve. Është një punë ekipore të cilën e kemi përgatit, ka të bëjë në lidhje me kërkesën mbi vendimin e ligjsërisë së qeverisë të cilën sot e kemi dorëzu në Gjykatën Kushtëtuese. Ne nuk jemi kundër vaksinimit, personalisht nuk jam kundër vaksinimit, mirëpo jemi kundër vaksinimit të detyrueshëm i cili është pengesë për qytetarin e sidomos kushtëzimi në vendet e punës, sot ka qenë pengesë meqenëse edhe vendimi ka hy në fuqi”, ka shtuar ai.

Lajmet

Vetëvendosje paralajmëron konferencë për media para vazhdimit të seancës konstituive

Published

on

By

Lëvizja Vetëvendosje pritet të mbajë sot një konferencë për media në orën 10:00, në hollin pranë zyrës së Grupit Parlamentar të kësaj partie në Kuvendin e Kosovës. Lajmin e ka konfirmuar zëdhënësi i LV-së, Arlind Manxhuka, ndërsa në konferencë do të flasin Glauk Konjufca dhe Albulena Haxhiu.

Nuk janë dhënë detaje lidhur me temat që do të trajtohen, por konferenca mbahet në prag të vazhdimit të seancës konstituive të Kuvendit të Kosovës, e cila hyn në tentativën e saj të 38-të për konstituim.

Procesi i konstituimit ka mbetur i bllokuar për shkak të mospajtimeve ndërmjet partive politike rreth zgjedhjes së kryetarit të Kuvendit, duke zgjatur kështu krizën institucionale për më shumë se tre muaj pas zgjedhjeve.

Continue Reading

Lajmet

FSK sot certifikon rekrutët e rinj

Published

on

By

Sot në Ferizaj zhvillohet ceremonia e certifikimit të gjeneratës 02/2025 të rekrutëve të rinj të Forcës së Sigurisë së Kosovës (FSK).

Ngjarja do të mbahet në Sallën e Sporteve “Bill Klinton”, duke filluar nga ora 10:00, dhe do të përfshijë praninë e udhëheqësve të lartë shtetërorë, zyrtarëve të Ministrisë së Mbrojtjes dhe FSK-së, mysafirëve dhe familjarëve të rekrutëve.

Sipas njoftimit të FSK-së, kjo ceremoni shënon përfundimin e trajnimit bazë për një numër të konsiderueshëm të të rinjve që do të vazhdojnë rrugëtimin e tyre profesional brenda strukturave të sigurisë së vendit.

Continue Reading

Lajmet

​Kuvendi sot në tentimin e 38-të për konstituim

Published

on

By

Vazhdimi i tridhjetetetë i seancës për konstituimin e legjislaturës së nëntë do të mbahet sot nga ora 11:00.

Tridhjeteshtatë vazhdimet e deritanishme janë shndërruar në një seri të dështimeve të njëpasnjëshme në mungesë të numrave nga Lëvizja Vetëvendosje, Guxo e Alternativa për kreun e ri të Kuvendit.

Albulena Haxhiu në gjashtë tentime direkte nuk ka marrë votat e mjaftueshme të deputetëve dhe Lëvizja Vetëvendosje, Guxo e Alternativa po kërkojë komision që do të mbikëqyrte procesin e votimit të fshehur.

Kjo do të jetë seanca e parë vazhduese pasi Gjykata Kushtetuese përmes një aktgjykimi ka vendosur të enjten, më 26 qershor, që Kuvendi duhet të konstituohet brenda tridhjetë ditësh.

Aktgjykimi i Kushtetueses vjen pasi Grupi Parlamentar i Aleancës për Ardhmërinë e Kosovës ka dorëzuar për interpretim mënyrën e fshehtë të votimit që po kërkojnë Lëvizja Vetëvendosje, Guxo e Alternativa për zgjedhjen e Albulena Haxhiut kryetare e re e Kuvendit.

Continue Reading

Lajmet

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Published

on

By

Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.

Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.

Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.

Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.

Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.

Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.

Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.

Continue Reading

Të kërkuara