Lajmet

​U ngujuan në minierë, 123 minatorët e Trepçës dalin në sipërfaqe shëndoshë e mirë

Këtë e ka konfirmuar kreu i Sindikatës së Minatorëve, Gani OsmanI.

Published

on

123 minatorët e që kishin mbetur të ngujuar në minierën Trepçës për shkak të defektit të energjisë elektrike tashmë kanë dal nga aty.

Këtë e ka konfirmuar kreu i Sindikatës së Minatorëve, Gani Osmani i cili tha se edhe gjendja shëndetësore e të gjithë minatorëve është e mirë.

Osmani, përmes telefonit, ka thënë se punëtorët e KEDS-it, por edhe të minierës Trepça kanë arritur ta sanojnë defektin e energjisë elektrike.

Mjeshtrit e KEDS dhe të Trepçës që janë edhe e kanë evituar defektin….(Gjendja e minatorëve) Mirë nuk është keq, por me zgjatë shumë nuk është mirë me zgjatë pak kohë nuk ka problem se ne jemi mësuar ashtu. Por me zgjatë shumë prishet ajri në minierë aty, nuk ka zgjatë shumë për fat të mirë. Mirë është mirë kanë qenë 123 minatorë“, theksoi ai.

Kryetsindikalisti i minatorëve, Gani Osmani u shpreh se defekti ka ndodh rreth orës 11:00 dhe në ora 15:00 është rregulluar prishja.

Minatorët ndërrimi i parë sot fillojnë punën në ora 07:00 dhe në ora 14:00 fillojnë me dal prej minierës por rryma është ndal ka pas një defekt për shkak se ka pas vetëtima dhe murmurimë e shi shumë. Ka pas një defekt diku në orën 11:00. Prej orës 11:00 deri në orën 15:00 nuk është ardhur rryma, pas orës 15:00 ka ardhur rryma, sipas informatave që kontaktova me kujdestarin e minierës ata veçse kanë filluar me dal dhe brenda 15 minutave kryhet kjo punë. Shkaku ka qenë vetëm defekti në rrymë”, u shpreh Osmani.

Osmani po ashtu ka thënë se ka pas edhe raste të tjera kur minatorët kanë mbetur brenda në hapësirat e minierës së Trepçës për shkak të defekteve të energjisë elektrike.

Bota

Kim Jong Un dhe Putini do jenë pjesëmarrës në paradën ushtarake të Kinës në Pekin

Published

on

Udhëheqësi i Koresë së Veriut, Kim Jong Un, do të marrë pjesë në një paradë ushtarake në Pekin javën e ardhshme së bashku me Vladimir Putinin e Rusisë, tha ministria e jashtme e Kinës, në atë që do të jetë një vizitë historike.

Kjo vjen disa ditë pasi Presidenti i SHBA-së, Donald Trump, tha se donte të takohej me Kim-in, i cili rrallë bën vizita të huaja, dhe ndërsa Shtëpia e Bardhë përpiqet të ndërmjetësojë një marrëveshje për t’i dhënë fund luftës në Ukrainë, shkruan BBC.

Parada e Ditës së Fitores së Kinës më 3 shtator do të shënojë 80-vjetorin e dorëzimit zyrtar të Japonisë në Luftën e Dytë Botërore dhe fundin e konfliktit.

Ngjarja tani sinjalizon një fitore të rëndësishme diplomatike për udhëheqësin kinez Xi Jinping, i cili ka shtyrë për një rend të ri botëror të udhëhequr nga Pekini.

Continue Reading

Aktualitet

Pritjet në kufi: Deri në 40 minuta për të dalë nga Kosova

Published

on

Sipas përditësimit të të dhënave mbi fluksin në kufi nga Qendra Kombëtare për Menaxhim Kufitar aktualisht pritjet për të hyrë në Kosovë janë të shkurtra, kurse daljet janë më të gjata.

Pritjet në hyrje raportohen nga 3 deri në 5 minuta përderisa pritjet në dalje shkojnë deri në gjysmë ore në Bërnjak dhe deri 40 minuta në Merdarë.

Përditësimi i fundit ishte në ora 07:28 të mëngjesit.

Continue Reading

Bota

Katër të vdekur nga sulmi në Kiev, mes viktimave edhe dy fëmijë

Published

on

Katër persona u vranë në sulmin e natës në Kiev, ku në mesin e tyre dy viktima ishin fëmijë.  Ky është numri i pjesshëm i publikuar nga kreu i administratës ushtarake të qytetit, Timur Tkachenko.

“Operacionet e shpëtimit”, shkroi ai në Telegram, janë duke u zhvilluar në disa vende dhe rusët po synojnë në mënyrë cinike ndërtesat e banimit.

Për më tepër, në distriktin Darnytskyi, si pasojë e sulmit, shpërtheu një zjarr dhe një kopsht fëmijësh është përfshirë nga flakët.

“Tre persona u nxorën të gjallë nga rrënojat. Ka shumë mundësi që të ketë ende njerëz nën rrënoja. Janë të përfshirë alpinistë, kujdestarë qensh, psikologë, inxhinierë, zjarrfikës dhe personel shpëtimi. Pajisjet robotike po përdoren në mënyrë aktive për të pastruar zonën në mënyrë që ekipet e shpëtimit të mund të punojnë më shpejt. Në total, afërsisht 500 ekipe shpëtimi dhe 1,000 oficerë policie po punojnë njëkohësisht në Kiev”, shkroi Ministri i Brendshëm ukrainas Ihor Klymenko në Telegram.

“Çdo minutë e punës së shërbimeve tona të emergjencës ka për qëllim shpëtimin e jetëve dhe mbështetjen e atyre që kanë vuajtur më shumë nga terrori rus”, tha ai.

Sulmi i natës në kryeqytetin ukrainas ka lënë të paktën katër të vdekur dhe afërsisht 30 të plagosur.

Continue Reading

Bota

Blair merr pjesë në takimin e Shtëpisë së Bardhë me Trumpin për të diskutuar rreth Gazës së pasluftës

Published

on

Ish-kryeministri britanik, Tony Blair do të marrë pjesë në një takim në Uashington, të kryesuar nga Presidenti i SHBA-së Donald Trump, për të diskutuar planet për Gazën e pasluftës, ka konfirmuar BBC.

I dërguari i Lindjes së Mesme, Steve Witkoff, ka thënë se SHBA-të po hartojnë një plan shumë gjithëpërfshirës për të ardhmen pas konfliktit, shkruan BBC.

Takimi vjen pasi ushtria izraelite i paralajmëroi palestinezët se evakuimi i Qytetit të Gazës ishte i pashmangshëm, ndërsa forcat e saj përgatiten ta pushtojnë atë.

Tanket izraelite hynë në një zonë të re të qytetit gjatë natës, duke shkatërruar shtëpi dhe duke detyruar më shumë banorë të largohen, thanë dëshmitarët.

Mijëra njerëz janë zhvendosur tashmë për shkak të përparimeve të fundit izraelite kryesisht në pjesë të tjera të qytetit, ku ende jetojnë rreth një milion palestinezë.

Në fillim të gushtit, Izraeli njoftoi planet për të pushtuar të gjithë Rripin e Gazës përfshirë Qytetin e Gazës, të cilin e përshkroi si bastionin e fundit të Hamasit.

OKB dhe organizatat joqeveritare kanë paralajmëruar se një ofensivë izraelite në Qytetin e Gazës ku u shpall zi buke javën e kaluar do të kishte një ndikim të tmerrshëm humanitar.

Continue Reading

Të kërkuara