Lajmet

​Tahiri: Kurti dhe ndërkombëtarët të angazhohen që të kthejnë brenda ditës policët e rrëmbyer

Ai kritikoi të parin e ekzekutivit për mungesë të informatave.

Published

2 years ago

on

Partia Demokratike e Kosovës ka kërkuar nga kryeministri i Kosovës, Albin Kurti dhe nga bashkësia ndërkombëtare që të angazhohen që sot (e premte) të kthejë në vend tre policët e rrëmbyer nga forcat speciale ushtarake të Serbisë.

Në konferencën për media pas mbledhjes së Kryesisë së Kuvendit, shefi i Grupit Parlamentar të PDK-së, Abelard Tahiri, tha se ky akt i rrëmbimit mund të shërbejë në përkeqësimin e raporteve ndëretnike në vend.

“Në cilësinë e GP të PDK-së, kërkoj nga kryeministri një angazhim shumë më serioz, së bashku me akterët ndërkombëtarë, për lirimin e tre policëve të cilët janë marrë peng nga forcat speciale të Serbisë, të cilët kanë cenuar edhe sovranitetit të Kosovës. Çdo ditë e më shumë që ata policë mbahen në Serbi, mendoj që kjo do të ndikojë një formë edhe në përkeqësimin e raporteve ndëretnike në Republikën e Kosovës. Prandaj, duhet një intervenim sa më i shpejtë, ndoshta brenda ditës, që ata tre policë, qytetarë të Republikës të kthehen në vendin tonë që të mos kemi përshkallëzim të mëtejmë”, tha ai.

Ai kritikoi të parin e ekzekutivit për mungesë të informatave.

“Mendoj që dje kemi parë një papërgjegjësi jashtëzakonisht të madhe të kryeministrit të Kosovës. Për një gjë kaq të rëndësishme nuk gjen kohë të rrijë në seancë. Por, ndoshta ka shumë pak informata dhe ka shumë pak çka me thënë fatkeqësisht për vendin tonë”, tha ai.

Ndërsa paralajmëroi ndryshim të qasjes së opozitës, siç tha ai, në të mirë të vendit.

“Ky (Kurti) çdo veprim e bën ad-hoc. Lind një krizë, pastaj ai e shfrytëzon atë, e fut vendin në një qorrsokak, nuk i din punët. Edhe dje e thamë, në prezantimin e kryeministrit nuk jemi duke e parë ‘dritën në fund të tunelit’… Nuk mbahet rendi me Njësi Speciale, atje duhet të vendosen njësi të rregullta, prokurori, gjyqtarët. Fatkeqësisht situata është kjo që është. Dhe, mendoj që edhe ne si opozitë duhet të bëjmë një prerje (vijë), ku tani e tutje ndoshta duhet të ndryshojmë qasjen, e cila për momentin mund të mos duket e mirë, por do t’i shihen të mirat pastaj”, tha ai. 

Related Topics:
Continue Reading

Vendi

Pjesëmarrja në zgjedhjet lokale në Kosovë deri në orën 15:00 arrin në 25.30 për qind

Published

56 minutes ago

on

October 12, 2025

By

Zgjedhjet lokale që po mbahen sot në gjithë territorin e Kosovës po zhvillohen me një pjesëmarrje mesatare prej 25.30% deri në orën 15:00, sipas të dhënave të Komisionit Qendror të Zgjedhjeve (KQZ).

Sipas raportimeve zyrtare, nga gjithsej 2,025,105 qytetarë të regjistruar në listën e votuesve, deri në këtë orë kanë votuar 512,331 qytetarë. Deri tani janë përpunuar 94.32% të vendvotimeve, respektivisht 2,425 nga 2,571 gjithsej.

Komunat me pjesëmarrjen më të lartë janë:

  • Mamushë me 54.60%,
  • Zveçan me 49.69%,
  • Zubin Potok me 49.61%,
  • Ranillug me 48.38%,
  • Novobërdë me 44.04%.

Komunat me pjesëmarrjen më të ulët deri në orën 15:00 janë:

  • Rahovec me 18.05%,
  • Skënderaj me 18.95%,
  • Prizren me 19.17%,
  • Dragash me 19.64%,
  • Gjakovë me 20.75%.

Në kryeqytet, Prishtina ka regjistruar një pjesëmarrje prej 29.52%, ndërsa në qytetet e mëdha si Ferizaj (23.18%), Pejë (22.37%), Gjakovë (20.75%) dhe Prizren (19.17%), pjesëmarrja mbetet nën mesataren kombëtare.

KQZ thekson se këto të dhëna përfshijnë vetëm votimet në vendvotimet e rregullta, duke mos përfshirë votimet me kusht, votimin e personave me nevoja të veçanta dhe votimin me postë.

Continue Reading

Vendi

Deri në orën 13:00 votuan 16.53 për qind e qytetarëve

Published

2 hours ago

on

October 12, 2025

By

Deri në këto momente në Kosovë kanë votuar 334 mijë 677 qytetarë, më saktë 16.53 për qind prej 2,025,105 sa është numri total i votuesve në të gjithë Kosovën.

Sipas Komisioni Qendror Zgjedhor, në qytetet ku ka pasur më shumë fluks të qytetarëve që kanë dal për të votuar prin kryeqyteti me 40,190 votues deri në këto orë.

Me Prizrenin, të dytin me 20,799 votues deri më tani.

Poashtu, fluks i madh i votuesve është edhe në Ferizaj, atje ku deri më tani kanë votuar 19,235.

Në Gjilan deri më tash kanë votuar 17,128, në Pejë 17,830 votues, në Podujevë 14,625 votues, Mitrovicë e Jugut 14,379 votues, dhe Fushë Kosovë 9,254 votues.

Në Zveçan nga 6,872 votues, deri në këtë orë kanë votuar 2,623 prej tyre. Në Zubin Potok kanë votuar 2,406 nga gjithsej 6,486.

Continue Reading

Lajmet

Përfundon seanca fillestare për caktimin e paraburgimit ndaj Fatmir Shehollit

Published

2 days ago

on

October 10, 2025

By

Përfundon seanca fillestare për caktimin e paraburgimit ndaj Fatmir Shehollit

Sot u mbajt seanca fillestare në Gjykatën Themelore në Prishtinë ndaj Fatmir Shehollit, ku pritet të caktohet masa e paraburgimit.

Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh.

Gjykata Themelore në Prishtinë do të lëshojë vendimin.

Sheholli është arrestuar në rajonin e Prishtinës nga hetuesit policorë të Drejtorisë për hetimin e krimit të organizuar dhe krimeve të rënda në Policinë e Kosovës. Ai fillimisht u ndalua për 48 orë dhe autoritetet kryen bastisje në vendbanimin e tij “me qëllim të sigurimit të provave të tjera materiale”.

Për arrestimin e Shehollit shkroi të enjten ministri në detyrë i Brendshëm, Xhelal Sveçla.

“Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, tha ai.

Fatmir Sheholli, zyrtarisht përfaqësues i shoqërisë civile nga Instituti për Avancimin e Marrëdhënieve Ndëretnike, është përfolur në media për lidhje me Serbinë. Në vitet ’90, gjatë regjimit të Sllobodan Millosheviqit, ai ka punuar në Sigurimin Shtetëror të Serbisë (UDB)./D.B/KP

Continue Reading

Lajmet

Pas konstituimit të Kuvendit, pritet formimi i Qeverisë së re

Published

2 days ago

on

October 10, 2025

By

Pas tetë muajsh bllokadë institucionale, Kuvendi i Kosovës u konstituua më 10 tetor, duke i hapur rrugë fazës së radhës, formimit të Qeverisë së re.

Presidentja e Kosovës, Vjosa Osmani pritet të mandatojë koalicionin fitues të udhëhequr nga Lëvizja Vetëvendosje, bashkë me Lëvizjen Guxo dhe Alternativën, për krijimin e kabinetit qeveritar. Sipas Kushtetutës, kandidati për kryeministër ka 15 ditë kohë për të paraqitur përbërjen e Qeverisë dhe për të kërkuar miratimin në Kuvend.

Megjithatë, Vetëvendosje, me 48 ulëse në Kuvendin prej 120 deputetësh, nuk e ka shumicën e nevojshme për të qeverisur pa partner koalicioni. Nënkryetarja e Kuvendit të Kosovës, Albulena Haxhiu tha se partia është e hapur për bashkëpunim me subjektet e tjera, përveç Listës Serbe.

Nëse brenda afateve ligjore nuk arrihet të formohet Qeveria, Presidentja Osmani ka detyrimin të ftojë partitë për konsultime. Në rast se dështon edhe përpjekja e dytë, vendi shkon në zgjedhje të reja brenda 40 ditësh.

Konstituimi i Kuvendit ndodh vetëm dy ditë para zgjedhjeve lokale të 12 tetorit./D.B/UBTNews

Continue Reading

Të kërkuara