Sport

​Superliga Evropiane merr goditjen përfundimtare

GJED ka publikuar dënimin e saj dhe do ta përditësojë sërish në pranverën e vitit 2023.

Published

on

E sotmja, e datës 15 dhjetor 2022, mund të jetë dita e goditjes vendimtare për Superligën Evropiane të klubeve.

Gjykata e Drejtësisë së Bashkimit Evropian (GJED) ka publikuar dënimin e saj dhe do ta përditësojë sërish në pranverën e vitit 2023 (në përgjithësi, dënimet origjinale të saj gjejnë gjithmonë një rikonfirmim përfundimtar).

Prokurori i Përgjithshëm i BE-së dha mendimin e tij për këtë çështje duke thënë.

“Rregullat e FIFA-së dhe UEFA-së sipas të cilave çdo kompeticion i ri i nënshtrohet miratimit paraprak janë në përputhje me ligjin e konkurrencës të BE-së” .

Ky është konkluzioni jo detyrues i paraqitur sot nga Avokati i Përgjithshëm i GJED-së për çështjen që Superliga ka sjellë kundër UEFA-s dhe FIFA-s për gjoja monopolin e paligjshëm të organizimit të garave ndërkombëtare.

Për sa i përket ardhjes së dënimit të parë nga GJED-ja, organi europian i futbollit UEFA ka pranuar dispozitën në favor të ruajtjes së ekuilibrit aktual drejtues të futbollit në Kontinentin e Vjetër.

“UEFA mirëpret ngrohtësisht opinionin e sotëm të qartë që rekomandon një vendim të CJEU-së në mbështetje të misionit tonë kryesor për të qeverisur futbollin evropian, mbrojtjen e piramidës dhe zhvillimin e lojës në të gjithë Evropën”, thuhet në reagimin e UEFA-së.

Aktualitet

Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani

Published

on

Një tjetër sukses i jashtëzakonshëm për sportin kosovar dhe për UBT. Studentja dhe xhudistja e njohur, Laura Fazliu, ka fituar medaljen e argjendtë në Lojërat Universitare Botërore “FISU World University Games”, të mbajtura në Rhine-Ruhr, Gjermani.

Laura tregoi performancë mbresëlënëse në kategorinë e saj, duke e nisur garën në mënyrë të fuqishme:

Xhiroja e dytë – Mposhti Sofiia Bordinskykh nga Ukraina

Çerekfinalja – Triumfoi ndaj Viktoria Folgen nga Gjermania

Gjysmëfinalja – Shënoi fitore të madhe kundër Flavia Favorini nga Italia

UBT dhe mbarë Kosova janë krenarë me Laura Fazliun. Suksesi i saj është frymëzim për të gjithë studentët dhe të rinjtë që synojnë të arrijnë majat e suksesit në sport.

Continue Reading

Lajmet

Ylli i Juventusit nuk paraqitet në stërvitje, irritohen drejtuesit e klubit

Published

on

Douglas Luiz po përballet me një situatë kritike te Juventusi, pasi mesfushori brazilian refuzoi të paraqitet në vizitat mjekësore dhe në nisjen e kampit stërvitor të skuadrës nën drejtimin e Igor Tudor. Ky veprim i papritur ka tronditur drejtuesit e klubit, të cilët kanë paralajmëruar masa të rënda disiplinore ndaj tij, duke e bërë largimin e tij gjatë këtij merkatoje edhe më të mundshëm.

I transferuar nga Aston Villa verën e kaluar për 51.5 milionë euro, një marrëveshje që përfshinte edhe kalimin e Enzo Barrenechea dhe Samuel Iling Jr, Luiz nuk arriti të përmbushë pritshmëritë.

Ai luajti vetëm 27 ndeshje dhe shpesh u pengua nga dëmtimet dhe forma e dobët, duke mos arritur të bindë as ish-trajnerin Thiago Motta, as pasuesin e tij, Tudor.

Aktualisht, mesfushori 27-vjeçar lidhet me disa klube të Premier League si Manchester United, West Ham, Everton dhe Manchester City.

Agjenti i tij ndodhet në Angli për të gjetur një zgjidhje, pasi raportet e Luiz me Juventusin janë prishur plotësisht dhe një ndarje duket e pashmangshme. Ky transferim po shihet si një nga më të dështuarit e bardhezinjve në vitet e fundit.

Continue Reading

Lajmet

Arsenali finalizon goditjen e bujshme

Published

on

Arsenali ka finalizuar njërën nga lëvizjet më të bujshme të këtij afati kalimtar veror, duke siguruar shërbimet e sulmuesit suedez Viktor Gyökeres nga Sporting Lisbonë.

Të gjitha dokumentet mes dy klubeve janë miratuar, ndërsa lojtari ka marrë edhe lejen zyrtare për të udhëtuar drejt Londrës, ku brenda 24 orëve pritet të kryejë testet mjekësore dhe të prezantohet si përforcimi më i ri i “Topçinjve”.

Marrëveshja mes Arsenalit dhe Sportingut është mbyllur për një shumë totale prej 63.5 milionë euro plus 10 milionë euro bonuse, që mund ta çojnë koston përfundimtare të transferimit në rreth 73.5 milionë euro. Pritet që kontrata e sulmuesit 26-vjeçar të firmoset brenda ditëve të ardhshme, pas kalimit me sukses të kontrolleve mjekësore.

Gyökeres, i cili sezonin e kaluar shkëlqeu në Portugali me gola dhe asistime vendimtare, shihet nga trajneri Mikel Arteta si një përforcim kyç për fazën ofensive të Arsenalit në prag të sezonit të ri të Premier Ligës dhe Ligës së Kampionëve.

Ky transferim pritet të sjellë konkurrencë të madhe në sulm, duke u shtuar emrave si Gabriel Jesus dhe Kai Havertz. Tifozët londinezë kanë pritur me entuziazëm këtë lajm, duke shpresuar se suedezi do të ndihmojë ekipin në luftën për trofe këtë sezon.

Continue Reading

Lajmet

​Milan zyrtarizon goditjen e radhës

Published

on

AC Milan ka njoftuar zyrtarisht transferimin e mbrojtësit ecuadorian Pervis Estupiñan nga Brighton. 26-vjeçari ka firmosur kontratë pesëvjeçare deri në vitin 2030 dhe do të mbajë fanellën me numër 2, duke zëvendësuar Theo Hernandez-in, i cili u transferua te Al Hilal në Arabinë Saudite.

Kostoja e marrëveshjes është 17 milionë euro plus 2 milionë bonuse, ndërsa lojtari do të përfitojë 2.5 milionë euro në vit. Ky është transferimi i katërt i Milanit këtë merkato pas Ricci, Modric dhe Terracciano.

Estupiñan, i lindur në Esmeraldas më 21 janar 1998, ka një karrierë me klube si Granada, Almeria, Maiorca, Osasuna, Villarreal (me të cilin fitoi Europa League) dhe Brighton, ku zhvilloi 104 ndeshje e shënoi 5 gola. Me kombëtaren e Ecuadorit ka 48 paraqitje dhe 4 gola. Ai është lojtari i parë nga Ekuadori që vesh fanellën e Milanit.

Continue Reading

Të kërkuara