Lajmet

​Stafi mjekësor në Britani drejt vaksinimit të detyrueshëm

100 mijë persona nga personeli shëndetësor të pavaksinuar.

Published

on

Stafi i Shërbimit Kombëtar Shëndetësor i Mbretërisë së Bashkuar (NHS) është paralajmëruar se mund të përballet me kërkesën për vaksinimin e detyrueshëm kundër COVID-19.

Sekretari britanik i Shëndetësisë, Sajid Javid theksoi se ai ishte “i prirur” t’i bënte vaksinat të detyrueshme për stafin në Angli, me rreth 100 000 punonjës të NHS-së të pavaksinuar plotësisht.

Javid këmbënguli se ai nuk kishte marrë ende një vendim përfundimtar, por lëvizja do të nënkuptonte që situata për stafin e NHS në Angli është gjerësisht në përputhje me kërkesat për operatorët e azileve të pleqve.

Sekretari theksoi se ”prania e stafit të pavaksinuar do të thotë se ekziston një shqetësim për sigurinë e pacientit”.

“Ka rreth 100 000 persona nga personeli që nuk janë të vaksinuar në NHS”, shtoi ai.

“Nëse ata nuk janë vaksinuar deri më tani, atëherë ekziston një çështje e sigurisë së pacientëve dhe kjo është diçka që qeveria do ta marrë shumë seriozisht”, theksoi Javid.

”Nga 11 nëntori, kushdo që punon ose punon vullnetarisht në një azile pleqsh do të duhet të vaksinohet plotësisht kundër Covid-19, nëse jo do të përjashtohen”, nënvizoi ai.

Lajmet

Zgjatet afati për regjistrimin e institucioneve në Programin e Kuponëve

Published

on

By

Ministria e Arsimit, Shkencës, Teknologjisë dhe Inovacionit (MAShTI) ka njoftuar zgjatjen e afatit për regjistrimin e Institucioneve të Edukimit në Fëmijërinë e Hershme (IEFH) në Programin e Kuponëve deri më 23 shtator 2025.

Programi synon të përmirësojë qasjen në edukim për fëmijët 3–5 vjeç nga familjet përfituese të Skemës së Asistencës Sociale. Institucionet përfituese do të rimbursohen për shërbime arsimore dhe transport deri në 150 euro në muaj për fëmijë.

Të drejtë aplikimi kanë institucionet private, ato në partneritet publiko-privat dhe format komunitare, për sa kohë janë të licencuara nga MAShTI dhe kanë vende të lira. Aplikimi bëhet vetëm online përmes platformës e-Kosova/D.B/EO

Continue Reading

Lajmet

Kosova pranon dronë të blerë nga Shtetet e Bashkuara

Published

on

By

Kosova ka pranuar fluturake pa pilot AeroVironment RQ-20 Puma të blera nga Shtetet e Bashkuara të Amerikës, bëri të ditur ministri në detyrë i Mbrojtjes, Ejup Maqedonci.

Maqedonci njoftoi në Facebook se pranimi është bërë javën e kaluar ndërkaq, blerja është bërë përmes programit shtet më shtet.

Ministria e Mbrojtjes prokurimin e Fluturakeve pa Pilot “Puma” nga ShBA e ka realizuar përmes programit shtet më shtet të njohur si Foreign Military Sale (FMS). Pagesa për këtë sistem është realizuar në vitin 2021. Flututuraket Puma krahas fluturakeve tjera janë një kapacitet tjetër i nevojshëm për rritjen e aftësive të FSK në fushën e sistemeve ajrore pa pilot”, shkroi Maqedonci të hënën, më 8 shtator.

Ai tha se bashkëpunimi me SHBA-në në fushën e mbrojtjes po thellohet dhe “zgjerohet vazhdimisht duke kontribuar në zhvillimin e ushtrisë tonë si dhe në arritjen e interesave të përbashkëta të dy vendeve tona”.

Forca e Sigurisë së Kosovës është në procesin e transformimit i cili ka nisur në vitin 2018. Faza e tranzicionit është paraparë të zgjasë dhjetë vjet./D.B/KP

Continue Reading

Aktualitet

Anglia merr masa për përballjen e tensionuar me Serbinë

Published

on

Federata Angleze e Futbollit ka dërguar stjuardë në Beograd për ndeshjen e Anglisë me Serbinë e cila zhvillohet nesër në mbrëmje, dhe e cila po ashtu mund të shndërrohet në një përballje të ashpër.

Seksione të stadiumit do të jenë të mbyllura për shkak të sjelljeve raciste në një ndeshje të mëparshme, ndërsa telashet shpërthyen para përplasjes mes dy vendeve në Kampionatin Evropianin verën e kaluar në Gelsenkirchen.

Nga ajo ndeshje dhe përplasjes, shtatë serbë u arrestuan.

Anglia ka shitur të gjitha 2,500 biletat e saj dhe priten edhe qindra tifozë të tjerë pa bileta./S.K/EO/

Continue Reading

Lajmet

Aksident i rëndë në Vragoli, tre të lënduar dy në gjendje të rëndë

Published

on

By

Sot rreth orës 14:35, në rrugën nacionale Prishtinë–Pejë, në Vragoli ka ndodhur një aksident i rëndë trafiku, ku një kamion dyshohet se ka humbur kontrollin dhe ka goditur katër automjete tjera.

Sipas njoftimit të policisë, tre persona kanë mbetur të lënduar, dy prej tyre në gjendje të rëndë dhe janë dërguar në QKUK për trajtim mjekësor.

”Sot, rreth orës 14:35, në rrugën nacionale Prishtinë-Pejë, ka ndodhur një aksident i rëndë trafiku, ku dyshohet se drejtuesi i një automjeti transportues (kamion) me targa vendore ka humbur drejtimin e mjetit, ka kaluar në anën e kundërt të rrugës dhe ka goditur katër automjete të tjera.

Si pasojë e këtij aksidenti, deri në këto momente raportohet se dy persona kanë pësuar lëndime të rënda dhe një tjetër ka marrë lëndime të lehta, të cilët janë dërguar në QKUK për trajtimin e nevojshëm mjekësor. Njësitet përkatëse të Policisë së Kosovës kanë dalë menjëherë në vendngjarje dhe po ndërmarrin veprimet e nevojshme hetimore për zbardhjen e plotë të shkaqeve të aksidentit”./D.B/EO

Continue Reading

Të kërkuara