Lajmet

​Situata e rënduar me COVID-19, Zemaj: Me homologun izraelit biseduam për vaksinat antiCOVID

Published

on

Gjatë së mërkurës është mbajtur një takim virtual mes ministrit të Shëndetësisë së Izraelit, Yuli Edelstein dhe ministrit në detyrë të Shëndetësisë, Armend Zemaj.

Zemaj ka thënë se në bisedën me homologun e tij izraelit është folur për ndihmën e Izraelit për Kosovën dhe mbështetjen për të siguruar vaksinat antiCOVID, por që ai ka qenë i rezervuar për të thënë gjërat konkrete sa i përket vaksinave. Zemaj thotë se nganjëherë duhet të ruhen bisedat që bëhen në nivel politik mes dy shteteve.

Ndërkohë që Zemaj, por edhe drejtori i Shërbimit Spitalor Klinik Universitar të Kosovës (ShSKUK), Valbon Krasniqi kanë pranuar se numri i rasteve pozitive është në rritje, por që theksojnë se situata është e menaxhueshme.

“Gjatë gjithë kësaj kohe ne kemi mbajtur takime pothuajse me shumë homolog anembanë botës sidomos me vendet evropiane me ministrat e vendeve të BE dhe vendeve të rajonit. Dje kam pas një takim bilateral me ministrinë e Shëndetësisë së Izraelit të cilin e falënderoj për shprehjen e interesit që t’i ndihmojë Kosovës në sektorin e shëndetësisë dhe të jenë partnerët tanë. Konkrete angazhim dhe përpjeke që vaksina të vije sa më parë dhe në këtë aspekt do të merrni përgjigje janë disa raporte që nganjëherë duhet të ruhen në raport të korrektësisë të bisedave që bëhet në nivel politik mes dy shteteve. Por vullneti i tyre ekziston që të ndihmojnë Kosovës edhe në pajisje edhe në vaksina por edhe në trajtim të pacientëve ku vetëm në këtë kohë kemi dërguar tre fëmijë që do të marrin një kujdes apo trajtim spitalor i cili nuk është i mundur të realizohet në Kosovë”, tha Zemaj kur u pyet për takimin me homologun izraelitë”, tha ai.

Ndërkohë që Zemaj ka theksuar se situata epidemiologjike në vend ka pasur një rritje të rasteve pozitive me COVID-19, por që insiston se një gjë e tillë është e menaxhueshme, por që bëhet thirrje që të respektohen masat antiCOVID-19.

“Situata epidemiologjike kohët e fundit e ka pas një rritje të cilën ne e kemi quajtur të lehtë por e quajmë të kontrollueshme dhe menaxhueshme duke thirrur për shtim të kujdesit sepse çdo rritje eventuale ka ngarkesa dhe mbingarkesa për klinikat tona të cilat jo rrallëherë është dashur që t’i shndërrojmë edhe në klinikat e COVID. Në momentin kur ka rritje të numrit dhe ka shtim të rasteve spitalore atëherë reduktohet edhe trajtimi i pacientëve në momentin reduktimit të trajtimit problematikat shkojnë duke u rrit dhe për këtë arsye duhet të ndërmarrim masa kufizuese”, tha Zemaj.

Dilemat se a duhet të merret a po jo vaksina AstraZeneca e cila është ndaluar në disa shtetet, drejtori i Shërbimit Spitalor Klinik-Universitar të Kosovës (ShSKUK), tha se çdo vaksinë aprovohet nga Agjensionet botërore të akredituara të barnave e për çka duhet të jetë e sigurt për përdorim. Ai tha se ai vetë do ta merrte vaksinën në rast se do ta shihte se nuk ka antitrupa të mjaftueshëm,

“Ne duhet të kemi parasysh një gjë, për të gjitha sëmundjet që shkaktohen nga viruset siç është edhe kjo sëmundje mënyra më e mirë e parandalimit të përhapjes është vaksina. Çdo vaksinë që del në përdorim dhe aprovohet për përdorim në masë të madhe nga ana e Agresioneve botërore të akredituara të barnave ajo duhet të jetë e sigurt për përdorim,. Nga aspekti profesional ne duhet të dimë që potencialisht çdo ilaç mund të ketë ndonjë efekt anësor. Nëse efektet e tilla anësore paraqiten te një numër i vogël i qytetarëve apo pacientëve kjo nuk është arsye të mos përdoret. Unë mund ta krahasoj këtë me preparatin penecelin antibiotik i cili mund të shkaktojë alergji, mirëpo nëse paraqite…ne duhet të shohim përfitimet në raport me efektet e mundshme anësore. Unë e kam kaluar COVID-in dhe në momentin që u vërejt që nuk kam antitrupa të mjaftueshme do ta marrë pa asnjë hezitim”, deklaroi Krasniqi.

Krasniqi tregon edhe se 788 pacientë janë të shtrirë në 7 spitale të përgjithshme dhe në klinikat e COVID-19 dhe QKUK e që 36 prej tyre janë në gjendje kritike.

“Situata me COVID-19 është duke u rënduar nga dita në ditë, ne po shohim numër më të madh të pacientëve që po kërkojnë spitalizim. Sot kemi 788 pacientë të shtrirë në 7 spitale të përgjithshme dhe në klinikat COVID të QKUK. Prej tyre 36 janë në gjendje kritike që janë duke u trajtuar në repartin e kujdesit intensiv, ndërkohë që kemi mbi 500 pacientë që janë në oksgjenoterapi të vazhdueshme”, tregoi Krasniqi para mediave.

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Lajmet

PDK-ja sot nis betejën ligjore për të rrëzuar vendimin e ZRRE-së

Published

on

By

Partia Demokratike e Kosovës (PDK) sot do të fillojë betejën ligjore për të kontestuar vendimin e ZRRE-së lidhur me kalimin në tregun e lirë të energjisë elektrike.

Kryetari i PDK-së, Memli Krasniqi, ka deklaruar se kundërshtimi i këtij vendimi do të bëhet duke bërë kundërshtimin administrativ të vendimit të ZRRE-së.

Sipas Krasniqit, PDK-ja nuk do të ndalet deri në rrëzimin e këtij vendimi, të cilin e konsideron të padrejtë dhe të dëmshëm për qytetarët dhe ekonominë e Kosovës.

PDK do të fillojë nesër betejë ligjore për këtë rast. Kemi besuar se do ta shtyjë vendimin. Sepse nuk ka treg të lirë. Është vetëm një ofertues, monopol. Nesër do të bëjmë kundërshtim administrativ në ZRRE, pastaj betejën ligjore deri në anulim. Vendim i tmerrshëm dhe krim kundër ekonomisë së Kosovës”, tha Krasniqi.

Continue Reading

Të kërkuara