Kuriozitete

​Si të blini bileta avioni me çmimet më të ulëta?

Janë disa mënyra për të gjetur ofertat më të mira.

Published

3 years ago

on

Kemi krijuar përshtypjen sikur sa më parë ta presim biletën e avionit për diku, aq më lirë do ta kemi. Pas pandemisë, blerja e biletave të avionit me çmim të volitshëm është bërë e vështirë.

Por ndërkohë që nuk ka ndonjë sekret apo formulë perfekte për të kursyer para, ka disa mënyra për të gjetur ofertat më të mira. Një studim i fundit i publikuar nga portali Expedia, Air Travel Hacks 2023, tregon se cila është dita më e mirë për të rezervuar dhe tregon se kur është koha për të rezervuar fluturimet brenda një vendi në krahasim me fluturimet ndërkombëtare dhe gjithashtu cila është dita më e mirë për t’u kthyer dhe kursyer.

Dita më e mirë për bileta ajrore

Shumë besojnë se fluturimet duhet të rezervohen për në mes të javës, por të dhënat tregojnë se fundjava është në fakt koha më e përshtatshme. Në veçanti, të dielave. Studimi zbuloi se udhëtarët që rezervojnë të dielave dhe jo të premteve priren të kursejnë mesatarisht rreth 5% në fluturimet e brendshme dhe 15% në fluturimet ndërkombëtare.

Nisja dhe kthimi, më mirë në mes të javës

Dita më e mirë për të fluturuar dhe për të kursyer para është e mërkura. Sipas të dhënave, ata që nisen të mërkurën kursejnë mesatarisht 15% në fluturimet e brendshme dhe 10% në ato ndërkombëtare, krahasuar me ata që nisen në fundjavë.

Kush rezervon i pari gjen çmimet më të mira

Ata që rezervojnë më herët do të gjejnë jo vetëm më shumë opsione, por edhe çmime më të mira. Koha e duhur për fluturimet e brendshme është midis 28 dhe 35 ditë para nisjes, pra le të themi një muaj para udhëtimit. Kursimet janë rreth 10% më shumë se për ata që rezervojnë më pak se 2 javë përpara udhëtimit.

Por jo gjithmonë!

Megjithatë, rezervimi paraprak nuk garanton gjithmonë çmimin më të mirë. Në fakt, sipas studimit të Expedia, i cili mori në konsideratë të dhënat dhe tendencat e mbi 15 miliardë fluturimeve nga 490 linja ajrore dhe 230 vende nga e gjithë bota, rezervimi më shumë se 113 ditë para nisjes ka qenë gjithmonë më i shtrenjtë. Kjo nuk është e vërtetë për fluturimet ndërkombëtare, ku përkundrazi, udhëtarët që kanë rezervuar një udhëtim ndërkombëtar gjashtë muaj përpara, kanë kursyer mesatarisht 10% krahasuar me ata që kanë pritur deri në 2 muaj ose më pak për të rezervuar.

Related Topics:
Continue Reading

Kuriozitete

25 emrat më të shpeshtë në botë – Muhameti e Maria nuk lëshojnë udhë!

Published

2 weeks ago

on

January 1, 2026

By

Emrat e njerëzve ndryshojnë me kohën, i përshtaten asaj. Mirëpo, në gjithë botën, janë disa emra që nuk ndryshojnë shumë. Mund të ketë trende të emrave të rinj, por ata të moçmit vazhdojnë e dominojnë.

Dhe këtë e tregon më së miri një listë prej 25 emrave më të përhapur në botë, ku emrat Muhamet për burrat dhe Maria për gratë vazhdojnë ta mbajnë primatin – me diferencë të lartë nga emrat e tjerë.

  1. Muhammad – 133,349,300
  2. Maria             – 61,134,526
  3. Jose – 29,946,427
  4. Wei -17,145,807
  5. Ahmed -14,916,476
  6. Yan -14,793,356
  7. Ali -14,763,733
  8. John -14,323,797
  9. David -13,429,576
  10. Li -13,166,162
  11. Abdul -12,163,978
  12. Ana -12,091,132
  13. Ying             -12,047,080
  14. Michael -11,471,765
  15. Juan -11,372,603
  16. Anna -11,350,336
  17. Mary -11,303,767
  18. Jean             -11,024,162
  19. Robert -10,170,794
  20. Daniel             -10,026,181
  21. Luis             -9,757,245
  22. Carlos             -9,618,779
  23. James             -8,807,695
  24. Antonio -8,659,274
  25. Joseph -8,630,833

Continue Reading

Kuriozitete

Pajisjet shtëpiake që nuk duhen ndezur kurrë njëkohësisht

Published

4 weeks ago

on

December 16, 2025

By

Ndezja njëkohësisht e pajisjeve me konsum të lartë elektrik mund të duket praktike, por në realitet përbën një rrezik serioz për instalimet elektrike shtëpiake.

Çdo pajisje tërheq amperazh të caktuar dhe kur disa prej tyre punojnë paralelisht, rrjeti mund të mbingarkohet.

Siguresat shërbejnë si mbrojtje, por në instalime të vjetra ose kur përdoren kabllo zgjatëse, ekziston rreziku real i mbinxehjes, shkrirjes së prizave dhe madje zjarrit. Kabllot zgjatëse janë veçanërisht të rrezikshme, pasi nuk janë të dizajnuara për pajisje me fuqi të lartë.

Pajisje si frigoriferët, mikrovalët, tosterët, aparatet e kafesë, ngrohëset dhe kondicionerët nuk duhet të ndajnë të njëjtën prizë.

Kur këto rregulla injorohen, telat mund të mbinxehen dhe të shkaktojnë zjarre të fshehta brenda mureve.

Këshilla është të shkëputen pajisjet nga priza kur nuk përdoren dhe të shmanget përdorimi i kabllove zgjatëse për pajisje të fuqishme.

Kjo rrit sigurinë në shtëpi dhe ul edhe shpenzimet e energjisë elektrike. /A.Z/UBT News/

Continue Reading

Kuriozitete

Letra e fundit e Mary Stuart rikthehet në ekspozim pas dekadash

Published

1 month ago

on

December 12, 2025

By

Letra e fundit e Mary Stuart, Mbretëreshës së Skocisë, e shkruar pak orë para ekzekutimit më 8 shkurt 1587, do të ekspozohet vitin e ardhshëm në Muzeun e Perthit.

Dorëshkrimi, që ruhet në Bibliotekën Kombëtare të Skocisë dhe rrallë shfaqet për arsye konservimi, do të jetë i ekspozuar për tre muaj – periudha më e gjatë e ekspozimit në dekada.

Letra katërfaqëshe, drejtuar Mbretit Henri III të Francës, përmban reflektimet e saj para vdekjes, pretendimin për kurorën angleze, përkushtimin ndaj fesë katolike dhe kërkesën për shpërblimin e shërbëtorëve të saj.

Ekspozita do të shoqërohet me aktivitete dhe materiale të tjera historike, përfshirë dorëshkrime nga AK Bell, si poema e Robert Burns dhe fragmente nga drama e Liz Lochhead.

Letra do të jetë e hapur për publikun nga 23 janari deri më 26 prill 2026. /A.Z/UBT News/

 

Continue Reading

Kuriozitete

Një grua në Spanjë pushohet pse shkonte herët në punë

Published

1 month ago

on

December 11, 2025

By

Një punonjëse 22-vjeçare në Spanjë u pushua nga puna për shkak se paraqitej 40 minuta para orarit zyrtar.

Ajo kishte punuar më herët për dy vjet dhe ishte paralajmëruar 19 herë për të respektuar orarin 07:30.

Kompania e akuzoi gjithashtu për shitjen pa autorizim të një baterie të përdorur.

Gjykata e Alicantes vendosi në favor të punëdhënësit, duke argumentuar se problemi ishte mosrespektimi i rregullave, një shkelje e rëndë sipas Kodit të Punës spanjoll.

Punonjësja mund të apelojë në Gjykatën e Lartë në Valencia. /A.Z/UBT News/

Continue Reading

Të kërkuara