Përkëdhelja e lehtë e foshnjave ulë aktivitetin në trurin e tyre që lidhet me eksperienca të dhimbshme, ka treguar një studim i realizuar së fundmi.

Hulumtuesit nga Universiteti Oxford dhe Liverpool John Moores, kanë monitoruar aktivitetin e trurit të 32 foshnjave përderisa ishin duke bërë testimet e gjakut.

Gjysma prej tyre ishin përkëdhelur gjatë këtij procesi dhe kanë treguar rreth 40% me pak aktivitet të dhimbjes në tru.

Studimi ka gjetur se shpejtësia optimale e përkëdheljeve që ju lirojnë nga dhimbjet ishte rreth 3cm për sekondë.

Kjo shpejtësi aktivizon një klasë të neuroneve të ndjesisë në lëkurë që quhen C-tactile afferents, të cilat më parë kanë treguar se ulin dhimbjen tek të rriturit. /A.Z/UBT News/

Përveç hyrjeve standarde, çdo aeroplan është i pajisur me një ose dyer emergjente, të dizajnuara për të siguruar evakuim të shpejtë dhe të sigurt të pasagjerëve në raste rreziku.

Këto dyer aktivizohen vetëm në situata emergjente, si zjarr në kabinë, aksidente gjatë ngritjes ose uljes, humbje kontrolli gjatë fluturimit, apo incidente të tjera të paparashikuara.

Si funksionon dera emergjente?

Ajo ka një mekanizëm të veçantë dhe nuk mund të hapet pa urdhër të ekuipazhit.

Në rast emergjence, ekuipazhi jep komandën “evakuohuni”, dhe vetëm atëherë dera hapet për të nisur procesin e shpëtimit.

Pranë çdo dere emergjente ulet një person i përzgjedhur nga stafi, i aftë fizikisht dhe mendërisht, që udhëzon pasagjerët drejt daljes.

Procesi i evakuimit:

Pasagjerët duhet të ndjekin rreptësisht udhëzimet e ekuipazhit.

Dera emergjente nuk është për t’u hedhur nga lartësia, por për t’i drejtuar pasagjerët drejt rrëshqitësve specialë të evakuimit.

Evakuimi parashikohet të përfundojë brenda 90 sekondave. /A.Z/UBT News/

Një monedhë floriri e vitit 1609 tani konsiderohet si monedha më e shtrenjtë e shitur ndonjëherë në Europë.

Ajo u shit të hënën në një ankand në Gjenevë për 3.4 milionë dollarë.

Monedha peshon 339 gramë dhe u emetua në Spanjë, gjatë sundimit të mbretit Filip i Tretë. Ish-monedha spanjolle, e quajtur Centen, u prodhua në Segovia nga ari i sjellë nga pushtuesit spanjollë në Amerikë.

Kjo monedhë u krijua si një demonstrim i pasurisë dhe pushtetit mbretëror, duke pasur vlerën e disa pagave vjetore.

Sipas themeluesit të Numismatica Genevensis, ku u zhvillua ankandi, kjo është monedha më e madhe në historinë moderne evropiane.

E humbur për disa shekuj, monedha u shfaq përsëri në Shtetet e Bashkuara në vitet 1950, ku një koleksionist nga Nju Jorku e bleu përpara se ta shiste një blerësi spanjoll një dekadë më vonë.

Rekordin e mëparshëm për vlerën e një monedhe evropiane e mbante 100 dukatëshi i Perandorit të Shenjtë Romak, Ferdinand III, i cili ishte shitur për 2.42 milionë dollarë. /A.Z/UBT News/