Lajmet

​Shtyhet shqyrtimi i nismës legjislative për komisonerin për FSK-në

Kjo është vendosur me kërkesë të deputetëve të Lëvizjes Vetëvendosje.

Published

4 years ago

on

Nisma legjislative për komisionerin parlamentar për Forcën e Sigurisë së Kosovës do të shqyrtohet në një tjetër mbledhje të komisionit për Çështje të Sigurisë dhe Mbrojtjes.

Kjo është vendosur me kërkesë të deputetëve të Lëvizjes Vetëvendosje të cilët nuk kanë qenë të gatshëm të marrin vendim ani pse kjo nismë ishte paraparë të shqyrtohej në mbledhjen e sotme.

Deputeti nga radhët e Lëvizjes Vetëvendosje, Enver Dugolli ka thënë se raporti është kryer nga grupi punues por meqë sot kërkohet vendimmarrja ai ka propozuar që të shtyhet për një mbledhje tjetër.

“Unë po konsideroj që nuk janë plotësuar kushtet për shkak që grupi parlamentar po kërkon që me shty për një mbledhje tjetër për shkak se nuk jemi në gjendje qe të marrim ndonjë vendim”, ka thënë Dugolli.

Ndërsa deputeti nga radhët e Lidhjes Demokratike të Kosovës, Anton Quni ka thënë se grupi i punës e ka përfunduar punën dhe se rekomandimet janë të gatshme.

“Nuk prish punë nëse për një javë e shtyjmë megjithëse grupi e ka kryer punën, ne e kemi raportin dhe rekomandimet janë të gatshme”, ka thënë ai.

Shqyrtimi dhe vendimi për këtë nismë legjislative është vendosur të bëhet në mbledhjen e radhës të komisionit.

“Po e presim grupin parlamentar të Vetëvendosjes për me u koordinu edhe këta në mënyrë që takimin e ardhshëm të jemi të gatshëm që të procedojmë”, ka thënë kryetari i komisionit, Bekë Berisha.

Tutje, deputetët kanë diskutuar për planin e punës së komisionit dhe shtimin e aktiviteteve, ndër të tjera edhe për të ftuar në raportim zyrtarë të institucioneve të sigurisë.

Deputeti Fatmir Humolli ka thënë se institucionet duhet të kujdesen për strehimoret të cilat mund të shërbejnë në rast nevoje.

“Po besoj na deputetët kemi mundësi në mënyrë të organizuar më i vizitu të gjitha institucionet tona me përjashtim gjykatën e Hagës që nuk mundemi me vizitu për shkak që është gjykatë jashtë vendit. Unë kisha kërku që Ministria e Infrastrukturës për shkak të mundësive dhe nevojave me pa institucionet tona sa janë të kujdesshme për strehimore dhe kam përshtypje për strehimore nuk kujdeset askush në Kosovë”, ka thënë Humolli.

Ndërsa deputeti Rashit Qalaj ka shtruar një tjetër temë, por e cila u diskutua me dyer të mbyllura pa praninë e mediave në sallë.

Related Topics:
Continue Reading

Lajmet

KQZ-ja me detaje për verifikimin e rezultateve, përmbyllet procesi në 13 komuna

Published

2 minutes ago

on

October 16, 2025

By

Zëdhënësi i Komisionit Qendror të Zgjedhjeve, Valmir Elezi ka thënë se deri më tani janë verifikuar rezultatet për 1 mijë e 531 vendvotime nga votimet për kryetarë të 12 tetorit.

Ai njëherësh ka treguar edhe për verifikimin e rezultateve për asamble.

“Sipas informacioneve nga Qendrat Komunale të Numërimit, deri në orën 10:00 të ditës së sotme, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjektet politike nga zgjedhjet për Kuvende Komunale nga 1,494 vendvotime”.

“Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale. Pra, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025”, tha ai.

Elezi bëri me dije më tutje se deri më tani aktivitetet në Qendrën Komunale të Numërimit sa i përket numërimit të votave janë përmbyllur në 13 komuna.

“Deri më tani (e enjte, ora 10:00), aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Obiliq, Istog dhe Skenderaj (e mërkurë). Në përgjithësi, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale”, shtoi Elezi.

Në zgjedhjet e së dielës votuan 811 mijë e 984 qytetarë nga 2milionë e 25mijë e 105 me të drejtë vote./EO

Continue Reading

Lajmet

Kapen dy kosovarë me mbi 27 mijë euro të padeklaruara në kufi me Shqipërinë

Published

43 minutes ago

on

October 16, 2025

By

Dy shtetas nga Kosova janë kapur në Pikën e Kalimit Kufitar në Morinë, teksa tentonin të futnin në territorin e Shqipërisë 27 mijë e 550 euro pa i deklaruar në doganë.

Policia shqiptare bëri të ditur se në hetim janë vënë dy persona me inicialet A. G., njëri 51-vjeçar nga Kosova me vendbanim në Suedi, të cilit iu gjetën 12 mijë e 550 euro, dhe tjetri 44-vjeçar nga Suhareka, me 15 mijë euro në posedim.

Shuma e parave është sekuestruar, ndërsa ndaj të dyve janë nisur procedurat hetimore në Prokurorinë pranë Gjykatës së Kukësit për veprime të mëtejshme.
“Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”./EO

Continue Reading

Lajmet

Gjashtë të arrestuar pas një përleshjeje në Viti, në vendngjarje konfiskohet drogë

Published

56 minutes ago

on

October 16, 2025

By

Gjashtë persona janë arrestuar në Viti pasi dyshohen se u përleshën mes vete. Të gjithë të dyshuarit pësuan lëndime dhe pranuan ndihmë mjekësore.

Në raportin 24-orësh të Policisë, thuhet se rasti ka ndodhur të mërkurën në Viti dhe u iniciua si “Lëndim i lehtë trupor”.

“Viti 15.10.2025-14:30. Janë arrestuar gjashtë të dyshuar meshkuj kosovarë, pasi që të njëjtit pas një mosmarrëveshje janë rrahur në mes veti. Si pasojë e rrahjes lëndime trupore kanë pësuar të gjithë personat të cilët kanë pranuar tretman mjekësor. Në vendin e ngjarjes është gjetur dhe konfiskuar edhe 5.38 gram substancë të dyshuar narkotike. Me vendim të prokurorit gjashtë të dyshuarit dërgohen në mbajtje”, thuhet në njoftim./EO

Continue Reading

Lajmet

Verifikohen dhe numërohen rreth 60% e vendvotimeve në nivel vendi, 13 komuna përmbyllin procesin

Published

1 hour ago

on

October 16, 2025

By

Të enjten në mëngjes, Komisioni Qendror i Zgjedhjeve ka përditësuar të dhënat nga aktivitetet që janë duke u zhvilluar në Qendrat Komunale të Numërimit në komuna të ndryshme të Kosovës.

Sipas Zëdhënësit të KQZ-së, Valmir Elezi, rreth 60% e vendvotimeve kanë përfunduar procesin e numërimit të votave të kandidatëve për Kuvende Komunale si dhe të verifikimit të rezultateve nga zgjedhjet për Kryetarë të Komunave dhe rezultateve të subjekteve politike nga zgjedhjet për Kuvende Komunale.

“Sipas informacioneve nga Qendrat Komunale të Numërimit, deri në orën 10:00 të ditës së sotme, e enjte, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjetet politike nga zgjedhjet për Kuvende Komunale nga 1,494 vendvotime. Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale”, tha Elezi.

Sipas tij, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025 të tilla.

Më tej, ai ka bërë të ditur se nga e hëna deri të enjten në mëngjes, aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Istog dhe Skenderaj (e mërkurë) dhe Obiliq.

Sipas ligjit për zgjedhjet e përgjithshme dhe akteve nënligjore të KQZ-së, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale.

Në platformën e KQZ-së për rezultate https://resultslocal2025.kqz-ks.org/ janë duke u prezantuar rezultatet nga QKN-të, vendvotim pas vendvotimi./EO

Continue Reading

Të kërkuara