Sport

​Shpallet “Ylli i javës” në Superligën e Kosovës

Ai është më meritori në fitoren që skuadra e tij e arriti kundër Trepçës’89 me rezultat 2:1.

Published

2 years ago

on

Portieri i Llapit, Ilir Avdyli është shpallur si lojtari më i mirë për xhiron e 20-të në Superligën e Kosovës në futboll.

Komisioni brenda Federatës së Futbollit të Kosovës vlerësoi se portieri i llapjanëve ishte më meritori në fitoren që skuadra e tij e arriti kundër Trepçës’89 me rezultat 2:1.

Ai përgjatë tërë ndeshjes pati performancë të jashtëzakonshme, ku fillimisht priti penalltinë tek rezultati 0:0, derisa më pas pati edhe disa intervenime tjera gjatë lojës, duke mos lejuar skuadrën kundërshtare t’ia rrezikojë fitoren K.F. Llapi.

Shpallja e tij si më i miri i javës së 20-të është një nder i veçantë për portierin e llapjanëve dhe dëshmon kualitetin dhe aftësitë e tij të jashtëzakonshme në portë. Pa dyshim ky çmim do të mund të shërbejë edhe si frymëzim për bashkëlojtarët e tij për paraqitje edhe më të mira në ndeshjet e ardhshme.

“Te shpallësh më i miri i xhiros është një kënaqësi e madhe sidomos për faktin që kjo xhiro ka pasur shumë gola dhe rrjedhimisht konkurrenca për ‘Yllin e Javës’ ka qenë e madhe. Ndeshjet si vendas dhe presioni i pikëve nuk lejojnë që ekipi të jetë i liruar dhe të bëjë lojë kreative, prandaj edhe ndeshja me Trepça ’89 ka qenë e vështirë. Më gëzon fakti që e kam ndihmuar ekipin të arkëtojë 3 pikë shumë të rëndësishme për vazhdimësi më të qetë në Albi Mall Superligë. Falënderoj bashkëlojtarët për mundin dhe angazhimin që e bëjnë çdo ndeshje. Llapi synon që të renditet i treti në tabelë dhe si zakonisht ta fitojë Kupën e Kosovës. Besoj që jemi në rrugë të duhur për të arritur objektivat tona dhe do të punojmë shumë nga ndeshja ne ndeshje”, theksoi Avdyli për faqen zyrtare të FFK-së pas marrjes së këtij çmimi.

Related Topics:
Continue Reading

Sport

Presidenti i La Ligas i shpall luftë FIFA-s për Botërorin e Klubeve

Published

9 minutes ago

on

July 2, 2025

By

Presidenti i La Ligës, Javier Tebas, ka shprehur sërish kundërshtimin e hapur ndaj Kupës së Botës për Klube, duke deklaruar se do të bëjë gjithçka që është në fuqinë e tij për të ndaluar zhvillimin e turneut në të ardhmen.

“Do të bëj gjithçka që është në fuqinë time për t’u siguruar që Kupa e Botës për Klube nuk do të zhvillohet më kurrë”, u shpreh Tebas gjatë një konference për shtyp të mbajtur të martën (1 korrik).

Kjo nuk është hera e parë që kreu i La Ligës shprehet kundër këtij formati të ri. Që kur FIFA shpalli projektin për një turne me 32 ekipe që do të mbahet çdo katër vjet, Tebas ka qenë një ndër kritikët më të zëshëm.

Sipas FIFA-s, edicioni i parë i Kupës së re të Botës për Klube do të organizohet më 2029, mbi 3 miliardë dollarë janë alokuar për realizim. Çdo klub pjesëmarrës pritet të përfitojë minimalisht 15 milionë dollarë, shifër kjo që ka tërhequr mbështetjen e shumë klubeve elitare në botë.

Në edicionin e parë, La Liga përfaqësohet nga dy skuadrat kryesore të Spanjës: Real Madrid dhe Atletico Madrid. Të dyja skuadrat kanë pranuar të heqin dorë nga pushimet verore për të qenë pjesë e turneut.

Pavarësisht entuziazmit të FIFA-s dhe mbështetjes nga klubet, Tebas nuk ka ndërmend të tërhiqet. Ai synon që përmes mjeteve ligjore e presionit të bllokojë këtë iniciativë, të cilën e sheh si kërcënim për kalendarin dhe ekuilibrin e garave kombëtare.

Tani mbetet për t’u parë nëse përplasja mes La Ligës e FIFA-s do thellohet, apo nëse palët gjejnë një kompromis për të ardhmen e futbollit ndërkombëtar.

Continue Reading

Sport

Abraham nga aeroplani, do të jem në sulm me dyshen shqiptare

Published

17 hours ago

on

July 1, 2025

By

Besiktasi po përforcohet në repartin e sulmit për sezonin e ri.

Dhe ata kanë siguruar shërbimet e sulmuesit të njohur, Tammy Abraham nga Roma.

Në një video të publikuar nga vetë klubi turk, Abraham nga aeroplani jep mesazhin për tifozët e gjigantit turk.

Te Besiktasi ai do të luaj përkrah dyshes shqiptare, Milot Rashicës dhe Ernest Muçit.

Abraham sezonin që lamë pas ishte i huazuar te Milani, ku bëri 44 paraqitje dhe shënoi 10 gola dhe 7 asistime.

Continue Reading

Sport

Ansu Fati zyrtarizohet te Monaco

Published

19 hours ago

on

July 1, 2025

By

Monaco ka bërë lëvizjen e tretë në këtë afat kalimtar.

Pas Paul Pogbas dhe Eric Dierit, “bardhekuqtë” kanë siguruar shërbimet e Ansu Fatit.

Spanjolli, do t’i bashkohet në formë huazimi me të drejtë blerjeje për 11 milionë euro.

Fati zgjodhi numrin 31 në fanellë, numër që e kishte pasur fillimisht në debutimin e tij me Barcelonën si edhe te Brightoni.

Continue Reading

Sport

Nis gara për organizimin e Botërorit të Klubeve, FIFA shqyrton mundësinë për ta luajtur në dimër

Published

22 hours ago

on

July 1, 2025

By

FIFA po shqyrton mundësinë që edicioni i ardhshëm i FIFA Club World Cup të zhvillohet gjatë dimrit, një ndryshim që shkakton trazira në kalendarin e kampionateve europiane.

Katari, vendi që organizoi Kupën e Botës në 2022, ka shprehur interesin për të qenë nikoqiri i radhës së këtij turneu të zgjeruar, pas edicionit të parë këtë verë në SHBA. Për shkak të temperaturave gjatë verës në Katar, turneu duhet të mbahet në dhjetor, siç ndodhi edhe me Kupën e Botës në 2022.

Sipas raportimeve të The Guardian, përfaqësues të Katarit kanë zhvilluar bisedime me zyrtarët më të lartë të FIFA-s në SHBA për një mundësi ndryshimi të vendit të organizimit. Katar synon të organizojë këtë turne në dhjetor 2029.

Ky plan po ndeshet me kundërshtime të forta nga ligat evropiane, përfshirë Premier League, që paralajmërojnë ndërprerje të rëndësishme në sezon. Në 2022, zhvendosja e Kupës së Botës në dimër kishte detyruar ndalimin e kampionateve për më shumë se një muaj, një përvojë që ligat dëshirojnë ta shmangin.

Katar ofron ofertë të fortë duke pretenduar se mund të organizojë një Club World Cup me zero emetime karboni. Stadiumet e ndërtuara për Kupën e Botës janë ende të gatshme, gjë që do të ulë kostot dhe do të minimizojë udhëtimet për tifozët. Lojtarët janë ankuar për kushtet e motit gjatë turneut të fundit, me disa ndeshje të pezulluara për shkak të bubullimave e stuhive të verës në SHBA, përfshirë edhe ndeshjen Chelsea-Benfica që u ndërpre për dy orë.

Sindikatat e lojtarëve, si FifPro, kanë shprehur shqetësime për sigurinë e mirëqenien e sportistëve, ekspertët paralajmërojnë se situata e motit pritet të jetë sfiduese edhe në Kupën e Botës 2026 që zhvillohet në SHBA, Meksikë e Kanada.

Edhe Kupa e Botës 2034 në Arabinë Saudite të zhvendoset në dimër për shkak të kushteve klimatike.

Continue Reading

Të kërkuara