Sport

​Shkruan Marca: Kosova nuk do të trajtohet si komb, nuk do të ketë himn e as flamur

Publikuar

3 vjet më parë

më

Më 31 Mars 2021 Kosova do të ballafaqohet me Spanjën në stadiumin “Estadio La Cartuja” të Sevillas për kualifikimet për në Kampionatin Botëror “Katar 2022”.

Që prej kur u mësua shorti, filluan diskutimet e shumta rreth zhvillimit të kësaj ndeshjeje për shkak se Spanja ende nuk e ka njohur Kosovën si shtet sovran dhe i pavarur.

Tashmë kur ndeshja është shumë afër, gazeta e njohur spanjolle “Marca” ka shpalosur detaje shumë të rëndësishme rreth kësaj ndeshjeje e të cilat nuk janë aspak të mirëseardhura për kombëtaren tonë për shkak të mënyrës se si pritet të bëhet trajtimi i saj.

Gjithnjë sipas “Marcas”, Federata Spanjolle e Futbollit ka punuar për muaj me Ministrinë e Punëve të Jashtme për organizimin e ndeshjes midis Spanjës dhe Kosovës. “Las Rozas” gjithmonë ka dashur t’i japë normalitetin më të madh të mundshëm një skuadre si Kosova me faktin se shteti spanjoll nuk e njeh sovranitetin e Kosovës, ashtu sikur edhe Gjeorgjia dhe Greqia.

Ministria e Punëve të Jashtme ka ndërmarrë hapa të rëndësishëm në mënyrë që ekipi kosovar të ketë qasje dhe të luajë në Spanjë. Por protokolli do të jetë më i veçantë i përjetuar ndonjëherë në ndeshjet e organizuara nga Spanja.

Nuk mund të ketë referencë për Kosovën si një komb sovran në trajtimin e RFEF-it ndaj ekipit. Kështu, atyre do t’iu referohet si “Ekipi nga territori i Kosovës”.

E njëjta gjë do të ndodh me flamurin, i cili nuk mund të shfaqet pranë atij spanjoll si ai i një vendi sovran. Ose himni, formula e të cilit nuk mund të paraqitet si klasike e tingujve të një himni kombëtar. Do të prezantohet si muzikë e dhuruar nga territori i Kosovës.

Këto detaje ndikojnë gjithashtu në rrëfimin e lojës nga mediat shtetërore, TVE (pronari i të drejtave) dhe RNE. Nuk mund të ketë referenca për Kosovën si një komb sovran. Gjithçka duhet të rregullohet në parametrat e vendosur për të folur në lidhje me zgjedhjen e territorit të Kosovës.

Spanjë-Kosovë do të luhet më 31 mars në La Cartuja dhe do të jetë ndeshja e tretë kualifikuese e Spanjës për Kupën e Botës 2022.

Etiketa
Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

8 orë më parë

më

2 Maj, 2024

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

“Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Sport

FFK publikon skuadrat e licencuara për garat evropiane

Publikuar

8 orë më parë

më

2 Maj, 2024

nga

Federata e Futbollit të Kosovës (FFK) ka publikuar shtatë skuadrat që ka licencuar për garat evropiane të UEFA-s.

Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit.

Klubet e licencuara janë: Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

Ndërkaq skuadra e vetme e cila nuk është licencuar për garat e UEFA-s për edicionin 2024/25 është KF Dukagjini./UBTNews/

Vazhdo të lexosh

Sport

Skuadra nga Premier League interesohet për shërbimet e Thiago Motta-s

Publikuar

8 orë më parë

më

2 Maj, 2024

nga

Chelsea po kërkon një zëvendësues për Mauricio Pochettinon, teksa së fundmi ka shfaqur interes serioz për trajnerin e Bolongas, Thiago Motta.

Londinezët nuk kanë bërë një sezon të mirë nën drejtimin e trajnerit argjentinas, ku renditen në vendin e nëntë në tabelë me vetëm pak javë të mbetura në sezonin e Premier Ligës.

Në anën tjetër, Motta me paraqitjet e tij ka tërhequr vëmendjen e shumë skuadrave evropiane, siç janë Milan apo Juventus.

“Tuttosport” raporton se si Chelsea ka mbetur tepër i zhgënjyer nga puna dhe rezultatet e Pochettinos këtë sezon, duke kërkuar zëvendësues të mundshëm gjatë verës, duke identifikuar Thiago Mottan e Bolongas si një opsion serioz.

Juventusi ende nuk ka marrë një vendim përfundimtar për teknikun italo-brazilian, ndërsa ata shqyrtojnë mundësitë se çfarë të bëjnë me Massimiliano Allegri, i cili nuk është i gatshëm të japë dorëheqjen.

Interesi i Milanit për Thiago Motta është rritur gjithashtu pas vendimit të tyre për t’u larguar nga Julen Lopetegui, lidhjet e të cilit shkaktuan protesta nga tifozët./UBTNews/

Vazhdo të lexosh

Sport

Barcelona nis punën për sezonin tjetër, katalunasit pranë mesfushorit holandez

Publikuar

2 ditë më parë

më

30 Prill, 2024

nga

Barcelona së fundmi ka shprehur interesim për ta afruar në skuadër mesfushorin e talentuar, Xavi Simons. 21-vjeçari holandez aktualisht është i huazuar te RB Leipzig nga Paris Saint-Germain, ku edhe po kalon një sezon mjaft të mirë, me nëntë gola të shënuara dhe 13 asistime në të gjitha garat.

Sipas mediave spanjolle, bëhet e ditur se klubi katalunas ka nisur negociatat me PSG-në për të arritur një marrëveshje e cila do e shihte Simons me fanellën “blaugrana” sezonin e ardhshëm.

Çmimi i futbollistit në tregun e transferimeve arrin shifrën e 80 milionë eurove dhe kjo do të shkaktonte jo pak problem për klubin spanjoll, andaj ata po shqyrtojnë një mundësi huazimi njëvjeçar për të./UBTNews/

Vazhdo të lexosh

Të kërkuara