Lajmet

ShBA u bën thirrje qytetarëve në Ukrainë që të largohen me “opsione private”

Rekomandohet që qytetarët amerikanë të përdorin pikat kufitare në Hungari, Rumani e Sllovaki.

Published

4 years ago

February 28, 2022

Betim Gashi

Ambasada e Shteteve të Bashkuara të Amerikës në Kiev teksa ka thënë se situata e sigurisë në Ukrainë vazhdon të jetë e paparashikueshme, u bëri thirrje qytetarëve amerikanë në Ukrainë që të largohen duke përdorur edhe opsione private, nëse konsiderohet e sigurt për ta bërë këtë.

“Situata e sigurisë në të gjithë Ukrainën vazhdon të jetë e paparashikueshme, me luftime aktive brenda shumë qyteteve dhe vendeve të tjera, dhe kushtet mund të përkeqësohen pasi sulmet ushtarake nga Rusia vazhdojnë në pjesë të ndryshme të vendit pa asnjë paralajmërim. Ambasada e SHBA-së u bën thirrje qytetarëve amerikanë në Ukrainë që të largohen tani duke përdorur opsionet e transportit të disponueshëm privatisht nëse është e sigurt për ta bërë këtë. Duhet të merren parasysh me kujdes rrugët dhe rreziqet e udhëtimit, sepse rrugët e Ukrainës janë në shumë raste të mbushura me njerëz, të ekspozuara ndaj operacioneve luftarake dhe infrastruktura si ura në disa vende është shkatërruar. Strehimi në vend mund të mbetet alternativa më e mirë për disa”, thuhet në komunikatën e ambasadës amerikane në Kiev.

Nëpërmjet kësaj komunikate rekomandohet se nëse është e mundur qytetarët amerikanë të përdorin pikat kufitare në Hungari, Rumani e Sllovaki meqë aktualisht pritjet nuk janë të gjata sikurse ato në Poloni e Moldavi.

“Qytetarët amerikanë që dëshirojnë të largohen nga Ukraina me rrugë tokësore kanë disa opsione. Ne e kuptojmë se shumica e kalimeve kufitare në Poloni dhe të gjitha pikat kryesore të kalimit në Moldavi janë të mbështetura seriozisht dhe disa janë duke përjetuar kohë pritjeje jashtëzakonisht të gjata (më shumë se 30 orë në disa raste). Ne rekomandojmë që, nëse është e mundur, qytetarët amerikanë të konsiderojnë ridrejtimin në pikat kufitare me Hungarinë, Rumaninë dhe Sllovakinë, të cilat aktualisht po përjetojnë kohë më të ulët pritjeje për të kaluar”, thuhet mes tjerash në komunikatë.

Lajmet

Murati: Depozitat e familjeve kosovare arrijnë rekord prej 4.69 miliardë euro

Published

2 hours ago

December 4, 2025

UBTnews

Ministri në detyrë i Financave, Hekuran Murati, ka njoftuar përmes një postimi se kursimet dhe depozitat e familjeve në Kosovë kanë arritur një nivel rekord. Sipas tij, në fund të muajit tetor, këto depozita në bankat komerciale kanë kapur vlerën prej 4.69 miliardë euro.

Murati theksoi se, bazuar në të dhënat e Bankës Qendrore të Kosovës, rritja e depozitave familjare në pesë vitet e fundit ka qenë e dukshme. Ato janë shtuar me 2.12 miliardë euro, që paraqet një rritje prej 82.5% krahasuar me tetorin e vitit 2019, kur vlera totale e tyre ishte 2.57 miliardë euro.

“Sipas të dhënave zyrtare nga seritë kohore në faqen e BQK-së, depozitat dhe kursimet nëpër banka të familjeve në Kosovë kanë shënuar rekord me 4.69 miliardë euro.

Kjo përbën një rritje prej 2.12 miliardë euro, apo 82.5%, krahasuar me muajin tetor para 5 viteve kur depozitat dhe kursimet e familjeve në Kosovë ishin 2.57 miliardë euro.“, ka shkruar në postim Murati./UBTNews

Lajmet

Milkoviqi dënohet me 2 vjet burgim dhe 14 mijë euro gjobë për sulm ndaj KFOR-it dhe Policisë

Published

2 hours ago

December 4, 2025

UBTnews

Lubisha Milkoviq është dënuar me dy vjet burgim dhe 14 mijë euro gjobë për ngjarjet e 29 majit 2023 në Zveçan, ku ai akuzohej për sulm ndaj ushtarëve të KFOR-it dhe zyrtarëve të Policisë së Kosovës.

Milkoviq ka pranuar fajësinë pas arritjes së një marrëveshjeje me Prokurorinë Speciale, marrëveshje që përfshin veprat penale “sulm” dhe “pjesëmarrje në turmë që kryen vepra penale apo huliganizëm”.

“Unë e pranoj fajësinë dhe e pranoj marrëveshjen për pranimin e fajësisë”, deklaroi i pandehuri gjatë seancës.

Avokati i tij, Milosh Deleviq, konfirmoi se marrëveshja është arritur me vullnet të lirë dhe pas konsultimeve të mjaftueshme mes palëve. Ai propozoi që Milkoviq t’i mundësohet pagesa e gjobës me këste gjatë një periudhe dyvjeçare.

Prokurori Bekim Kodraliu sqaroi se marrëveshja parasheh dënim prej dy vjetësh burg, duke përfshirë kohën e kaluar në paraburgim, ndërsa gjashtë muaj të dënimit zëvendësohen me gjobën prej 14 mijë eurosh.

Kryetarja e trupit gjykues, Violeta Namani-Hajra, konstatoi se kushtet ligjore për miratimin e marrëveshjes së fajësisë janë plotësuar dhe se ajo mbështetet në prova të mjaftueshme.

Aktgjykimi pritet të shpallet brenda pak kohësh./UBTNews

Lajmet

Ditët e humbura shkaku i protestës, Trafiku Urban njofton se do të zgjatet për 9 ditë vlefshmëria e biletës

Published

2 hours ago

December 4, 2025

UBTnews

Trafiku Urban ka njoftuar se të gjitha ditët e humbura gjatë periudhës së protestës do t’u kompensohen qytetarëve përmes zgjatjes automatike të vlefshmërisë së biletave mujore.

Ndërmarrja ka bërë të ditur se procesi i kompensimit realizohet vetëm pas vulosjes së biletës në njërën nga kioskat zyrtare.

“Të nderuar qytetarë, kompensimi aplikohet vetëm pas vulosjes së biletës,” thekson ndërmarrja në njoftimin e saj zyrtar./UBTNews

Lajmet

Ambasadori gjerman nderon Rugovën: Një avokat për rezistencën paqësore

Published

3 hours ago

December 4, 2025

UBTnews

Ambasada e Gjermanisë në Kosovë ka nderuar sot figurën e Presidentit historik Ibrahim Rugova, duke rikujtuar rolin e tij si simbol i rezistencës paqësore dhe i zgjidhjes së konflikteve përmes dialogut.

Përmes një njoftimi në rrjetet sociale, ambasada ka bërë të ditur se ambasadori gjerman, Rainer Rudolph, ka vizituar varrin e presidentit të ndjerë, ku ka vendosur një kurorë me lule në shenjë respekti dhe mirënjohjeje për kontributin e Rugovës në shtetformimin e Kosovës.

“Duke nderuar trashëgiminë e Presidentit Ibrahim Rugova, një avokat për rezistencën paqësore dhe zgjidhjen e konflikteve pa dhunë”, thuhet në postimin e ambasadës në Facebook.

Fotografitë e publikuara shfaqin ambasadorin Rudolph pranë varrit të Rugovës gjatë ceremonisë së vendosjes së kurorës, duke reflektuar respektin e vazhdueshëm të Gjermanisë ndaj rolit të tij historik.