Sport

​Sancho do të mungojë në ndeshjen e kthimit kundër Manchester Cityt

Published

on

Sulmuesi anësor i Borussia Dortmundit Jadon Sancho, do të mungoj në ndeshjen e kthimit kundër Manchester Cityt, ndeshje kjo e vlefshme për kualifikim drejt gjysmëfinales së Ligës së Kampionëve.

Anglezi nuk u paraqit në ndeshjen e parë, të cilën City e fitoi me rezultat 2:1, për shkak të një problemi me lëndim.

Skuadra gjermane shpresonte që Sancho do të rikthehej në ndeshjen e dytë, por si duket kjo ndeshje do të vijë shumë shpejt për të.

Duke folur në një konferencë për media, trajneri në detyrë i Dortmundit Edin Terzic tregoi që skuadra e tij do të jetë pa shërbimet e Sanchos në ndeshjen kundër Cityt.

“Jadon nuk do të jetë me ne. Ai ka vazhduar seancat përgatitore, është duke e bërë më të mirën , dhe ne dëshirojmë që ai të jetë i gatshëm, por fatkeqësisht nuk është. I duhet kohë ende që të rikthehet”, tha Terzic.

Po ashtu, Terzic tregoi që Dortmundi nuk do a ketë vetëm problemin e Jadon Sanchos, sepse siç raportohet, Marco Reus dhe Mats Hummels janë në dyshim për tu paraqitur.

“Kemi edhe disa probleme të vogla. Duhet të presim. Marco Reus dhe Mats Hummels duhet që të zëvendësoheshin në ndeshjen e kaluar të shtunën. E kemi edhe një seancë të fundit përgatitore dhe mbetet të shihet se cilët lojtar i kemi në dispozicion”, shtoi Terzic.

Borussia Dortmund do të zhvilloj ndeshjen e kthimit kundër Manchester Cityt, ndeshje kjo që do të zhvillohet në stadiumin “Signal Iduna Park”, dhe e vlefshme për të siguruar biletën drejt gjysmëfinales së Ligës së Kampionëve.

Sport

Vdes ish-shoferi gjerman i Formula 1

Published

on

Ish-shoferi gjerman i Formula 1 dhe fituesi i garës “24 Orët e Le Mans”, Jochen Mass, vdiq më 4 maj 2025 në Kanë, në moshën 78 vjeçare, nga pasojat e një goditje në tru që pati në shkurt të atij viti. Lajmi për vdekje u konfirmua nga familja përmes rrjeteve sociale.

Mass e nisi karrierën e tij në Formula 1 në vitin 1973 me ekipin Surtees, ndërsa periudha më e suksesshme ishte gjatë kohës që garoi për McLaren nga viti 1974 deri në vitin 1977. Ai mori pjesë në 105 gara, u ngjit tetë herë në podium dhe fitoi vetëm një garë, atë të Çmimit të Madh të Spanjës në vitin 1975.

Kjo garë u ndërpre për shkak të një aksidenti të rëndë në të cilin humbën jetën disa spektatorë, dhe Massi mori vetëm gjysmën e pikëve.

Pas tërheqjes nga Formula 1 më 1982, vazhdoi karrierën në garat e qëndrueshmërisë. Succesin më të madh e arriti më 1989 me fitoren në garën legjendare “24 Orët e Le Mans”, duke garuar për ekipin Sauber-Mercedes me Manuel Roiter dhe Stanley Dickinson.

Përveç sukseseve si shofer, Mass kishte rol të rëndësishëm edhe si mentor për shoferët e rinj. Ai ishte më i njohur për ndihmën që i dha Michael Schumacher, duke i kaluar njohuritë dhe përvojën gjatë viteve të hershme të 90-ave në kuadër të “Junior Team”-it të Mercedesit, duke e ndihmuar të përshtatej me mjedisin profesionist të garave. Ishte një nga ata që e këshilloi Schumacherin të kalonte në Ferrari, një hap që rezultonte të ishte pikë kthese në karrierën e tij.

Mass vazhdoi të ishte aktiv në botën e sporteve automobilistike si komentator e këshilltar ekspert, përfshirë edhe në televizionin gjerman RTL. Pasioni i tij për automobilizmin dhe angazhimi shumëvjeçar në sport lanë ndikim në historinë e Formula 1.

Jochen do të mbetet në kujtesë si një shofer i talentuar, një mentor i përkushtuar dhe një figurë e rëndësishme në botën e sporteve automobilistike.

Continue Reading

Sport

Rudiger dënohet me gjashtë ndeshje moslojë

Published

on

Antonio Rudiger po e kalon një periudhë mjaft të vështirë të karrierës.

Futbollisti gjerman e mbylli sezonin shkaku i intervenimit kirurgjik, por jo vetëm kaq.

Qendërmbrojtësi i Real Madridit u dënua me gjashtë ndeshje moslojë nga Komiteti i Disiplinës në futbollin spanjoll pas veprimeve të turpshme që i bëri në finale të Copa del Rey kundër Barcelonës.

Rudiger protestoi ashpër ndaj gjyqtarit De Burgos derisa po qëndronte në bankinë, ndërsa u ndëshkua me karton të kuq.

Lojtari nuk u ndal me kaq duke u munduar që nga distanca ta qëllonte referin me një qese me akull, por për fat u ndal me vështirësi nga shokët e tij të skuadrës. Përfaqësuesi gjerman mund të dënohej deri në 12 javë, por u ndëshkua me gjysmën e saj.

Rudiger mund të rikthehet në dispozicion të “Los Blancos” në Kupën e Botës për klube, e cila do të mbahet gjatë verës.

Rudiger njihet për lojën e tij jo të pastër dhe për sjelljet e tij të vrazhda dhe provokuese ndaj kundërshtarëve në fushën e blertë dhe jashtë saj.

Continue Reading

Sport

Parisi feston në Londër, vendos goli i Dembeles

Published

on

Është mbyllur ndeshja e parë e gjysmëfinales së parë të Ligës së Kampionëve të këtij edicioni.

Arsenali ishte nikoqir i PSG-së në “Emirates Stadium”, me parisienët që rikthehen në shtëpi me fitore. Të besuarit e Luis Enriques morën fitore të madhe në Londër, me shifrat prej 1-0, me gol të hershëm nga Ousmane Dembele. Francezi shënoi në minutën e katërt, pas një asistimi nga Khvicha Kvaratskhelias.

Në pjesën e parë, që i takoi PSG-së, ky i fundit kishte edhe një mundësi të mirë, përmes Desire Doues, por që David Raya e priti goditjen e tij.

Arsenali u tregua i rrezikshëm vetëm një herë në pjesën e parë, me Gabriel Martinellin, mirëpo Gianluigi Donnarumma ishte në krye të detyrës.

Me të filluar pjesa e dytë, Arsenali barazoi në 1-1, mirëpo goli i Mikel Merinos u anulua për pozitë jashtëloje.

“Topçinjtë” e patën iniciativën, duke krijuar raste por pa sukses. PSG-ja shpërdoroi dy mundësi të mira shënimi, një nga Bradley Barcola e Gonçalo Ramos.

Epilogu i takimit ishte 1-0 në të mirë të Parisit. Ndeshja e kthimit do të luhet pas tetë ditësh, më 7 maj në “Parc des Princes”.

 

 

 

Share Now

Continue Reading

Sport

Zhvillime të reja mbi të ardhmen e Ancelottit

Published

on

By

Tani është më afër zyrtarizimit se kurrë më parë – Carlo Ancelotti do të largohet nga Real Madridi në fund të sezonit dhe kështu do të ndahet nga klubi ku ka shkruar kaq shumë histori.

Largimi i trajnerit ishte gjithmonë i mundshëm duke pasur parasysh formën e dobët të ekipit, dhe ishte qartësisht e qartë se atij i kishin mbaruar zgjidhjet që nga dita e parë e sezonit. Si Ancelotti ashtu edhe Real Madridi do të hapin një faqe të re në këtë mënyrë.

Trajneri italian është lidhur me një post në ekipin kombëtar brazilian për një kohë të gjatë dhe transferimi tani është drejt përfundimit, siç ka njoftuar gazetari Fabrizio Romano.

Siç raportohet nga gazetari italian, Ancelotti dhe Federata e Futbollit të Brazilit kanë arritur një marrëveshje mbi transferimin e trajnerit.

Ancelotti do të marrë përsipër detyrën si trajner i ri në javën e parë të qershorit, menjëherë pasi të largohet nga Real Madridi dhe do të jetë trajneri i tyre për Kupën e Botës FIFA 2026. Në fakt, ekziston edhe një klauzolë që mund të zgjatet deri në Kupën e Botës 2030.

Siç u njoftua më parë këtë javë, ai do të jetë një nga trajnerët ndërkombëtarë më të paguar, pasi marrëveshja përfshin një pagë prej 10 milionë eurosh në vit.

Trajneri do të mbikëqyrë deri në fund sezonin aktual të La Ligës dhe do të ndihmojë Real Madridin të luftojë për titullin kundër Barcelonës. Megjithatë, ai do të largohet para Kupës së Botës për Klube FIFA për punën e tij të re.

Continue Reading

Të kërkuara