Lajmet

​Rreth 680 profesionistë shëndetësorë vaksinohen në sallën “1 Tetori”

Published

5 years ago

on

Sot është dita e tretë që në qendrën kryesore të vaksinimit në sallën “1 Tetori” në Prishtinë po vazhdon vaksinimi me dozën e parë AstraZeneca të profesionistëve shëndetësorë.

Për dallim nga ditët tjera kur në këtë qendër u vaksinuan kujdesi parësor shëndetësor, tashmë në hyrje të kësaj salle është vendosur një njoftim me orarin për stafin mjekësor të klinikave të Qendrës Klinike Universitare.

Që nga dita e martë kur edhe zyrtarisht nisi vaksinimi i mjekëve dhe infermierëve të Kosovës, në sallën “1 Tetori” janë vaksinuar rreth 679 persona.

Koordinatori i qendrës së vaksinimit, Niman Bardhi tha se vetëm deri në mesditë janë vaksinuar 58 persona, ndërsa presin që deri në orën 19:30 kur mbyllet qendra të vaksinohen edhe të tjerë. Ai tha se procesi i vaksinimit po shkon shumë mirë, dhe se nuk është raportuar ndonjë shqetësim nga ata që janë vaksinuar.

“Deri më tani nga këta profesionistët shëndetësorë që e kanë pranuar vaksinën kanë qenë gjithsej 679 në total, ndërsa vetëm sot kanë arritur në 58 aktualisht. Nëse nuk gabohem, e keni parë edhe listën që e kemi vendosur te dera jashtë që janë të renditura klinikat që sot do të kryejnë vaksinimin me qëllim që të mos kemi mbipopullim brenda. Por për shkak të orarit të punës që kanë presim ndërkohë që sapo të lirohen nga puna apo të përmbyllin orarin zyrtar të jenë këtu për vaksinat. Deri tani procesi ka shkuar si është më së miri, nuk kemi pasur ndonjë ballafaqim apo problem eventual. Siç kam deklaruar edhe dje, po ashtu edhe sot deri në këtë çast që po flasim, asnjë shqetësim, asnjë ndonjë reaksion i mundshëm për më vonë apo shqetësim deri më tani nuk kemi marrë. Sipas listës që kemi paraparë, jemi diku te 750 për sot, tani sa do të jenë në gjendje të na vijnë jemi në pritje, por ne jemi të përgatitur për 750 persona për klinikat që kemi paraparë”, theksoi Bardhi.

Me vaksinat AstraZeneca është paraparë të bëhet edhe vaksinimi i kategorisë mbi 80-vjeç dhe atyre me sëmundje kronike, por sipas Bardhit për këtë do të vendoset më vonë.

“Aktualisht, siç e dini, ata veçse kanë filluar aplikimin e tyre në linkun e paraqitur nga ana e jonë, por nga momenti kur bëhet gjenerimi i të dhënave me automatizëm do të na informojnë neve dhe pastaj vetë qendra e thirrjes do të jenë ata që do të bëjnë informata për aplikimin e kësaj vaksine. Kur do të realizohet, mbetet çështje për të cilën do të vendoset pak më vonë”, u shpreh Bardhi.

Mjekët e infermierët që tashmë e kanë marrë vaksinën po apelojnë te të gjithë që të vaksinohen.

Mirishahe Rexhepi vetëm 15 minuta nga momenti që u vaksinua, tha se po ndihet mirë që tashmë e mori vaksinën. Rexhepi e cila është infermiere e pensionuar apelon që posa të krijohen mundësitë vaksinën, ta marrin të gjithë qytetarët e Kosovës pasi kjo është mbrojtja më e sigurt ndaj COVID-19.

“Që 15 minuta shumë mirë, do t’iu preferoja të gjithëve ta marrin. Sezonale e kam marrë gjithmonë. E kam marrë pa kurrfarë dileme. Gjithsesi të vaksinohen, sepse kjo është mbrojtja e sigurt”, tha ajo.

Sot dozën e parë të vaksinës AstraZeneca e mori edhe Turkane Sylejmani, mami në Klinikën Gjinekologjike, e cila pati lëvdata për organizimin e shpërndarjes së vaksinës. Ajo kërkoi që sa më parë të nisë vaksinimi masiv me qëllim të krijimit të imunizimit kolektiv.

“E morëm vaksinën që 15 minuta. Për besë, nuk kam hezituar se e di që duhet marrë ku është një e mirë që t’i jepet të gjithë popullatës dhe me u kalua kjo situatë. Iu kisha rekomanduar me marr të gjithë qytetarët sa më shpejt e bë një imunizim të popullatës se pa vaksinë nuk hiqet virusi. Procesi më ka pëlqyer shumë, por po më duket është herët, shpresoj të shkoj kështu gjithë, njëherë për njëherë mirë ishte”, tha ajo.

Edhe infermierja Safete Berisha, e cila nuk e ka kaluar COVID-in shprehet e lumtur që i erdhi momenti të vaksinohet.

“Mirë tani sa e mora mirë shumë. Jam e kënaqur që e mora. Mua më është dukur shumë mirë tani sa erdhëm përfundoi si më së mirë. Kam pasur pak dilema, por më mirë. Jo, nuk kam qenë e infektuar as nuk e kam pasur familjen”, tha Berisha.

Kosova dozat e para të vaksinës AstraZeneca i mori më 28 mars si donacion nga COVAX-i. Me këto 24 mijë vaksina është planifikuar të vaksinohen mantel-bardhët si personat mbi moshën 80-vjeç dhe ata me sëmundje kronike.

Related Topics:
Continue Reading

Lajmet

Përfundon afati, PZAP pranon 7 ankesa për rezultatet përfundimtare të 28 dhjetorit

Published

1 hour ago

on

February 2, 2026

By

Në ora 11:00 ka përfunduar afati për ankesa në Panelin Zgjedhor për Ankesa dhe Parashtresa.

Nga ky institucion kanë thënë për Gazetën Express se kanë pranuar 7 ankesa në lidhje me shpalljen e rezultateve përfundimtare nga KQZ.PZAP shton se për këto ankesa ka 96 orë kohë të vendosë.

“Lidhur me pyetjen tuaj, ju njoftojmë se Paneli Zgjedhor për Ankesa dhe Parashtresa (PZAP) ka pranuar shtatë (7) ankesa lidhur me publikimin e rezultatit përfundimtar nga Komisioni Qendror i Zgjedhjeve (KQZ). Për të gjitha ankesat e pranuara, PZAP do të vendosë brenda afatit ligjor prej nëntëdhjetë e gjashtë (96) orësh nga data e parashtrimit të secilës ankesë.”

Nga: Ekonomia Online

 

Continue Reading

Lajmet

Jahjaga mohon të ketë lidhje me dosjen “Epstein”

Published

1 hour ago

on

February 2, 2026

By

Ish-presidentja e Kosovës, Atifete Jahjaga i ka mohuar raportimet për lidhjen e saj me dosjen “Epstein”, duke thënë se ajo nuk ka pasur asnjëherë njohje apo takim të çfarëdo lloj kontaktit me Jeffery Epstein.

Ajo thotë se në email për të cilën raportohet kur përmendet presidentit i Kosovës, nuk është e qartë se cili dhe nuk përmendet kërkesa për takim në emër të tij apo të saj.

Reagimi i plotë:

Raportimet mediatike për “lidhjen time” me dosjen “Epstein”  janë tërësisht të pabaza dhe të pavërteta. Si Presidente e Republikës së Kosovës nuk kam pasur asnjëherë njohje, takim apo çfarëdo lloj kontakti me personin në fjalë.

Përmendja e emrit tim nga mediat me rastin e dokumenteve të publikuara së fundmi lidhet vetëm me një korrespondencë elektronike të palëve të treta, e cila nuk përbën dhe nuk dëshmon asnjë takim, njohje apo lidhje personale me mua. Emri im askund nuk përmendet në asnjë lloj dokumenti të publikuar.

Në këtë email te palëve të treta përmendet Presidenti i Kosovës, por nuk është e qartë cili, dhe nuk përmendet kërkesa për takim në emër të tij apo të saj.

Çdo raportim ndryshe është insinuate dhe mashtrim i opinionit, siç mund të vërehet lehtë nga dokumentet. Kërkoj që ky sqarim të jepet në mediat të cilat e kanë lakuar emrin tim, sidomos meqenëse as nuk e kam njohur, as takuar dhe as nuk kam kërkuar takim me personin në fjalë në asnjë pozitë që kam mbajtur deri më tani.

Nga: Ekonomia Online

 

Continue Reading

Lajmet

Muhamet Alidemaj dënohet me 13 vjet burgim për masakrën e Izbicës

Published

1 hour ago

on

February 2, 2026

By

Gjykata Themelore në Prishtinë ka shpallur fajtor Muhamet Alidemajn për krime lufte kundër popullsisë civile dhe e ka dënuar me 13 vjet burg, pas përfundimit të shqyrtimit gjyqësor më 2 shkurt 2026, raporton KosovaPress.

Vendimi është shpallur nga kryetari i trupit gjykues, Vesel Ismaili, i cili ka bërë të ditur se i akuzuari është dënuar për veprën penale të krimeve të luftës kundër civilëve, ndërsa është obliguar për shpenzimet e procedurës gjyqësore në shumën prej 200 euro dhe 100 euro të tjera për fondin për kompensimin e viktimave të krimit.

Sipas aktakuzës, Muhamet Alidemaj kishte marrë pjesë bashkë me pjesëtarë të forcave policore dhe ushtarake serbe në vrasjen e civilëve shqiptarë në masakrën e Izbicës që kishte ndodhur në mars 1999, e ku ishin vrarë e masakruar 130 shqiptarë./Kosovapress/

Continue Reading

Lajmet

UBT nikoqir i punëtorisë ndërkombëtare për sigurinë kibernetike në kuadër të projektit SHIELD

Published

2 hours ago

on

February 2, 2026

By

UBT ishte nikoqir i punëtorisë ndërkombëtare për zhvillimin e kurrikulës në fushën e sigurisë kibernetike, e cila u mbajt më 27 dhe 28 janar. Kjo punëtori u organizua në kuadër të projektit SHIELD – United for Cyber Safety: Up-Skilling High School Communities for Protecting Students, i mbështetur nga Erasmus+.

Projekti u koordinua nga Ss. Cyril and Methodius University në Shkup, ndërsa partnerë janë University “St. Kliment Ohridski”, në Sofia, UBT, si dhe Ekonomikas un Kultūras Augstskola, në Letoni. Qëllimi kryesor i projektit është fuqizimi i komuniteteve shkollore të arsimit të mesëm përmes zhvillimit të aftësive dhe njohurive në fushën e sigurisë kibernetike, me fokus në mbrojtjen e nxënësve dhe përdorimin e sigurt të teknologjisë.

Në hapjen e punëtorisë mori pjesë edhe Rektori i UBT-së, Prof. Dr. Edmond Hajrizi, i cili theksoi se UBT ka investuar vazhdimisht në zhvillimin e kapaciteteve akademike dhe ka krijuar departamente të veçanta për fushën e sigurisë kibernetike dhe teknologjive të avancuara, duke e konsideruar këtë fushë si jetike për të ardhmen e arsimit dhe shoqërisë digjitale.

Agjenda e punëtorisë përfshiu sesione të dedikuara për analizën e nevojave arsimore, përcaktimin e fushës së trajnimeve në siguri kibernetike, strukturimin e kurrikulës dhe rezultateve të të nxënit, si dhe qasjen gjithëpërfshirëse dhe të aksesueshme në dizajnimin e trajnimeve. Po ashtu, diskutimet u fokusuan edhe në format e ofrimit të trajnimeve, materialet mësimore, mjetet digjitale, si dhe planifikimin e testimit pilot dhe zbatimit të kurrikulës.

Kjo punëtori paraqet një hap të rëndësishëm drejt ndërlidhjes së arsimit profesional me sfidat aktuale të sigurisë digjitale, duke forcuar bashkëpunimin ndërkombëtar dhe rolin e UBT-së si një institucion lider në zhvillimin e programeve inovative dhe të orientuara drejt nevojave reale të shoqërisë.

Continue Reading

Të kërkuara