Lajmet

​Rreth 60 pacientë në Onkologji të infektuar me COVID në tre muajt e parë të vitit

Publikuar

3 vjet më parë

më

Pothuajse çdo muaj në Klinikën e Onkologjisë gjatë këtij viti janë diagnostikuar rreth 140 persona me sëmundje malinje. Më shumë se 60 prej tyre në tre muajt e parë e të këtij viti janë infektuar me COVID-19. Asnjë nga të infektuarit me COVID-19 që po trajtohen në Onkologji, nuk ka humbur jetën nga ky virus.

Drejtori i Klinikës së Onkologjisë, Ilir Kurtishi tregon për KosovaPress se gjatë vitit 2020, janë regjistruar 1 mijë e 370 raste të reja me kancer dhe numri i atyre që kanë qenë të infektuar me COVID-19 deri në fund të vitit të kaluar ka qenë mbi 350.

“Nga janari kemi prapë raste të reja të cilët duke marrë kimioterapinë, ose kur bëjnë kontrolle tek ne, na lajmërojnë që janë të infektuar me COVID-19. Dhe ato raste që na lajmërojnë që janë të infektuar, ne i ndërpresim mjekimet onkologjike derisa të shërohen nga infeksioni. Fluksi i punës është shumë i madh në klinikën tonë, ne kemi punuar gjatë gjithë kohës së pandemisë”, tregon ai për KosovaPress.

Po ashtu, Kurtishi tregon se gjatë ditës në këtë periudhë klinikën janë duke e frekuentuar mbi 150 pacientë, që i bie se të njëjtit shtretër shfrytëzohen 3 deri në 4 herë.

“Numri i sëmundjeve malinje apo rasteve të reja që i identifikojmë nga muaji në muaj sillet nga 120 deri në 140 raste të reja të sëmundjeve të lokaliteteve të ndryshme. Zakonisht te femrat dominon kanceri i gjirit, kurse te meshkujt dominon kanceri i mushkërive. Dhe menjëherë pas këtyre, dy problematika te dy gjinitë janë kanceri në zorrën e trashë dhe i organeve gjenitale të cilët janë problematike te femrat”, shton ai.

Më tej, drejtori i Onkologjisë bën të ditur se deri më tani nuk ka pasur raste të cilat kanë qenë duke u trajtuar në klinikë, e që të njëjtët kanë humbur jetën si shkak i infektimit me COVID-19.

“Gjatë vitit 2020 numri ka qenë 300-400 persona (të infektuar), kurse këta tre muaj (janar-mars) ne deri tash i kemi grumbulluar rreth 50-60 pacientë, të cilët na kanë informuar që kanë qenë të prekur me COVID-19”, shton ai.

Veç tjerash Kurtishi thekson se deri në fund të prillit pritet instalimi i aparaturës së re të radio-terapisë, për çka shton se kanë nevojë edhe për një aparaturë tjetër për shkak të numrit të madh të shërbimeve. 

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

12 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

14 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

16 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

18 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara