Kronikë e zezë

​Rrahu bashkëshorten, paraburgim ndaj të pandehurit në Kaçanik

I njëjti dyshohet për dhunë në familje.

Published

3 years ago

on

Gjykata Themelore në Ferizaj ia ka caktuar masën e paraburgimit në kohëzgjatje pej 20 ditësh një personi në Kaçanik, pasi i njëjti dyshohet për dhunë në familje.

Sipas gjykatës, i pandehuri F.L në shtëpinë e tij në Kaçanik, pas një fjalosje që kishte me anëtarët e familjes së tij për të shkuar për të punuar jashtë vendit, ka përdorur forcën dhe ka filluar të bëjë demolimin e orendive në shtëpi. Në këtë mënyrë ai ka keqtrajtuar psikologjikisht bashkëshorten e tij dhe anëtarët e tjerë të familjes.

Njoftimi i gjykatës:

Ferizaj, 10 shkurt 2023 – Gjykata Themelore në Ferizaj – Dega në Kaçanik, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurit F.L., shtetas i Republikës së Kosovës, për shkak të dyshimit të bazuar se ka kryer veprën penale dhuna në familje nga neni 248 paragrafi 3 të Kodit Penal të Republikës së Kosovës (KPRK).

Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit të Përgjithshëm, ka vlerësuar se ekziston dyshimi i bazuar se i pandehuri F.L., më 8 shkurt 2023 në Kaçanik, saktësisht në shtëpinë e tyre të përbashkët familjare, i pandehuri pas një fjalosje që kishte me anëtarët e familjes së tij për të shkuar për të punuar jashtë vendit, në atë mënyrë që i njëjti me përdorim të forcës kishte filluar të bëjë demolimin e orendive në shtëpi si dhe duke ju sjellë keqtrajtim psikologjik të vazhdueshëm ndaj të dëmtuarës bashkëshortes së tij – A.L. dhe anëtarëve të tjerë të familjes, duke ju bërtitur me ton të lartë me ç` rast si rrjedhojë e këtyre veprimeve tek e dëmtuara dhe anëtarët tjerë i`u ka shkaktuar shqetësim emocional, frikë, ankth dhe pasiguri për jetën e tyre.

Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtit i`u është caktuar masa e paraburgimit në kohëzgjatje prej njëzet (20) ditësh.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Related Topics:
Continue Reading

Lajmet

Pesë të arrestuar në operacionin “White Star”, sekuestrohen armë, drogë dhe pasuri e madhe

Published

9 hours ago

on

June 9, 2026

By

Pesë persona janë arrestuar gjatë një operacioni të Policisë së Kosovës dhe Prokurorisë Speciale, i zhvilluar në disa qytete të vendit nën emrin “White Star”.

Aksioni është realizuar në Prishtinë, Pejë, Prizren, Viti dhe Drenas, nën mbikëqyrjen e Prokurorisë Speciale dhe në bazë të urdhrit të Gjykatës Themelore.

Të dyshuarit janë ndaluar me vendim të prokurorit special për 48 orë, nën dyshimin për pjesëmarrje ose organizim të grupit kriminal të organizuar, si dhe për blerje, posedim, shpërndarje dhe shitje të paautorizuar të narkotikëve dhe përfshirje në pastrim parash.

Gjatë kontrolleve në lokacione të ndryshme janë sekuestruar:

  • 6 armë zjarri
  • 5 karikatorë dhe 239 fishekë
  • Lëndë narkotike (kokainë dhe fara marihuane)
  • 25 telefona mobilë
  • 7,595 euro para të gatshme
  • 10 automjete dhe 1 motoçikletë
  • 10 kompjuterë
  • 13 USB dhe 1 DVR
  • 16 ora dore

Operacioni është mbështetur nga EUROPOL-i dhe autoritetet e Belgjikës, Francës dhe Holandës, të cilat kanë qenë të pranishme dhe kanë monitoruar zhvillimin e aksionit në terren së bashku me prokurorin e rastit.

Prokuroria Speciale dhe Policia e Kosovës kanë theksuar se ky operacion paraqet goditje të rëndësishme ndaj krimit të organizuar dhe se veprimet hetimore do të vazhdojnë në drejtim të zbardhjes së plotë të rastit dhe identifikimit të të gjithë të përfshirëve. /A.K/

Continue Reading

Lajmet

Katër persona shoqërohen në polici, dyshohen për kalim ilegal të kufirit nga Serbia në Kosovë

Published

10 hours ago

on

June 9, 2026

By

Sipas raportit 24-orësh të Policisë së Kosovës, katër persona janë shoqëruar në stacionin policor pasi dyshohet se kanë kaluar ilegalisht kufirin nga Serbia në Kosovë.

Rasti ka ndodhur më 8 qershor 2026, rreth orës 17:00, në fshatin Prapashticë të Prishtinës.

Sipas policisë, të dyshuarit janë katër meshkuj kosovarë, të cilët janë intervistuar lidhur me rastin.

Me vendim të prokurorit, të dyshuarit janë liruar në procedurë të rregullt, ndërsa hetimet për rastin vazhdojnë./A.K/

Continue Reading

Lajmet

Gjatë 24 orëve të fundit: 21 aksidente me të lënduar, mbi 2 mijë tiketa trafiku

Published

12 hours ago

on

June 9, 2026

By

Gjatë 24 orëve të fundit, sipas statistikave të përgjithshme, në vend janë regjistruar gjithsej 21 aksidente trafiku me të lënduar dhe 35 aksidente me dëme materiale, ndërsa nuk është shënuar asnjë aksident me fatalitet.

Në këtë periudhë kohore, Policia ka shqiptuar gjithsej 2136 tiketa trafiku.

Sa i përket veprimeve policore, janë arrestuar 18 persona, 12 prej tyre janë në mbajtje, ndërsa 3 persona janë në vuajtje të dënimit. Nuk është regjistruar asnjë person në ndalim policor.

A.K

Continue Reading

Kronikë e zezë

Policia arreston një të dyshuar për dhunim në Lipjan

Published

12 hours ago

on

June 9, 2026

By

Policia e Kosovës ka arrestuar një person në Lipjan, nën dyshimin për kryerjen e veprës penale të dhunimit.

Sipas njoftimit policor, rasti ka ndodhur më 8 qershor 2026, rreth orës 19:10. I dyshuari, mashkull kosovar, dyshohet se ka kryer veprën ndaj një femre kosovare.

Pas ndërmarrjes së veprimeve hetimore dhe intervistimit të palëve të përfshira, i dyshuari është arrestuar nga policia.

Me vendim të prokurorit të shtetit, ai është dërguar në mbajtje, ndërsa hetimet lidhur me rastin janë duke vazhduar.

D.L

Continue Reading

Të kërkuara