Lajmet

​Rasti i 11-vjeçares, protestuesit kërkojnë shkarkimin e “gjykatësve patriarkalë”

“Poshtë gjykata patriarkale”, “Prokuroria i ka duart me gjakun e çikave”, janë disa nga thirrjet e protestuesve.

Published

on

Kolektivi për Mendim dhe Veprim Feminist, ka vazhduar protestën për rastin e dhunimit të një 11-vjeçareje sot edhe para Këshillit Gjyqësor të Kosovës.

Pasi protestuan para Qeverisë së Kosovës, dhjetëra aktivistë e qytetarë kërkuan “shkarkim të gjykatësve patriarkalë”.

Poshtë gjykata patriarkale“, “Prokuroria i ka duart me gjakun e çikave“, janë disa nga thirrjet e protestuesve.

Protesta vjen pas rastit të një 11-vjeçarje, e cila dyshohet se u dhunua seksualisht për shtatë orë radhazi nga pesë persona. Te gjithë këta, përfshirë edhe të mitur ndodhen në paraburgim prej 30 ditëve.

Lajmet

Zjarr në samitin COP30, pjesëmarrësit në bisedimet për klimën u evakuuan

Published

on

Pjesëmarrësit në samitin e OKB-së për klimën COP30 janë evakuuar pasi mbrëmë një zjarr shpërtheu në një pavijon në Belem – Brazil.

Zjarri ka shpërthyer në zonën e pavijonit nën rrethana ende të paqarta.

Ministri i Turizmit i Brazilit, Celso Sabino, tha se zjarri ishte nën kontroll dhe se nuk raportohet për të lënduar.

“Zjarri është nën kontroll, zjarrfikësit nga shteti  janë në vendngjarje”, tha ministri për televizionin brazilian, pak minuta pas evakuimit të vendit.

Mijëra njerëz po merrnin pjesë në bisedimet e OKB-së për klimën, përfshirë anëtarë të delegacioneve nga bota, e cila do të përfundojë sot./S.K/KP/

Continue Reading

Lajmet

​Çmimet e naftës rriten mbi 64 dollarë

Published

on

Çmimet e naftës janë rritur mbi 64 dollarë në tregjet ndërkombëtare, ndërsa shenjat e një kërkese më të fortë në SHBA dhe një zjarr në një strukturë nafte në Venezuelë shtynë në sfond vlerësimet për një tepricë vitin e ardhshëm.

Në tregun e Londrës, një fuçi tregtohej 68 centë më lart pas mesditës sesa mbyllja e djeshme prej 64.19 dollarësh, teksa në tregun amerikan ishte 65 centë më shtrenjtë dhe kushtoi 60.09 dollarë.

Tregtarët u përqendruan në shenjat e një kërkese më të fortë në Shtetet e Bashkuara të enjten.

Inventarët e naftës ranë me 3.4 milionë fuçi javën e kaluar, raportoi Departamenti i Energjisë. Inventarët e benzinës u rritën me 2.3 milionë fuçi, duke sinjalizuar fundin e sezonit të mirëmbajtjes së rafinerive dhe përgatitjet për Ditën e Falënderimeve, më 27 nëntor.

Të premten, hyjnë në fuqi sanksionet e SHBA-së ndaj gjigantëve rusë të naftës Rosneft dhe Lukoil, të cilat presidenti Donald Trump i prezantoi për të kufizuar kapacitetin buxhetor të Rusisë për luftën në Ukrainë.

Organizata e Vendeve Eksportuese të Naftës (OPEC) pret një rritje të lehtë, në një ndryshim nga parashikimet që kishin treguar një ekuilibër midis ofertës dhe kërkesës. Llogaritjet e veçanta të OPEC tregojnë se një fuçi e shportës së naftës së anëtarëve të saj u rrit për 11 centë në 64.65 dollarë të mërkurën./S.K/KP/

Continue Reading

Lajmet

​Kryebashkiaku i ardhshëm i Nju-Jorkut pritet të takojë presidentin Trump

Published

on

Kryebashkiaku i ardhshëm i Nju-Jorkut, Zohran Mamdani, dhe presidenti i SHBA-së, Donald Trump, pritet të takohen sot në Shtëpinë e Bardhë, pas muajsh polemikash dhe deklaratash të ashpra gjatë zgjedhjeve të fundit në qytet.

Mamdani, një socialist demokrat 34-vjeçar, fitoi zgjedhjet për kryebashkiak këtë muaj, duke mposhtur ish-guvernatorin Andrew Cuomo me nëntë pikë. Para zgjedhjeve, ai ishte pak i njohur jashtë Nju-Jorkut, por tashmë është bërë një figurë me ndikim kombëtar.

Trump e quajti Mamdanin “kryebashkiakun komunist” dhe deklaroi se ky i fundit kishte kërkuar takimin, i cili do të zhvillohet në Zyrën Ovale.

Zëdhënësja e kryebashkiakut të ardhshëm, Dora Pekec, tha se takimi është një procedurë standarde për një administratë të re.

“Kryebashkiaku i ardhshëm planifikon të takohet me Presidentin në Uashington për të diskutuar sigurinë publike, sigurinë ekonomike dhe agjendën e përballueshmërisë që mbi një milion newyorkezë votuan dy javë më parë”, tha ajo.

Paraardhësit e Mamdanit, demokratët Bill de Blasio dhe kryebashkiaku aktual Eric Adams, nuk kanë pasur takime të veçanta në Zyrën Ovale me presidentin, por kanë marrë pjesë në takime të përbashkëta me kryebashkiakë të tjerë dhe zyrtarë qeveritarë.

Tensionet midis presidentit me dy mandate dhe politikanit të ri filluan pas fitores së Mamdanit në primaret demokratike në qershor.

Mamdani, ish-anëtar i Asamblesë së Shtetit, ka premtuar të mbrojë emigrantët dhe të sfidojë politikat e Trump, ndërsa fokusohet në përballueshmërinë e jetesës në Nju-Jork./S.K/KP/

Continue Reading

Lajmet

Parashikimi i motit

Published

on

Sot në vend parashihet të mbajë mot me diell dhe pjesërisht i vranët në gjithë territorin.

Temperaturat minimale do të lëvizin ndërmjet 3 deri 6 gradë Celsius, ndërsa maksimalet e ditës parashihen të lëvizin ndërmjet 13-15 gradë Celsius ka njoftuar Instituti Hidrometeorologjik i Kosovës.

Do të fryjë erë nga juperëndimi dhe do të jetë kryesisht e lehtë./S.K/KP/

Continue Reading

Të kërkuara