Lajmet
Rasti Dehari përplas pushtetin me PDK-në
Berisha i PDK-së tha se interesi i partisë në pushtet është që të mos zbardhet rasti Dehari.
Published
3 years agoon
By
Betim GashiNjë përplasje është zhvilluar në mes të pushtetit dhe deputetit të Partisë Demokratike të Kosovës, Hisen Berisha, pasi ky i fundit tha se interesi i partisë në pushtet është që të mos zbardhet rasti Dehari.
Deputeti i PDK-së ka thënë se qeveria ka qëllim të kap drejtësinë përmes këtij rasti andaj sipas tij i njëjti nuk po zbardhet.
Fjalimin e tij e ka kundërshtuar ministrja e Drejtësisë, Albulena Haxhiu dhe deputetët e Vetëvendosjes të cilët në shenjë revolte kanë shkaktuar zhurmë nga ulëset e tyre.
“Janë dy parakushte për me zbardhë vetëvrasjen apo vrasjen e Astritit, e para kushti i parë është zbardhja e rastit të sulmeve terroriste në presidencë dhe objekte të qeverisë. Por rastin e sulmeve terroriste mbi institucionet e Kosovës nuk pres ta zbardhni sepse tërmeti politik do të binte mbi subjektin tuaj dhe para kusht i dytë është zbardhja e rastit të vetëvrasjes së Arbnorit, cilat ishin motivet që e shtynë në vetëvrasje, për shkak të ndjeshmërisë së rastit nuk e ka marrë guximin askush të flas publikisht por tani është sekret publik që përfliten emra zyrtarësh me të cilët ai ka qenë i involvuar dhe në rolin e sinjalizuesit”, ka thënë ai.
Ministrja e Drejtësisë ka kërkuar nga kryetari i Kuvendit që deputetit të PDK-së t’i ndalet fjala.
“Indikative mbetet po ashtu edhe emërimi i rrugëve të Prishtinës me emrin Vëllezërit Dehari e unë pyes se cili site roli i tyre. A e bëtë këtë për heshtjen e familjes duke tentuar t’i fusni në histori. Së fundi ndodhi edhe vjedhja e mostrave dhe në vend që ministrja të marrë përgjegjësi që rreh tavolinën tani ajo filloi me akuzua prap opozitën. Unë me të vërtetë po ndjehem keq që këtë duhet ta hap para bacën Avni por e di se Astrit Dehari ishte kundër marrëveshjeve të cilat sot i keni nënshtruar edhe kundër tradhtisë që po bëni me marrëveshjet”, ka thënë Berisha.
Këtë e ka kundërshtuar Haxhiu, e cila ka thënë se deputetëve të PDK-së u duhet ndaluar me ligj të flasin për Deharin.
“Juve ua kisha ndalu me ligj me fol për Astrit Deharin, Ju keni qenë në qeveri kur është vrarë astrit Dehari, ministrja e Drejtësisë Dhurata Hoxha. Ju i keni duart e përlyera me gjak, ju. Duhesh me pas pak fytyrë, marre. Në kohën e juaj është vrarë Astrit Dehari”, ka thënë ajo.
Për këtë ka reaguar edhe kryetari i Kuvendit, Glauk Konjufca.
“Zoti Berisha edhe ju e dini fort mirë që përpjekja me e lidhë Lëvizjen Vetëvendosje me atë sulm ka qenë një proces i montuar gjyqësor politik me prapavijë politike… Zoti Berisha, për këtë ka një vendim të gjykatës që i ka liruar ata persona prej kësaj akzue, nëse dini diçka më shumë unë e kisha ftu prokurorin me ju ftu në intervistë, gjithçka që dini zoti Berisha e që pretendoni për lidhjen e Vetëvendosjes me këtë akt terrorist unë e ftoj prokurorin me të intervistu. Çkado që kanë pasur institucionet që kanë ditë, i kanë liruare këta persona, prej kësaj mund të konstatojmë që ishte një proces i montuar politik”, ka thënë Konjufca.
Vendi
UBT lanson Global Virtual Campus, një model i ri i arsimit pa kufij
Published
33 minutes agoon
April 8, 2026By
ubtnews
UBT ka lansuar zyrtarisht konceptin më të ri inovativ në fushën e arsimit, Global Virtual Campus, një platformë që synon të transformojë mënyrën se si ofrohet edukimi në nivel global, përmes partneritetit strategjik me EON Reality.
Rektori i UBT-së, Prof. Dr. Edmond Hajrizi, theksoi se ky model është një hap të rëndësishëm drejt së ardhmes së arsimit gjithëpërfshirës dhe të qasshëm për të gjithë.
“Në këtë kontekst, Global Virtual Campus është një koncept dhe model i ri, modeli i së ardhmes, që mundëson ofrimin e të njëjtës përmbajtje dhe të njëjtës cilësi kudo në botë, me të njëjtin potencial dhe përvojë, pa humbur kohë dhe me kosto të përballueshme për të gjithë. Pra, kjo qasje e aksesueshmërisë dhe përballueshmërisë, kudo dhe në çdo kohë, është thelbi i Global Virtual Campus, të cilin po e ofrojmë përmes partneritetit tonë me EON”, u shpreh Rektori Hajrizi.
Rektori Hajrizi deklaroi se UBT ka një përvojë të gjatë dhe të suksesshme në arsimin e lartë, duke u renditur ndër institucionet më të vlerësuara globalisht në fusha kyçe si inovacioni, qëndrueshmëria, ndërmarrësia dhe shkenca.
Ai nënvizoi se institucioni njihet për standarde të larta cilësie dhe është i akredituar nga mekanizma ndërkombëtarë, përfshirë British Accreditation Council, si dhe gëzon një validim të fortë në raport me sistemin amerikan të arsimit.
“Ne besojmë fuqishëm në rëndësinë e kontaktit njerëzor dhe bashkëpunimit fizik, por në të njëjtën kohë duhet të shfrytëzojmë maksimalisht potencialin që ofron inteligjenca artificiale për të rritur cilësinë dhe për të zgjeruar qasjen në arsim”, u shpreh Rektori Hajrizi.
Një nga shtyllat kryesore të këtij transformimi është integrimi i inteligjencës artificiale dhe teknologjive të avancuara të vizualizimit në procesin mësimor. Sipas Hajrizi, përvoja e gjatë e partneritetit me platforma inovative si EON ka mundësuar ndërtimin e një sistemi që garanton cilësi të lartë të mësimdhënies, pavarësisht vendndodhjes së studentëve.
Global Virtual Campus synon të ofrojë përmbajtje dhe standard të njëjtë edukimi kudo në botë, duke eliminuar barrierat gjeografike dhe kohore, dhe duke hapur një epokë të re të arsimit global.
Lajmet
Kryesia dështon të miratojë rendin e ditës: Mospajtime për rezolutën e luftës
Published
5 hours agoon
April 8, 2026By
UBTNews
Mbledhja e Kryesisë së Kuvendit ka përfunduar pa një pajtim për rendin e ditës të seancës së radhës, pas mospajtimeve mes partive politike për pozicionimin e rezolutës për mbrojtjen e të vërtetës historike të luftës.
PDK-ja, e mbështetur edhe nga opozita tjetër, ka insistuar që kjo rezolutë të jetë pika e parë e rendit të ditës për seancën e së premtes. Në anën tjetër, Lëvizja Vetëvendosje ka propozuar që ajo të trajtohet si pikë e fundit, duke kërkuar një dakordim më të gjerë paraprak.
Për shkak të kësaj bllokade, rendi i ditës pritet të miratohet në fillim të seancës plenare. Përveç rezolutës për luftën, në agjendë janë edhe katër marrëveshje ndërkombëtare, votimi për anëtarin e Këshillit Prokurorial, si dhe debati për rritjen e çmimit të naftës.
Vendi
Kurti pret drejtoren e NATO-s: FSK po përgatitet për mision në Gazë
Published
6 hours agoon
April 8, 2026By
UBTNews
Kryeministri Albin Kurti ka pritur sot drejtoren e NATO-s për Operacione, Charlotte Hallengren, me të cilën ka diskutuar për thellimin e bashkëpunimit dhe sigurinë në vend.
Gjatë takimit, Kurti falënderoi aleancën veri-atlantike për rolin e saj në stabilitetin e Kosovës, ndërsa kërkoi më shumë mundësi trajnimi për pjesëtarët e FSK-së në institucionet e NATO-s.
Kryeministri njoftoi se Forca e Sigurisë së Kosovës, pas sukseseve në disa misione ndërkombëtare, aktualisht po përgatitet për të zbarkuar në Gazë, si pjesë e Forcës Ndërkombëtare Stabilizuese.
“Kryeministri Kurti tha se Forca e Sigurisë së Kosovës ka demonstruar performancë të lartë në misionet ndërkombëtare, përfshirë bashkëzbarkimet në Kuvajt, Belize dhe Ishujt Falkland, si dhe misionin në Turqi. Ndërsa, shtoi se aktualisht është duke u përgatitur për misionin në Gaza, si pjesë e Forcës Ndërkombëtare Stabilizuese. Ndërsa, përmendi edhe trajnimet për personelin ukrainas për deminim dhe misione të kërkim-shpëtimit”, thuhet në komunikatën e Zyrës së Kryeministrit.
Nga ana tjetër, zyrtarja e lartë e NATO-s vlerësoi lart këtë vendim dhe falënderoi Kosovën për bashkërendimin e ngushtë me aleancën në rrugën drejt integrimit.
Lajmet
Vdes një punëtor në vendin e punës në Strellc të Deçanit, një tjetër i lënduar
Published
6 hours agoon
April 8, 2026By
UBTNews
Një aksident fatal në vendin e punës ka ndodhur mesditën e sotme në fshatin Strellc të Ulët të Deçanit, ku si pasojë e lëndimeve ka vdekur një punëtor dhe një tjetër ka mbetur i lënduar.
Lajmi është konfirmuar nga Policia Rajonale e Pejës, sipas së cilës ngjarja ka ndodhur rreth orës 14:00 në një punëtori druri, ku disa materiale kanë rënë mbi dy punëtorët. Viktimat u dërguan menjëherë në Emergjencën e Spitalit të Pejës, ku mjekët konstatuan vdekjen e njërit prej tyre.
Njësitet kompetente kanë dalë në vendin e ngjarjes dhe po punojnë për zbardhjen e plotë të rrethanave të këtij rasti.
UBT lanson Global Virtual Campus, një model i ri i arsimit pa kufij
Dukagjini dhe Ferizaj një hap larg finales së Kupës së Kosovës
Kryesia dështon të miratojë rendin e ditës: Mospajtime për rezolutën e luftës
Dy superndeshje sonte në Champions: Barcelona-Atletico dhe PSG-Liverpool
Kosova në kamp ndërkombëtar në Brazil para sfidës së “World Boxing Cup 2026”
Kurti pret drejtoren e NATO-s: FSK po përgatitet për mision në Gazë
Filmi “Nderi” me premiere ne Tiranë dhe Prishtinë.
Vdes një punëtor në vendin e punës në Strellc të Deçanit, një tjetër i lënduar
Rezidenca verore e Benito Mussolinit shitet për 1.2 milionë euro
Të kërkuara
-
Lajmet2 months agoUBT nderon Familjen Jashari me Dekoratën Jetësore të Nderit
-
Lajmet3 months agoProfesori i UBT-së, Kujtim Thaçi publikon artikull shkencor në revistën prestigjioze Frontiers in Immunology
-
Lajmet3 months agoStudentët e UBT-së në vizitë studimore në Presidencën e Republikës së Kosovës
-
Lajmet3 months agoProfesori i UBT-së, Naser Rugova, publikon studim shkencor mbi digjitalizimin e sistemit shëndetësor në Kosovë
