Lajmet

Rama: Argumentova fort që Kosova të përfshihet në Partneritetin për Paqe

Rama tha se ka kërkuar që Serbia të mbahet sa më afër me frontin kundër agresionit.

Published

3 years ago

July 1, 2022

UBT news

Kryeministri i Shqipërisë, Edi Rama, ka deklaruar se ka kërkuar në Samitin e NATO-s që Kosova të përfshihet në mekanizmin e partneritetit për paqe.

Pas kthimit nga Madridi i Spanjës, Rama tha se është e udhës që NATO duhet të merr veprime të jashtëzakonshme në aspektin politik dhe vendimmarrjes.

“Ne kemi kërkuar që Kosova të përfshihet ne mekanizmin e Partneritetit për Paqe, i cili është një stad tjetër i marrëdhënieve me NATO-n dhe që i pararend anëtarësimit në NATO. Kemi dhënë besoj unë, të gjitha argumentet përkatëse dhe është e udhës që e gjithë Aleanca të kuptojë se pavarësisht mosnjohjes së Kosovës nga disa prej vendeve, kjo nuk është një kohë e zakonshme dhe si një kohë e jashtëzakonshme, kërkon edhe akte të jashtëzakonshme, në aspektin politik edhe në aspektin e vendimmarrjes. Kosova, pavarësisht se Ukraina nuk e njeh, këtë gjë e kam theksuar shumë fort, ka mbajtur një qëndrim absolutisht të qartë dhe të saktë duke treguar një maturi të rëndësishme si shtet në raport me detyrimet ndaj gjithë kësaj familjeje të madhe, që Kosova e ka të lidhur pazgjidhshmërisht fatin e saj”, tha ai.

Krahas mbështetjes për Kosovën, kryeministri Rama tha se ka kërkuar që Serbia të mbahet sa më afër me frontin kundër agresionit dhe se presioni mbi Serbinë mos të shkojë në një krisje që mund të ketë pasoja për rajonin.

“Serbia të mbahet sa më shumë dhe sa më afër me frontin kundër agresionit dhe që presioni mbi Serbinë të mos shkojë në një krisje që mund të ketë pasoja pastaj të pallogaritshme për vetë rajonin”, tha Rama.

Rama para gazetarëve foli edhe për idenë për instalimin e një baze detare të NATO-s në portin e ri të Durrësit.

“Po ashtu, kemi folur atje për projektin tonë dhe së shpejti besoj që do të rikthehemi në Bruksel për të vazhduar diskutimin lidhur me propozimin tonë që ka ngjallur jo vetëm interes, por edhe dëshirë për të thelluar bisedimet për instalimin e një baze navale të NATO-s në portin e ri të Durrësit, në portin e ri që do të jete në Porto Romano dhe që përveç pjesës komerciale dhe tregtare, parashikohet të ketë edhe një pjesë ushtarake. Së shpejti do të bëjmë një takim të posaçëm për këtë çështje me gjithë ekipin tonë të eksperteve dhe me ekspertët e Aleancës, për të parashtruar projektin me detaje dhe për të vazhduar më tutje me diskutimet”, tha ai.

Ndërkohë, tha se Maqedonia e Veriut dhe Bullgaria duhet të pranojnë propozimin e Francës për zgjidhjen e ngërçit mes tyre.

“Ajo që duhet të jetë e qartë edhe për Bullgarinë, që ne nuk kemi absolutisht asnjë problem me Bullgarinë, nuk kemi asnjë shqetësim të asnjë natyre tjetër përveç shqetësimit të krijuar nga qasja e Bullgarisë ndaj çështjes bilaterale në Maqedoninë e Veriut dhe nga peng marrja e Maqedonisë së Veriut dhe Shqipërisë për pasojë, në kushtet e një procesi që mund të kishte qenë shumë civil edhe shumë më evropianë nga ana e Bullgarisë, por është një ujë që ka kaluar nën urë dhe me mbylljen e procesit të shqyrtimit dhe uroj të aprovimit nga ana e autoriteteve dhe institucioneve në Maqedoninë e Veriut të propozimit të fundit francez”, përfundoi Rama.

Botë

Trump thotë se ka një shans të vërtetë për madhështi në Lindjen e Mesme

Published

1 minute ago

September 29, 2025

UBT News

Presidenti i SHBA-së, Donald Trump, tha se ekziston një shans i vërtetë për madhështi në Lindjen e Mesme.

“Të gjithë janë dakord për diçka të veçantë, për herë të parë ndonjëherë”, shkroi Trump në platformën e tij të mediave sociale, Truth Social.

Fjalët e tij pasuan një takim shumëpalësh të martën me udhëheqës nga disa vende me shumicë myslimane në kuadër të Asamblesë së 80-të të Përgjithshme të OKB-së në Nwe York.

Takimi me udhëheqësit nga Turqia, Katari, Arabia Saudite, Indonezia, Pakistani, Egjipti, Emiratet e Bashkuara Arabe (EBA) dhe Jordania u përqendrua kryesisht në konfliktin e Gazës dhe përpjekjet për paqe.

Trump paraqiti një plan me 21 pika që synonte t’i jepte fund luftës në Gaza, të siguronte lirimin e pengjeve dhe të rehabilitonte rajonin nën qeverisje duke përjashtuar Hamasin.

Presidenti i SHBA-së tha gjithashtu se nuk do ta lejonte Izraelin të aneksonte Bregun Perëndimor. Gjthashtu, Trump planifikoi të takohej veçmas me kryeministrin izraelit Benjamin Netanyahu të hënën për të diskutuar propozimet.

Ushtria izraelite ka vrarë mbi 66,000 palestinezë, shumica prej tyre gra dhe fëmijë, në Gaza që nga tetori i vitit 2023. Bombardimet e pamëshirshme e kanë bërë enklavën të pabanueshme dhe kanë çuar në uri dhe përhapjen e sëmundjeve./S.K/KP/

Aktualitet

Plani “Mbrojtja e Pyjeve”, policia sekuestron gashtë kamionë me dru në Ferizaj

Published

5 minutes ago

September 29, 2025

UBT News

Në kuadër të zbatimit të planit operativ “Mbrojtja e Pyjeve 2025”, njësitë policore të stacionit policor në Ferizaj, në fshatin Dardani, kanë realizuar një aksion kontrollues, gjatë të cilit janë ndaluar 6 automjete (kamionë) me targa vendore që transportonin dru.

Sipas njoftimit të policisë, gjatë kontrollit është konstatuar se shoferët e këtyre automjeteve transportonin lëndë drusore pa dokumentacionin e nevojshëm.

Automjetet dhe lënda drunore janë sekuestruar, ndërsa për procedurat e mëtejme ligjore janë njoftuar zyrtarët e pylltarisë.

Më tej thuhet se Policia Rajonale e Ferizajt, në bashkëpunim me zyrtarët e pylltarisë, do të vazhdojë angazhimin në parandalimin dhe luftimin e prerjes dhe transportit të paligjshëm të drunjve.

Njëkohësisht, ata thanë se ftojnë qytetarët të bashkëpunojnë me policinë duke raportuar rastet përmes aplikacionit “Lajmëro Policinë”./S.K/KP/

Aktualitet

Java nis me mot të paqëndrueshëm

Published

29 minutes ago

September 29, 2025

UBT News

Sipas parashikimeve meteorologjike, moti këtë javë do të karakterizohet nga intervale me diell dhe vranësira të shpërndara.

Duke filluar nga dita e enjte, priten edhe riga të herëpashershme shiu.

Temperaturat minimale sot do të sillen nga 5 deri në 9°C, ndërsa ato maksimale do të arrijnë nga 15 deri në 18°C.

Era do të fryjë kryesisht nga drejtimi i jugperëndimit, me intensitet të lehtë deri mesatar.

Aktualitet

UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë

Published

15 hours ago

September 28, 2025

Driton Iseni

UBT ka kënaqësinë të ftojë studiues, akademikë, profesionistë dhe studentë të interesuar të marrin pjesë në nënkonferencat Studime të Sigurisë dhe Shkenca Politike dhe Marrëdhënie Ndërkombëtare, pjesë e edicionit të 14-të Konferencës Ndërkombëtare të UBT-së për Biznes, Teknologji dhe Inovacion 2025.

Ky edicion i fokusuar në Qëndrueshmërinë dhe Reziliencën synon të sjellë së bashku ekspertë dhe studiues për të shkëmbyer ide, përvoja dhe rezultatet më të fundit kërkimore në fushat e sigurisë, shkencave politike dhe arsimit.

Konferenca për Studime të Sigurisë

Afatet e rëndësishme:

Dorëzimi i abstrakteve: 10 tetor 2025
Njoftimi për pranimin: 17 tetor 2025
Dorëzimi i punimeve të plota: 14 nëntor 2025
Regjistrimi i hershëm: 17 tetor 2025
Regjistrimi i vonshëm: 20 tetor 2025

Kjo konferencë synon të krijojë një platformë ku studiues dhe praktikues mund të japin një pasqyrë të fushës, të prezantojnë rezultatet më të fundit kërkimore dhe të shkëmbejnë ide dhe përvoja në shkencat politike dhe siguri.

Temat dhe objektivat kryesore përfshijnë:

Siguria njerëzore
Paqja dhe demokracia
Siguria kombëtare, rajonale dhe ndërkombëtare
Konfliktet pas Luftës së Ftohtë
Çështjet e sigurisë në Ballkanin Perëndimor
Konfliktet ndërshtetërore dhe etnike: shkaqet dhe zgjidhjet

Dorëzimi i punimeve:

Punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6. Punimet që nuk i plotësojnë kriteret e formatit nuk do të shqyrtohen.

Konferenca për Shkenca Politike dhe Marrëdhënie Ndërkombëtare

Afatet e rëndësishme:

Dorëzimi i abstrakteve: 10 tetor 2025
Njoftimi për pranimin: 17 tetor 2025
Dorëzimi i punimeve të plota: 14 nëntor 2025
Regjistrimi i hershëm: 17 tetor 2025
Regjistrimi i vonshëm: 20 tetor 2025

Kjo konferencë ndërkombëtare e shqyrtuar nga kolegët (peer-reviewed) ofron një mundësi për shkëmbimin e njohurive midis studiuesve inovativë, studentëve pasuniversitarë, kandidatëve doktoraturë dhe profesionistëve në arsim dhe zhvillim, si dhe në politikë dhe marrëdhënie ndërkombëtare. Edicioni i këtij viti fokusohet në ndërtimin e sistemeve arsimore të qëndrueshme për një të ardhme të qëndrueshme.

Temat kryesore përfshijnë:

Politikat publike dhe arsimi
Ekonomia politike dhe administrata publike
Demokracia, migracioni dhe politikat e integrimit
Digjitalizimi i proceseve zgjedhore dhe anti-korrupsioni në Ballkan
Siguria globale dhe kërcënimet ndërkombëtare
Terrorizmi, krimi i organizuar transnacional, lufta kibernetike
Arsimi në zonat e konfliktit dhe roli i tij në parandalimin e ekstremizmit të dhunshëm
Rikonstruksioni arsimor pas konflikteve dhe arsimi për refugjatët

Dorëzimi i punimeve:

Ashtu si për konferencën e sigurisë, punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6 dhe punimet që nuk i plotësojnë kriteret nuk do të konsiderohen.