Lajmet

​Rahoveci përkujton dëshmorët Visar Hoti dhe Safet Latifi

Janë bërë homazhe dhe vendosur lule pranë pllakës përkujtimore në bjeshkët e fshatit Zatriq.

Published

on

Rahoveci ka përkujtuar dëshmorët Visar Hoti dhe Safet Latifi nga fshati Ratkoc, në 24-vjetorin e rënies së tyre. 

Janë bërë homazhe dhe vendosur lule pranë pllakës përkujtimore në bjeshkët e fshatit Zatriq, nga kryetari i Komunës së Rahovecit, Smajl Latifi dhe familjarë e ish-bashkëluftëtarë të dëshmorëve. Latifi ka thënë se këto janë dy figura historike për vendin.

“Lufta e armatosur çlirimtare ishte edhe vetëdije, bindje, përcaktim dhe gjithë rrugëtimi i këtyre dy dëshmorëve, bashkëluftëtarëve tanë ishte rrugëtim i vështirë, i vetëdijshëm, i ndërgjegjshëm, deri me 18 prill ata kaluan nëpër sprova, beteja të shumta duke u dëshmuar si luftëtar të devotshëm, si luftëtar që edhe përballë rreziqeve nuk kursyen mundin e djersen, dhe me 18 prill as gjakun, për të dhënë mesazhin se liria po vjen dhe jo më shumë se dy muaj e gjysmë liria vërtetë erdhi, por nuk erdhi pa gjakun e Safetit, Visarit, pa gjakun dhe sakrificat e flijimit e shokëve të tyre. Këtu në Zatriq me 18 prill në mëngjesin e hershëm ka pas një përballje të pabarabartë, një luftë ne afërsi, një betejë thuajse fyt për fyt dhe e rëndësishme është se këta nuk u vranë nga afërsia, për shkak se forcat serbe sado që ishin të përgatitura nuk arritën as t’i kapin të gjallë e as t’i vrasin nga afër, por t’i vrajnë nga larg”, ka thënë Latifi.

Ndërsa ish-bashkëluftëtari i dëshmorëve, Isuf Gashi, 18 prillin e ka quajtur ditë historike.

“Kjo është datë historike dhe heroike. Ata dy burra këtu kanë bërë luftë si me qenë dragonj te pabarabartë me pushtuesin dhe le ta dinë të gjithë se çdo gjë te keqe që ka bërë Serbia e ka rikthyer në binaret e duhur UÇK-ja. Këtu janë bërë luftime te rrepta, por qëndrueshmëria e Safetit, Visarit dhe e shokëve të tjerë ka rënë një fortesë e fuqishme këtu dhe kanë bërë mbrojtje edhe për popullatën. Dhe tash pas 25 viteve, dashakeqët që ka pas një numër të vogël, ende e gjurmojnë të kaluarën, mirëpo ne duhet me qenë mirënjohës edhe për baballarët tanë. Ne do te shkojmë, por lufta e Visarit, Safetit dhe shokëve të tyre do të jetojë sa të është njerëzimi”, ka thënë Gashi.

Bijtë e tyre i kanë përkujtuar edhe Mustafë Hoti dhe Latif Latifi.

Continue Reading

Lajmet

Eva Longoria pozon pranë yllit në Hollywood Walk of Fame, para premierës së filmit të ri

Published

on

Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.

Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.

Dukej natyrale me flokët e lëshuar me onde dhe një grim të butë kafe, shkruan DailyMail.

Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.

Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.

Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.

Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.

Continue Reading

Lajmet

Presidenca kundërshton propozimin për shtrenjtim të rrymës

Published

on

By

Presidenca e Kosovës ka kundërshtuar propozimin për rritjen e çmimit të energjisë elektrike.

Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.

Propozimi i ZRRE-së ka qenë që rryma të shtrenjtohet për 15 për qind nga prilli.

Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.

“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.

Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.

Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.

Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.

Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.

Continue Reading

Lajmet

​Agjencisë së Menaxhimit Emergjent i shtohen edhe 51 zjarrfikës

Published

on

By

Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.

Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.

Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.

Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.

Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.

Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.

Continue Reading

Bota

Macron: Izraeli nuk ka asnjë arsye që të sulmojë Libanin

Published

on

Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.

Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.

Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Continue Reading

Të kërkuara