Lajmet

​Qytetarët të vendosur për pushime, nuk i ndalon as rritja e çmimeve

Qytetarët thonë se do ta vizitojnë bregdetin shqiptar, edhe pse çmimet kanë ndryshuar.

Published

on

Ngritja e çmimeve nuk ka bërë që kosovarët të pezullojnë pushimet verore pranë bregdetit, ndërsa Shqipëria mbetet destinacioni kryesor për t’i kaluar pushimet e verës.

Qytetarët thonë se do ta vizitojnë bregdetin shqiptar, edhe pse çmimet kanë ndryshuar.

Ndonëse pohon se ka vërejtur rritjen e çmimeve, Nezir Rama thotë se sërish do të shkojë në pushime pranë bregdetit të Adriatikut.

“Kemi planifikuar… Besoj që në Shëngjin dhe një pjesë do ta kaloj në Strugë…Janë rrit çmimet sepse isha para një javë, çmimet janë rritë por e kemi ditur që do të ngritën çmimet pas pandemisë dhe këtyre rrethanave që janë krijuar sot, dhe pas luftës në Ukrainë, jemi përgatitur”, thotë ai.

Bregdetit shqiptar do t’ia mësyjë edhe Qëndrim Hoti, i cili thotë se në det duhet shkuar pavarësisht kostos financiare.

“Kemi planifikuar në jug. zakonisht edhe vitin e kaluar kam qenë në Jug. Po mendoj këtë herë me shku nga Vlora ose Dhërmi… Janë rrit (çmimet) por duhet me kalu… me rendësi duhet me shku patjetër”, thotë ai.

Se rritja e çmimeve po vërehet në të gjitha sferat e thotë edhe qytetarja Halime Hajdini. Megjithatë, ajo thotë se do të shkojë për pushime në det.

“Në Shqipëri kemi me shku javën që vjen… Shtrenjtë janë më shumë se herëve tjera po dihet, edhe këtu edhe çdo kund, por ia vlen, sidomos njëherë në vit me shku”, shprehet ajo.

Agron Ahmeti, po ashtu është i vendosur të shkojë në pushime, pavarësisht rritjes së çmimeve.

“Sa të marrim pushimin kemi me shku… në Shqipëri… me familje,… (çmimet) janë rrit jashtëzakonisht shumë, s’është gjithë problemi te ne por kriza globale e ka bërë të veten”, thotë ai.

Edhe Pashk Desku, nuk e ka problem rritjen e çmimeve. E rëndësishme për të është të kalojë mirë në pushime.

“Besoj se diku në bregdetin shqiptar do të shkojmë… 11 muaj kam fitu e një muaj duhet me shpenzu, s’është me rendësi çfarë çmimi, me rendësi të kënaqem… Çmimet janë rrit gjithandej, në Kosovë, Shqipëri dhe në gjithë botën, shkak kryesor lufta”, thotë ai.

Mirlinda Gashi e cila i ka përfunduar pushimet, pohon se këtë vit ka pasur rritje të çmimeve.

“Pushimet i kam përfunduar, sapo kam ardh…  Kemi qenë në Ulqin nga Gjermania… (çmimet janë rritur) normal, çdo gjë është vërejtur por çka me bë, e ka bërë lufta në Ukrainë gjithë këtë krizë në gjithë botën”, thotë ajo.

Lajmet

Turqia ndalon ankorimin e anijes turistike LGBTQ+ me mbi 1,000 pasagjerë amerikanë

Published

on

Autoritetet turke kanë ndaluar ankorimin në portet e vendit të një anijeje turistike që u shërben udhëtarëve amerikanë LGBTQ+, duke përmendur “standardet morale” dhe “vlerat familjare”, sipas drejtuesit ekzekutiv të kompanisë organizatore Atlantis Events.

Anija turistike “Athinë–Venecia”, e cila ishte planifikuar të nisej nga Greqia më 5 korrik dhe të ndalonte në qytetin portual Kuşadasi, si dhe më pas në Stamboll, nuk është lejuar të ankorohet në Turqi. Anija, e quajtur “Scarlet Lady” dhe në pronësi të Virgin Voyages, pritej të transportonte mbi 1,000 pasagjerë nga SHBA.

Sipas kompanisë organizatore, autoritetet lokale në Turqi e kanë anuluar ndalimin e planifikuar, duke e arsyetuar vendimin me pretendime se aktiviteti i organizuar nga grupi është “i papajtueshëm me strukturën shoqërore dhe vlerat morale”.

Pas këtij vendimi, itinerari i lundrimit është ndryshuar dhe pritet të përfshijë ndalesa në Kajro të Egjiptit dhe në ishullin grek të Kretës, në vend të Turqisë./A.K/

Continue Reading

Lajmet

Xhelal Sveçla paraqitet në Gjykatë për rastin e gazit lotsjellës në Kuvendin e Kosovës

Published

on

Ministri në detyrë i Punëve të Brendshme, Xhelal Sveçla, është paraqitur në Gjykatë në lidhje me rastin e përdorimit të gazit lotsjellës në Kuvendin e Kosovës në mars të vitit 2018.

Gjykata më herët kishte vendosur që të ndajë procedurën penale ndaj Sveçlës nga ajo e të pandehurve të tjerë në këtë rast, ku përfshihen ish-deputetët Salih Zyba, Fitore Pacolli-Dalipi dhe Drita Millaku.

Sipas aktakuzës, më 21 mars 2018, gjatë një seance plenare në Kuvendin e Kosovës ku po diskutohej ratifikimi i demarkacionit me Malin e Zi, është përdorur gaz lotsjellës brenda sallës nga ora 12:10 deri në 15:40, duke detyruar ndërprerjen e seancës dhe largimin e deputetëve.

Prokuroria pretendon se si pasojë e veprimeve të të akuzuarve është pamundësuar vazhdimi i punës së Kuvendit gjatë seancës së jashtëzakonshme./A.K/

Continue Reading

Lajmet

Aktakuzë ndaj gjashtë personave për keqpërdorim në prokurimin publik në Suharekë

Published

on

Prokuroria Themelore në Prizren ka ngritur aktakuzë ndaj gjashtë personave, prej tyre katër zyrtarë komunalë në Suharekë dhe dy pronarë të operatorëve ekonomikë, nën dyshimin për keqpërdorim të pozitës zyrtare dhe mashtrim në prokurim publik.

Sipas aktakuzës, të pandehurit D.M. dhe A.K., në cilësinë e menaxherit dhe mbikëqyrësit të kontratës, dyshohet se kanë tejkaluar kompetencat e tyre gjatë zbatimit të kontratave për ndërtimin e rrugëve lokale në fshatin Javor, duke aprovuar punime të papërfunduara dhe duke lejuar pagesa në vlerë prej 29,458.20 euro. Në disa raste, sipas prokurorisë, rrugë të kontraktuara nuk ishin ndërtuar fare, duke i shkaktuar komunës dëm financiar dhe duke mundësuar përfitim të kundërligjshëm për operatorin ekonomik.

Po ashtu, E.SH. dhe I.H. akuzohen për veprime të ngjashme në projekte të tjera rrugore në Javor dhe Luzhnicë, ku janë miratuar pagesa prej 17,124.10 euro, ndonëse disa prej punimeve nuk ishin realizuar.

Ndërkohë, XH.K. dhe A.S., në cilësinë e përfaqësuesve të operatorëve ekonomikë, akuzohen se kanë paraqitur dokumentacion të rremë mbi përfundimin e punimeve, duke përfituar mjete publike në mënyrë të kundërligjshme dhe duke dëmtuar buxhetin e Komunës së Suharekës.

Prokurori i çështjes ka propozuar që të akuzuarit të shpallen fajtorë pas përfundimit të procedurës gjyqësore, si dhe ka kërkuar ndalimin e ushtrimit të funksioneve në shërbimin publik për të pandehurit./A.K/

Continue Reading

Lajmet

Ekrem Bajroviq dënohet me 12 vjet burgim për krime lufte në Saradran të Istogut

Published

on

Ekrem Bajroviq është shpallur fajtor edhe në rigjykim dhe është dënuar me 12 vjet burgim për krime lufte ndaj popullatës civile në Saradran të Istogut.

Sipas aktakuzës, Bajroviq, si polic në Stacionin Policor në Gurrakoc në kuadër të Ministrisë së Punëve të Brendshme të Serbisë, në bashkëpunim me të tjerë, më 8 maj 1999 kishte ndaluar një kolonë civilësh shqiptarë që po lëviznin drejt Shqipërisë. Nga ajo kolonë ishin marrë 16 burra, të cilët fillimisht ishin dërguar në një shtëpi ku ishin rrahur dhe keqtrajtuar.

Më pas, sipas aktakuzës, viktimat janë dërguar një nga një dhe janë pushkatuar, ndërsa i mbijetuari i vetëm ka qenë N.E., i cili kishte pësuar lëndime të rënda dhe ishte gjuajtur si i vdekur në mesin e trupave të tjerë.

Gjithashtu, Bajroviqi ngarkohet edhe për pjesëmarrje në arrestimin dhe keqtrajtimin e 84 civilëve shqiptarë më 7 maj 1999 në fshatin Saradran, të cilët fillimisht ishin plaçkitur dhe më pas dërguar në Gurrakoc, ku ishin maltretuar dhe torturuar.

Ndërkohë, dëshmitarët e rastit kanë shprehur pakënaqësi me dënimin prej 12 vitesh burg, duke e konsideruar atë të pamjaftueshëm për krimet e kryera gjatë luftës./A.K/

Continue Reading

Të kërkuara