Lajmet

​Qytetarët mirëpresin shtimin e policëve në veri të Mitrovicës

Banorët e këtyre lagjeve janë shprehur të lumtur për prezencën e policisë në atë pjesë.

Published

3 years ago

on

Banorët e “Lagjes së boshnjakëve”, “Tre rrokaqiejt”, “Kodra e minatorëve” dhe “Kroi i Vitakut” kanë mirëpritur shtimin e pranisë së Policisë së Kosovës në veri të vendit.

Banorët e këtyre lagjeve janë shprehur të lumtur për prezencën e policisë në atë pjesë, duke thënë se tani po ndihen më të sigurt.

Fetije Pirqi, banore e “Lagjes së boshnjakëve”, u shpreh e lumtur për prezencën e pjesëtarëve të policisë në lagjen e saj, duke thënë se tashmë banorët e këtushëm po ndihen më të qetë.

“Ne këtë natë e kemi pritur dhe jo vetëm unë por krejt lagjja. Jemi të gëzuar që ka ardhur Policia e Kosovës këtu. Ndryshe, sonte jemi më të qetë sepse mbrëmë kemi pasur një detonim të vogël… Shpresoj kjo (prani e policisë) vazhdon kështu sepse e kemi punën keq”, ka thënë Pirqi.

Pjesëtarë të Policisë së Kosovës janë pozicionuar mbrëmë pas orës 20:00 nëpër lokacione të ndryshme të veriut të Mitrovicës.

Ata ndodhen kryesisht nëpër lagje të banuara me popullatë të përzier ku ka edhe shqiptarë, si në “Lagjen e boshnjakëve”, “Tre rrokaqiejt”, “Kodra e minatorëve” dhe “Kroi i Vitakut”.

Ndryshe në lokacionet ku janë vendosur policët e Kosovës, janë parë duke qarkulluar edhe pjesëtarët e KFOR-it me automjetet e tyre, si dhe ata të EULEX-it.

Kujtojmë se të martën pati të shtëna dhe shpërthime në veri të vendit, ku strukturat ilegale serbe penguan zëvendësimin e zyrtarëve të KQZ-së. 

Related Topics:
Continue Reading

Lajmet

Vdes në QKUK gruaja që u aksidentua ditë më parë në Fushë Kosovë

Published

5 minutes ago

on

November 5, 2025

By

Ka ndërruar jetë gruaja e cila u aksidentua më datë 1 nëntor në rrugën “Nëna Terezë” në Fushë Kosovë në Qendrën Klinike Universitare të Kosovës.

Viktima po trajtohej në spital pas lëndimeve të rënda që kishte marrë gjatë aksidentit, por fatkeqësisht nuk ka arritur t’u mbijetojë plagëve.

Sipas raportit të Policisë, me vendim të prokurorit, trupi i pajetë është dërguar në Institutin e Mjekësisë Ligjore për obduksion./S.K/KP/

Continue Reading

Lajmet

NJOFTIM MORTOR

Published

10 minutes ago

on

November 5, 2025

By

UBT njofton se sot, e mërkurë, në orën 11:00, në Qendrën e UBT-së në Prizren, do të mbahet mbledhje komemorative në nder të Prof. Dr. Faton Kabashit.

UBT shpreh ngushëllimet më të sinqerta për humbjen e profesorit të përkushtuar, që me profesionalizëm e dashuri ndaj dijes la gjurmë të pashlyeshme te studentët, kolegët dhe komuniteti akademik.

Varrimi i Prof. Dr. Kabashit do të bëhet, në orën 14:00, në varrezat e qytetit të Prizrenit. Kortezhi funeral do të niset nga shtëpia e të ndjerit në rrugën “Pjetër Loshi (Petrovë)” nr. 49, ndërsa namazi i xhenazes do të falet në xhaminë e Dragomanit.

Prehu në paqe, Profesor Faton Kabashi!

Continue Reading

Lajmet

Lewis, amerikani i parë që fitoi çmimin Nobel për letërsi

Published

13 minutes ago

on

November 5, 2025

By

Shkrimtari amerikan Sinclair Lewis më 5 nëntor të vitit 1930, fiton Çmimin Nobel në Letërsi, duke u bërë shkrimtari i parë nga Shtetet e Bashkuara që u nderua me këtë çmim.

Në fjalimin para Akademisë suedeze, Lewis vlerësoi Theodore Dreiser, Ernest Hemingway dhe shkrimtarë të tjerë bashkëkohës.

Ai gjithashtu u ankua se në Amerikë shumica e lexuesve dhe shkrimtarë, vazhdojnë të frikësohen ndaj çdo letërsie që nuk lavdëron çdo gjë amerikane, qofshin gabime apo virtyte. Sinclair Lewis kritikoi ashpër edhe letërsinë e institucionalizuar, “profesorët tanë nuk pranojnë letërsi ndryshe, por e duan atë të qartë, të ftohtë, të purifikuar, të vdekur.” Thjesht, nuk duan që njeri tjetër të shkruajë më mirë, ose thyerjen e standardeve./S.K/KP/

Continue Reading

Lajmet

​Rrëzimi i dronit në aeroportin e Brukselit, trafiku ajror i pezulluar

Published

43 minutes ago

on

November 5, 2025

By

Trafiku ajror në Aeroportin Ndërkombëtar të Brukselit është pezulluar përkohësisht pasi një dron u raportua në hapësirën ajrore të tij.

Mbyllja e trafikut ajror ndodhi mbrëmë pak pas orës 20:00, shkruan ANSA.

“Pak para orës 20:00, një dron u raportua mbi territorin e aeroportit”, tha Kurt Verwilligen, zëdhënës i Skeyes.

“Për arsye sigurie, i gjithë trafiku ajror është pezulluar përkohësisht”, shtoi ai. Disa aeroplanë që udhëtonin për në Zaventem u detyruan të devijoheshin, veçanërisht në Aeroportin e Liège-it./S.K/KP/

Continue Reading

Të kërkuara