Sport

PSG bëhet skuadra me shpenzimet më të larta në planet për pagat e lojtarëve

Published

4 years ago

August 10, 2021

Betim Gashi

Kalimi i Lionel Messit në PSG dukej diçka e parealizueshme deri para pak ditësh, por tani ajo është diçka që po shkon drejt konkretizimit dhe madje edhe mund të mbyllet në orët ose ditët në vijim.

Por, tani diskutimi kryesor po bëhet rreth pagës së Messit te skuadra e re dhe mbi të gjitha për shpenzimet stratosferike që gjiganti francez do t’i bëjë për mbulimin e pagave të lojtarëve.

Raportohet se 34-vjeçari argjentinas do të fitojë 25 milionë funte në vit pasi nënshkruan një marrëveshje dyvjeçare në “Parkun e Princave”.

Me ardhjen e Messit si dhe me numrin e madh të yjeve që tashmë janë në skuadër të cilët po ashtu kanë paga shumë të larta, PSG tani ka një faturë astronomikisht të lartë të pagave, e cila do t’i kalojë shpenzimet e të gjitha ekipeve duke përfshirë edhe ato jashtë futbollit.

“Sportmail” ka renditur top-10 ekipet që kanë shpenzime marramendëse për t’i mbuluar pagat e lojtarëve të tyre.

10: CLEVELAND BROËNS – 157 milionë funte

Broëns Cleveland janë një ekip profesionist amerikan i futbollit që paguan për lojtarët e 157 milionë funte në vit.

9: DALLAS COËBOYS – 158 milionë funte

Dallas janë po ashtu një tjetër ekip i futbollit amerikan që ka shpenzime marramendëse për mbulimin e pagave të yjeve të skuadrës.

8: CHELSEA – 163 milionë funte

N’Golo Kante është lojtari më i paguar në radhët e Chelseat i cili përfiton 15 milionë funte në vit ose 290.000 në javë

7: BAYERN MUNICH – 166 milionë funte

Robert Lewandowski është lojtari më i paguar nga radhët e Bayernit me 18.3 milionë funte në vit, ndërsa kjo skuadër i ka 7 lojtarë që marrin mbi 10 milionë euro në vit duke përfshirë Sane, Muller, Costa dhe Hernandez.

6: JUVENTUSI – 184 milionë funte

Crisitiano Ronaldo paguhet 52 milionë euro në vit duke qenë kështu larg lojtari më i paguar krahasuar me të tjerët.

5: LOS ANGELES DODGERS – 193 milionë funte

4: BARCELONA – 195 milionë funte

3: MANCHESTER UNITED – 201 milionë funte

2: REAL MADRID – 212 milionë funte

1:PSG – 256 milionë funte

Klubi i Ligue 1, i mbështetur nga investimet e Katarit tani kanë faturën më të lartë të pagave nga çdo ekip sportiv në planet me rreth 256 milionë funte në vit.

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

2 days ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

2 days ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

2 days ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

2 days ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.