Zëvendëskryeministri në detyrë Besnik Bislimi doli nga prokuroria, ku u intervistua për rastin Peci. Bislimi në përfundim të intervistimit nuk iu përgjigj mediave.

Zëvendëskryeministri në detyrë, Besnik Bislimi, është paraqitur në Prokurorinë Speciale të mërkurën për intervistim lidhur me hetimet rreth dhënies me qira të fabrikës për përpunimin e nënprodukteve shtazore nga Ministria e Bujqësisë.

Ministri në detyrë i Bujqësisë, Faton Peci, e ka përmendur Bislimin për çështjen e funksionalizimit të kësaj fabrike.

Në fund të majit, Prokuroria Speciale urdhëroi bastisje në katër lokacione të ndryshme në Prishtinë e Ferizaj lidhur me dyshimet për keqpërdorim të kontratës për dhënien me qira të këtij impianti. Ministri Peci ishte intervistuar në cilësinë e të dyshuarit. Pos tij, qe intervistuar edhe kryeshefi i Agjencisë së Ushqimit dhe Veterinës, Bekim Hoxha.

Pas intervistimit, Peci pati thënë se ka vepruar në interes të publikut.

Xhevat Nebihu, nënkryetar i degës së Lëvizjes Vetëvendosje në Skenderaj, ka bërë të ditur se ka dhënë dorëheqja nga subjekti politik që ka përfaqësuar deri më tani.

Nebihu me anë të një shkrimi të gjatë ka treguar edhe arsyet e largimit, ndonëse s’është treguar shumë specifik.

“Me mirëkuptim, dua t’ju njoftoj publikisht që, ka kohë që kam dashur , por tani i erdhi momenti që unë të vendosë të mos jem më anëtar i asnjë partie , e as që kam dashur të jem , bile për hirë të vërtetës me është bërë lutje e madhe që të anëtarësohem ne VV, ku pasi kam menduar goxha mirë kam pranuar, arsyet e bindjes kanë qenë disa kolegë të respektuar, me qëllimin kryesor që të kontribuoj me aq mundësi që kam patur, për një ndryshim sadopak në shoqëri, dhe rrethin ku jetojmë, dhe të mirën e vendit, sikurse edhe në përiudhat tjera , edhe familjarisht”, ka shkruar ai.

Policia e Kosovës ka arrestuar një person nën dyshimin për armëmbajtje.

Policia në Vushtrri mbi dyshimin për posedim ilegal te armës kanë identifikuar të dyshuarin, ku gjatë kontrollit te i dyshuari kanë gjetur një armë e llojit pistoletë të cilën e kishte pasur në brez dhe një sprej.

“Arma dhe sprej janë konfiskuar dhe do të procedohen si prova materiale”, thuhet në raport.

Sipas policisë, i dyshuari është arrestuar dhe pas intervistimit, ndaj tij është iniciuar rasti për veprën penale; ‘Mbajtja në pronësi, kontroll ose posedim të paautorizuar të armëve’ ndërsa me vendim të prokurorit të njëjtit i caktuar masa e ndalimit policor prej për 48 orësh.

Zëvendëskryeministri në detyrë, Besnik Bislimi, hyri në objektin e prokurorisë, ku është ftuar nga Prokuroria Speciale për të dhënë deklaratë për rastin e hetimeve që lidhen me kontratën për mbetjet shtazore të Ministrisë së Bujqësisë që drejtohet nga Faton Peci.

Deputeti Faton Peci ka përmendur Bislimin për çështjen e funksionalizimit të Fabrikës së Mbetjeve Shtazore.

Ai pati thënë se Bislimi i kishte thënë se pavarësisht kostos financiare, “e rëndësishme është të trajtohen mbetjet shtazore.”