

Lajmet
Prokuroria kërkon masën e paraburgimit për policët e arrestuar, mbrojtja kundërshton
Avokatët thonë se prokuroria nuk ka ofruar fakte bindëse që të pandehurve t’u caktohet paraburgimi.
Published
3 years agoon
By
Betim Gashi48 zyrtarët policorë dhe dy doganierë e arrestuar të hënën në pikat kufitare “Qafë Prushë” dhe “Qafë Morinë” që dyshohet se janë përfshirë në mbi 400 veprimtari kriminale të veprës penale të “marrjes së ryshfetit dhe keqpërdorim të detyrës zyrtare” janë dalë sot para turpit gjykues.
Për çka Prokuroria ka kërkuar masën e paraburgimit për gjithë të pandehurit, por që e njëjta masë po kundërshtohet nga mbrojtja dhe po kërkohet që të pandehurve t’i caktohet masa e arrestit shtëpiak apo edhe e paraqitjes në stacionin më të afërt policor.
Avokatët e dy të arrestuarve thonë se prokuroria nuk ka ofruar fakte bindëse që të të pandehurve t’iu caktohet masa e paraburgimit.
Avokati i A.Sh, Bledar Gashi para medieve tha se Prokuroria vetëm ka parafrazuar kërkesën për paraburgim dhe se nuk ka arsyetuar nëse të njëjtit lihen në një masë më të lehtë mund të ndikojnë tek dëshmitarët, apo në prishjen apo asgjësimin e provave apo se rrezikohet që të njëjtit të arratisen.
“Prokuroria Speciale ka kërkuar masën e paraburgimit ndaj mbrojtësit tim dhe ndaj të tjerëve për arsye se të njëjtit kanë kryer veprën penale ‘pjesëmarrja dhe organizim i grupit kriminal të organizuar’, vepër penale tjetër, ‘mashtrim’ dhe për vepra tjera penale për të cilat dyshohet. Prokuroria ka kërkuar edhe si masë paraprake masën e sigurisë arrest me burg ndërsa na si palë mbrojtëse e kemi kundërshtuar masën e paraburgimit për arsye se e njëjta nuk është e bazuar në prova dhe në asnjë fakt sepse prokuroria speciale vetëm ka kërkuar paraburgimin dhe nuk e ka arsyetuar mënyrën se i njëjti po të lihet ndonjë masë të lehtë siç është arresti shtëpiak, apo paraqitja në stacion policor i njëjti mund të ndikojë në dëshmitarë, në prishjen apo asgjësimin e provave si dhe arratisjen. Por Prokuroria Speciale vetëm e ka parafrazuar këtë kërkesë”, tha avokati Gashi.
Edhe avokati Ardian Ismali kundërshtoi kërkesën për masën e paraburgimit, për çka theksoi edhe se disa fakte që ofroi prokuroria nuk janë bindëse dhe nuk janë të mjaftueshme që të njëjtit të konsiderohen fajtorë.
“Ne si avokat sigurisht do ta kundërshtojmë dhe po kundërshtojmë kërkesën për caktimin paraburgimit për arsye se e njëjta nuk ka bazë ligjore dhe lidhur me këtë kërkesë nuk ka lidhje klauzale mes veprimeve dhe veprës penale po ngarkohen të dyshuarit. Ne po kundërshtojmë këtë kërkesë dhe presim verediktin final të kësaj mase. Prokuroria ka ofruar disa fakte por sipas bindjes sonë dhe vlerësimit tonë nuk janë të mjaftueshme dhe nuk përbëjnë bazë të mjaftueshme që të njëjtit të konsiderohen të jenë fajtor lidhur me veprimet”, tha avokati Islami.
48 policë dhe dy doganierë që u arrestuan të hënën në pikat kufitare “Qafë Prushë” dhe “Qafë Morinë” dyshohet se janë përfshirë në mbi 400 veprimtari kriminale të veprës penale të “marrjes së ryshfetit dhe keqpërdorim të detyrës zyrtare”.
Hetimet ndaj tyre siç kanë njoftuar në konferencën e jashtëzakonshme për medie, kishin nisur një vit më parë ishin kundër 68 personave.
Aksionin e djeshëm, kryeprokurori i shtetit, Aleksandër Lumezi e quajti sukses të madh të institucioneve zbatuese të ligjit, duke shtuar se lufta kundër krimit dhe korrupsionit është në agjendën e vendit.
Lajmet
Osmani fton në takim partitë për dekretimin e datës së zgjedhjeve lokale
Published
12 minutes agoon
June 3, 2025By
UBTNews
Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.
Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.
Ende nuk dihet ora se kur do të mbahet takimi.
Lajmet
Global UBT Fest 2025 – Festivali veror i dijes po vjen së shpejti
Published
16 minutes agoon
June 3, 2025By
UBTNews
Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.
Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.
Çfarë do të përjetoni në Global UBT Fest 2025?
- Forume të dedikuara me diskutime dhe debate mbi temat më të rëndësishme dhe aktuale të kohës;
- Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
- Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
- Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
- Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.
Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.
Regjistrimi është tashmë i hapur: REGJISTROHU TANI
Mos e humbisni shansin për t’u bërë pjesë e kësaj ngjarje të jashtëzakonshëm.
Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0
Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!
Lajmet
Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare
Published
20 minutes agoon
June 3, 2025By
UBTNews
Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.
Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.
Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.
Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.
Lajmet
UBT organizon punëtori përgatitore në kuadër të projektit ndërkombëtar COWEB
Published
24 minutes agoon
June 3, 2025By
UBTNews
Në kuadër të projektit ndërkombëtar COWEB, i mbështetur nga programi Erasmus+, Fakulteti Menaxhment, Biznes dhe Ekonomi në UBT organizoi një punëtori përgatitore me studentët pjesëmarrës në këtë iniciativë të rëndësishme ndërkombëtare.
Punëtoria u udhëheq nga Dekani i Fakultetit MBE, Prof. Muhamet Gërvalla, në bashkëpunim me profesorët Gonxhe Beqiri, Engelbert Zefaj dhe Kestrim Avdimetaj, dhe kishte për qëllim përgatitjen e studentëve për prezantimin virtual të planeve të tyre të biznesit më datë 4 qershor, përpara një komisioni vlerësues ndërkombëtar. Studentët kanë punuar për pesë javë me radhë në mënyrë virtuale, së bashku me bashkëmoshatarë nga vendet e Bashkimit Evropian dhe Ballkanit Perëndimor, duke zhvilluar ide inovative për shërbime turistike digjitale.
Propozimet e tyre janë të orientuara drejt objektivave të “Shtegut Trans Dinarik”, një rrugë ndërkombëtare për biçiklistë që kalon nëpër territorin e Kosovës, nga Vërmica deri në Kullë. Këto projekte synojnë të ofrojnë zgjidhje digjitale që përmirësojnë përvojën turistike dhe nxisin zhvillimin e qëndrueshëm të turizmit në rajon.
Projekti COWEB – që fokusohet në konceptin e Mësimit me Bashkëpunim Virtual (Virtual Collaborative Learning) – ka nisur në vitin 2023 dhe tashmë ka hyrë në fazën përmbyllëse. Në këtë projekt marrin pjesë 10 universitete nga 7 vende të ndryshme, përkatësisht 3 nga Bashkimi Evropian dhe 4 nga Ballkani Perëndimor.
Ky aktivitet është një tjetër dëshmi e përkushtimit të UBT-së ndaj përfshirjes në projekte ndërkombëtare, si dhe ndaj promovimit të ndërmarrësisë, inovacionit dhe zhvillimit të qëndrueshëm turistik, duke ofruar mundësi të reja për studentët e saj në një kontekst ndërkombëtar dhe bashkëkohor.

Osmani fton në takim partitë për dekretimin e datës së zgjedhjeve lokale

Global UBT Fest 2025 – Festivali veror i dijes po vjen së shpejti

Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare

UBT organizon punëtori përgatitore në kuadër të projektit ndërkombëtar COWEB

VW po e zhvillon “bishën” Golfin GTI plotësisht elektrik

Çfarë i bëjnë trupit kafeja 2në1 dhe 3në1: Pankreasi dhe mëlçia në rrezik

Si ndikon gatimi me fëmijët në zhvillimin emocional të një fëmije?

Rod Stewart anuloi performancën disa orë para fillimit, thotë se nuk ndihej mirë

Panairi i 25-të i librit në Prishtinë, nis javën e ardhshme
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur