Lajmet

​Projekti SEEK ndihmoi mbi 1 mijë familje dhe 26 komplekse banesore për efiçiencë

Në përmbylljen e projektit SEEK u prezantuan edhe gjetjet e këtij projekti.

Publikuar

Sot është mbajtur konferenca përmbyllëse e projektit “Subvencione për Efiçiencë të Energjisë në Kosovë (SEEK)”, projekti ky i implementuar nga Fondacioni i Mileniumit të Kosovës dhe i mbështetur nga Korporata e Sfidave të Mijëvjeçarit (MCC) prej të cilit kanë përfituar më shumë se 1 mijë ekonomi familjare dhe 26 ndërtesa banesore për masat e efiçiencës së energjisë.

Në përmbylljen e projektit SEEK u prezantuan edhe gjetjet e këtij projekti, të cilat synojnë të ndihmojnë institucionet e Kosovës të formësojnë investimet e ardhshme në efiçiencë të energjisë elektrike.

Përmes SEEK është synuar zvogëlimi i konsumit të energjisë elektrike në sektorin e banimit duke pilotuar subvencione dhe stimulime të tjera për ekonomitë familjare për të investuar në masa të efiçiencës së energjisë.

Zëvendësministri i Ekonomisë, Getoar Mjeku u shpreh se si qeveri e kuptojnë rëndësinë për efiçiencë të energjisë elektrike, prandaj siç tha ai, edhe kanë shtuar vëmendjen në këtë sektor.

Mjeku tha se krahas projekteve konkrete që ndikojnë në kursim të energjisë, ky sektor po konsolidohet edhe me reforma legjislative.

“Shembulli që e kemi para vetës me projektin SEEK mundohemi të vazhdojmë edhe si qeveri përmes projekteve të ndara që investojmë në efiçiencën e energjisë. Kemi një projekt të investimit në objektet publike pikërisht për të mundësuar efiçiencën e energjisë, gjithashtu edhe masën e ndihmave në komuna, në objekte të shkollave dhe objekte publike, e para në vlerë 2 milionë, e dyta 7.5 milionë. Së fundmi po punojmë intensivisht të lansojmë një skemë mbështetëse, projekt të subvencioneve për amvisëritë, për shtëpitë, banesat në mënyrë që ta kalojmë sa më lehtë dimrin. Që ta lehtësojmë barrën në sektorin e energjisë në Kosovë do të ndajmë 6 milionë euro për pajisje efiçiente dhe prej këtyre 6 milionë euro do të jenë qytetarët që do të përfitojnë drejtpërdrejt por edhe tërthorazi duke parë që do të zvogëlojnë shpenzimin e energjisë pa pasur nevojë të sakrifikojmë nevojat e përditshme”, tha Mjeku.

Kryeshefi i Fondacionit të Mileniumit të Kosovë, Petrit Selimi u shpreh se projekti SEEK është investimi më i madh i MCC në Kosovë, përmes të cilit janë 11 milionë euro për pilotimin e mënyrave sesi familjet kosovare mund të kursejnë energjinë elektrike. Ai tha se nga ky projekt kanë përfituar mbi 1 mijë familje dhe mbi 20 hapësira banesore.

“Ky është investimi më i madh i MCC-së në Kosovë deri më sot. Diku mbi 11 milionë euro janë ndarë për një pilotim të mënyrave se si familjet kosovare mund të kursejnë rrymë se si familjet kosovare mund të keni shtëpi më efiçiente dhe të testohen mënyra se si pastaj Qeveria e Kosovës dhe institucionet kosovare të arrijnë që atë hendekun e madh që ekziston midis prodhimit dhe shfrytëzimit të mbulohet jo vetëm me investime në gjenerim, por edhe me investime në kursim… Sot jemi para juve me një rezultat prej mbi 1 mijë shtëpive në mbarë Kosovën të rinovuara plotësisht me teknologji të ndryshme e masa të ndryshme prej izolimit të mureve e deri te pompa termike, subvencione solare e të tjera. Si dhe mbi 20 objekte banesore shumëkatëshe në gjashtë qytete të Kosovës”, tha ai.

Projekti SEEK, sipas Sarah Olmstead e cila është drejtoreshë e MCC-së në Kosovë ka ndihmuar qytetarët të rrisin vetëdijen për kursimin e energjisë. Sipas saj, edhe tek kompanitë ndërtuese është ngritur vetëdija për të përdorur materiale efiçiente për energjinë.

“Kjo e ka ngritur vetëdijen lidhur me opsionet e ndryshme lidhur me gjërat që kanë efekt në efiçiencë të energjisë. Dritaret, izolimi, ngrohja e ujit janë gjëra thelbësore stabilimentet elektronike që kanë efiçiencë më të lartë. Shpresoj se kjo ka ndihmuar që njerëzit të mbulojnë gjërat kryesore. Gjithashtu projekti ka ofruar mjete jo vetëm për pronarët e shtëpive jo vetëm në aspektin e materialeve të nivelit të lartë të efiçiencës por edhe në aspekt të trajnimit të sektorit privat në mënyrë që kompanitë të mund të shesin materiale, të informojnë njerëzit për ato materiale që të rrisin vetëdijen tek qytetarët dhe konsumatorët”, u shpreh ajo.

Drejtori menaxhues i operacioneve sektoriale në MCC, Kevin Mitchell tha se falë këtij projekti Kosova është e pozicionuar mirë për të zgjeruar programet e efiçiencës të energjisë.

Sipas tij, kriza globale me energjinë është treguesi më bindës për investimet në efiçiencë të energjisë elektrike.

“MCC dëshironte të ndihmonte qeverinë për të identifikuar programin më efektiv për Kosovën. Përmes projektit ‘SEEK’ ne kemi rinovuar rreth 1000 shtëpi përmes tre granteve të ndryshme. Me çdo grant, ne kemi bërë përmirësime dhe me çdo përsëritje kemi përfshirë atë që kemi mësuar për atë që ishte më efektive. Ne jemi të lumtur që tani po ia përcjellim këto njohuri qeverisë dhe partnerëve të tjerë që punojnë për efiçiencën e energjisë, dhe mezi po presim të dëgjojmë për planet tuaja dhe hapat e ardhshëm në këtë sektor emocionues. Ne jo vetëm që po japim një sërë mësimesh, megjithëse, gjatë zbatimit të programit të kërkimit, MFK dhe kontraktori i saj, GFA, rritën një rrjet mbresëlënës kompanish që kanë certifikuar dhe trajnuar kompanitë për të bërë efiçiencën e energjisë. Ata zhvilluan një platformë online për të menaxhuar këtë program dhe ata realizuan një fushatë mbresëlënëse ndërgjegjësuese për efiçiencën e energjisë. Këto asete dhe mjete konkrete nënkuptojnë se Kosova është e pozicionuar mirë për të zgjeruar programet e Efiçiencës së Energjisë në të ardhmen”, u shpreh ai.

Ndërsa, drejtori i departamentit për Energji pranë GFA Consulting Group GmbH, Ulrich Theuerkauf u shpreh se përmes projektit SEEK Kosova ka krijuar bazë të mirë që qytetarët të jetojnë në mënyrë me efiçiente.

“Rryma që ka shkaktuar turbulenca në tregun ndërkombëtar të energjisë si pasojë e agresionit rus në Ukrainë, vërtetoi se sa e rëndësishme është futja, zbatimi i masave të efiçiencës së energjisë, dhe të gjithë e dini se ndërtimi në Kosovë është një nga shpenzuesit kryesorë të energjisë në vend. Pavarësisht gjithë këtyre sfidave, ne si konsorcium së bashku me partnerët tanë arritëm dhe ia dolëm, mund të them tani me krenari në emër të konsorciumit tonë se ky projekt ka krijuar një bazë për të ecur përpara, që Qeveria e Kosovës të ndiejë mbështetjen e përpjekjeve për financimin e efiçiencës energjetike për qytetarët e vendit, që të jetojnë në mënyrë më efiçiente. Për më tepër, së bashku me MFK-në, ne krijuam një shtysë të fortë për gratë ndërmarrëse në Kosovë”, theksoi ai.

Tri pakot kryesore të këtij projekti që ka nisur para tri viteve kanë qenë: Rinovimet për efiçiencë të energjisë në njësi të banimit, rinovimet për efiçiencë në objekte shumëbanesore dhe gratë ndërmarrëse në energji.

Violeta Rexha specialiste për përfshirje gjinore dhe sociale tha se ky projekt ka pasur impakt në rritjen e interesimit të bizneseve për të përfshirë gratë në fushën e energjisë. Sipas saj, ky projekt ka ndihmuar të kemi mjaft gra të kualifikuara.

“Fillimisht kur e kemi dizajnuar këtë program kemi pasur hezitime se a do të jetë të gatshmet bizneset të ofrojnë praktika për punë për gratë dhe vajzat e Kosovës. Ky program, i pari në Kosovë e që lidhej energjia dhe gratë dhe kur kemi lansuar programin atëherë kemi kërkuar nga kompanitë e interesuara të shprehin interesin përmes një platforme dhe kemi qenë të befasuar për të mirë për interesimin e madh të institucioneve dhe bizneseve për të pasur gra të kualifikuara në bizneset e tyre”, theksoi ajo.

Projekti “Subvencione për Efiçiencë të Energjisë në Kosovë (SEEK)” ka nisur së implementuari në Kosovë në vitin 2019 nga konsorciumi i kompanive gjermane GFA dhe HPC.

Vazhdo të lexosh

Bota

Putin: Armatosja e Ukrainës nga Koreja e Jugut, gabim i madh

Publikuar

nga

Presidenti rus Vladimir Putin ka paralajmëruar Korenë e Jugut se do të bënte “një gabim të madh” nëse armatos Ukrainën në luftën kundër Rusisë.

Komentet e tij vijnë pasi Seuli tha se po shqyrtonte një mundësi të tillë, në përgjigje të paktit të ri të Rusisë dhe Koresë së Veriut për të ndihmuar njëri-tjetrin në rast të “agresionit” kundër secilit vend.

Moska do të marrë vendime që nuk ka gjasa të kënaqin udhëheqjen aktuale të Koresë së Jugut nëse Seuli vendos të furnizojë me armë Kievit”, tha Putin.

Udhëheqësi rus po fliste në Vietnam, menjëherë pas një vizite në Phenian, ku nënshkroi një marrëveshje të ndërsjellë të mbrojtjes me liderin e Koresë së Veriut, Kim Jong Un.

Seuli e kishte dënuar më herët marrëveshjen si një kërcënim për sigurinë e tij kombëtare dhe këshilltari i sigurisë kombëtare Chang Ho-jin tha se vendi i tij planifikoi të “rishqyrtojë çështjen e mbështetjes së armëve për Ukrainën”.

Pas komenteve të Putinit, zyra presidenciale e Koresë së Jugut tha të premten se do të shqyrtonte “opsione të ndryshme” në furnizimin me armë në Ukrainë dhe qëndrimi i saj “do të varet nga mënyra se si Rusia i qaset kësaj çështjeje”.

Ndërsa Koreja e Jugut i ka dhënë Ukrainës ndihma humanitare dhe pajisje ushtarake, ajo deri më tani ka refuzuar të sigurojë armë vdekjeprurëse pasi ka një politikë zyrtare për të mos armatosur vendet në luftë./UBTNews/

Vazhdo të lexosh

Lajmet

Kryetari i Bashkisë së Portos, Rui Moreira, nderohet nga UBT me çmimin “Leadership Excellence Award”

Publikuar

nga

Në një ceremoni të mbajtur me rastin e ndarjes së Çmimit Tradicional të UBT-së “Leadership Excellence Award”, kryetari i Bashkisë së Portos, Rui Moreira, u nderua për kontributin e tij të shquar në zhvillimin dhe udhëheqjen e qytetit të Portos.

Vendimi për të ndarë këtë çmim u mor nën patronatin e Presidentit të UBT-së, Prof. Dr. Edmond Hajrizi, dhe u bë i ditur nga Këshilli Akademik i Universitetit.

Rektori Hajrizi u përqendrua në rëndësinë e roli të liderëve në përmirësimin e jetës shoqërore dhe zhvillimin e komuniteteve gjatë një deklarate të tij të fundit. Ai vlerësoi kontributin themelor të kryetarit Rui Moreira në avancimin dhe transformimin e qytetit të Portos, duke e cilësuar atë si një model frymëzimi për liderët e tjerë në Evropë dhe më gjerë.

Hajrizi theksoi se kryetari Moreira ka shërbyer si një shembull i mirë për të treguar se si një lider mund të ndikojë në zhvillimin e qytetit dhe të kontribuojë në rritjen e cilësisë së jetës për banorët e tij. Ai gjithashtu e përshkroi kryetarin si një person frymëzues për të tjerët, duke inkurajuar liderët e tjerë të marrin masa dhe të promovojnë inovacionin dhe përparimin në komunitetet e tyre.

Në këtë kontekst, rektori Hajrizi theksoi se bashkëpunimi dhe shkëmbimi i përvojave me liderë të suksesshëm si Rui Moreira ka qenë një nga elementët kyç për suksesin dhe avancimin e UBT-së si një universiteti i inovacionit dhe arsimit të lartë në Kosovë dhe rajon.

Në anën tjetër, kryetari Rui Moreira, duke pranuar këtë çmim të lartë, shprehu mirënjohjen e tij për njohjen e dhënë dhe theksoi rëndësinë e bashkëpunimit të ngushtë mes institucioneve akademike dhe autoriteteve lokale.

Rui Moreira theksoi se UBT është një institucion i arsimit të lartë që ndihmon në promovimin e një shoqërie të bazuar në dije dhe zhvillimin e kapitalit njerëzor për të krijuar prosperitet dhe cilësi të jetës për popullatën. Ai vlerësoi rolin e UBT-së si një nga institucionet më inovative jo vetëm në Kosovë, por edhe në rajonin e gjerë.

UBT, sipas kryetarit Moreira, është një universitet prestigjioz që ka një rol kyç në përmirësimin e cilësisë së arsimit dhe në zhvillimin e një mjedisi të përshtatshëm për rritjen e aftësive akademike dhe profesionale të studentëve të saj. Ky institucion është konsideruar si një shembull i suksesshëm për inovacionin dhe përparimin e arsimit të lartë në rajon.

“UBT është padyshim një nga institucionet më inovative të arsimit të lartë, jo vetëm në Kosovë por në rajon. Është një universitet prestigjioz me rëndësi qendrore për rajonin, domethënë për promovimin e një shoqërie të bazuar në njohuri dhe trajnimin e kapitalit njerëzor të aftë për të gjeneruar prosperitet, qëndrueshmëri dhe cilësi të jetës për popullatën”, u shpreh Moreira, kryetari i Portos.

Ky akt nderi tregon për respektin dhe vlerësimin e shfaqur ndaj kontributit të kryetarit Moreira në përmirësimin e jetës urbane dhe si model tek qytetarët për zhvillim të qëndrueshëm dhe frymëzim të tjerëve në fushën e udhëheqjes./UBTNews/

 

Vazhdo të lexosh

Lajmet

OKB: Firmat që dërgojnë armë në Izrael mund të konsiderohen bashkëpunëtore në abuzime

Publikuar

nga

Një grup ekspertësh të Organizatës së Kombeve të Bashkuara kanë paralajmëruar prodhuesit e armëve dhe municioneve që të mos marrin pjesë në dërgimin e armëve në Izrael, teksa thonë se kjo mund t’i bëjë ata bashkëpunëtorë në abuzimet e të drejtave të njeriut dhe shkeljet e ligjit ndërkombëtar.

Grupi prej 30 ekspertësh, duke përfshirë disa raportues të posaçëm të OKB-së, tha se prodhuesit e armëve që furnizojnë Izraelin duhet të ndalojnë transferimet e tyre të materialit luftarak “edhe nëse ato ekzekutohen sipas licencave ekzistuese të eksportit”.

“Këto kompani, duke dërguar armë, pjesë, komponentë dhe municione për forcat izraelite, rrezikojnë të jenë bashkëpunëtore në shkelje të rënda të të drejtave ndërkombëtare të njeriut dhe ligjeve ndërkombëtare humanitare”, thanë ekspertët në një deklaratë./UBTNews/

Vazhdo të lexosh

Lajmet

Konjufca në SEECP: Kosova të njihet nga të gjitha vendet e Evropës Juglindore

Publikuar

nga

Kryetari i Kuvendit të Kosovës, Glauk Konjufca, mori pjesë në seancën e 11-të plenare të Asamblesë Parlamentare të Procesit të Bashkëpunimit të Evropës Juglindore (SEECP PA) në Shkup.

Konjfuca tha se vizioni për bashkëpunim dhe për arritje të aspiratave të përbashkëta përmban ndër të tjera në vetvete edhe njohjen e Kosovës nga të gjitha vendet e këtij rajoni, në mënyrë që t’i hapet rruga e bashkëpunimit të plotë.

Ai theksoi nevojën për të mbështetur aspiratën e Kosovës për anëtarësim në struktura ndërkombëtare, duke përfshirë edhe Këshillin e Evropës, në frymën e përkushtimit për një rajon sa më të bashkuar.

“Një gjë e tillë u arrit më herët me liberalizimin e vizave për qytetarët e vendit tonë, gjë për të cilën jemi mirënjohës dhe kjo duhet të përsëritet, në frymën e të ardhmes së përbashkët”, tha Konjufca.

Ai potencoi se sulmi terrorist në Banjska më 24 shtator 2023 ishte goditje e rëndë jo vetëm për bashkëpunimin, por edhe për sigurinë dhe stabilitetin rajonal, andaj ky akt duhet dënuar nga të gjithë pa përjashtim, ndërsa përgjegjësit që po strehohen dhe mbrohen nga Serbia duhet të vihen përballë drejtësisë.

Pa këto qëndrime dhe veprime, do të jetë e vështirë të arrihen synimet e SEECP”, tha Konjufca.

Në vazhdim të fjalës së tij kryetari i Kuvendit të Kosovës potencoi përparimin e jashtëzakonshëm që ka bërë Kosova në zhvillimin ekonomik dhe shoqëror, në qeverisjen demokratike dhe të drejtat e njeriut, në luftën kundër korrupsionit, në rritjen e transparencës dhe llogaridhënies.

“Strategjia për Evropën Juglindore 2030 duhet të përmbushë premtimin e saj për të mos lënë askënd pas dhe për të nxitur një rajon ku çdo shtet mund të lulëzojë”, tha ai.

Në përmbyllje të punimeve të seancës së 11-të plenare të Asamblesë Parlamentare të Procesit të Bashkëpunimit të Evropës Juglindore pjesëmarrësit dolën me një deklaratë të përbashkët finalizuese.

Vazhdo të lexosh

Të kërkuara