Lajmet

​Pritje pozitive për liberalizim të vizave

Çështja e lëvizjes së lirë për kosovarët do të jetë në rend ditë në diskutimin e parë të grupit punues të Këshillit të BE-së.

Published

on

Më 13 tetor në Këshillin Evropian do të nisë procedura e cila pritet të çojë në vendimin formal për liberalizimin e vizave për Kosovën.

Çështja e lëvizjes së lirë për kosovarët do të jetë në rend ditë në diskutimin e parë të grupit punues të Këshillit të BE-së. Në Kosovë presin që ky proces të ecë përpara me një dinamikë të shtuar dhe brenda një periudhe të shkurtë kohore qytetarët të lëvizin pa viza në zonën Shëngen.

Zëvendëskryeministri i Kosovës, Besnik Bislimi ditë më parë ka deklaruar se takimi i 13 tetorit nuk është hap përfundimtar për liberalizimin e vizave duke shtuar se janë pesë hapa që duhet ndjekur deri në finalizimin e këtij procesi.

E pritje që ky proces të përshpejtohet pas këtij takimi ka kryetari i Komisionit për Punë të Jashtme dhe Diasporë, Haki Abazi.

“Unë pres që ky proces të dinamizohet pas 13 (tetorit) me shpejtësi që përfundimisht në muaj në vazhdim të hiqet kjo barrierë e udhëtimeve por natyrisht që ka pasur edhe probleme për të cilat kam folur më herët, tanimë që liberalizmi i vizave për qytetarët e Kosovës të përfshihet si pjesë e çështjes së dialogut me Serbinë që është gabim jashtëzakonisht i madh që është bërë sidomos nga përfaqësuesi i Bashkimit Evropian në dialog, zotëri Lajçak”, thotë Abazi.

Pengesa e vetme për zvarritjen e deritanishme të vendimit për liberalizim të vizave ka qenë Franca dhe Holanda, thotë profesori i Marrëdhënieve Ndërkombëtare, Arben Fetoshi.

Sipas tij, futja në agjendën e 13 tetorit në Këshill tregon për zhbllokimin e këtij procesi dhe hapjen e rrugës për vendimmarrje formale.

“Me vet faktin që tashmë është përfshirë në agjendën e Këshillit, jam i bindur që mund të presim vendimmarrje sa i përket liberalizimit të vizave dhe definitivisht ky proces tashmë e konfirmon atë që e kemi thënë disa herë që liberalizimi i vizave është përdorur si instrument presioni mbi Kosovën për shkak të hezitimit të Francës dhe disa shteteve anëtare sepse pak ditë më përpara kemi pasur një deklaratë të tre shteteve përfshirë Francën, pra Francë, Gjermani dhe Poloni, të cilat kanë sinjalizuar lëvizjen politike në drejtim të vendimmarrjes, dhe tani vendimi i parë në kuadër të Këshillit të BE-së besoj që do t’i paraprijë procedurës për të finalizuar këtë proces me shpallje në gazetë zyrtare që e përmbyll marrëveshjen dhe i mundëson më pas qytetarëve që ta shfrytëzojnë këtë të drejtë për të lëvizur pa viza në zonën Shëngen”, thotë Fetoshi.

Fakti që tema e liberalizimit për Kosovën është përfshirë në agjendë po shihet si sinjal i qartë që në Këshill tashmë ekziston një mbështetje e madhe për të çuar përpara këtë proces.

Megjithatë, vazhdon hezitimi për të përmendur datë se kur do të miratohej një vendim i tillë dhe kur do të hynte në fuqi liberalizimi i vizave.

“Duhet të jemi të kujdesshëm për formën se si e formulojmë çështjen e kohës, momentit, për shkak se ne jemi shtet i vogël, demokraci fragjile dhe rrethuar me, sidomos pjesën veriore, me një armik shekullor i cili po përdor edhe mjetet financiare për të penguar çfarëdo lloj progresi për Kosovën, të jeni të bindur që raportimet e tyre, përdorim i propagandës dhe formave tjera të lobimit në qendrat Evropës nuk ka munduar, për ta bërë të vështirë jetën e qytetarëve në Kosovë dhe për ta bërë edhe më të vështirë lëvizjen e lirë sepse kjo përveç që është çështje e lëvizjes së vullnetit të qytetarëve është po ashtu edhe një barrierë e jashtëzakonshme për bizneset dhe lidhjet që kosovarët duhet t’i kenë me Evropën. Rrjedhimisht duhet të jemi të kujdesshëm sepse jemi në një fazë e cila është kritike, por po ashtu mendoj që i ka ardhur fundi”, thotë kryetari i Komisionit për Punë të jashtme dhe Diasporë.

Diskutimit më 13 tetor i paraprinë një dokument teknik i Komisionit Evropian dërguar vendeve anëtare të Bashkimit Evropian në Këshill ku konfirmohet se Kosova i ka përmbushur të gjitha kriteret për lëvizje të lirë.

Qytetarët e Kosovës janë të vetmit në gjashtë vendet e Ballkanit Perëndimor që nuk mund të lëvizin lirshëm në vendet e Bashkimit Evropian.

Bota

Gjykata Kushtetuese e Koresë së Jugut rrëzoi presidentin Yoon

Published

on

Gjykata Kushtetuese e Koresë së Jugut ka votuar unanimisht për shkarkimin e Presidentit Yoon Suk-yeol pas shpalljes së gjendjes së jashtëzakonshme në fund të vitit të kaluar. Ushtruesi i detyrës së Kryegjyqatës, Moon Hyung-bae, deklaroi se presidenti kishte tejkaluar autoritetin e tij duke mobilizuar forcat ushtarake dhe policore për të çmontuar autoritetin e institucioneve kushtetuese, duke shkelur të drejtat themelore të njerëzve.

Gjyqtari Moon theksoi se veprimet e Yoon ishin të kundërligjshme dhe antikushtetuese, duke vënë në dukje se ky akt kishte shkelur besimin e popullit dhe detyrën kushtetuese të presidentit për të mbrojtur kushtetutën. Vendimi i gjykatës përcaktoi se pasojat negative të veprimeve të tij ishin të konsiderueshme dhe se shkarkimi i tij do të ndihmonte në rivendosjen e rendit kushtetues.

Pas largimit të Yoon, zgjedhjet presidenciale duhet të mbahen brenda 60 ditëve, sipas Kushtetutës së Koresë së Jugut. Kryeministri Han Duck-soo do të mbajë postin e presidentit deri në zgjedhjen e kreut të ri të shtetit. Ky vendim përfundoi muajt e kaosit politik, të cilët kishin penguar përpjekjet e administratës së re të presidentit amerikan Donald Trump për të bashkëpunuar me Korenë e Jugut në një periudhë të ngadalësimit të rritjes ekonomike.

Pavarësisht se është shkarkuar, Yoon, 64 vjeç, përballet me një gjyq për akuzat për kryengritje. Ai ishte presidenti i parë i Koresë së Jugut që u arrestua gjatë mandatit të tij, por u lirua në mars pasi një gjykatë rrëzoi urdhrin e arrestit.

Kriza politike nisi pas shpalljes së gjendjes së jashtëzakonshme më 3 dhjetor 2024, që Yoon e argumentoi si të nevojshme për të luftuar elementët “anti-shtetëror” dhe abuzimet e shumicës parlamentare të opozitës. Pas protestave masive dhe një rezistence të fortë nga ligjvënësit, Yoon hoqi ligjin ushtarak dhe përpiqej të minimizonte pasojat duke thënë se nuk kishte pasur dëme nga veprimet e tij.

Vendimi i Gjykatës Kushtetuese shënon një moment të rëndësishëm në historinë politike të Koresë së Jugut dhe mund të hapë rrugën për stabilizimin e vendit pas periudhës së tensioneve./UBTNews/

Continue Reading

Bota

Vuçiq: SNS ka dy kandidatë për mandatin e qeverisë

Published

on

Presidenti i Serbisë, Aleksandar Vuçiq, ka njoftuar se në Partinë Progresive Serbe (SNS) ka dy kandidatë për mandatin e qeverisë së re të Serbisë. Ai tha se njëri është kandidat partiak, i cili mund të marrë mbështetje të fortë nga “hardcore” brenda partisë, ndërsa tjetri është kandidat jopartiak.

Vuçiq bëri këto komente gjatë qëndrimit të tij në Sofje, ku po merr pjesë në një takim të krerëve të shteteve dhe qeverive të Ballkanit, në kuadër të procesit të Akaba. Ai theksoi se përfaqësuesit e SNS dhe Partisë Socialiste të Serbisë (SPS) janë të angazhuar për formimin e qeverisë dhe nuk e përjashtojnë mundësinë e zgjedhjeve të reja. Sipas tij, ata janë të sigurt se kanë shumicën për të formuar qeverinë.

Konsultimet për kandidatin për kryeministër të ri filluan pas dorëheqjes së Millosh Vuçeviqit në fund të janarit. Kuvendi i Serbisë e ka konfirmuar dorëheqjen e tij më 19 mars, dhe tashmë janë kaluar afatet për zgjedhjen e qeverisë së re. Vuçiq shpreson që formimi i qeverisë të përfundojë përpara 18 prillit.

“Shpresoj se nuk do të duhet të jetë data 18, të Premten e Madhe, por do të mund ta përfundojnë punën para asaj kohe”, tha Vuçiq.

 

Continue Reading

Lajmet

OEAK mbështet thirrjen e Osmanit për heqjen e tarifave ndaj mallrave amerikane

Published

on

By

Oda Ekonomike Amerikane në Kosovë përsërit thirrjen e saj për Qeverinë e Kosovës që të miratojë një aranzhim të njëanshëm preferencial tregtar me Shtetet e Bashkuara të Amerikës, duke hequr tarifat doganore për produktet amerikane.

“Oda Amerikane mirëpret dhe mbështet fuqishëm deklaratën e Presidentes së Republikës së Kosovës, Vjosa Osmani-Sadriu, e cila i bëri jehonë thirrjes sonë duke kërkuar pezullimin e të gjitha tarifave për mallrat amerikane. Kjo thirrje thekson rëndësinë strategjike të thellimit të lidhjeve ekonomike me Shtetet e Bashkuara”.

“Siç është thënë në deklaratën e djeshme të Odës Amerikane, një veprim i tillë do të ishte një hap i rëndësishëm, largpamës që tregon zotimin e Kosovës për tregti të lirë dhe të ndershme, duke e pozicionuar gjithashtu Kosovën drejt një marrëdhënie më të fortë tregtare dhe konsiderimin e mundshëm të një Marrëveshje për Tregti të Lirë në të ardhmen. Partneriteti disavjeçar me Shtetet e Bashkuara – si aleati më i rëndësishëm strategjik i Kosovës – duhet të përkthehet në vendime të guximshme e në momente të duhura politike”, thuhet në thirrjen e kësaj ode.

Oda Ekonomike Amerikane thekson se nismat që synojnë avancimin e marrëdhënieve SHBA-Kosovë, veçanërisht ato të bazuara në argumente të shëndosha ekonomike dhe vlera të përbashkëta, nuk duhet të bëhen objekt i polemikave të brendshme politike.

“Përkundrazi, ato kërkojnë unitet dhe veprim të shpejtë institucional, prandaj i bëjmë thirrje Qeverisë që të fokusohet në politikat që forcojnë partneritetin global dhe të ardhmen ekonomike të Kosovës, thonë më tutje nga OEAK.

Continue Reading

Bota

Dy shtetet europiane gati ta shpallin ‘non grata’ Millorad Dodik

Published

on

Lideri i serbëve të Bosnjës, Millorad Dodik, dhe dy bashkëpunëtorët e tij të ngushtë pritet të shpallen persona “non grata” në Gjermani dhe Austri, duke iu ndaluar hyrja në këto shtete për shkak të veprimeve të tyre që kanë nxitur një krizë kushtetuese në Bosnje e Hercegovinë. Kështu thuhet në një komunikatë të lëshuar nga ministrat e jashtëm të këtyre dy vendeve të enjten.

Ministrja e Jashtme e Austrisë, Beate Meinl Reisinger, dhe ministrja gjermane e shtetit për Evropën dhe Klimën, Anna Luhrmann, bënë këto komente pas një takimi në Sarajevë me kryetaren e Këshillit të Ministrave të Bosnjës, Borjana Krishto. Ata theksuan se veprimet e Dodik dhe bashkëpunëtorëve të tij kanë përkeqësuar stabilitetin dhe sigurinë e Bosnjës dhe rajonit.

Në mars të këtij viti, Gjykata e Bosnjës lëshoi fletarrestime kombëtare për Dodik dhe dy zyrtarë të tjerë të Republikës Sërpska, duke i akuzuar ata për shkelje të rendit kushtetues të Bosnjës dhe për shpërfilljen e thirrjeve për t’u paraqitur për marrje në pyetje. Ky zhvillim vjen pas përpjekjeve të vazhdueshme të Dodik për të minuar integritetin territorial të Bosnjës dhe për të forcuar autoritetin e Republikës Sërpska.

Si pasojë e këtyre veprimeve, Austria dhe Gjermania janë duke marrë masa për të parandaluar hyrjen e këtyre politikanëve në këto shtete. Sipas komunikatës, këto masa janë ndërmarrë në koordinim të ngushtë me partnerët e tjerë ndërkombëtarë.

Dodik është nën sanksione të Shteteve të Bashkuara dhe Mbretërisë së Bashkuar, por Bashkimi Evropian deri më tani nuk ka mundur të arrijë një konsensus për vendosjen e sanksioneve ndaj tij, për shkak të kundërshtimit të Hungarisë, një anëtari të BE-së.

Veprimet e Dodik janë konsideruar si një kërcënim për unitetin e Bosnjës dhe për shkelje të Marrëveshjes së Dejtonit, që përcakton strukturën e shtetit dhe integritetin e tij territorial./UBTNews/

Continue Reading

Të kërkuara