Kronikë e zezë

​Policia ka bastisur zyret e NPB-së

Sipas NPB-së, gjatë kohës kur zyrtarët policorë ishin në zyrat e tyre, kanë bërë shkelje ligjore.

Published

4 years ago

on

Ndërmarrja Publike Banesore SH.A Prishtinë, ka njoftuar se të martën pasdite Policia e Kosovës ka bastisur zyrat e tyre.

Në njoftim thuhet se zyrtarët policorë kanë paraqitur një urdhër kontrolli për të marrë dokumente të NPB-së, të cilat sipas kësaj ndërmarrjeje i janë dorëzuar organeve të rendit 5 muaj më herët. Këto dokumente thuhet se ndërlidhen me projektin më të rëndësishëm të NPB-së , atë të ndërtimit në Lakrishtë.

“Nga ajo që kemi kuptuar është që të gjitha këto dokumente që janë kërkuar i ishin dorëzuar organeve të rendit 5 muaj më herët. Pasur parasysh këtë fakt, kërkesa e tyre është e pakuptimtë”, thuhet në komunikatën për media.

Sipas NPB-së, gjatë kohës kur zyrtarët policorë ishin në zyrat e tyre, kanë bërë shkelje ligjore.

“Ata kanë qëndruar në dy kate duke mos lejuar praninë e askujt nga zyrtarët tanë për rreth një orë. Për më shumë ata kanë tejkaluar çdo limit me një veprim tjetër po ashtu të kundërligjshëm: për një orë që ata kanë qëndruar pa prezencën e zyrtarëve të NPB në katin e dytë dhe të tretë i kanë ndalur të gjitha kamerat e sigurisë duke vepruar në kundërshtim me nenin 108 pika 6 të Kodit nr. 04/L-123 të Procedurës Penale”, thanë NPB.

Më tej në komunikaë thuhet se,e gjithë kjo veprimtari e këtyre zyrtarëve policorë është në kundërshtim me dispozitat përkatëse të procedurës penale në fuqi dhe për të njëjtën NPB do merr të gjitha hapat e nevojshëm ligjor për ta adresuar këtë ndërhyrje të paprecedentë në një Ndërmarrje Publike.

Tutje, NPB-ja thotë se deri më tani ka dëshmuar bashkëpunim me çdo institucion publik në raport me çdo kërkesë që i është paraqitur përfshirë këtu edhe organet e rendit publik.

“Projekti i ndërtimit në lagjen Lakrishtë që përbën rritjen më të madhe të një prone publike ndonjëherë nga paslufta e tash, ka qenë cak i sulmeve të orkestruara tash e sa kohë, ndonëse Qeveria e humbi rastin për anulimin e këtij projekti në dy instanca gjyqësore ku edhe u vërtetua ligjshmëria e këtij projekti”, thuhet në komunikatë.

Related Topics:
Continue Reading

Lajmet

Gjendet pa shenja jete një grua në Prishtinë

Published

2 days ago

on

May 22, 2026

By

Në raportin njëditor të Policisë së Kosovës është raportuar se në Prishtinë është gjetur pa shenja jete një grua.

Sipas raportit, vdekjen e viktimës e ka konstatuar mjeku kujdestar në vendin e ngjarjes.

Me vendim të prokurorit, trupi i pajetë është dërguar në IML për obduksion.

Continue Reading

Lajmet

Pesë të arrestuar për shpërndarje të materialeve me përmbajtje të abuzimit seksual të fëmijëve

Published

2 days ago

on

May 22, 2026

By

Pesë persona janë arrestuar në Pejë, Rahovec, Malishevë dhe Fushë Kosovë, nën dyshimin për përfshirje në shpërndarje të materialeve me përmbajtje të shfrytëzimit dhe keqpërdorimit seksual të fëmijëve.

Sipas raportit të policisë, pas një pune hetimore janë identifikuar dhe arrestuar pesë të dyshuar meshkuj kosovarë, dy prej të cilëve janë të mitur, të cilët dyshohet se përmes rrjeteve sociale kanë shkarkuar dhe shpërndarë materiale të tilla.

Gjatë operacionit janë sekuestruar dy laptopë dhe tre telefona celularë si prova materiale.

Me vendim të prokurorit, pas intervistimit, njëri nga të dyshuarit është dërguar në mbajtje për 48 orë, ndërsa të tjerët janë liruar në procedurë të rregullt.

Continue Reading

Lajmet

Katër raste të dhunës në familje raportohen në Kosovë gjatë 24 orëve të fundit

Published

2 days ago

on

May 22, 2026

By

Katër raste të dhunës në familje janë raportuar gjatë 21 majit në Graçanicë, Prishtinë, Kllokot dhe Gjakovë, duke përfshirë arrestime, lëndime trupore dhe hetime policore.

Sipas raportit të policisë, në Graçanicë një femër është raportuar se për shkak të problemeve shëndetësore dhe gjendjes psikike ka shfaqur sjellje agresive dhe ka kanosur anëtarët e familjes në mënyrë të përsëritur. Ajo është shoqëruar në stacion policor, është intervistuar në prani të avokatit dhe më pas është liruar në procedurë të rregullt, ndërsa me rekomandim të prokurorit pritet t’i nënshtrohet një kontrolli më të detajuar mjekësor.

Në Prishtinë, një femër është sulmuar fizikisht nga bashkëshorti i saj, i cili më pas është larguar nga vendi i ngjarjes. Viktima ka marrë trajtim mjekësor, ndërsa policia po heton rastin në konsultim me prokurorin.

Ndërsa në Kllokot, sipas raportit të policisë, është arrestuar një i dyshuar mashkull kosovar, i cili dyshohet se ka ushtruar dhunë fizike ndaj babait të tij, duke i shkaktuar lëndime trupore. Viktima ka marrë trajtim mjekësor, ndërsa i dyshuari, me vendim të prokurorit, është dërguar në mbajtje për 48 orë.

Ndërkohë, në Gjakovë, janë arrestuar dy vëllezër të dyshuar për përfshirje në një rast dhune në familje. Njëri prej tyre është dërguar në mbajtje, ndërsa tjetri është liruar në procedurë të rregullt.

Continue Reading

Lajmet

Skenderaj – Sekuestrohet armë, municion dhe thikë te dy nxënës brenda ambientit të shkollës

Published

3 days ago

on

May 21, 2026

By

Në Skenderaj, më 20.05.2026 rreth orës 11:30, gjatë një kontrolli të realizuar në ambientin e një shkolle në rrugën “Osman Geci”, janë zbuluar dy nxënës të dyshuar meshkuj kosovarë në posedim të armës dhe mjeteve të tjera të rrezikshme.

Sipas raportit të Policisë së Kosovës, gjatë kontrollit te të dyshuarit janë gjetur dhe sekuestruar një pistoletë, një karikator, 19 fishekë, një gëzhojë, një predhë arme dhe një thikë.

Menjëherë pas gjetjes së këtyre mjeteve, të dyshuarit janë shoqëruar në procedurë policore dhe janë intervistuar në prani të prindërve, në përputhje me procedurat ligjore që aplikohen për të miturit.

Me vendim të prokurorit kompetent, pas intervistimit, të dy të dyshuarit janë liruar në procedurë të rregullt, ndërsa rasti është dërguar në hetime të mëtejshme nga organet kompetente.

Continue Reading

Të kërkuara