Lajmet

​Policia e Kosovës thotë se po kujdeset për ruajtjen e rendit dhe sigurisë publike në veri

Policia sipas detyrës zyrtare ka bërë planifikimet e saja operacionale.

Published

3 years ago

on

Policia e Kosovës në vazhdimësi po angazhohet në ofrimin e sigurisë, ruajtjen e rendit dhe qetësisë publike, si dhe ndërmarrjen e masave policore konform situatës dhe zhvillimeve në gjithë vendin, përfshirë zhvillimet në veri.

Bazuar në informacionet dhe paralajmërimet për mbajtjen e protestave/tubimeve për sot, në disa komuna me komunitet serb, Policia e Kosovës, duke njohur të drejtën për tubime publike përmes protestës paqësore, sipas detyrës zyrtare ka bërë planifikimet e saja operacionale.

Plani operacional i PK-së parasheh ndërmarrjen e masave operative policore, për t’u siguruar se mbarëvajtja e protestave/tubimeve të kalojë e qetë dhe pa incidente, mbajtjen e rendit dhe sigurisë publike si dhe mbrojtjen e rendit kushtetues të Republikës së Kosovës.

Si çdo herë, Policia e Kosovës, fton qytetarët që të protestojnë në mënyrë të qetë dhe të mos bien pre e provokimeve të mundshme, të çfarëdo natyre qofshin ato.

Ndryshe, Lista Serbe ka paralajmëruar për sot protestë në orën 15:00 në Mitrovicën Veriore, në shenjë proteste ndaj vendimit për gjobitjen e pronarëve me targa ilegale duke nisur nga dita e nesërme.

Related Topics:
Continue Reading

Lajmet

Një i lënduar nga aksidenti në autostradën Prishtinë-Prizren

Published

12 minutes ago

on

October 17, 2025

By

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Continue Reading

Lajmet

Përfundon numërimi i votave në Fushë Kosovë

Published

22 minutes ago

on

October 17, 2025

By

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP

Continue Reading

Lajmet

Dyshohet se dhunoi një vajzë të mitur, arrestohet burri në Malishevë

Published

28 minutes ago

on

October 17, 2025

By

Një vajzë e mitur dyshohet të jetë dhunuar në Malishevë dy ditë më parë. Për këtë policia ka njoftuar se tashmë ka arrestuar të dyshuarin.

Sipas raportit 24 orësh të Policisë së Kosovës, i dyshuari me vendim të prokurorit është dërguar në mbajtje.

“Më 16.10.2025 është arrestuar i dyshuari mashkull kosovar, për shkak të dyshimit se ka kryer veprën e lart-cekur ndaj viktimës së mitur femër. I dyshuari me vendim të prokurorit është dërguar në mbajtje”, thuhet në raportin e Policisë.

Continue Reading

Lajmet

Klinë, pas mosmarrëveshjes verbale i dyshuari sulmon fizikisht motrën

Published

43 minutes ago

on

October 17, 2025

By

Një rast i dhunës në familje ka ndodhur dje në Klinë.

Sipas raportit të policisë, një person ka sulmuar fizikisht motrën e tij pas një mosmarrëveshje paraprake, transmeton KosovaPress.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

“Klinë 16.10.2025, 17:00. Është arrestuar i dyshuari mashkull kosovar, pasi që i njëjti pas një mosmarrëveshje e kishte sulmuar fizikisht motrën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.

Continue Reading

Të kërkuara