Sport

​Pogba: Jam krenar që jam mysliman

“Unë mendoj se është e rëndësishme të tregosh se kush je” tha ai.

Published

4 years ago

on

Paul Pogba ka folur për besimin e tij si mysliman dhe se si ai e ndihmon në marrjen e vendimeve të tij në futboll.

29-vjeçari, i cili do të humbasë Kupën e Botës për shkak të dëmtimit, lavdëroi gjithashtu mesfushorin anglez, Jude Bellingham, teksa zbuloi mesfushorët që studion për të përmirësuar lojën e tij.

Pogba u kthye në Juventus në fillim të këtij viti pas një aventure të dytë jo të mirë te Manchester United.

Ai e quajti vendimin për t’u larguar fillimisht nga United një dekadë më parë si më sfiduesin e jetës së tij dhe shpjegoi se si feja tani e ndihmon atë të vendosë.

Pogba kishte filluar të kthehej në Islam rreth asaj kohe dhe tani ka folur për krenarinë e tij në besimin e tij.

“Unë mendoj se është e rëndësishme të tregosh se kush je: Unë jam mysliman dhe krenar dhe nëse mund t’i ndihmoj edhe njerëzit që të njohin Islamin dhe t’i shtyj vëllezërit dhe motrat të bëjnë vepra të mira”, tha ai.

“Pse do të fshihesha? Unë jam shumë i lumtur me veten time. Edhe nëse nëna e tij, një myslimane, kishte emocione të përziera pas konvertimit të tij: Ajo ishte shumë e lumtur dhe në një mënyrë tjetër ishte e frikësuar… ajo tha: Mos u bëj ekstremist”, shtoi më tej Pogba.

Pogba foli edhe për Jude Bellingham, të cilin e krahasoi me disa mesfushorë si Kroos, Verratti e Thiago.

“Toni Kroos, Marco Verratti, Thiago Alcantara, sepse ata nuk janë vetëm mesfushorë dhe nuk janë numri 10, ata janë “box-to-box”, ai që bën lojën, që mund të bëjë asistime, mund të shënojë. Për momentin, ajo që shoh është Bellingham… ai po bën shumë mirë dhe mendoj se do të arrijë në një nivel shumë të lartë, por Kevin De Bruyne ka qenë atje për një kohë të gjatë”, tha Pogba.

Related Topics:
Continue Reading

Sport

Dennis Buzukja do të luftojë në UFC Beograd, shqiptari përballë Bogdan Gradit më 1 gusht

Published

28 minutes ago

on

June 2, 2026

By

Luftëtari shqiptar i arteve marciale të përziera (MMA), Dennis Buzukja, do të jetë pjesë e një eventi historik të UFC-së që do të mbahet më 1 gusht në Beograd. Kjo do të jetë hera e parë që organizata më prestigjioze e MMA-së, Ultimate Fighting Championship, organizon një ngjarje në Serbi.

Buzukja do të përballet me Bogdan Grad, një duel që konsiderohet tejet i rëndësishëm për të ardhmen e shqiptarit në UFC. Grad ka bilanc prej 15 fitoresh dhe katër humbjesh në karrierë, megjithëse dy ndeshjet e fundit i ka mbyllur me humbje.

I lindur në Shtetet e Bashkuara të Amerikës, Buzukja garon nën flamurin amerikan, por nuk e ka fshehur asnjëherë origjinën dhe krenarinë e tij shqiptare. Në karrierën e tij profesionale në MMA ai numëron 12 fitore dhe gjashtë humbje, ndërsa në UFC ka regjistruar një fitore dhe katër humbje.

Pikërisht për këtë arsye, përballja në Beograd pritet të ketë peshë të madhe për karrierën e tij, pasi një rezultat pozitiv do ta ndihmonte të forconte pozitën e tij në organizatën më të madhe të MMA-së në botë.

Buzukja u bë i njohur edhe jashtë kafazit gjatë vitit 2024, kur nuk u lejua të hynte në arenë i mbështjellë me flamurin shqiptar para duelit të fituar ndaj Connor Matthews. Sipas tij, organizatorët e kishin ndaluar përdorimin e flamurit për shkak të zbukurimeve të arta që kishte mbi të.

“Jam i bekuar që përfaqësoj Shqipërinë dhe ishte e çuditshme që pak para daljes më thanë se nuk mund ta mbaja flamurin”, ishte shprehur atëherë Buzukja, duke mos e fshehur zhgënjimin për vendimin.

Tashmë, shqiptari do të ketë një tjetër mundësi për t’u paraqitur në një skenë të madhe ndërkombëtare, kësaj radhe në kryeqytetin serb. Buzukja garon në kategorinë e peshave deri në 66 kilogramë dhe synon një fitore që mund t’i japë shtysë të re karrierës së tij në UFC. Ndërkohë, mediat serbe kanë nisur t’i kushtojnë vëmendje paraqitjes së luftëtarit shqiptar në eventin e shumëpritur të Beogradit.

Continue Reading

Sport

Përfaqësuesja e Kosovës nis përgatitjet për sfidat vendimtare

Published

32 minutes ago

on

June 2, 2026

By

Përfaqësuesja A e Kosovës në konkurrencën e vajzave ka nisur përgatitjet për dy ndeshjet e fundit të ciklit kualifikues për Kupën e Botës. Dardanet zhvilluan seancën e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Me përkushtim maksimal dhe motivim të lartë, futbollistet kosovare po punojnë intensivisht për sfidat vendimtare që i presin në këtë fazë të garave.

Kosova do të përballet me rivalin direkt, Kroacia, më 5 qershor në Prishtina, në një ndeshje që mund të jetë përcaktuese për renditjen finale në grup. Më pas, Dardanet do të udhëtojnë drejt Gjibraltari, ku do ta zhvillojnë ndeshjen e fundit të këtij cikli kualifikues.

Të bashkuara, të vendosura dhe krenare për fanellën shtetërore, vajzat dardane synojnë ta mbyllin këtë rrugëtim me paraqitje të mira dhe rezultate që do t’u mundësonin ta ruajnë pozitën e parë në renditje.

Continue Reading

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

15 hours ago

on

June 1, 2026

By

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

 

Continue Reading

Sport

Dardanët rikthehen në stërvitje, fokus te sfida ndaj Andorrës

Published

19 hours ago

on

June 1, 2026

By

Kombëtarja e Kosovës ka rikthyer fokusin te sfida e radhës pas ndeshjes miqësore të zhvilluar të enjten në Pragë ndaj Çekisë. Dardanët kanë vazhduar përgatitjet për përballjen e ardhshme kundër Andorrës, me stafin teknik që po punon për ta mbajtur ekipin në formën optimale.

Seanca e sotme stërvitore u zhvillua në stadiumin Stadiumi Fadil Vokrri, ku morën pjesë 11 futbollistë. Ndërkohë, pjesa tjetër e skuadrës ndoqi një program rigjenerues në hotel, pas angazhimit në ndeshjen e fundit ndaj Çekisë.

Stërvitja u fokusua në aspektet taktike dhe fizike, ndërsa atmosfera në kampin e Kosovës mbetet pozitive para miqësores së dytë. Stafi teknik synon të shfrytëzojë këto ditë për të përgatitur sa më mirë ekipin dhe për t’u dhënë mundësi lojtarëve të ruajnë ritmin e garës.

Dardanët do të vazhdojnë me seancat stërvitore në ditët në vijim, me fokus maksimal te ndeshja kundër Andorrës, e cila do të shërbejë si një tjetër test i rëndësishëm për ekipin kombëtar.

Continue Reading

Të kërkuara