Lajmet

​Pjetër Shala dorëzoi dosjen paraprake

Gjykimi ndaj ish-pjesëtarit të UÇK-së do të vazhdojë më 1 maj.

Published

on

Mbrojtja e Pjetër Shalës e ka dorëzuar dosjen paraprake në Dhomat e Specializuara të Kosovës në Hagë. Për këtë ka njoftuar gjykata përmes faqes zyrtare derisa ka bërë të ditur se versioni i publikuar është në gjuhën angleze.

Gjykimi ndaj ish-pjesëtarit të Ushtrisë Çlirimtare të Kosovës (UÇK) do të vazhdojë më 1 maj me paraqitjen e provave nga prokuroria. Tre dëshmitarë pritet të japin dëshmitë e tyre përmes videolidhjes.

Autorizimi për këtë është dhënë nga trupi gjykues i cili ka urdhëruar Zyrën Administrative që të bëjë përgatitjet e nevojshme për respektimin e masave mbrojtëse. Sipas gjykatës, dhënia e dëshmisë përmes video-lidhjes do t’u mundësojë dëshmitarëve të flasin pa ankth.

Trupi gjykues ka vlerësuar që në këtë mënyrë do të përmirësohet cilësia e dëshmisë së tyre.

Në gjykimin kundër Pjetër Shalës deri tani janë dëgjuar katër dëshmitarë të ZPS-së, identiteti i të cilëve nuk është bërë i ditur për publikun.

Dëshmitarët kanë pretenduar se familjari i tyre ishte kidnapuar dhe mbajtur për gati dy javë në një fabrikë metali në Kukës.

Në krejt këtë, ata kanë thënë se ishte i përfshirë Pjetër Shala, i cili aktualisht ndodhet në bankën e të akuzuarit. Ai po qëndron në Hagë prej marsit të vitit 2021.

Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

Lajmet

BE-ja kërkon partneritet të fortë me qeverinë e re të Kosovës

Published

on

By

Shefi i Zyrës së Bashkimit Evropian në Kosovë, Aivo Orav, ka bërë thirrje për formim të shpejtë të institucioneve të reja pas zgjedhjeve parlamentare të 9 shkurtit.

Ai theksoi se Bashkimi Evropian ka nevojë për një partner në qeveri për të punuar dhe diskutuar së bashku në proceset integruese.

Orav gjithashtu përmendi se heqja e masave ndëshkuese ndaj Kosovës ka filluar, ndaj është i nevojshëm një bashkëpunim i ngushtë me autoritetet në vend, raporton KosovaPress.

Megjithatë, ambasadori i BE-së në Kosovë nënvizoi domosdoshmërinë e themelimit të Asociacionit të komunave me shumicë serbe në Kosovë.

Këto komente, Orav i bëri gjatë tryezës së diskutimit të mërkurën, lidhur me integrimin e Kosovës në Bashkimin Evropian, të organizuar nga Instituti i Prishtinës për Studime Politike dhe Lëvizja FO.

Continue Reading

Lajmet

Faton Peci reagon pas bastisjeve në Ministrinë e Bujqësisë

Published

on

By

Ministri në detyrë i Bujqësisë, Faton Peci, ka reaguar një ditë pas bastisjeve në Ministrinë e Bujqësisë dhe intervistimit të tij nga Prokuroria Speciale e Republikës së Kosovës.

“Jam i bindur që epilogu i këtij procesi do të jetë i njohur për ju, sikurse është i njohur për rreth 30 mijë fermerë që përfitojnë në baza vjetore subvencione dhe grante, dhe që njëherit janë dëshmitarët më të vëmendshëm në çdo cep të Kosovës. Ata, më së miri e dinë se në funksion të kujt e kam kryer detyrën zyrtare,” ka shkruar ai ndër të tjera në Facebook.

Policia e Kosovës, me urdhër të Prokurorisë Speciale të Republikës së Kosovës, zhvilloi të martën bastisje në Ministrinë e Bujqësisë.

Prokurori i rastit, Admir Shala, ka bërë me dije më 27 maj se Prokuroria Speciale ka nisur një hetim lidhur me dhënien në shfrytëzim të fabrikës për përpunimin e nënprodukteve shtazore.

Në raportin 24-orësh të Policisë së Kosovës thuhet se nga Njësia e Veçantë e Hetimeve janë kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë.

“Gjatë kontrollit janë sekuestruar pajisje elektronike (kompjuterë, telefona), si dhe dokumente të ndryshme në përputhje me urdhëresën e Gjykatës. Dy persona meshkuj kosovarë janë intervistuar dhe pas intervistimit në prani të avokatëve, me vendim të prokurorit, janë liruar në procedurë të rregullt,” thuhet në njoftimin e Policisë së Kosovës.

Continue Reading

Lajmet

Policia jep detaje për bastisjet në Ministrinë e Bujqësisë

Published

on

By

Policia e Kosovës njofton se gjatë kontrollit të zhvilluar të martën në Ministrinë e Bujqësisë, Agjencinë e Ushqimit dhe Veterinarisë (AUV), Agjencinë për Zhvillim të Bujqësisë dhe zyrën e një kompanie private, janë sekuestruar pajisje elektronike dhe dokumente të ndryshme.

Kontrolli është bërë në kuadër të hetimeve për dyshimet e keqpërdorimit të kontratës për dhënien me qira të impiantit të mbetjeve shtazore. Gjatë aksionit, janë intervistuar dy persona, të cilët janë liruar në procedurë të rregullt pas intervistimit në prani të avokatëve.

Nga Prokuroria është konfirmuar se ndër të intervistuarit ishin ministri i Bujqësisë, Faton Peci, dhe drejtori i Agjencisë për Ushqim dhe Veterinari, Bekim Hoxha. Rasti është cilësuar si “keqpërdorim i detyrës zyrtare”.

Në raportin 24-orësh të Policisë thuhet: “Më 27 maj 2025, bazuar në urdhëresën e Gjykatës Themelore të Prishtinës, Njësia e Veçantë e Hetimeve ka kryer kontrolle në Ministrinë e Bujqësisë, Pylltarisë dhe Zhvillimit Rural, Agjencinë e Ushqimit dhe Veterinarisë, zyrën e një kompanie private dhe Agjencinë për Zhvillimin e Bujqësisë. Gjatë kontrollit janë sekuestruar pajisje elektronike si kompjuterë dhe telefona, si dhe dokumente të ndryshme në përputhje me urdhër-njoftimin e Gjykatës. Dy persona meshkuj kosovarë janë intervistuar dhe pas intervistimit, me vendim të prokurorit, janë liruar në procedurë të rregullt.”

Continue Reading

Lajmet

Burg i përjetshëm për Jeton dhe Nexhat Vllasaliun për vrasjen e biznesmenit Bedri Rexhepi

Published

on

By

Gjykata Themelore në Prishtinë ka shpallur fajtorë Jeton dhe Nexhat Vllasaliun për vrasjen e rëndë të biznesmenit kosovar, Bedri Rexhepi. Të dy janë dënuar me burgim të përjetshëm.

Sipas aktgjykimit të shpallur, dy të akuzuarit e kryen këtë krim për qëllime përfitimi material. Më konkretisht, dyshohet se e vranë Rexhepin për një shumë prej 30 mijë eurosh.

Biznesmeni Bedri Rexhepi ishte zhdukur më 8 prill 2021, pasi kishte dalë nga banesa e tij në “Rrugën B” në Prishtinë. Për më shumë se një vit e gjysmë, nuk kishte asnjë informacion për vendndodhjen e tij, derisa pas një hetimi intensiv nga Prokuroria dhe Policia, trupi i pajetë i Rexhepit u gjet në një zonë të komunës së Novobërdës.

Në një konferencë për media, prokurori i rastit Armend Hamiti bëri të ditur se vrasja kishte ndodhur për përfitim material dhe se dy të akuzuarit kishin besuar se viktima posedonte një shumë prej rreth 30 mijë eurosh. Ata kishin planifikuar dhe më pas kryer vrasjen, ndërsa trupin e kishin fshehur.

“Pas sigurimit të provave dhe dëshmive të forta, kam ngritur aktakuzë për ‘vrasje të rëndë me bashkëkryerje’ dhe ‘dëmtim të kufomave’ kundër Jeton dhe Nexhat Vllasaliut. Hetimi zgjati rreth 18 muaj dhe përfshiu dëshmitë e 29 personave,” deklaroi prokurori Hamiti.

Ai theksoi se hetimi kishte përfshirë bashkëpunim të ngushtë me Policinë e Kosovës, Forcën e Sigurisë së Kosovës (FSK) dhe Agjencinë Kosovare të Inteligjencës (AKI), duke përfshirë edhe përdorimin e njësisë K-9 dhe mjeteve të tjera teknologjike në terren.

Me këtë vendim, drejtësia ka marrë një hap të rëndësishëm në ndriçimin e një prej rasteve më të rënda të viteve të fundit në Kosovë.

Continue Reading

Të kërkuara